זאכן וועלכע רעגן מיר אויף!

[טרויבן88]

רעדנדיג איבער לעקטערס און איבער זיך רעגן, איז לעצטנס, כ'מיין די לעצטע 3-4 יאר זייט על-אי-די איז ארויסגעקומען און געווארן פארגעשריטן, האבן אלע לעלו קארס און הצלה און פאליס און פייערלעשער אנגעפאנגען עס צי אינסטאלירן, פארשטייט זיך אז הצלה איז געווען ערשט אבער עף-די האט זיך אויס ציגעפיצט... שיינע נייע בליטשקעדיגע טראקס מיט מעכטיגע טרומפייטערס און דריזזלערס און אלע מינע פארטייבענדע נאוז, די לעקטערס זענען ממש אן עולה כ'מיין איך האלט אינמיטן דרייוו אין אינמיטן געט א פאליציי קאר א צינד אן די לעקטערס פארנט פון מיר און מען ווערט ממש בלינד, גייט מען דורך א פובליק אווענט ביינאכט און אודך די זעלבע זאך רייסט אויס די אויגן

וויל איך וויסן... די סיבה פארוואס ביז איצט זענען נישט די לעקטערס/נאוזעס געווען אזוי שטארק איז ווייל מען האט נישט געקענט אדער ווייל מען האט עס נישט געברויכט, והשנית, און וויבאלד מ'קען מיז מען עס מאכן אזוי שטארק? אדער נארמאל קען עס אויך זיין?

קאמאו האט געהייסן פארלעשן לעקטערס אין מאנהעטן ווייל די פייגלעך ווייסן נישט ווי צי גיין... סאוט האו עבאוט אז מענטשן זאלן אויך באקומען די זכות???


איך וואלט פארבינדן די גאנצע סאמאטוכע צי די אווערמיליטעריזאציע פון די פאליציי/פייערלעשער וכו' עס הערשט א געוויסע שטאלץ אין א חלק פון זיך נישט רעכענען מיט די באפעלקערונג, ברענגען טאנקען, ביקסען, ריזיגע ביקסען, שרייען, אויפרייסן טירן, שטיפן, די פאליציי קען צוליב זייער שחצנות קענען זיי נישט רילעיטען צי די אווערידטש פארשוין, לשיטתם קומען זיי אן שנעלער און אלע מינע באבקעס, אין האב שוין כמה פעמים מיטגעהאלטן ווי די פייערלעשער געבן א פייף מיט די מיליטערישע קול ווען א מענטש וואקט אריבער אין פראנט פון די טראק פאר די טראק פארט ארויס... מיט וועלכע רעכט איז דאס צי טעראריזירן און דעשרעקן א מענטש וויבאלד ער האט זיך דערוואגט אריבער צי גיין די טראק? דאס נישט האבן אמפאטיע איז א גרויליגע זאך, באָט עניוועי וואס איז נייעס... עס גייט זיך נישט טוישן... איך ווענט נאר.

[סקרן]

ווען גאנץ תשעה באב און נעכטען האב איך באקומען אסאך טעלעפאון רופן פון א חינוך קאנפרענץ
א מין חוצפה דאס מיין האום נומבער מיינע סעלפאונס ביידע אפאר מאהל אויף איטש
מיט וועלכע רעכט?

[ונבנתה העיר]

דער אפגעפליקטער טיפש פון א יונגערמאן, וועלכער איז ב"ה ארעסטירט געווארן היינט.

[שמעון וואלף]

אז אחד מחשיבי הניקים דחבורתנו קען שרייבן אז א יונגערמאן איז ב"ה ארעסטירט געווארן

[קל וחומר]

כשם שמברך על הטוב כך מברך על הרעה.

