"יסודות" - נייע וואכענטליכע אויסגאבע

[[NAMELESS]]

א נייע וועכענטליכע אויסגאבע גייט אנפאנגען ערשיינען מיט די נאמען יסודות.

[מודה בטפל]

Wow א שטרקע קלאפ פאר עמעזאן. מ'דארף נישט זייערע פרינטינג!

[לבי ובשרי]

ערשטע קאווער צייגט עפעס אויסטערליש
יסודות האט א שייכות מיט די וועגן און שטעגן?

[בן ישי]

ממש א דורכברוך

[[NAMELESS]]

.

[קאווע קריטיק]

די יסודות שאקלען זיך

די וועלט דערציילט א מעשה, אז מ'איז געקומען אמאל פרעגען רבי חיים בריסקער בעפאר די הייליגע טעג איבער צוויי חזנים וואס קריגען זיך אויפ'ן ברעטל און די שאלה איז וועמען מ'זאל אויסוועלען.
וואס איז די פראגע? איינער פון די צוויי חזנים איז א מייסטער חזן און בעל תפלה אבער נישט דער גרעסטער יראת שמים, דער צווייטער איז א שוואכער בעל תפלה מיט א קראצעדיגע שטימע אבער א געוואלדיגער ערליכער איד און א צעבראכן הארץ.
האט רבי חיים געזאגט מ'זאל נעמען דעם ערשטן, ערקלערנדיג, אז דאס וואס עס שטייט אין שלחן ערוך אז מ'זאל אויסוועלן דעם חזן דעם יראת שמים איז ווען ביידע זענען חזנים דעמאלט איז ערליכקייט א מעלה, ווידער אין דעם פאל איז דער צווייטער בכלל נישט קיין חזן איז וואס האב איך פון זיין יראת שמים.
והנוגע לענינינו, אוודאי איז נישט יושר צו פסק'ען אויפ'ן נייעם יסודות מאגאזין איידער מ'נעמט עס אין דער האנט און מ'קוקט אריבער דעם תוכן, אבער וואס ס'איז יא וויכטיג אנצודייטן אז קודם דארף זיין א מאגאזין, דערנאך קען מען דן זיין צי ס'איז כשר וישר און אין דעם פאל זעט אויס א משונה'דיגן דגוש אויף די "ערליכקייט" פונעם מאגאזין אזש ביז'ן עס א נאמען געבן מיט עפעס א מוסר'דיגן יסודות נאמען און לייגן בילדער פון פרומע רבנים אנשטאט ארויסברענגען די מעלות פונעם אינהאלט פונעם מאגאזין וואס ברענגט צוריק צום בריסקער רב'ס קלער אז פיין איר זענט ערליך אבער מאן יאמר איר זענט בכלל א חזן...

מיין צווייטע הערה איז דאס זעלבע וואס כ'האב געשריבן ביים אנקום פון אינטערעסאנט ולא אמרו רבנן בכפילא:

ווען אימער א רעדאקטאר גיט ארויס א מאגאזין מוז ער זיך אליין ענטפערן די שאלה וועלכער חלל ער טוט ערפילן? אינטערעסאנט האט געמאכט א קלארע ארגומענט פארוואס עס איז נישט קיין פראבלעם דאס צו קויפן, ווייל עס האט נישט קיין ציונות. אבער דאס אליין איז נישט גענוג מאסגעבנד, און א סיבה פארוואס נישט איז נישט גענוג סיבה פארוואס יא, אויסער דעם פאקט אז עס איז דא נאך אויסגאבעס וואס האבן נישט קיין ציונות.
דער רעדאקטאר זאל זיך שטעלן אין שפיגל און אליין פרעגן די פראגע וואס האב איך געברענגט ניי צום טיש וואס איז נאכנישט דא אין "דער איד" אדער אין די אומזיסטע גליונות לכבוד שבת. נאך וואס ער קומט ער אויף מיט עפעס פריש דארף ער זיך פרעגן די צווייטע פראגע, צי איז דא א קליענטעל דערפאר, און די דריטע פראגע צי דער קליענטעל איז גענוג גרויס אז ער זאל קענען אנגיין פאר'ן לאנגן טערמין.

