אויסוואל פון חסיד'ישע מוסדות אין מאנסי?

[מזל טוב]

מיר קלערן פון זיך ציען קיין מאנסי אי"ה. און פון די הויפט זאכן אויף די אגענדע איז, פארשטענדליך, ערלעדיגן די בתי חינוך, מוסדות התורה פאר די קינדערלעך. איך בין נישט צו שטארק באקאנט מיט די לענדסקעיפ פון מוסדות אין מאנסי, נאר אויבנאויף וואס איז באוויסט אין די גאס אז ס'איז זייער שווער צו ווערן אנגענומען, די מוסדות טעראריזירן, עס נעמט לאנג וכו' וכו' אבער וואס זענען בכלל די אויסוואלן?

איך בין א סאטמארער פון געבורט אויס. דערפאר איז פארשטענדליך אז איך זוך נישט צו שיקן צו אן אנדערע מוסד וואס איז דעדיקעיטעד פאר זייער חסידות און נאר מענטשן פון יענעם קרייז שיקן אהין. אבער עס איז זיכער דא נאך פארשידענע מוסדות'ער אויסער די סארט. עס איז דא אזאלכע וואס זענען מעיקרא געשטעלט פאר כלל חסידי, און אזאלכע וואס טראגן טאקע נעמען פון א געוויסע חסידות אבער האט קנאפ שייכות מיט די פארטיי און / אדער די חסידות מיט וועלכע זיי זענען אפיליאירט איז נישט קיין עקסקלוסיווע סארט נאר אלע מינים שיקן אהין.

סאו אויב קען מען מאכן דא א שטיקל ליסטע פון אלע תלמוד תורה'ס וואס קענען זיין אינטערעסאנט, וואלט עס געווען א גרויסע הילף פאר מיר און נאך אסאך אנדערע פון אויסער מאנסי און אפשר אפילו לאקאלע וואס זענען נישט באקאנט אין די פרטים ופרטי פרטים.

בפרט וואלט געווען גאר בייהילפיג צו האבן א שטיקל דעסקריפשאן איבער א מוסד מה טיבם, וואס איז די קוואליטעט פון זייער חינוך, פון די מחנכים, וויאזוי איז די ענגליש דעפט., וואסערע השקפות לייגן זיי אריין ענד טו וואט עקסטענט, וויפיל בעטן זיי שכר לימוד און וויפיל איז שייך צו האנדלען (אויב בכלל), וואס זענען זייערע פאליסי'ס, וואס פארלאנגען זיי פון די עלטערן, ווי שטארק גייען זיי נאך, זענען זיי צופרידן מיט אויסערליכע אפערענסעס אדער קריכן זיי דוקא אריין אין די קישקעס, ווי גרינג / שווער נעמען זיי אן, עני הינטס און טיפס וויאזוי צו דיעלן מיטן מוסד, ווער האט דארט די לעצטע ווארט א.א.וו.

עס מוז נישט זיין דוקא איינער מיט אלע אינפארמאציע אויף יעדן מעגליכן מוסד, נאר ווער עס קען זאל ביטע אריין טשיפן אביסל וואס ער ווייסט און צוזאמען וועט זיך האפנטליך ארויסשטעלן א קלארע בילד

בתודה מראש ולמפרע לכל המגיבים והמשתתפים, בשם יעדן וואס קען הנאה האבן פון אזא אשכול

[קורקלענד]

גרייט אייך צו פינף און צוואנציג צו דרייסיג אלפים שליסל געלט פער מוסד.

[מזל טוב]

Kidding?

אויב דו מיינסט עס ערנסט, פון וועלכע מוסד רעדסטו?

[דער גאלדענער אדלער]

גרייט אייך צו פינף און צוואנציג צו דרייסיג אלפים שליסל געלט פער מוסד.

אבי גערעדט!

[שמעון וואלף]

איך האב געהערט אז מוסדות רח"ש זענען גאנץ ריזאנעבל. טאמער ביסטי מער ווייניגער אן ארענטליכע יונגערמאן, וועט מען דיך אננעמען

[מזל טוב]

ווער איז רי"ש?

[שמעון וואלף]

ווער איז רי"ש?

ר' חיים שיע
פארראכטן

[דער גאלדענער אדלער]

@מזל טוב

קודם ברוכים הבאים פארן באשיינען אינזער שטיבל.

