דער 'עצם רעיון' פון חתונה תקנות

[מאמר קדישין]

[center]דער 'עצם רעיון' פון חתונה תקנות[/center]

(C) מאמר קדישין קאוועשטיבעל 2018 Kaveshtiebel.com

איינער פון די רבי'ס מיט וואס די וועלט איז באשאנקען, האט זיך לעצטענס אריין געלייגט אין די ארבעט צו פרישען די חתונה תקנות פון זיין סטאדע. די פרייז פון חתונה מאכען האלט אין איין שטייגען, און די תקנות וואס מ'האט אמאל געמאכט, זענען שוין פארדזשאווערט געווארען, און די ציבור האלט עס שוין נישט אויס. האט מען זיך געזעסען מיט בעליבתים און אויסגעארבעט א וועג וויאזוי די וואס פארקויפען טייערע מעבעל זאלען ווייטער קענען מאכען געלט, און די ציבור זאל קענען לייכטער חתונה מאכען. מ'האט געמאכט א סיסטעם פון הלוואות און נאך, איך בין נישט גענצליך באהאווענט אין די פרטים, אבער די עיקר איז אז מ'טוט עפעס אין דער געביט.

ווען איך הער\ליין אזעלכע נייעס, מערק איך א שטארקע אנטציקטקייט אויף דער עולם. 'ענדליך טוט מען צו דער זאך', 'איינער טראכט פון דער ציבור' און נאך אזעלכע זאצען ווערען געהערט אין די פארשידענע קאוועשטיבלעך פון די ציבור.

ביי מיר איז עס גארנישט אזוי, איך שפיר נישט אזא צופרידענקייט ווען איך הער די סארט נייעס, משיח איז נאך נישט אנגעקומען.

(C) מאמר קדישין קאוועשטיבעל 2018 Kaveshtiebel.com

ווען איינער דערקענט א פראבלעם מיט עפעס, און ער וויל עס לעזען, דארף ער צוערשט זוכען די שרש פון דער פראבלעם. אז נישט, וועט מען קיינמאל נישט קומען צו א סוף. נאך לעזונגען וועלען קומען, און די פראבלעם וועט טרעפען א וועג וויאזוי זיך דורכצושטופען פון אן אנדערען זייט.

וואס איז די פראבלעם? וואס באמת שטופט מענטשען אויסצוגעבען מער געלט ווי זיי האבען אויף חתונה מאכען? יעדער קרעכצט און יעדער שווענדט די געלט, וואס איז די פשט אין דעם? איך ווייס אז נישט אייביג טוהן מענטשען וואס זיי טוהן צוליעב שכל, אבער רבש"ע א גבול דארף זיין!?

נאר האמת יורה דרכו, פארשטייט יעדער, אז שידוכים איז די פלאץ אין לעבען ווי מען שטעלט זיך אפ און מיר רופען אויס ווער אונז זענען. א מענטש איז משדך מיט מענטשען וועלכע שטעלען אויף אים די זיגעל וואס ער איז. ער איז א 'בעלעבתישע', א 'רבנישע', א 'געלונגענע', אן 'אויבער חכם', יעדער לויט זיין שטעמפעל. מענטשען מאכען זיכער אונצוקומען ווי זיי דארפען, איינער נעמט זיך לערנען ווען זיין עלטסטער קינד ווערט זעכצען, א צווייטע ליעסט א נייעם קאר דעמאלס, א דריטע נעמט זיך סוד'עווען מיט עסקנים נאך מנחה על דא ועל הא. יעדער לייגט זיך אריין אין די באקס ווי ער באלאנגט.

און מאכט'ס נישט קיין טעות. די באקס איז נישט פון פאפענדעקעל געמאכט. דאס איז א באקס פון שטאל און אייזען, עס איז הערמעטיש פארמאכט, אדער ביסטו אריין אדער ארויס. זאת ועוד, עס איז נישט דא קיין פלאץ אין ווערצהויז פאר עפעס אחוץ באקסעס, מ'לאזט נישט שטייען גלאט אזוי אין דער זייט. אז דו ביסט נישט אין קיין שום באקס, האט מען שוין גרייט א באקס פאר דיר, און דו ביסט שטאט'ס נעבעך, א.ט.ד., 'פרעג נישט אויף איהם' וכדו'.

(C) מאמר קדישין קאוועשטיבעל 2018 Kaveshtiebel.com

און ווען מען קומט צום שדכן, מיר רעדען זיך דורך מיט די מחותנים וואס צו קויפען, האט מען שוין נישט קיין ברירה וואס מיר קענען ערלויבען און וואס מיר גלייכען. ניין, דו וועסט טון פונקט ווי דיין שטעלער אין דער גאס לאזט צו. אז דו ביסט א בעלעבתישע, וועט דיר גארנישט העלפען, אזא שטריימעל וועסטו קויפען און די סארט מעבעל וועלען דיין קינדער לייגען אין זייער אפארטמענט.

