berlbalaguleh האט געשריבן:וואלווי האט געשריבן:רביה''ק זי''ע האט געשריבן:http://www.kaveshtiebel.com/viewtopic.php?f=47&t=12281
איך ווייס נישט פארוואס מ'זאגט אז תשרי און ניסן זענען העווי חדשים אלס יום טוב.
קען זיין אמאל איז אזוי געווען, אבער בימינו אלה איז אסאך שווערער די חודש אייר. ג' אייר דארף מען אפקאכען מער ווי א גאנץ ניסן. ה' אייר איז געהעריג א סיריעס יום טוב ס'איז אפי' אנגענומען צו בארבעקיוען, נישט קיין גרינג ארבעט בכלל. פסח שני, נו ווייסט מען דאך שוין אז אין רוב קהילות פירט מען טיש אדער גאר א גאנצע סדר. ואחרון חביב ל"ג בעומר, וואס קומט שוין היינט מיט א ד' חלקי שו"ע בכל פרטיה, פארשטייט זיך אז אויפשטעלען א דריי שטאקיגע הדלקה איז פיל שווערער ווי צען סוכות.
יעצט גיי פארשטיי וואס גאט האט געוואלט ווען ער האט צוגעזאגט פאר די תורה אז שבת און יום טוב וועלען יודען האבן צייט צו לערנען, נאך דערצו אין ימי ספירה, ס'דאך פאר קבלת התורה. אז נישט איז נישט...
וואלווי: דו האסט פארגעסן איין וויכטיגע סעודה. וואס אנ"ש די ברכיים אשר לו כרעו לבעל הציוני פיהרן זיך צו פראווען. ברוב פאר והדר. דאס אויספאסטן מוצאי דעם יום המר והנמהר, ה' אייר, רח"ל מהאי דעתא...! מילא ווען דער זקן ממרא. דער מסית ומדיח. (האלאו. בהמות. שוטים שבעולם. עפרא לפומייכון) איז געפיי--- האטמען נאר געגעבן תיקון. א ביסל לקח און בראנפן. אוןן מ'האט געמאכט א רקידה'לע. אפילו אלטע אידן מיט ווייסע בערד. סיי אין לאנדאן. און סיי אין בני ברק. און אפשר אין קר"י און וויליאמסבורג אויכעט. אבער דער תענית פון ה' אייר איז זייער אן ערנסטער תענית. אונז ערליכע אידן מדקדקים בכלה כבחמורה האבן נאר אויסגעפאסט ביים ר"ת זמן. ממילא קומט זיך א גרויסע סעודה צום אויפאסטן...!
ס'וועט נאך קומען א צייט ווען מ'וועט אנטון בגדי שבת. און מאכן א גאנצן יום טוב...!
האבעך א שאלה פאר אייך. טאמער האב איך געפראוועט די ישראלישע אינדיפענדענס דעי ה' אייר באטאג, איז עס א תרתי דסתרי אויב איך פאסט אויס מיט'ן ציבור אויפדערנאכט אין גרויס ס'מעדרעש?
את"ל אז ס'איז א סתורה, טאמער אבער ס'האט מיר אנגעכאפט א הירהור תשובה אזוי בין השמשות איז דעמאלטס יא אויסגעהאלטן צו חינגא'נען נאכ'ן ר"ת מיט די סאקמורים?
איכא דאמרי אז סתמא כנ"ל איז נישט א תרתי דסתרי, אבער לאמיר זאגען אז נאך מנחה האט מיר אנגעכאפט א שטארקע תשוקה להיות עם חפשי בארצנו, וועט מען אין אזא פטל לכו"ע שוין נישט מעגען משתתף זיין מיט'ן אויספאסט?
למעשה, זאגען פיל פוסקים, אז בכל אופן איז נישט קיין תרתי דסתרי אין מ'קען יוצא זיין ידי שניהם. ווער ס'געדענקט גוט ווייסט אז די רבי ז"ל פלעג תמיד זאגען אז פאר מ'גייט קנאית'ן אויף א צוויטען דארף מען קודם זיין גרייט עם צו געבן צו עסען. אויב אזוי, קען מען לכאורה פראווענען ה'אייר, אין דערנאך באקומען צו עסען אין ראדני בכל אופן. ודין אהני להו כוחו של אותו זקן.
קמ"ל, ניבא וידע מה ניבא, קמ"ל
