ניי-אנטעדעקטע מינים (species) פון חיות

[יידל]

מען האלט אין איין אויפדעקן נייע און פרישע מינים פון חיות, בהמות, פיש און אינסעקטן. (אין די וויסנשאפטליכע וועלט, ווערט א מין עפ"ר גערעכנט לויט מיט וועם די חיות זענען זיך מזווג, ווי אויך לויט אויסערליכע און אינערליכע כאראקטערן. אין די תורה, להבדיל אא"ה, איז די טייטש פון מין ברייטער, ואכמ"ל.) פאלגנד זענען 10 פון די נייע מינים וועלכע זענען אנדעקט געווארן אין די לעצטע יאר צייט.

די ערשטע איז א נייע מין דזשעלי-פיש. דער דזשעלי פיש באלאנגט צו א גרופע דזשעלי-פיש וועלכע ווערן אנגערופן "Bonaire banded box jellyfish" און זענען זייער שיינע פיש, און אויך זייער גיפטיג. די אייגנארטיקייט פון די גרופע דזשעליפיש איז אז זיי פארמעגן דעם חוש הראיה, אנדערש וווי אלע אנדערע מינים דזשעלי-פיש. די נייע מין האט מען אנטדעקט אויף אן אינזעל אין די דאטש קאריביענס און איז געגעבן געווארן געם נאמען "טעמאיא אהבוי - Tamoya ohboy", על שם די אויסשריי פון "!Oh boy" ווען מ'באקומט א שטעך דערפון.

1-jellyfish.jpg (77.38 KiB) געזען געווארן 4059 מאל

די צווייטע איז א מאלפע וועלכע מ'האט געטראפן אין די וועלדער פון בורמא א נאמען געגעבן Rhinopithecus strykeri. די מאלפע האט א נאז וועלכע איז אויסגעדרייט אויף ארויף, עד כדי כך אז ווען עס רעגנט הערט עס נישט אויף סניזן פון די רעגן וואס רינט אריין אין איר נאז. לויט געוויסע פארשער, זיצט די מאלפע מיט איר קאפ צווישן די פיס ווען ס'רעגנט כדי נישט צו ווערן אנגעפילט מיט די וואסער וועלכע רינט אריין דורך די נאז...

2-sneezing-monkey.jpg (37.76 KiB) געזען געווארן 4059 מאל

די דריטע אויף די ליסטע איז די ווארעם וועלכע מ'האט געטראפן די טיעפסטע אין די ערד, כמעט א מייל אראפ, טיפער פון סיי וואספארא ווארעם וועלכע מ'האט שוין אנטדעקט. די ווארעם האט מען געטראפן אין א גאלד מינע אין זיד אפריקע און ויקרא שמה בישראל שטן'ס ווארעם (Halicephalobus mephisto אין לאטייניש) על שם די היץ און פרעשור וועלכע די ווארעם דארף אויסהאלטן אזוי טיף אינטער די ערד. די ווארעם איז גאר פיצל, קוים 0.02 אינטשעס, און די בילד איז געכאפט געווארן מיט א מיקראסקאפ.

3-devils-worm.jpg (47.49 KiB) געזען געווארן 4059 מאל

די ווארעם ווערט דא געוויזן קריכענדיג אין אזוינע פיצינקע פילם געמאכט פון באקטיריע.

3-Halicephalobus-mephisto.jpg (29.18 KiB) געזען געווארן 4059 מאל

[שמואל הלוי]

הערליך יידל!!! קיפ איט אפ

---
נייע סארט מענטשן געפינט מען נישט?

[יידל]

די פערטע מין וועלכע מ'האט אנדעקט דאס יאר איז א וואספ wasp, וועלכע מען האט אנדעקט אין מאדריד, שפאניע. עס איז גאר קליין, אביסל קלענער ווי א האלבע אינטש, און לעבט אויף מוריטשקעס.

4-parasitic-wasp.jpg (84.73 KiB) געזען געווארן 3852 מאל

די פיפטע אויף די ליסטע איז אייגענטליך נישט קיין בעל חי נאר א געוויקס. דאס איז א מאדנע ספאנדזש-שוועמל, וואס מען האט אנטדעקט אין די וועלדער פון מאלאזיע.