און דער שרש פון די פראבלעם ליגט שוין אין דער קינד'ס וויגעלע. מ'זאגט איהם אן אז ער זאל זיך אויפפירען אין א געוויסע וועג, נישט ווייל עס איז אויסגעהאלטען, נישט ווייל עס איז קלוג, נישט ווייל תורה פאדערט עס, נאר צוליעב דער שידוך. מיר וואקסען אויף מיט א באקס ארום אונז, מיר באלאנגען צו א גאנג און פראביר נישט צו טראכטען אנדערש.

יעצט וויאזוי קען א מענטש עפעס טוהן דערוועגען? קען ער דען זאגען אז ער קויפט נאר וואס ער קען ערלויבען? קען ער דען זאגען פאר די נייע מחותן אז ער זעט נישט קיין סבה צו שווענדען צען אלפים ועוד אויף א בעדרום סעט, ווען ער קען קויפען צוויי בעטען מיט א שאפע פאר בערך פינף הונדרעט דאללאר? קען ער דען זאגען אז א פאלדינג טיש פאר $70 איז פונקט גוט פאר א נייעם פארפאלק און טאמער זיי ווילען עפעס מער זאלען זיי דאס אליינס קויפען? קען ער זאגען זיין טאכטער אז זי האט גארנישט אזוי וויכטיג פראדוצירט אין איהר לעבען אז א פאר טויזענט דאללאר דארף אויסגעגאסען ווערען אויף איהר רינגעל, און זי זאל זיין דאנקבאר אז זי באקומט א רינגעל פאר $150? ווען ער טוט אזוי, ברענגט ער אונטער זיין גאנצע לעבען, ער שלעפט זיך ארויס פון די באקס, ארויס פון די ווערצהויז און ארויס פון די גאנצע סיסטעם! ער גראבט אונטער די גאנצע חינוך זיינער.

(C) מאמר קדישין קאוועשטיבעל 2018 Kaveshtiebel.com

נו, וויאזוי קען מען לעזען אזא פראבלעם? ווייס איך נישט, אבער כאטש מאך נישט די פראבלעם ערגער.

קומט איינער און ער האט א לעזונג. וואס איז דאס? אנשטאט'ס נאכגייען די פסוק 'פתח חרצבות רשע, והתר אגודות מוטה', עפען אויף די קייטען פון שלעכטס, בינד אויף די פארבאנד פון בייגען די דין, מאך די ראמען פון די באקסעס לויזער און לייכטער דערפון ארויס צו טאנצען, האט ער זיי שווערער געמאכט! תקנות שטרעכלען פשוט אונטער די פראבלעם. יא, ער וועט טרומפייטען כדרכו וויפיל געלט האט ער געשפארט פאר די ציבור, אבער די 'עצם רעיון' הפראבלעם האט ער נאך פארערגערט.

לאזט אפ תקנות! לאזט אפ דעם ציבור! ווילסט עפעס אויפטוהן? זיי מבטל די פאראכץ אין קרית יואל אויף שבועות. פארמאך דיין דף הקהלה משוגעס. הער אויף מאכען אסיפות. לאז דער עולם אין בני ברק אליינס אויסוויילען זייער רב. בינד אויף דיין אייזענע קייטען מיט וואס די ציבור איז איינגעבינדען, לאז א מענטש טראכטען אליינס. דעמאלס וועט ער קענען אויסזאגען קלאר וואס ער וויל אין די שידוך, נישט וואס די ציבור וויל פון אים.

דער 'עצם רעיון' הפראבלעם איז דער רבי'ס אנהאלטען דער ציבור ביים גארגעל, דער ציבור'ס אנהאלטען די מענטשען ביים גארגעל. עס מוז אזוי נישט זיין. די ליטוואקעס לעבען נישט אזוי, די מאדערן ארטאדאקס לעבט נישט אזוי, און אינדערהיים האט מען נישט אזוי געלעבט. עס האט נישט מיט אידישקייט און נישט מיט חסידישקייט, דאס איז בלויז אן אמעריקאנער טפשות מיט תאוות המאכט מצד די פירערס.
די תקנות זענען א גרויסע טובה פון ר' אהרן. עס קאסט אים גארנישט און עס האלט דער עולם מער פארבונדען אין זיין ביזנעס. ער קען טון וואס ער וויל און זיין ביזנעס וועט ווייטער אנגייען, מ'וועט שוין טרעפען א תשובה ערגעץ אים צו פארטיידיגען. אבער די 'עצם רעיון' פון איבער צאלען פאר זאכען וואס קיינער דארף נישט ווערט נאר ערגער פון טאג צו טאג און תקנה צו תקנה.

