אישתישבי האט געשריבן:עמעזאן האט געשריבן:היינט געשטעלט די מצבה, איך געדענק נישט אזעלכע איבערגעטריבענע שבחים אויף א מציבה ווי דאס.
זיין גלאנץ וואס האט עם ארויסגעשטעלט אלס רעדנער איז געווען וועגען זיין קונצליכע שטומע מיט שימנע לשונות, זהו.
קיינמאל געווען מגדולי הרבנים און זיכער נישט חכימא דיהודאי מילד גערעדט
גראדע יא מגדולי הרבנים, און גראדע נישט געווען א נאר. חכימי דיהודאי איז אבער רעזערווירט פאר דער וואוידיסלאווער.
אויפ'ן וואידסלאווער שרייבט מען עס אויך נאר אין דער איד וכדומה, נישט אויפ'ן מציבה.
לגבי "מגדולי הרבנים" בין איך נישט זיכער וואס די מיינסט ווייל איך האב קיינמאל נישט געהערט מ'זאל נאכזאגן עפעס א פסק הלכה אין זיין נאמען. נישט אז ער האט נישט געקענט לערנען, נאר איינער וואס באקומט אזא טיטול וואלט איך עקספעקטעט צו זיין עפעס מער ווי א לאקאלע רב. דאס אז ער איז געווען א געלונגענע רעדנער איז נישטא וואס צו רעדן אבער פארדעם קומט זיך א טיטול מגדולי הדרשנים.
ביסט גערעכט מיט דעם אז ער איז געווען א מענטש מיט א ברייטע פארשטאנד און ער האט טאקע ארויסגעהאלפן אסאך אידן. אויך האט ער זייער קלוג געהאנדעלט מיט די סאטמערע פאליטיק. כאטשיג ער האט נישט געקענט דערליידן מהר"א, און דער ברך האט ער אויך נישט אזוי ליב געהאט, איז אבער נישט ארויפגעטאנצן אויפ'ן וואגן תש"ס ווי אסאך אנדערע, נאר מיט שכל האט ער יעדע זאך שוקל געווען צו טון לויט ווי ער האלט איז ריכטיג.
איך דערמאן מיך ווען תוא"י רבי איז געקומען און איינגעשטאנען ביי יצחק ראזענבערג און די זאליס האבן אים מחרים געווען צוליב וואס ער איז מחזק א "הולך לערכאות" איז געווען דעמאלטס א טיי אווענט ביי יצחק און שטוב און קיין איין רב אין וומ"ס איז טאקע נישט געגאנגן חוץ ר' בערל וואס האט זיך אנגעפיפען אויף די פרעשור און געטון ווי זיין אייגענע שכל האט דירעקטירט.