[שמעקעדיג]

איינע פון די הויפט זאכן וואס רעגן מיר אויף און איך קען גארנישט טאן דערצו איז: די חוצפה און פרעכקייט וואס איראן האלט אין איין ארויפברענגען לגבי אמעריקא, און אמעריקא? גארנישט, טוט נישט גארנישט, אנשטאט זיך שטעלן אויף די פיס און אנפאנגען צו רעדן רעבי שפראך פאר די קליינטשיגע טוטערס, פאלט מען צו די פיס פון די איראנער כומעני'ס און מען לעקט זיך גאר צו זיי,

אנגעפאנגען האט זיך עס ווען מען האט גענומען אמעריקאנער דיפלאמאטען אין האסטעזש, שוין פון דעמאלס איז אמעריקא אין דעפעציט אין ווייזען און שטעלן אין פלאץ די איראנער איטאלעס אז זיי זאלן איינרוען, יעצט (איך וועל נישט דערמאנען יעדע פראוויקאציע) נאכער האט מען מיט זיי פארהאנדעלט מיט די נוקלעאר דיעל, מ'האט זיך געבראכן פאר זיי נאכגעגעבן קאמפיסאציעס, פארכאפן זיי אמריקאנער זעלנער, פרובירן אויס א נייע מיסיל, רעדן זיי זיך נאך אפ אז מען באהאנדלט זיי נישט שיין, און על אף וואס מהאט געמאכט א דיעל מיט זיי קענען זיי נאך נישט מאכען ביזנעס!!!!! האלטן זיך אין איין רייצן מיט אמעריקאנע נעווי שיפן און אמעריקא? גארנישט, מ'שווייגט,

אפשר וויל מען ס'זאל מקוים ווערן די פסוק "הַנֶּעֱלָבִין וְאֵינָם עוֹלְבִים שׁוֹמְעִים חֶרְפָּתָם וְאֵינָם מְשִׁיבִים עֲלֵיהֶם הַכָּתוּב אוֹמֵר "וְאהֲבָיו כְּצֵאת הַשֶּׁמֶשׁ בִּגְבוּרָתוֹ".

כ'קוק צוריק די אלטע תגובה פון 2 יאר צוריק, און וואו, וואספארא טשעינדזש!!
גראדע מאכט מיר עס מער פרייליך ווי גערעגט...
די זעלבע מעשה איז מיט די פארפוילטע כינע.

[הבל וריק]

שכן טייערע,
כ'בין דיר מוחל אויפן הויעך אויסקייען יעדעס ווארט פון 'שטילע' שמו"ע מיטן חיך, גרון ולשון, טראץ חז"ל האבן יא פארשטאנען אז דאס וועט מיר שטארק נערווירן און דערפאר דיך באפוילן צו דאווענען שטיל.
כ'בייס זיך די ליפּן אז דו בייסט נישט דיינע און שוין.
אזוי אויך בין איך וויליג צו פארגעבן דיר און אלע (ניס'לאזע) אין מיין געגנווארט, אויף די וויירעל און איבערגעטריבענע הוסטעריי וואס אטאקירט די שטילקייט אומאויפהערליך. הגם למען האמת, קענסט'ך טאקע נישט איינהאלטן צוויי מינוט?
- טוה מיר א טובה כ'בין אויך פארקילט.
שוין, נישקשה הוסט'ס וויפיל עטס קענסט.

אבער און אבער, על זה דוה לבי. ווען דו עפענסט דעם אוועל געפארעמטע פיסק דיינעם און שטעקסט ארויס דעם צינג ווי א שפייעכטס שופר'ל גרייט צו ארויסלאזן דעם טיף באהאלטענעם שליים ממעמקי הגרון מיט גרויס פאמפע, מאכט, און גערודער, זייסזשע ביטע מוחל און דעק צו דעם לעכל.
צוויי זאכן,
איינס, כ'מוז עס נישט ווילן צוזעהן, פונקט ווי דו ווילסט נישט כ'זאל דיר באטראכטן ביים צושמעטערן א פאראייער'טן בייגל מיט אלע אקטיווע מויל געצייג.
והשנית והעיקר, מיט וואספארא רעכט מאסכטו מיר אריינאטעמען/באטאַפּן דיינע פארסמ'טע באקטעריע?
די חכמים בגוים שאצן אז די טראפעלעך שפייאכץ וואס דו ביסט מנדב פארן שטיבל, גייט א מרחק פון אומגעפער צוואנציק פיס און פארבלייבט אויף אומגעפער פינף און פערציג מינוט, בלויז פון איין הוסט.
ס'טייטש, אז איך שפאציר אריין אין א וויסטע חדר ראזענטאל צען מינוט פאר קרבנות, מיט א קאווע, א דבר יום ביומו און נאיווע רואיגערהייט, איז פאר מיר אויסגעשפרייט א רייע אפציעס ווי אזוי צו ווערן אנגעשטעקט מיטן פלו זז"ג.
מיין קאווע קען שוין פונלאנג זיין אנגעשטעקט מיט א דינע הויטל זשערמס וואס מיין שכן אין קאווע צימער האט ארויסגעלאזט מיט פאמפע און קאנפידענס.
די הענטל, די טיש און ס'באליבטע צעטעלע קענען אלע טראגן טויזענטער פאטענציאלע שליחים פונעם אומגעוואונטשענעם גאסט.
איך פארשטיי אז מ'פאלט דורך אמאל, מיט א האַטשו איבערהויפט, אבער די געוואוינהייט פון פרעכערהייט הוסטן, אנע שום גדרים, איז אומאקצעפטירבאר.
מ'מעג מאכן א כינוס כלל ישראל פאר פיזישע איגנאראנץ אויך.

