אונזער אויפריכטיגע פרעסע (אטא ווארמביער)

[diff]

השנאה לטראמפ מקלקלת את השורה

[סמבטיון]

פארענדיג היינט אויפן הייוועי האב איך געהערט אויפן רעדיא ווי מען זאגט יא קלאר אפען אז די נאורט קארעא האבן אים ערמארדעד.

[איסר האטלקי]

וואו שטעקט די שיינקייט ווען מען באשולדיגט נישט א בלוט-דארשטיגע מדינה וואס האבן אומשולדיגערהייט אויף הונדערט פראצענט זיכער דערמארדערט א (אידיש, מאכט סיי ווי נישט אויס,) קינד?
נאכדערצו ווען מען רעדט פון א מידיע וואס יעדן טאג באקן זיי נייע מעשיות מיט קאנספיראציעס וואס זענען נישט געשטויגן און געפלויגן, און האבן נישט קיין שום מורא אז מארגן גייט ארויפשווימען די ווארהייט פון די מציאות, פונקט דא זענען זיי וואוילע און איידעלע לייט??

איך האף אז ביים שרייבן האסטו דאס געמיינט צו זאגן, [tag]העניך[/tag] טייערער, נאר מיין גלייכער - איין-גאנג פארשטאנד האט נישט געכאפט די וויץ וואס ליגט דערינטער...

[קורקלענד]

אונזער אויפריכטיגע פרעסע מאכט אביסעלע מיט. פון איין זייט האט סי.ען.ען. געדארפט צוריקציען אויף אן ארטיקל און דריי דזשורנאליסטן האבן געדארפט רעזיגנירן.

פון די אנדערע זייט איז איצט ארויסגעקומען דורך דזשעימס או'קיף א ווידיאו פון זיצונגען ביים הויפטקווארטיר פון סי.ען.ען. וואס איז געכאפט געווארן באהאלטענערהייט. קען מען זעהן מער ווייניגער ווי פארזיכטיג אונזער אויפריכטיגע פרעסע איז.........

[קורקלענד]

בשעת די דעבאטע האט קלינטאן געניצט א טענה אז זיבעצן אינטעליגענץ אגענטורן האבן מחליט געוועזן אז רוסלאנד האט געהעקט די די.ען.סי. אימעילס און עס איבערגעגעבן פאר וויקיליעקס. די אויפריכטיגע פרעסע האט אויך געהאלטן און איין פראפעלירן אט די נאראטיוו. די 'פעקט טשעקערס' האבן אויך מעיד געווען אז קלינטאן האט געזאגט די אמת.

למעשה שטעלט זיך ארויס אז ס'איז נאר א קארגע פיר אגענטורן און אלע אנדערע האבן נישט מסכים געווען אויף די החלטה.

שטילערהייט האט די ניו יארק טיימס רעדאגירט אן ארטיקל צו פארעכטן יענע פעיק ניוז.

[קורקלענד]

א שיינע איפאגראף וואס צייגט וויאזוי געציילטע יחידים מיט טיעפע טאשן קאנראלירן אונזער אויפריכטיגע פרעסע.

http://static2.businessinsider.com/imag ... raphic.jpg

[קורקלענד]

אן אריכות פון אן ארטיקל אויף די די.ען.סי. לינק, וויאזוי אונזער אויפריכטיגע פרעסע רעכענען זיך נאר מיט פאקטן וואס שטימען מיט זייער אגענדע.

[קורקלענד]

אונזער אויפריכטיגע פרעסע איז שוין ווייטער אין הייס וואַסער.........

[קורקלענד]

.

[זרח]

אטא ווארמביער, א 22-יעריגער סטודענט וועלכער איז ארעסטירט געווארן אין צפון קארעא אויף דער באשולדיגונג אז ער האט געוואלט גנב'ענען א פראפאגאנדע פלאקאט, איז צוריקגעקומען אהיים פאריגע וואך אין א קאמע, און איז נעכטן געשטארבן. די דאזיגע געשיכטע איז א גאר טרויעריגע, אבער כ'וויל מיך אפשטעלן אויף איין פרט וואס איך מיין אז עס איז ווערד ארויסצוברענגען.