אין פאל פון יסודות איז די שאלה נאך פיל שטערקער, קאמיקס איז שוין דא, מעשיות פון הייליגן אפטער רב איז שוין דא, דער פרומער קליענטעל איז מער ווי געדעקט צווישן איד\בלאט\צייטונג\מעלות\קינדליין\אוצר\פאמיליע איז וואס ברענגסטו צום טיש סיידן א פרומערע השגחה מיט מער רבנים? איז דא א רבנים מאנגל? זוכן מענטשן צו קויפן דעם מאגאזין בלויז ווייל ער ברענגט די מערסטע רבנים צום טיש אפילו ווען דער חזן הינקעט אונטער?

די אלע פראגן וועלן בעז"ה פארענטפערט ווערן מיט דער צייט.

[קאך_לעפל]

"די אלע פראגן וועלן בעז"ה פארענטפערט ווערן מיט דער צייט"

אדער נישט.

[זאפטיג]

איך מיין אז דערווייל דער איינציגסטע ארטעדאקסישטע אפיצעלע אויסגאבע וואס שרייבט אן קיין מורא פון די אלע סיסטעם זארגערס איז דער ענגלישע משפחה און זיי האבן טאקע באצאלט א היבש פרייז פאר דעם. לאמיר זעהן פון די אידישע אפיצעלע אויסגאבעס אזוינס (נישט קייןן אנאנימער וועקער)

[איסר האטלקי]

משפחה מאכט גענוג געלט דורכן נישט ווערן פארקויפט אין וויליאמסבורג, היימישע מאגאזינען מאכן די עיקר געלט אין וויליאמסבורג און כדי צו קענען ווערן פארקויפט דארט מוז מען זיך צושטעלן צו זייערע פרינציפן.

אגב, משפחה איז נישט אזוי ווייט ווי עמי. זיי האבן ארויסגעווארפן פראנקפורטער ווייל ער איז געווען צו קאנטראווערסיעל פאר זיי.

[ליטוואק פון בודאפעסט]

מ׳האט מיר געבעטן אפאר מאנאטען צוריק צו שרייבען פאר די אויסגאבע, אבער איך האב אפגעזאגט פאר מיין אייגענע טעמים. אבער ווען מ׳האט מיר געקלינגען האט יענער מיר ערקלערט וואס זיי ווילען. רוב אויסגאבעס פארטרעטן א שיטה, די אויסגאבע איז להדיא להוסיף דעת און אינטרס, אן צו פרעדיגן א שיטה. עס איז אוודאי אין איינקלאנג מיט די מיינונג פון יהדות החרדית, מ׳זוכט נישט צו פרעדיגן אויבער חכמה אויך נישט. אבער מוסיף זיין אינפארמאציע מיט היסטאריא וכדו׳, אויף א צוציאונגדיגע אופן איז יא די ציל און מארקעט.

איי, וועסטו פרעגן, עס איז שוין דא דער שטערן? איך האב אסאך זמן מאגאזינען אנדערהיים, און עס טויג נישט פאר די יוגענט. זיי שרייבען פון טעמעס וואס מענטשן ווילען נישט אז זייער קליינער זאלען ליינען דערוועגען, צ.ב.ש. זעלבסטמארד און סתם צודרייטע קרימינאלן, ריזיגע עשירים און זייער משוגעת׳ן. איך האב עס אליינס נישט געכאפט ביז מיין קינדער זענען עלטער געווארען און זיי ליינען עס שוין. עס האט נישט קיין חכמה צו תוכן, נאר מעשיות. און די מעשיות זענען עקעלהאפטיג. יסודות האפט צו זיין מער אין איינקלאנג מיט וואס ערוואקסענע מענטשן ווילען פאר זייער קינדער

Sent from my LG-K373 using Tapatalk

[פליישיג]

דער פאקט אז הרה'ג ר' בנציון לאוב שטיצט עס, מאכט מיר זיין אינטערסירט עס צו קויפן.
א טיפישע סאטמארער משפחה דארף היינט מער כשר'ע לייען מאטעריאל

[זאפטיג]

מ׳האט מיר געבעטן אפאר מאנאטען צוריק צו שרייבען פאר די אויסגאבע, אבער איך האב אפגעזאגט פאר מיין אייגענע טעמים. אבער ווען מ׳האט מיר געקלינגען האט יענער מיר ערקלערט וואס זיי ווילען. רוב אויסגאבעס פארטרעטן א שיטה, די אויסגאבע איז להדיא להוסיף דעת און אינטרס, אן צו פרעדיגן א שיטה. עס איז אוודאי אין איינקלאנג מיט די מיינונג פון יהדות החרדית, מ׳זוכט נישט צו פרעדיגן אויבער חכמה אויך נישט. אבער מוסיף זיין אינפארמאציע מיט היסטאריא וכדו׳, אויף א צוציאונגדיגע אופן איז יא די ציל און מארקעט.