ערעב איד, הוסט'ן איז נישט אנדערש ווי ****'ן, טוה עס שטיל, נאר ווען ס'דריקט געפערליך, פרוביר עס צו פארדעקן, און אויב מ'כאפט דיך דערמיט, מעגסט'ך שעהמען.

א געזונטן ווינטער.

[berlbalaguleh]

הבל וריק: און אז מ'מאכט שוין א כינוס כלל ישראל מעורר צו זיין אויף געוויסע ענינים העומדים על הפרק. (אויף די לאנגע שייטלעך און די סמארטפאונס האט מען שוין ב"ה מעורר געווען.) זאלל מען שוין אינאיינוועגס אויכעט מעורר זיין אז א יעדער יונגערמאן זאלל זיך ביטע טוישן די אונטערוועש (אריינגערעכנט די רבינו ת"ם'ס) טעגליך. אויך נעמען א שויער מיט זייף. און א ביסל שעמפו. מפני כבוד הבריות...איך האב אמאל געזעהן אין א דאקטאר'ס אפיס אין וויליאמסבורג. א סיין אויף אידיש און ענגליש..."אין דעם טאג וואס איהר האט אן אפוינטמענט מיט'ן דאקטאר, ביטע נעמען א שויער. און אנטון ריינע אונטערוועש און א העמד"...אונטערגעשריבן. די מענעדזשמענט פון ODA. ווי ס'זעהט אויס האט דר. סטערנבערג שוין מער נישט געקענט אויסהאלטן...!

[[NAMELESS]]

דאכט זיך אז די סקעם אז חסידים גייען נישט אין שויער איז שוין אוט אף סטייל, די זעלבע מאס גויים און אידן גייען יא און נישט אין שויער און דער חסיד'ל וואס עס דערגייט זיך א ריח'ל פון שווייס און בליטש פון אים שטינקט נישט האלב וויפיל דער באבערדלטער ניגער מיט די גראבע העד פאונס סארכעט, דארפסט נישט מעורר זיין אויף אזוינע אומוויכטיגע זאכן.

[berlbalaguleh]

מאך זיכער: ייש"כ. איך זעה אז דו ביסט אנגעקומען צו דעם ריכטיגן פלאץ (אין דעם זאכן וועלכע רעגן מיך אויף, אשכול.). איך האב נישט געזאגט אז אלע חסידים, ספעציעל די וועלכע וואוינען אין וויליאמ-פעסט, סרחנ'ען, ח"ו.איך האב נאר פארציילט איבער דעם סיין וואס איך האב געזעהן אין דר. סטערנבערג'ס אפיס אין או.די.עי. ב"ה אז די גרעסטע טייל פון די יונגערע דזשענערעישן נעמען געהעריג א שויער און נוצן דיאדארענטס, מפני כבוד הבריות. ס'איז אבער ליידער דא א גרויסער טייל פון די חסיד'ישע אידן וועלכע וואשן זיך נישט אפ א גאנצע וואך. צי וועגן פוילקייט. אדער אלס פרינציפ. לא די. נאר זיי שפעטן נאך. און קוקן אראפ איינער וועלכער וואשט זיך יא אפ און טוט אן פרישע קליידער א יעדן טאג. אזוי ווי די מערסטע פון די היינטיגע יונגעלייט טוען, ב"ה...!