מיר לעבן אין א תקופה אין וועלכער "פעיק ניוז" איז געווארן א שטארקער טערמין וואס מ'ווארפט בכל עת מצוא. מיר צווייפלען אסאך אין דער אויפריכטיגקייט פון דער פרעסע, און מיר האבן אלע סארט פראבלעמען מיט פארשידענע נייעס-קאנאלן, יעדערער לויט זיינע אדער אירע פארטייאישע אפיליאציעס.

אפט כאפט זיך אריין א געדאנק אז מיר דא אין אמעריקע האבן דאך אויך א פראפאגאנדע אפאראט פונקט ווי אין אנדערע מדינות. אונזער מידיע איז דאך געבויגן צו לויבן אמעריקאנער פאליסיס און צו געבן דווקא אונזער רעגירונג'ס פערספעקטיוו. איז דאך פשט אז מיר ווערן אנגעגעסן מיט אונזער אייגענער פראפאגאנדע און בייעס. אלזא מיט וואס זענען מיר אנדערש פון דער רוסישער פראוודא, אדער די צפון-קאעאר רעגירונג-קאנטראלירטע טעלעוויזיע?

צוריק צו ווארמביער. ווארמביער איז געווען א געזונטער און קלוגער בחור, וועלכער איז שטערבליך קראנק געווארן הארט נאכ'ן פאר'משפט ווערן צו 17 יאר שווערער ארבעט אין צפון קארעא. די צפון קארעא רעגירונג טענה'ט אז די קראנקהייט איז געווען א צופאל, אבער יעדער פארשטייט אז ס'איז כמעט ברור אז דאס איז געקומען פון דער דארטיגער רעגירונג'ס שרעקליכער באהאנדלונג.

עס איז אויך קלאר אז אויב וואלט עס געווען א צופאל וואלט צפון קארעא דאס גאנץ גרינג געקענט אויפווייזן דורך דאקומענטירן דעם גאנצן פראצעס. זיי וואלטן אוודאי געמאכט ווידעא רעקארדירונג באלד ווען ער איז קראנק געווארן צו קענען ווייזן וואס איז געשען, און וואס זיי טוען עס צו באהאנדלען. דער פאקט אז זיי טוען דאס נישט איז לכאורה נאך א שטארקער אנדייטונג אז זיי האבן דא געטון א שרעקליכע מעשה נבלה.

אבער הערט זיך צו צו דער אמעריקאנער פרעסע און פאליטיקאנטן. רוב רובם קומען נישט ארויס מיט קלארע באשולדיגונגען קעגן צפון קארעא פאר'ן ערמארדן ווארמביער. יא, יעדער פארדאמט די דארטיגע רעזשים פאר זיין ארעסט, אבער נישט זיין קראנקהייט. דא און דארטן לאזן געוויסע פאלן ווערטער, אבער קיינער זאגט עס נישט קלאר און אפיציעל.

איך זע דא א געוואלדיגע מדריגה פון אמת. כאטש ס'איז 99% קלאר אז צפון קארעא האט גע'הרג'עט אטא ווארמביער, וועלן די פרעסע לייט און די פאליטיקאנטן דאס נישט זאגן אפן און קלאר היות ס'איז נישט קלאר באשטעטיגט. זיי פרובירן אז מענטשן זאלן אליין צוקומען צו דער שכל'דיגער מסקנא, אבער נישט קיין באשולדיגונגען. "כמעט זיכער" איז נאך נישט "זיכער" אין אן אויפריכטיגער פרעסע.

אונזער פאליטיק און פרעסע האבן אסאך פראבלעמען, אבער אמאל מעג מען באמערקן עפעס שיין.

אויב מעג איך ציטירן, איך האב בכלל נישט רחמנות אויף אטא ווארמביער. איינער וואס גייט קיין צפון קארעא איז בבחינת מאבד עצמו לדעת