און לעצם הענין, די פארטייאישע מוסדות איז נישט אינטערעסאנט אויסצושמועסן דא ווייל בדרך כלל וועלן נאר איינשרייבן דארט די וואס באלאנגן דארט נאך פון מ' יום קודם יצירה, אוודאי איז אייביג דא א יוצא מן הכלל, למשל אויב איז עס א פרישע מוסד, און זיי האבן נישט אזא גרויסע נאכפאלגערשאפט (חסידים בלע"ז) אינעם געגענט ווי זיי עפענען זיך, וועלן זיי במילא אננעמען קינדער פון "די פרעמד" אבי זיי זאלן זיך קענען אויפבויען.

אזוי האבן זיך אלע חסידשע און נישט חסידישע מוסדות געבויעט, ווי למשל סאטמאר מאנסי, וויזניץ, סקווירא, און אפילו לעצטענס, ראכמיסטריווקא, באבוב, קלויזענבורג, בעלז, וכו' וכו' און איינמאל זיי האבן זיך אויפגעבויעט האבן זיי אנגעהויבן א רייניגונג (קלענזינג בלע"ז) ווי זיי מאכן זיכער אז די מוסד מעגן נאר אריינקומען קינדער פון "היימישע משפחות" אדער ווי ס'ווערט גערופן אין די מער היימישע שפראך "אנשי שלומינו".

האב איך פרובירט צוזאם שטעלן א שטיקל ליסטע, דערווייל האלט איך נאך ביי זעקס ת"ת

אמרי בינה
ריבניץ
מונקאטש
אמרי שפר
ראכמיסטריווקא
בית דוד

די באלאנגן לגמרי נישט (חוץ ראכמיסטריווקא) צו קיין שום חסידות, און סיי וואספארא סארט חסידות ווערן אנגענומען דארט, כ'זאג נישט אז דאס אננעמען איז גרינג, אבער אויב זוכסטו אזא מין ת"ת זענען די לכאורה די טשויס, קען זיין ס'דא נאך, אבער יעצט אויף די מינוט קומט מיר דאס אין זיכרון.

[מזל טוב]

ייש"כ.

מען ראט מיר צו אפלייען קודם איבעראל און זעהן וואו עס געלונגט.

איך ווייס אבער אפילו נישט וואו אנצוהייבן. איך שטויס זיך אן אין נעמען פון חדרים אבער נישט מער.

למשל, דרכי נועם, קאלאשיץ, נועם אלימלך ווייסט איינער עפעס וועגן זיי?

פאפא, איז נאר פאר פאפא חסידים אדער ס'איז אפן פארן פובליק? די זעלבע מיט באבוב (ביידע), האו עבאוט ראחמיסטריווקא?

איך זוך דווקא נישט קיין 'אובער הייליגע' (ווי למשל בנות חיל אין וויליאמסבורג), איך פארשטיי אז תשב"ר ריבניץ איז מער אין די קאטעגאריע, איז דאס ריכטיג?

----

גאלדענער אדלער 'האקט', קודם א ייש"כ און לאמיר דורכליינען בעיון

[מזל טוב]

איז בית דוד עמטליך א חסיד'ישע תלמוד תורה? מיר האט זיך געדוכט אז ס'איז מער ישיבי'ש

ראחמיסטריווקא דארף איך מורא האבן פאר א עווענטועלע קלענזינג? (און עט ליעסט די קינדער וואס האבן שוין געלערנט דארט, זענען כאטש יא פארזיכערט צו קענען גראדואירן?)

פון ארום זוכן איז מיר אויסגעקומען אז מונקאטש, וויען, אמרי שפר און עטרת צבי הייסן אפיציעל אפן פאר יעדן, אבער מונקאטש און וויען פרובירן דאס צו טוישן און ווערן מער שטרענג. איז דאס למעשה אזוי?

(כשלעצמי האלט איך, אז אויב גייט מען שוין יא דעם ראוט איז אמרי שפר די בעסטע לויט די אימעזש וואס זיי פרובירן צו מאכן, א קוואליטי חינוך און אויך א דגוש אויף גוטע לימודי חול. איז דא למשל משפחות וואס קענען ווען רעלאטיוו גרינג אנגענומען ווערן אין מער סטאנדארט מוסדות אבער זענען אליינס בוחר אמרי שפר צוליב דעם? און למעשה, do they live up to the hype? זיי דעליווערן טאקע אדער איז דאס נאר פראפאגאנדע? וויאזוי זעהן אויס די פירות פון די פארגאנגענהייט?)

וואס און ווער איז אמרי בינה?

[דער גאלדענער אדלער]

@מזל טוב שרייבט

איך זוך דווקא נישט קיין 'אובער הייליגע' (ווי למשל בנות חיל אין וויליאמסבורג), איך פארשטיי אז תשב"ר ריבניץ איז מער אין די קאטעגאריע, איז דאס ריכטיג?