[[NAMELESS]]

וואס מיר מאכט אבער נערוועז איז די אינגעלייט וואס קומען אריין אין סיי וועלכע געשעפט און שרייען אויפן קעשיער ווי כאילו ער וואלט ווען געווען היטלער'ס אן אגענט, כ'האב עס פונקט יעצט מיטגעהאלטן, וועך! ס'איבלט ווי משוגע ווען מען זעט די אומ'מחונכ'דיגע UTA גרעדיועטס

[החוקר]

דיך באדערט אז זיי שרייען אויפן קעשיער, אדער אז זיי זענען UTA גראדואירט?

[שמעון וואלף]

דיך באדערט אז זיי שרייען אויפן קעשיער, אדער אז זיי זענען UTA גראדואירט?

מיין עקספעריענס האט געוויזן אז ביי UTA גראדיועטס איז דא מער אראגענס ווי ביי אנדערע.

[שמעקעדיג]

ב"ה אז די גרעסטע טייל פון די יונגערע דזשענערעישן נעמען געהעריג א שויער און נוצן דיאדארענטס, מפני כבוד הבריות. ס'איז אבער ליידער דא א גרויסער טייל פון די חסיד'ישע אידן וועלכע וואשן זיך נישט אפ א גאנצע וואך. צי וועגן פוילקייט. אדער אלס פרינציפ

ס'טייטש, נישט נאר די נטורי חרתא שטינקען?
(יא, עס רעגט מיך אויף אשכול)

[berlbalaguleh]

שטייט טאקע אין פסוק..."וירח ה' את ריח הניחוח"...!

[berlbalaguleh]

ב"ה אז די גרעסטע טייל פון די יונגערע דזשענערעישן נעמען געהעריג א שויער און נוצן דיאדארענטס, מפני כבוד הבריות. ס'איז אבער ליידער דא א גרויסער טייל פון די חסיד'ישע אידן וועלכע וואשן זיך נישט אפ א גאנצע וואך. צי וועגן פוילקייט. אדער אלס פרינציפ

ס'טייטש, נישט נאר די נטורי חרתא שטינקען?
(יא, עס רעגט מיך אויף אשכול)

[שמעון וואלף]

די צאנז'ער (קלויזענבורגער בלע"ז) שרייבט זיך אינטער בן כ"ק אמו"ר זצללה"ה. האסטי געהערט אזאנס? מילא ווילסט מ'זאל דיך קענען אידענטיפיצירן אן שרייבן די לעצטע נאמען, קען מען פארשטיין אז מ'שרייבט וועמענס זון מ'איז. אבער סתם שרייבן בן אמו"ר און נישט ארויס שרייבן די טאטעס נאמען? וואט די העק

[יין שרף]

פונקט צאנז און סאדיגער שרייבן זיך אונטער אזוי.. coincidence?

[סקרן]

פונקט צאנז און סאדיגער שרייבן זיך אונטער אזוי.. coincidence?

דער סאדיגורא'ר שרייבט זיין טאטע'ס נאמען

[שמעון וואלף]

די צאנז'ער (קלויזענבורגער בלע"ז) שרייבט זיך אינטער בן כ"ק אמו"ר זצללה"ה. האסטי געהערט אזאנס? מילא ווילסט מ'זאל דיך קענען אידענטיפיצירן אן שרייבן די לעצטע נאמען, קען מען פארשטיין אז מ'שרייבט וועמענס זון מ'איז. אבער סתם שרייבן בן אמו"ר און נישט ארויס שרייבן די טאטעס נאמען? וואט די העק

נאכ'ן זיך איבערקלערן טראכט איך אז מ'קען טרעפן א לימוד זכות אזוי ר' משה פיינשטיין האט געזאגט לגבי בנות לוט
זעה דא

[שמעקעדיג]

כ'קען נישט זאגן אז ס'רעגט מיך אויף, אבער עס דענערווירט אז יעדע איינציגע אידישע טעלעגראם טשענעל לייגט ארויף די זעלבע עדס כסדר, צי איז עס א דזשודייקע געשעפט, צי א מעטערנעטי קליידער געשעפט, צי א חסד פאנד שנאר אקציע.

.

[סאשי פיש]

עס איז איין בעל הבית

[וואלווי]

עס איז איין בעל הבית

אפשר דאס רעגט עם. אזא מין spread the wealth רוח.

אבער ס'איז הילכתא למשיחא, ווייל דא שרייבט אונזער מורח ודאין אז לא ידין רוחי גאר, ער קען דאך נישט זאגען אז ער רעגט זיך "עכט"....