5-sponge-bob-fungus.jpg (35.23 KiB) געזען געווארן 3852 מאל

די זעקסטע איז דער ריזיגער מיליפhד (פיל-פיסיגער), וועלכער איז באלד אזוי גרויס ווי א וואורשטל, ויקרא שמו "Crurifarcimen vagans" - אין אידיש "וואנדערדיגע פוס וואורשטל". דער מיליפיד האלט די רעקארד פון די לענגסטע מיליפיד היינטצוטאגס. מען האט עס אנדעקט אין די מזרח ארק בערג אין טאנזיע.

6-millipede-species.jpg (36.09 KiB) געזען געווארן 3852 מאל

6-sausage-millipede.jpg (38.04 KiB) געזען געווארן 3852 מאל

[אברעמעל]

שכוח יידל פארן די ידיעות,
זענען די בעלי חיים טאקע ממש ניי? איז נישט דא א ספק פערצופאל אז דאס קומט פון צוויי בעלי חיים וכדו'?

[יידל]

שכוח יידל פארן די ידיעות,
זענען די בעלי חיים טאקע ממש ניי? איז נישט דא א ספק פערצופאל אז דאס קומט פון צוויי בעלי חיים וכדו'?

ווען ס'קומט פון צוויי בעלי חיים הייסט דאס אויך ניי. על פי דרך הטבע איז כמעט נישט מעגליך אז צוויי אנדערע מינים זאלן זיך מזווג זיין. אויב געשעט דאס נאטורליך, איז עס גענוג חשוב אז דער קינד זאל ווערן אנגערופן "ניי".

[יידל]

די סקעלעטאן פון א חיה וועלכע זעט אויס ווי א "גייענדע קאקטוס בוים" איז געפונען געווארן אין דרום-מערב כינע:

walking-cactus.jpg (39.58 KiB) געזען געווארן 3765 מאל

א בלום פון וועלכע מ'האט נישט געוואוסט ביז היינט איז אנטדעקט געווארן אין די דזשונגעלן פון פאפא ניו גינע. די בלום האט א מערקעוודיגער נאטור - עס וואקסט נאר ביינאכט. עס האט באקומען א פאסיגער נאמען - "נאכט-וואקסנדע ארטשיד":

night-blooming-orchid.jpg (58.79 KiB) געזען געווארן 3765 מאל

א בלויע טאראנטולע איז געפינען געווארן אין בראזיל. די טאראנטולע ווערט באצייכנט דורך די וויסנשאפטלער אלס "הערליך". איך זע נישט די הערליכקייט פון דעם בריה, אבער פאר די פארשער וועלכע שטודירן די פיצינקע באשעפענישן א גאנצן טאג, איז די שיינע בלויע קאליר כמים קרים על נפש עייפה:

blue-tarantula.jpg (42.52 KiB) געזען געווארן 3765 מאל

א ניי-אנדעקטע פאפּי בלום וועלכע וואקסט אין די הימעלייען בערג אין נעפאל.

autumn-poppy.jpg (49.09 KiB) געזען געווארן 3765 מאל

[יידל]

מען האט לעצטנס אנדעקט די געביין פון א גרויסע רינדיגע טשוכעפאכע. א מעלער צייכנט וויאזוי עס האט אויסגעקוקט ביים לעבן:

giant-round-turtle.jpg (40.75 KiB) געזען געווארן 3716 מאל

[יידל]

א פראפעסאר אין אריזאנע יוניווערסיטי האט אויף א שפאציר מיט זיינע סטודענטן אין היילן אין אריזאנע אנדעקדט א נייע מין ביטל beetle. פאלגנד איז א בילד:

new-cave-beetle.jpg (108.15 KiB) געזען געווארן 3661 מאל

[יידל]

אין פערו, זיד אמעריקע האבן אפאר יונגע סייענטיסטן פון די פאראייניגטע שטאטן זיך אנגעשטויסן אין א מין פויגן וואס איז קיינמאל פריער געזען געווארן. דעם פייגל האט מען א נאמען געגעבן "סירא בארבעט" נאך צוויי פון די סייענטיסטן וואס האבן עס אנדעקט.