ריכטיג! מ'לערנט דארט ליידער נישט קיין ענגליש

[דער גאלדענער אדלער]

ת"ת בית דוד, זענען רוב מלמדים און אלע מנהלים חוץ די מתיבתא חסידישע, און כ'וואלט געזאגט אז רוב קינדער זענען ליטווישע אבער א גוטע דרייסיג פראצענט זענען חסידישע פון אלע סארט סטאלין, גור, סאטמאר, וכו' וכו'

[דער גאלדענער אדלער]

@מזל טוב, דאס וואס דו פרעגסט וועגן ראכמיסטריווקא

ראחמיסטריווקא דארף איך מורא האבן פאר א עווענטועלע קלענזינג? (און עט ליעסט די קינדער וואס האבן שוין געלערנט דארט, זענען כאטש יא פארזיכערט צו קענען גראדואירן?)

דער תירץ איז לפענ"ד אז ס'האלט נאך ווייט דערפון ווייל זיי האבן נאך צו א קליינער עולם אין מאנסי לעת עתה

[דער גאלדענער אדלער]

@מזל טוב; דאס וואס דו שרייבסט


פון ארום זוכן איז מיר אויסגעקומען אז מונקאטש, וויען, אמרי שפר און עטרת צבי הייסן אפיציעל אפן פאר יעדן, אבער מונקאטש און וויען פרובירן דאס צו טוישן און ווערן מער שטרענג. איז דאס למעשה אזוי?

כפי ידיעתי זענען זיי טאקע אפן צו יעדן, אבער ס'דא א גרויסע נפק"מ צווישן זיי למשל וויען איז זייער שווער אריינצוגיין, משא"כ מונקאטש, אמרי שפר, עטרת צבי בין איך נישט באקאנט

און לגבי די קוואליטעט פון אמרי שפר, קען איך דיר מעיד זיין אז זיי האבן זייער א פארגעשריטענע קאריקאלום הלוואי וואלטן אנדערע מוסדות נאכגעמאכט, וואלטן געווען ווייניגער עמי הארצים און די יוגענט וואלט פיל שענער אויסגעזעהן. בפשטות פון אלע חסידישע ת"ת האבן זיי די בעסטע קאריקאלום מיט גאר געלונגענע און איבערגעגעבענע מלמדים מנהלים און ענגלישע טיטשערס

[Billy]

עטרת צבי האט געטוישט נאמען צו באר ישעיה.

באר ישעיה איז די מערסטע מאדערנע חסידישע חדר. זיי גיבן א גוטן עדיוקעישן, א גוטע ענגליש פראגראם, וכ'ו.

אמרי שפר איז דער ראנער אפ צו דעם, פאר די וועלכע ווילן הייסן מער חסידיש.

מונקאטש איז דער נעקסטער ראנער אפ. מ'האט לעצטנס משלח געווען דעם עסקטרעמיסט מנהל יאקאב.

פון דא און ווייטער איז אלעס פארטייאיש און א קאווע שטיבל ליינער האט נישט וואס צו זוכן דארט.

שטיי אוועק פון: בית דוד. ראחמעסטריווקע. תשב"ר. נועם אלימלך. וכו וכו.

[moneyminded]

מונקאטש נעמט אן זייער גרינג יעצט

Sent from my SM-G960U using Tapatalk

[חוקר ודורש]

איך האב געהערט אויף די ת״ת באר ישעיה (אפשר איז דאס געווען אין אמרי שפר) אז אמאל ווען איינער פון די קינדער דארט האט געמאכט מיט זיין משפחה אן ״עלייה״ קיין ארץ ישראל האט מען געמאכט אין חדר א מסיבת פרידה מיט איזראעלי פענער, ס׳האט מיר זייער געפאלן


Sent from my iPhone using Tapatalk

[מזל טוב]

עטרת צבי האט געטוישט נאמען צו באר ישעיה.

באר ישעיה איז די מערסטע מאדערנע חסידישע חדר. זיי גיבן א גוטן עדיוקעישן, א גוטע ענגליש פראגראם, וכ'ו.

אמרי שפר איז דער ראנער אפ צו דעם, פאר די וועלכע ווילן הייסן מער חסידיש.

מונקאטש איז דער נעקסטער ראנער אפ. מ'האט לעצטנס משלח געווען דעם עסקטרעמיסט מנהל יאקאב.

