שמעקעדיג האט געשריבן:דער מקור איז פונעם אר"י הקדוש, טאקע צוליב הקריאה מעורר את הזמן, האט ער מגלה געווען אז אין די וואכן איז גרינגער צו מתקן זיין די חטאים, עס איז די פאסיגע זמן.
בעיקר איז עס אין א עיבור יאר, שובבי"ם ת"ת, אבער אפילו אין געווענליכע יארן איז דער זמן מסוגל.
אסאך חסיד'ישע ספרים זענען פול דערמיט.
אין כתבי אר"י (שער רוח הקודש תיקון כ"ז) ווערט עס געברענגט אז ס'איז א "מנהג קדום" בכל ישראל צו פאסטען און תשובה טוהן אין די טעג אויף חטא הידוע.
קריאה מעורר הזמן איז נישט ווייל די ר"ת פון די פרשיות איז שובבים, דאס איז בלויז א רמז (סימן בלשון הארי שם), דער עיקר איז ווייל על פי קבלה (עי' שער הכוונות דרושי ר"ה דרוש א' וע"ע בדרושי פסח א' וב') זיינען די יודען נשתעבד געווארן צו די מצריים כדי מתקן זיין די חטא פון אדם הראשון וואס ער האט מוציא געווען לבטלה, אין די ק"ל שנים שפירש מאשתו לאחר שחטא בחטא עץ הדעת, וממילא יעצט ווען מ'ליינט אין די תורה די פרשיות פון שעבוד וגאולה ממצרים, איז די קריאה מעורר די זמן און די תיקונים וואס זיינען דעמאלטס פארגעקומען.
