פארוואס האט נישט לשה"ק א ווארט אויף "יא"?

[מיימון]

שופטים יב ה
ויאמרו לו אנשי גלעד האפרתי אתה ויאמר לא
יהושע ה יד
ויאמר לא כי אני שר צבא יקוק

מען קען אבער נאך אלץ לערנען "נישט" און נישט "ניין". ביי ויאמר לא כי צחקת זאגט רש"י לא כדבריך הוא אלא צחקת
עס געפעלט מיר אבער דער פשט וואס נהורא זאגט אז דאס איז נאר א שריפטליכע שפראך. דער גאנצער לשון המקרא זעט אויס ווי אזא מין שריפטליכע לשון מיט א ריטעם און טראפן עס איז מסתבר אז בדיבור זענען געווען שינויים

[נהורא נפישא]

שופטים יב ה
ויאמרו לו אנשי גלעד האפרתי אתה ויאמר לא
יהושע ה יד
ויאמר לא כי אני שר צבא יקוק

מען קען אבער נאך אלץ לערנען "נישט" און נישט "ניין". ביי ויאמר לא כי צחקת זאגט רש"י לא כדבריך הוא אלא צחקת
עס געפעלט מיר אבער דער פשט וואס נהורא זאגט אז דאס איז נאר א שריפטליכע שפראך. דער גאנצער לשון המקרא זעט אויס ווי אזא מין שריפטליכע לשון מיט א ריטעם און טראפן עס איז מסתבר אז בדיבור זענען געווען שינויים

ייש"כ פאר די געפינס פון שופטים. די פסוק פון יהושע איז דאך ווי די פסוק לא כי צחקת.
וואס ברויך גרינטליכער אנאליזירט ווערן איז טאקע ווי אפט יא און ניין שאלות זענען אין מקרא, ווייל בפשטות איז דאס שטארק אפט אין טאג טעגליכן באנוץ. דאן דארף מען זען אויב די אנטווארט וואלט געקענט זיין א פשוטע לא און פונדעסטוועגן ברענגט די פסוק אלס אן אנטווארט די גאנצע זאץ וואס טוט אפשלאגען די פראגע ווי איידער א פשוטער לא. וואס אזא זאך אומרת דרשוני און דאס ווייזט אן אז די סדר אין מקרא איז נישט צו ענטפערן ניין אזויווי אין אנדערע שפראכן. איי מ'טרעפט יא איינס אדער גאר געציילטע, און נאכאמאל דאס דארפן מען אנאליזירן לויט די ראטע וואס מ'טרעפט בכלל אט די סארט יעס אר נא פראגען, דארף מען זאגן אדער איז דא אפשר אריינגעפאלן די גערעדטע ווארט ווי איידער די געשריבענע ווארט און דאס איז טאקע נישט אויסגעהאלטן פון א ליטערארישן זין אדער להצד אז אפילו אינעם גערעדטן ווארט איז נישט געווען די סדר זיך צו באנוצן מיטן לא, קען מען זאגן אז די איינצלענע געפינסן שטייגן נישט איבער די געווענליכע ראטע פון גראמאטישע פלאנטערס וואס געפינט זיך גאנץ אפט אין מקרא, בבחינת אין לו עד במקרא.

[מיימון]

חגי ב יב-יג
הן ישא איש בשר קדש בכנף בגדו ונגע בכנפו אל הלחם ואל הנזיד ואל היין ואל שמן ואל כל מאכל היקדש ויענו הכהנים ויאמרו לא ויאמר חגי אם יגע טמא נפש בכל אלה היטמא ויענו הכהנים ויאמרו יטמא

דא זעט זיך שטארק ארויס דער דיפערענץ צווישן ניין און יא און מען זעט קלאר אז יא פעלט. נאכאלץ איז אבער מעגליך ווי איך האב אויבן מרמז געווען אז עס מיינט נישט. כאילו לא - יקדש. דער פעולה איז באהאלטן אינעם ווארט ווי דער אבן עזרא שרייבט ענליך אין תהלים ג ח

[נהורא נפישא]

חגי ב יב-יג
הן ישא איש בשר קדש בכנף בגדו ונגע בכנפו אל הלחם ואל הנזיד ואל היין ואל שמן ואל כל מאכל היקדש ויענו הכהנים ויאמרו לא ויאמר חגי אם יגע טמא נפש בכל אלה היטמא ויענו הכהנים ויאמרו יטמא

דא זעט זיך שטארק ארויס דער דיפערענץ צווישן ניין און יא און מען זעט קלאר אז יא פעלט. נאכאלץ איז אבער מעגליך ווי איך האב אויבן מרמז געווען אז עס מיינט נישט. כאילו לא - יקדש. דער פעולה איז באהאלטן אינעם ווארט ווי דער אבן עזרא שרייבט ענליך אין תהלים ג ח

אריינקוקענדיג יעצט אין קונקערדאנציע מערק איך נאך א דריטע פסוק אין וואס עס איז פארהאן א זעלבסשטענדיגע לא. הלא אנכי אותנך אשר רכבת עלי מעודך עד היום הזה ההסכן הסכנתי לעשות לך כה ויאמר לא (במדבר כ"ב ל')
איך פארשטיי נישט פונקטליך מיט וואס איר זענט זיך מדחיק אז די אלע פלעצער מיינט לא נישט ווי איידער ניין ווייל עס באציט זיך צו די פעולה אין די פראגע, אין יעדן פאל טוט דאך די ניין זיך באציען אין די פראגע. דערפאר דארף מען לכאורה זאגן אז לא קען יא ווערן גענוצט אלס א זעלבסשטענדיגע מילה השוללת.
מ'דארך נאך אלס באמערקן אז א מילה השוללת איז מער נאטורליך ווי א מילה החייבת וויבאלד די לא מוז דאך ממילא זיין אלס א נישט און פון דארט איז עס זיך גרינג נשתלשל אלס א ניין משא"כ א מילה המחייבת האט דאך נישט פון ווי נשתלשל צו ווערן צוליב דעם וואס די חיובי ליגט דאך שוין אין די תיאור הפעולה.
מ'קען זיך אפשר מצייר זיין אז די העברעער האבן געהאט אויב נישט אין גערעדטע שפראך לכה"פ אין א געוויסע קערפערליכע אויסדרוק אויסצודריקן א יא פונקט אזויווי עס איז כמעט אוניווערסאל היינט צישאקלען מיטן קאפ.

[berlbalaguleh]

נהורא נפישא: דו האסט מיר כמעט אויסגעכאפט מיין מחשבה. אז מ'קען שאקלען מיט'ן קאפ צו מרמז זיין פאר יענעם וואס די כוונה פונ'ם משיב איז...!

אויף דעם איז דא א שיינער טייטש. (געהערט פון מיין רבי'ן אין חדר.) ווען יעקב אבינו האט געפרעגט זיין שווער דעם וועלט'ס שווינדלער לבן אויב די איז רחל (אויף לאה), האט ער געשאקלט מיט'ן קאפ אויף יא.ווען ס'האטציך אויסגעשטעלט שפעטער אז לבן האט איהם אויסגעפאפט איז יעקב אבינו געקומען מיט טענות. האט איהם לבן געענטפערט. איך האב דיך גארנישט אויסגעפאפט. נאר דו האסט נישט פארשטאנען וואס איך האב געמיינט צו זאגן...לבן האט געזאגט..."לא"...אויף צו זאגן ניין, יעשה ..."כן"... מאכט מען מיט'ן קאפ אזוי ווי די גאנצע וועלט זאגט יא...במקומינו...ביי אונז...!