פון דא און ווייטער איז אלעס פארטייאיש און א קאווע שטיבל ליינער האט נישט וואס צו זוכן דארט.

שטיי אוועק פון: בית דוד. ראחמעסטריווקע. תשב"ר. נועם אלימלך. וכו וכו.

בית דוד און ראחמיסטריווקא און נועם אלימלך זענען די זעלבע פארפרומט ווי תשב"ר?

ווער איז נועם אלימלך? איז דאס אפיליאירט מיט די ישיבה און אונטער משה ברוך ווייס' הדרכה?

וויאזוי זענען באר ישעיה און מונקאטש מיט די לימודי קודש?

(ווען אלע קאווע שטיבל ליינער - און פאטענציעלע ליינער און סימפאטיזירער - וואלטן ווען נישט געשיקט צו קיין פארטייאישע / מעינסטרים מוסדות וואלטן מיר דאך נישט געהאט די אלע אשכולות מיט קרעכצן אויף די מוסדות' טעראר... און עס וואלט שוין געווען פיל מער פון די סארט מוסדות)

[דער גאלדענער אדלער]

אויף דיין ערשטע שאלה צו בית דוד איז די זעלבע ווי ראכמיסטריווקא נועם אלימלך וכו' דער תירץ איז ניין, אבער נישט ווייל זיי ווילן נישט נאר ווייל ס'פשוט אנדערש געבויעט, ס'טייטש היות רוב קינדער דארט זענען פון ליטווישע הייזער, איז אלעס וואס ביי די ליטאים איז נארמאל איז דארט אויך נארמאל ווי למשל, די ערשטע שפראך וואס ווערט גערעדט צווישן די קינדער איז ענגליש, אפילו די מלמדים ווען זיי לערנען פאר איז עס אין ביידע שפראכן, רוב קליידער משוגעת'ן וואס איז שטרענג פארבאטן אין חסידישע ת"ת ווי למשל וועלעכע גלעזער צו גיין אדער פיר שניטיגע קאפלעך וכדומה איז דארט נישט קיין פראבלעם, קורצע ארבלען קען מען דארט גיין ביז די אכצן, קאלירטע קאפלעך ביז די בר מצוה, וכדומה וכדומה און פון די אנדערע זייט טעכנאלאגיע איז דארט אסור פינקט ווי אין חסידישע ת"ת.

[Billy]

איך האב געהערט אויף די ת״ת באר ישעיה (אפשר איז דאס געווען אין אמרי שפר) אז אמאל ווען איינער פון די קינדער דארט האט געמאכט מיט זיין משפחה אן ״עלייה״ קיין ארץ ישראל האט מען געמאכט אין חדר א מסיבת פרידה מיט איזראעלי פענער, ס׳האט מיר זייער געפאלן


Sent from my iPhone using Tapatalk

די מעשה איז געשען אין אמרי שפר

[Billy]

עטרת צבי האט געטוישט נאמען צו באר ישעיה.

באר ישעיה איז די מערסטע מאדערנע חסידישע חדר. זיי גיבן א גוטן עדיוקעישן, א גוטע ענגליש פראגראם, וכ'ו.

אמרי שפר איז דער ראנער אפ צו דעם, פאר די וועלכע ווילן הייסן מער חסידיש.

מונקאטש איז דער נעקסטער ראנער אפ. מ'האט לעצטנס משלח געווען דעם עסקטרעמיסט מנהל יאקאב.

פון דא און ווייטער איז אלעס פארטייאיש און א קאווע שטיבל ליינער האט נישט וואס צו זוכן דארט.

שטיי אוועק פון: בית דוד. ראחמעסטריווקע. תשב"ר. נועם אלימלך. וכו וכו.

בית דוד און ראחמיסטריווקא און נועם אלימלך זענען די זעלבע פארפרומט ווי תשב"ר?

ווער איז נועם אלימלך? איז דאס אפיליאירט מיט די ישיבה און אונטער משה ברוך ווייס' הדרכה?

וויאזוי זענען באר ישעיה און מונקאטש מיט די לימודי קודש?

(ווען אלע קאווע שטיבל ליינער - און פאטענציעלע ליינער און סימפאטיזירער - וואלטן ווען נישט געשיקט צו קיין פארטייאישע / מעינסטרים מוסדות וואלטן מיר דאך נישט געהאט די אלע אשכולות מיט קרעכצן אויף די מוסדות' טעראר... און עס וואלט שוין געווען פיל מער פון די סארט מוסדות)

נועם אלימלך און תשב"ר האבן א שטיקל ענליכקייט ווייל יארן צוריק זענען זיי געווען איינס. זיי האבן זיך צוטיילט איבער פרומקייט משוגעת'ן. (תשב"ר האט געהאלטן, למשל, אז קינדער מעגן גיין אויף טריפס - נועם אלימלך האט נישט געהאלטן פון דעם, וכהנה).