sira-barbet-120806-02.jpg (123.02 KiB) געזען געווארן 3618 מאל

פערו איז א פלאץ ווי מען האלט אין איין טרעפן נייע מינים. א האלב יאר צוריק האט מען אנדעקט א קאלארפולע ליזערד וואס איז אויף ביינאכט און שלאפט בייטאג

new-lizard-potamites-montanicola-side-120222-02.jpg (90.87 KiB) געזען געווארן 3618 מאל

[חאצקל]

א דאנק אייך יידל פאר די אויסנאמליכער שטאף, גוטע בילדער און שיין ערקלערט

[יידל]

די פאלגענדע מעשה איז שוין טאקע א חידוש. א קאליפארניע סטעיט פארשער האט געשטופט צייט אנליין אויפן בילדער-שעירינג סייט "פליקר". ער האט זיך אנגעשטויסן אין א בינטל בילדער פון א מין היישעריק וואס ער האט נאך קיינמאל נישט געזען. ער האט געאימעילט אפאר פון זיינע חברים אבער קיינער האט נישט געוואוסט וועלכע סארט היישעריק דאס איז. נאכן דורכשמועסן מיט אסאך עקספערטן, זענען זיי געקומען צו די החלטה אז דאס איז טאקע א נייע אנטדעקטע מין היישעריק. די פארשער האבן זיך פארבינדן מיטן פאטאגראפירער און ער האט זיי פארציילט אז ער האט געכאפט די בילדער און א מאלאזיער דזשונגעל. די פארשער זענען אראפגעפארן אהין וואו זיי האבן טאקע אנטדעקט דעם היישעריק. און אז מען האט איר שוין אין די האנט קען מען דאך איר שוין א נאמען געבן. ויקרא שמה בקאליפארניע סעמאכריזע דזשעיד. אט איז א בילד פונעם היישעריק (קליק אויפן בילד כדי צו פארגרעסערן):

lacewing.jpg (192.83 KiB) געזען געווארן 3569 מאל

[יידל]

האנסטמאן ספיידערס זענען א באקאנטע מין. אבער האנטסמאן ספיידערס אן אויגן איז שוין א צווייטע מעשה. די מאדנע באשעפעניש האבן פארשער אנדעקט אין א טינקעלן הייל אין לאאוס ( א לענדל נעבן טאילאנד). אט איז דער ספיידער אן אויגן.

Sinopoda.jpg (55.18 KiB) געזען געווארן 3559 מאל

[יידל]

פאול קלערקין, א יונגער אקאלאגיע גראדואנט סטודענט פון קאליפארניע איז געפארן כאפן פיש. פאר צוויי חדשים איז ער געווען אויף א שיף העכערן אינדיאנע אקעאן און געכאפט פיש. ער האט זיך צוריקגעקערט מיט א הויפן נייע מינים פון שארקס. פאלגנד זענען פיר פון זיי:

קליינע טיף-וואסער שארק

small-deep-sea-shark-120814.jpg (30.58 KiB) געזען געווארן 3544 מאל

טונקעלע לאנגע שארק

dark-long-shark-120814.jpg (19.04 KiB) געזען געווארן 3544 מאל

קליינע ווייסע קאץ שארק

small-white-catshark-120814.jpg (25.62 KiB) געזען געווארן 3544 מאל

א שארק וואס מען האט א נאמען געגעבן "גאוסט (שד) שארק"

ghost-shark-full-120814.jpg (28.21 KiB) געזען געווארן 3544 מאל

[קווארטין]

שכוח יודל, זייער אינפארמאטיוו, גוד דזשאב.

[קול דודי]

א נייע מין ספיידער אנדעקט אין נארט אמעריקע.(נישט נאר א נייע מין -- species -- נאר גאר א גאנצע נייע פאמיליע -- family -- וואס genus און species באלאנגן צו איר.
http://www.msnbc.msn.com/id/48703399/ns ... e-science/

[יידל]

א נייע מין ספיידער אנדעקט אין נארט אמעריקע.(נישט נאר א נייע מין -- species -- נאר גאר א גאנצע נייע פאמיליע -- family -- וואס genus און species באלאנגן צו איר.
http://www.msnbc.msn.com/id/48703399/ns ... e-science/

א בילד פונעם א ספיידער פון די נייעם פאמיליע:

ס'איז אינטערעסאנט אנצוצייכענען אז דערווייל פארמאגט די פאמיליע נאר איין מין אין זיך, טאקע אט די מין ספיידער וואס זיי האבן געפונען.

