חינוך ענגלאנד

[טאמבל סאס]

ווייסיך שוין. אז ממאכט אן עצרת תפלה איז זיי לייכטער געווארן שוין פריער מחמת די אינסטאנצן האבן זיי נאכגעלאזט נאר די עולם וייסט נאכנישט. די עצרת תפלה איז נאר מען זאל קענען זאגן אז דא איז ממש א נס געשעהן און די כח הרבים האט געזיגט.

[בן ישי]

.

[בן ישי]

https://yiddishevinkel.com/archives/13789

עס שוועבט שוין די לעצטע יארן שווערע גזירות איבער די חינוך פון די לאנדאנער מוסדות, און די מוסדות התורה אין שטאט פלאגן זיך גאר שווער צו באהאנדלען די אנגייענדע פראבלעמען, וועלכע ווערן כסדר שווערער און מער קאמפליצירט. די עקזיסטענץ פון די מוסדות החינוך און יהדות החרדית בכלל שטייט יעצט פאר זייער אן ערנסטער געפאר.

די זארג האט זיך פארגרעסערט ווען אין די טעג, איז די ענגלישע “ערציאונג דעפארטמענט” ארויס געקומען מיט א ‘דראפט-געזעץ’ וועגן נייע גזירות החינוך, מיט גזירות נוראות אויף גאר האקעלע און יסודות’דיגע ענינים פון אונזער אמונה.

לויט די נייע געזעץ וועט די רעגירונג איינטיילן וואס מען מעג יא לערנען, וואס מען מעג נישט לערנען, און וואס מען מוז לערנען, וואס איז ווי פארשטענדליך זייער א שווערע גזירה פאר ערליכע אידישע קינדער.


אויב וועלן אט די גזירות חלילה אריינגיין אין קראפט, וועט נישט מעגליך זיין צו האלטן א אידישע מוסד אין גאנץ ענגלאנד, סיי יונגלעך סיי מיידלעך, פשוטו כמשמעו. די דעפארטמענט שרייבט זעלבסט אין זייער אפשאצונג פון די נייע געזעץ, אז די געזעץ וועט פאראורזאכן ”אויסטערלישע שווערע רעזולטאטן אויף די אלטרא-ארטאדאקסישע מוסדות”.

זיי שאצן אויך אז זיי ”ערווארטן שוועריגקייטן פאר קינדער צוליב דעם וואס די מוסדות פארמאכן זיך” אבער ”עס וועט נאר זיין א צייטווייליגע פראבלעם, ביז די קינדער טוען זיך איינגלידערן אין פובליק סקולס”. רח”ל.

מען פרובירט צו מאכן שתדלנות, צווישן די פילע פעולות האט מען אויך געמאכט א גרויסע פעטיציע דרייוו, וואו טויזענטער עלטערן האבן אונטערגעשריבן זייער פארלאנג אז זיי ווילן ערציען זייערע קינדער לויט די תורה הקדושה, און אז די רעגירונג זאל זיך נישט אריינמישן.

אבער ווי עס זעט אויס זענען די ערציאונג מיניסטארן אויסן צו רודפ'ן די היימישע מוסדות התורה. כלל ישראל ווייסט דעם אלטן כלל אז “אין כוחינו אלא בפה”, און דערפאר האבן די רבנים פאררופן אויף נעכטן א גרויסער מעמד עצרת ובקשת רחמים, צו איינרייסן וועלטן אז די גזירות זאלן בטל ווערן.

ווי די פאליציי שאצט האבן זיך באטייליגט ארום זיבן טויזענט חרד'ישע אידן ביים גרויסן עצרת אין סטעמפארד הילל, לאנדאן, און אינאיינעם האט מען בוקע רקיעים געווען ביים גרויסן באשעפער להעביר את רוע הגזירה.

דער עצרת האט זיך אנגעהויבן מיט א געשריי צו די קינדער “ווען איר זענט מתפלל, שרייט הויעך: טאטע, טאטע, העלף אונז”. און איז געשלאסן געווארן מיט א וויי געשריי פון טויזענטער צובראכענע הערצער “שמע ישראל”, ווען מען האט זיך מקבל געווען עול מלכות שמים.

[בן ישי]

איך הער אז איינע פון די עלטסטע תלמוד תורה'ס אין לונדון איז פארמאכט געווארן לעצטע וואך דורך די גאווערמענט

[ליטוואק פון בודאפעסט]

יא, געטער'ס חדר איז פארמאכט געווארן.

[אונטער חכם]

וויפיל קינדער לערנען אין דעם מוסד? און וואס טוען זיי?

[קומזיץ]

Wow זעהט אויס ווי ס'איז נישט קיין פשוטע מצב דארטן
האבן זיי עס צוגעמאכט לחלוטין אדער נאר צייטווייליג ביז מען וועט זיך דורכקומען מיט די רעגירונג?

[ליטוואק פון בודאפעסט]

ניין, לחלוטין.
דא קען מען זען די המודיע פון פרייטיג

https://www.ivelt.com/forum/viewtopic.p ... 7#p1720317

[נעגעל וואסער]

כפי מה ששמעתי, האט די רעגירונג דאס נישט פארמאכט, זיי האבן דאס אליינס צוגעמאכט כדי נישט צו זיין געבינדן צו די געזעץ וואס פארלאנגט פון זיי געוויסע ענינים וואס איז נישט כפי רוח התורה.
יעצט איז דאס נאר אפען בתורת פלעיגרופ, און עס איז אומלעגאל פאר זיי צו לערנען סיי וועלכע ענגלישע לימודים, ווייל אויב לערנט מען עטליכע לימודים איז דאס נאר לעגאל אין א געהעריגע סקול. ובכן, נעקסטע מאל זיי וועלן לערנען ענגליש מיט די קינדער, און אן יווני אפיציר שפאצירט אריין, וועט מען מוזן ארויס נעמען די דריידלעך און גלייך לערנען די הייליגע תורה! ווייל אויב פאקט מען זיי ביי ענגליש, זענען זיי אויך געהאקטע צרות.

[מור וקציעה]

ניין, לחלוטין.
דא קען מען זען די המודיע פון פרייטיג

https://www.ivelt.com/forum/viewtopic.p ... 7#p1720317

דא קען מען זעהן די זעלבע המודיע ארטיקל אנליין
https://hamodia.com/2018/03/21/chareidi ... nspection/


לויט די אפסטעד שטאטישע באריטען האט די ת"ת 230 יונגלעך