(C) מאמר קדישין קאוועשטיבעל 2018 Kaveshtiebel.com

[יעקב מענטש]

אז דו ווילסט אריינגיין אין דעם עצם קאנטראל וואס א רבי פארמאגט אויף זיינע חסידים, פיין! זאל זיין אזוי.

אבער אטאקירן דעם רבין ווען ער נוצט זיין קאנטראל לטובת הציבור?

נאריש

[calculator]

א בחינה פין די "עצם רעיון הציונות"

א יעדע זאך ביי זיי איז דאך אזוי פארדרייט אין מען מיז אייביג צירוק גיין צי די "עצם רעיון"

[ליטוואק פון בודאפעסט]

ווער איז דער זיי? דער מענטשהייט?

Sent from my LG-K373 using Tapatalk

[שמעון וואלף]

דברים כדרבונות.
איך אגרי אז די חתונה תקנות וועלן טויגן פונקט ווי די חתונה תקנות פון פאריגן גלגול. ווילאנג מ'אטאקירט נישט די "עצם רעיון" פון די פארקרימטע לייף סטייל, וועט אלעס בלייבן ביים אלטן.
נאר דאס וואס דיין צארן איז געצילט צום רבי'ן, איז לדעתי נישט ריכטיג. רוב רבי'ס האבן נישט קיין אהנונג וואס גייט פאר אינדרויסן פון זייערע ד' אמות. א רבי איז קאנטראלירט וואס און וויפול ער ווייסט. ער ליינט נישט קאווע שטיבל און מיטאמאל אייוועלט. ער זעהט בלויז וואס שטייט אין בלאט ווי ער ווערט אויסגערימט וואך איין וואך אויס, מ'איז מסביר דארט ווי הייליג און קליג ער איז און אז ער איז די איינציגסטער אויף וועם די דור קוקט ארויס זאל עפעס טון אונז צו העלפן. אויף אזא איינעם קען מען נישט האבן קיין טענות. ער האלט באמת אז די וואס קומען אויף קרית יואל שבועות, שעפן זיך אן מיט חיזוק אויף א גאנץ יאר. טא, וויאזוי קען ער טראכטן פון עס מבטל זיין. ער האלט אז אנע דעם וואס ער זאל זיין אינוואלווד און איך משתתף זיין ביי די עקסטראוואגענדע סיומים איז נשתכחה תורה מישראל. ער האלט אז און גאנץ בני ברק טרעפט מען נישט אזא חכם ונבון ווי אים וואס פארשטייט ווער ס'זאל זיין רב, ראש ישיבה, און משגיח.

מיין טענה איז נאר אויף די בעלי בתים. ווי איז ענקער שכל? עטץ ווייסט דאך יא אז די תקנות איז ווי די חעלעמע שפיטאל לעבן בריק, פארוואס קלער עטץ נישט אויף ענקער רבי זאל טון צו די זאך?

[טרויבן88]

@מאמאר קדישין, די קאפירייט אינמיטן די ארטיקל מאכט אייך אויסקוקן ווי א שטיקל בעל דמיון, און נעמט אוועק די מעגליכקייט צו ליינען די ארטיקל אָן א בייעס, עס איז גראדע גאנץ גוט, נאר א שאד אויף די נארישקייטן אינמיטן, און בככל קען מען עס נישט קאפיען און אויסמעקן די קאפירייט סימבאלן?

[אונטער חכם]

האסט זייער גוט ארויסגעברענגט די סיבה פארוואס מענטשן געבן אויס אזויפיל געלט ביים חתונה מאכן, אבער איך זעה נישט וואס עס האט מיט חסידות און פארטייאישקייט, כאטש דאס איז א פראבלעם פאר זיך.
אדרבה, איך וואלט געזאגט אז פארטייאישקייט קען דינען אלס אלטערנאטיוו פאר די אלע געברויכן פון זיין אנגענומען אין סאסייעטי.

[ליטוואק פון בודאפעסט]

נישט דא וואס צו מאכען, ער טענה׳ט גוט.
נאר אומפראקטיש. אויב די פראבלעם איז אזוי ווייט, ט׳ווי קען מען האפען אז דער לעזונג וועט קומען פון די פיהרערס דערפון?