[יידל]

א נייער מין ראט איז געפינען געווארן אין די פיליפינס. די ראט איז א חידוש הבריאה מיט דעם אז עס איז די איינציגסטע באקאנטע ראדענט אן מאלער (הונטערשטע) ציין.

molarless-rat-120821.jpg (226.55 KiB) געזען געווארן 3471 מאל

[יידל]

עס איז אנדעקט געווארן א פיש אין די וואסערן נעבן וויעטנאם. די חידוש פון דעם פיש אז עס פארמאגט די איברי המין אויפן האלז. נאך א חידוש איז אז אנדערש ווי רוב המכריע פון פישן, איז זיך די פיש מזווג ווי א יונק.

אויבן: דער זכר. אונטען: די נקיבה

female-priaprium.jpg (39.46 KiB) געזען געווארן 3443 מאל

priapium.jpg (38.69 KiB) געזען געווארן 3443 מאל

[we will]

דזשונגעלן פון פאפא ניו גינע.

Is this the Chasidic Papa??

[יידל]

דזשונגעלן פון פאפא ניו גינע.

Is this the Chasidic Papa??

ניין, די מתנגדישע.

[דולה ומשקה]

די ערשטע מאהל כ'דא אהער געקומען, הרב יידל א הערליכע ארבעט, די הערליכע שיינע בילדער אין דאס גוט מסביר זיין, אויף דער קוקער זאל האבען א אנונג פון וואס דער מדובר איז.
ייש"כ.

[יידל]

יישר כוח דולה ומשקה, א דאנק פון דיר איז נישט קיין קלייניגקייט!

עס איז היינט פארעפנטליכט געווארן אן אקאדעמישער פאפיר איבער א ניי אנטדעקטע מין חיה וואס מ'האט זיך נישט פארגעשטעלט אז עס קען נאך פאסירן היינט צו טאגס. די רעדע איז איבער א מאלפע וועלכע איז געפונען געווארן אין די דזשונגלען פון קאנגא. די מאלפע איז אן אויסערארדנטליכע מאלפע און האט גאר אינטערעסאנטע שטריכן. די מאלפע איז געפונען געווארן דורך א צופאל. דזשאן הארט, וועלכער שטודירט שוין די דזשונגלען פון קאנגא פאר צענדליגע יארן, האט פאר פינף יאר צוריק גענישטערט צווישן בילדער פון א קאנגאער דזשונגעל וועלכע זענען גענומען געווארן דורך לאקאלע איינוואוינער. איינע פון די בילדער זענען געווען פון א 13 יעריגע מיידל מיטן נאמען דזשארדזשעט און א קליינע מאלפע.

georgette-with-lesula-120912.jpg (173.18 KiB) געזען געווארן 3386 מאל

הארט האט גלייך באמערקט אז די מאלפע איז א מין וועלכע איז אומבאקאנט צו אים. ער האט אנגעהויבן נאכצופארשן וואס די מאלפע איז און עס האט זיך ארויסגעשטעלט אז די מיידל'ס פעטער האט געכאפט דעם מאלפע אויף א יאגד און די מיידל האט זיך אנגעשמעקט דעם מאלפע אלס פעט. די לאקאלע איינוואוינער האבן א נאמען געגעבן דעם מאלפע "לעסולע". הארט האט נאכגעפארשט די זאך און נאך פינף יאר שווערע פארש ארבייט האט הארט היינט פובליצירט א דעטאלירטע פאפיר איבער דעם ניי-געפינענעם מאלפע. די אפיציעלע נאמען פונעם מאלפע איז Cercopithecus lomamiensis. דער מאלפע האט א אינטערעסאנטע שטריך אז ביים זכר איז זיין גאנצע אונטען העל בלוי, ווארשיינליך כדי צו ציען די נקיבות צו זיך.

lesula-adult-120912.jpg (52.94 KiB) געזען געווארן 3386 מאל

נאך בילדער אינעם CNN ריפארט.

[זר זהב]

http://www.dailymail.co.uk/sciencetech/ ... onkey.html