איי, וועסטו פרעגן, עס איז שוין דא דער שטערן? איך האב אסאך זמן מאגאזינען אנדערהיים, און עס טויג נישט פאר די יוגענט. זיי שרייבען פון טעמעס וואס מענטשן ווילען נישט אז זייער קליינער זאלען ליינען דערוועגען, צ.ב.ש. זעלבסטמארד און סתם צודרייטע קרימינאלן, ריזיגע עשירים און זייער משוגעת׳ן. איך האב עס אליינס נישט געכאפט ביז מיין קינדער זענען עלטער געווארען און זיי ליינען עס שוין. עס האט נישט קיין חכמה צו תוכן, נאר מעשיות. און די מעשיות זענען עקעלהאפטיג. יסודות האפט צו זיין מער אין איינקלאנג מיט וואס ערוואקסענע מענטשן ווילען פאר זייער קינדער

Sent from my LG-K373 using Tapatalk

משפחה האט געכאפט פעטש ווען זיי האבן אנגעהויבן שרייבן וועגן עביוז און דראגס, (נאכדעם האבן שוין אנדערע נאכגעמאכט).
האב איך געהערט פון מענטשן ווי קענען מיינע קינדער דאס ליינען וכו וכו
מיין פערזענליכע דעה: איך האב נישט קיין שום פראבלעם דערמיט. באהאלטן דע פראבלעם איז נישט די פתרון
משום כל מיני סיבות וד''ל

[ליטוואק פון בודאפעסט]

א מעשה פון א מענטש א געוועזענע זעלנער אין די אמעריקאנער מיליטער, וואס האט גענומען א שיף מיט זיין משפחה און געהארגעט זיין ווייב און קינדער, אבער איין טאכטער האט איבערגעלעבט וכו׳ וכו׳.

דאס האט נישט מיט דראגס און נישט מיט אביוז.

Sent from my LG-K373 using Tapatalk

[זאפטיג]

ביסט גערעכט
איך האב נאר געוואלט ארויסברענגן א פוינט

[[NAMELESS]]

יעצט געזעהן אין גראסערי
בעיסיקלי נאך א באלייכטונגען

[איסר האטלקי]

דער וואס קויפט עס וועגן ר' בנציון לאוב, קען קויפן אוצרות, מעלות, אורות, עונג שבת, יוסף מוקיר שבת, כגונא און דבר יום ביומו.

איך זע נישט וועמען ער צילט, איך האף ער האט גענוג געלט עס אויסצוהאלטן.

[קאך_לעפל]

[justify]היינט ערשט געהאט די געלעגנהייט עטוואס דורכצובלעטערן די אויסגאבע.

ערשט ווינטשן מיר פאר די רעדעקאציע און די פארוואלטונג פול הצלחה און סייעתא דשמיא.

מיין קורצזיכטיגע אבזערוואציע:

אז א מאנטליכער אויסגאבע זאל ווירקליך סוקסעסירן פאדערן זיך עטליכע פענאָמענאַלע פאקטארן. א ספעציפישע ליינער באזיס, פאר מענער אדער פאר פרויען אדער פאר קינדער. א פליסיגער הויכע ניווא און קאליבער שריפט, און א אויסצייכענונג אין א געוויסע הויפט טעמע, ווי היסטאריע, געאָגראַפיע, אַסטראָנאָמיע, פילאזאפיע, מאטעמאטיק, געזונטהייט, חסידישע געשיכטעס, שפיאנאזש געשיכטעס א.ד.ג.
ווי עס שיינט ווייסן נאך נישט די ארויסגעבער פון די דאזיגער אויסגאבע גענוי פון וועלכע שיכט זייער ליינער באזיס באשטייט, דער שריפט איז גראדע גאנץ א גוטער קאליבער. ביזדערווייל האבן זיי נישט קיין שום אויסגעצייכנטע טאפיק וואס זאל מאכן אז מענטשן זאלן דאס אַבאָנירן און קויפן. נאר וואזשע דען? רוים איז נישט געבויט געווארן אין בלויז איין טאג. די אויסגאבע האט ענווענטועל שטארקע פאטענציאל, און מיט די צייט וועלן זיי זיך ווארשיינליך שטעלן אויף די ריכטיגע רעלסן, און האפנטליך אויסשטייגן אלס דער קעניג פון די זשורנאַלן. די פראגע איז בלויז אויב די פינאנציאלע ריסארסן וועלן קלעקטן ביז דאן...[/justify]

[איסר האטלקי]

ס'איז וועכנטליך נישט מאנאטליך, נאך ערגער...