יעדער מוז טרעפען אן עצה פאר זיך, און ער וועט שוין טרעפען חברים און מיטרייזערס.

Sent from my LG-K373 using Tapatalk

[שושן פורים]

האסט זייער גוט ארויסגעברענגט די סיבה פארוואס מענטשן געבן אויס אזויפיל געלט ביים חתונה מאכן, אבער איך זעה נישט וואס עס האט מיט חסידות און פארטייאישקייט, כאטש דאס איז א פראבלעם פאר זיך.
אדרבה, איך וואלט געזאגט אז פארטייאישקייט קען דינען אלס אלטערנאטיוו פאר די אלע געברויכן פון זיין אנגענומען אין סאסייעטי.

זייער פשוט, די געדאנק פון פארטייאישקייט מיינט אז אנשטאט אן אינדעווידואל זאל אליינס מאכן זיינע באשלוסן באזירט אויף זיין פארשטאנד, גייט ער על פי רוב מיט די פארטיי ליניע.

וואס דארפן מיר מער פון "אריזאנא ווייץ" אדער "מוסקאווי קאטשקעס" וכדו' ווי כמעט אלע רבנים האבן מיסטעריעזיש געפסקנט פונקטליך לויט די פארטיי ליניע.

די כלל איז, ווי מער אפגעזונדערט א מענטש איז פון מאכן אייגענע החלטות אינעם טאג טעגליכן סדר היום, אלץ שווערער איז עס ווען עס קומט צו גרעסערע החלטות ווי חתונה סטאנדארט אד"ג.

[קומזיץ]

שוין ווייטער זענען די רבי'ס שילדיג , פארוואס איז נישט דא אפאר עסקנים אזוי ווי ביי הצלה , קרן עזר , ביקור חולים ' בוני עולם וכד' וואס זאלן העלפן מאכן חתונה גרינג אן די רבי'ס הילף ווייל קיינער וויל עס נישט יעדער שעמט זיך פון א צווייטען ,
און ס'איז נישט נאר און סאטמאר ס'איז די זעלבע ביי א עמך יוד וואס האט נישט קיין רבי וואס ס'איז דא אסאך פון דעם און ב"פ ס'איז נישט נאר און וויליאמסבורג אדער בפ איבעראל איז דא זייער סאציאלע פרעשאר וואס א מענטש שפירט ער מיז זיך צושטעלן צו דעם ס'האט נאך קיינער נישט חתונה געמאכט און ביהמ"ד אדער אינדערהיים אפילו ביי די ליטווישע אדער מאדערנע
אז מ'ואונט אין א שטאט איז דא סאציאלע דרוק נישט צו זיין פון די ארויסגעפאלענע
און אמעריקא איז עס די טייערע furniture , און א"י איז עס דירות און א סאטמארע חסיד און א"י וועט נישט קויפן די זעלבע ווי א סאטמארע חסיד און ברוקלין ווייזט אויס עס האט גארנישט מיט די חסידות
און אז א רבי מאכט א גרויסע חתונה זייער אסאך מאל ווילען די חסידים אז עס זאל זיין מעכטיג
און בכלל אז אלע חסידים ווילען דארט זיין אוטומאטיש מאכט מען א גרויסע חתונה , די פלעטצער ווי עס ארבעט איז נאר ביי א חסידות למשל ר' יואל ראטה אדער און מאנסי קען מען האבן א חתונה פאר ביליג .

[ליטוואק פון בודאפעסט]

נאכאמאל, עסקנים זאלען שטייען און שמייסען מענטשען ביז זיי כאפען וואס זיי דארפען טוהן? The beatings will continue till morale improves? ווי קומען עסקנים דא אריין? די וואס דערדרוקען די ציבור און רעדען זיי איין אז אלס קומט פון צענטראל קאמאנד זאלען דאס אויפהערען. ער מוז נישט האבען א שטיבל און א חדר אין יעדער געגענט, ער מוז נישט פיהרען די פריוואטע לעבען פון זיין חסיד אין א צווייטע שטאט, ער מוז נישט עפענען חיים של אושר ארגאניזאציעס אז יעדער יונגערמאן׳ס הייראטונג איז א חלק פון די צענטראלע באוועגונג, ער מוז נישט מחליט זיין ווער ווערט דיין אויף די אידען אין מאנטרעאל, וכן נמי הונדרעטער זאכען וואס זענען געמאכט בכוונה תחילה אז דער מענטש זאל נישט האבען א הו"א אז ער עגזיסטירט אליינס.
אוודאי דערנאך זאגט מען ׳אזא שיינער חסידות׳. און דארט שטעקט די פראבלעם.

Sent from my LG-K373 using Tapatalk