תאומים אדער תאומות?

[יוחנן הסנדלר]

וויאזוי שרייבט מען פאר א צווילינג אינגל און מיידל? תאומים, תאומות, ביידע, אדער קיין איינס? דוכט זיך אין תנ"ך געפינען מיר נאר צווילינגען אינגלעך אויך וויאזוי זאגט זיך אין מאדערן עיברית?

[שמואל הלוי]

אויב פאר א מזל טוב צעטיל שרייבט מען אפשר "לרגל הולדת הבן והבת".

[געפילטע פיש]

אזוי ווי קארל זאגט, אין מאדערן היברו זאגט מען תאומים.

[מורינו הרב]

תאומים, ווייל ילדים איז אויך א לשון זכר

[זר זהב]

איך וואלט געשריבן תאומים-ת

[איך אויך]

שלום עליכם התנא הקדוש און מזל טוב!

[זר זהב]

מזל טוב זאלסט האבן אסאך נחת.

[אליהועיני]

איך וואלט מציע געווען פאר די אקאדעמיע ללשון צו באנייען דאס ווארט: "תְּאוֹמִיָּה".

[געפילטע פיש]

איך בין נישט קיין גרויסע דקדקן (ליידער) אבער תאומיה איז א שם דבר דאגעגען תאומים איז א תואר (?).
ביי דריי נוצט מען שוין יא א שם דבר, שלישיה.

[אליהועיני]

איך ווייס נישט וואס מיינסטו מיט "שם דבר". פארהאן שם עצם און שם התואר. רש"י רופט שם עצם - שם דבר.
תאום איז א שם התואר. תאומיה איז דאס זעלבע. דער אונטערשיד איז: תאום איז א תואר ליחיד, תאומים איז תואר לרבים, און תאומיה איז תואר ליחידה, דהיינו שם קבוצתי.

[אליהועיני]

איך וואלט מציע געווען פאר די אקאדעמיע ללשון צו באנייען דאס ווארט: "תְּאוֹמִיָּה".

אן אינטערעסאנטער געדאנק.
(שלום עליכם, ר׳ אליהו!)

עליכם השלום. א בענקל ביטע. אָה, שקוייעך. זייט אזוי גוט, אוואו נאר דער טוילעט?

[געפילטע פיש]

איך ווייס נישט וואס מיינסטו מיט "שם דבר". פארהאן שם עצם און שם התואר. רש"י רופט שם עצם - שם דבר.
תאום איז א שם התואר. תאומיה איז דאס זעלבע. דער אונטערשיד איז: תאום איז א תואר ליחיד, תאומים איז תואר לרבים, און תאומיה איז תואר ליחידה, דהיינו שם קבוצתי.

כ'האב געמיינט צו זאגן אז אין ענגלישע כללים וואלט תאומים (twins) געווען א אדזשעקטיוו, און תאומיה וואלט געווען א נאון (noun), ניין? עכ"פ אזוי זאגט מיר מיין עם-הארצ'יש קאפ.
און שלום עליכם, ס'זעט אויס ווי איר גייט פאררייכערען אונזער 'שפראך און גראמאטיק' פארום, וועלקאם אבאורד, אני כולי אוזן.

[משה געציל]

פונקט ווי בנים קען זיין א שם הכולל אויף זכרים און נקיבות, וואלט איך געזאגט אז תאומים קען אויך כולל זיין ביידע.

[געפילטע פיש]

קיינער קריגט נישט מיט דיר, מורינו הרב האט שוין געשריבן "תאומים, ווייל ילדים איז אויך א לשון זכר".

[משה געציל]

קיינער קריגט נישט מיט דיר, מורינו הרב האט שוין געשריבן "תאומים, ווייל ילדים איז אויך א לשון זכר".

גערעכט! נישט באמערקט.

[אליהועיני]

פון וואו נעמסטו עס אז בנים מיינט אויך נקבות?

[שמעקעדיג]

אע"פ שאין ראי' לדבר, זכר לדבר,
אוי לו למי שבניו נקבות.

[אליהועיני]

גערעכט, עס איז נישט נאר א זכר, נאר א שטארקע ראיה אז אין לשון חז"ל טרעפט זיך בנים אלץ שם הכולל צו צאצאים.
אצינד האב איך געפינען אויך אין לשון המקרא אז בנים איז לכאורה אויך פאר נקבות: שטייט אין שמואל-א ו, י: ויקחו שתי פרות עלות, ויאסרום בעגלה, ואת בניהם כלו בבית [כדי די רינדער זאלן נישט זעהן זייערע קינדער], און פארשטייט זיך אז די קינדער האבן נישט געמוזט זיין דירעקט זכרים.

[ציבעלע-קיגל]

תאומים בן ובת
בדרך צחות אינגעל תאום, מיידל טועמי'