[כניאק]

איך ווייס נישט פארוואס אויף אייוועלט איז יעדער ביזי ווי גוט די יסודות איז.

בקיצור, די שרייבן איז די זעלבע לעוואל ווי די בליץ, די תוכן איז מסתם אינטראסאנט פאר א בחור׳שע שבת התוועדת אויסגאבע.

אויב די ארויסגעבער ליינט דאס האב איך איין מעסעדזש, cut your losses and run.

[איסר האטלקי]

איך אגרי צו דיינע רייד איבער דעם מאגאזין, אבער אויב דו האסט געעפנט דיין ניק נאר פאר דעם ציל, האב איך פאר דיר דעם זעלבן מעסעדזש....

[קאצקע ציקער]

די פאוינט איז אויב איינער עפענט א נייע מעגאזין צו ביעטן די מאמענט האט ער זייער שוואכע שאנסן צו סוקסידן , די מאמענט האט זיך שוין זיינע גיטע שרייבערס , און די מאמענט ווייסט גאר גיט וועלכע ארטיקלען צו שרייבן , די מאמענט ווייסט אז סיפורי צדיקים מיט אנדערע זאכן זענען געמאכט פאר די יוד און בלאט זיי ווייסן אז דער עולם וואס צאלט זיכט קוואליטי אזאלעכע ארטיקלען ווי א אינטערוויוו מיט דער מלחין הערשי וויינבערגער דאס איז וואס דער עולם זיכט ממילה מאכט עכט נישט קיין סענס צו ג'יין קאמפעטישן מיטן מאמענט נאר ווען מען גייט אויף זיין דרך , און דערווייל קיקט נישט אויס ווי ער גייט אויף זיין דרך . ועוד דער מאמענט איז צו שטארק צו ג'יין קאמפעטישן מיט עים ס'איז ווי גלייך איינער גייט קאמפעטישן מיט קול מבשר וואס האט זערא טשאנס צו ארבעטן

[בן ישי]

איך ווייס נישט פארוואס אויף אייוועלט איז יעדער ביזי ווי גוט די יסודות איז.

בקיצור, די שרייבן איז די זעלבע לעוואל ווי די בליץ, די תוכן איז מסתם אינטראסאנט פאר א בחור׳שע שבת התוועדת אויסגאבע.

אויב די ארויסגעבער ליינט דאס האב איך איין מעסעדזש, cut your losses and run.

די סיבה איז די זעלבע סיבה פארוואס זיי אטאקירן כסדר די מאמענט.

[יואלי וואלפסאן]

די פאוינט איז אויב איינער עפענט א נייע מעגאזין צו ביעטן די מאמענט האט ער זייער שוואכע שאנסן צו סוקסידן , די מאמענט האט זיך שוין זיינע גיטע שרייבערס , און די מאמענט ווייסט גאר גיט וועלכע ארטיקלען צו שרייבן , די מאמענט ווייסט אז סיפורי צדיקים מיט אנדערע זאכן זענען געמאכט פאר די יוד און בלאט זיי ווייסן אז דער עולם וואס צאלט זיכט קוואליטי אזאלעכע ארטיקלען ווי א אינטערוויוו מיט דער מלחין הערשי וויינבערגער דאס איז וואס דער עולם זיכט ממילה מאכט עכט נישט קיין סענס צו ג'יין קאמפעטישן מיטן מאמענט נאר ווען מען גייט אויף זיין דרך , און דערווייל קיקט נישט אויס ווי ער גייט אויף זיין דרך . ועוד דער מאמענט איז צו שטארק צו ג'יין קאמפעטישן מיט עים ס'איז ווי גלייך איינער גייט קאמפעטישן מיט קול מבשר וואס האט זערא טשאנס צו ארבעטן

מאך נישט מאמענט שטארקער ווי זי איז...