בנוגע ראחמעסטריווקע - איך קען נישט פערזענליך דעם ראחמעסטריווקע רבי און זיין שיטה אין אידישקייט אבער דער ראחמעסטריווקער חדר אין מאנסי האט זיך אוועקגעשטעלט מיט'ן ציל צו זיין פארחנאקטער פונעם חנאק. דער מנהל דארט איז א פלאכער ביבער הוט קאשוי סטיל ראדיקאל.

נועם אלימלך חדר איז אפיליאירט מיט משה ברוך ווייס. ניחשת טוב.

לגבי בית דוד.. וואו זאל איך אפילו אנהייבן... א פארשטונקענע עליטיסטישע אינסטיטוציע וואס גיבט ארויס גאנץ שוואכע סחורה נאך אלעם. ווען א סאטמאר'ער (אדער עני ביג באקס סיסטעם) אינגערמאן קומט זיך מתחנן זיין צו אננעמען זיינע קינדער וועלן זיי אים שלעפן דורך בלאטע ביז זיי וועלן אים אפראוון. אויב בכלל. זיי דארפן נישט דעם סאטמאר באם אזוי צו זאגן. און אויב דו שטעלסט אן א פנים כאילו ביזט געווארן א בעסערע גאטשע און ביזט געווארן א רב שלעזינגער חסיד וכו' וועסטו דאס דארפן אויפווייזן.

די זעלבע איז מיט בית רחל סקול פאר מיידלעך. למעשה די צוויי מוסדות - בית דוד און בית רחל - זענען עכטע רעליקס פון אלט-מאנסי ווען חסידים מיט ליטפאקס האבן געלערנט אין איין קלאס. היינט צו טאג סערווירן די צוויי מוסדות מייסטנס רעפיט קאסטומערס אדער קינדער/אייניקלעך פון די אריגינעלע אלומניי.

לויט דיין שאלה פארשטיי איך אז דו האסט נאר זין. מיינע בנים האב איך געשיקט צו עטרת צבי (פאר ס'איז געווארן באר ישעיה) און ס'איז געווען א געוואלדיגער אויסוואל.

די נחת פון איטליכער טאטע קען ווערן אפגעשאצט באזונדער. מיין נחת איז אז מיינע קינדער זענען נערדס און אקאדעמיקער. איינער איז אין א פרעסטיזשפולער אוניווערזיטעט, איינער האט איצט געשריבן א טעזע איבער ביאלאגיע אויף וואס ער גייט קריגן אן אויסצייכענונג די וואך. וואלטן זיי געגאנגען אין אן אנדער חדר וואלטן זיי מסתמא נישט אנגעקומען דארט.

למעשה היינט צוטאגס איז אביסל אכשר דרא אין דעם געביט. אמרי שפר שטעלט צו א פיינעם עדיוקעישן מיט די שיפע טאשן..

מיין מענטאליטי איז אלץ געווען זיך נישט צו בעטן ביי די דרערד ליגערס ווי נחום רופט זיי. אויב זיי ווילן מיר נישט באלאנג איך (טאקע) נישט דארט.

זאלסט האבן אסאך נחת.

[berlbalaguleh]

ביללי: איינער א קרוב מיינער האט געשריבן א בוך. און ער האט געהאלטן א טעזע/דרשה אין אן ערליכע ישיבה וואס די אנפיהרערס זענען צדיקים. און ער האט נישט באקומען אן אויסצייכענונג. ווייל ער האט באשריבן דעם טרויעריגן מצב אין רוב פון די אזוי-גערופענע .."עליטיסטישע ישיבות...! אדרבה. מ'האט געלייגט זיין בוך (און איהם אויך) אין חרם. ווייל די גאר חשוב'ע און פראמינענטע אנפיהרערס פונ'ם אידישן חינוך סיסטעם האבן זיך דערזעהן דארט מיט רויטע פעינימער...!

[מזל טוב]

א גרויסן ייש"כ פאר אלע מגיבים. צוביסלעך באקומט מען א שטיקל בילד וואס עס טוט זיך

מ'האט דערמאנט אמרי בינה. מה טיבם?

און אויך, וויאזוי קאמפעירט מיין נעיטיוו מוסד, סאטמאר, מיט די אנדערע וואס מען האט גערעדט אין דעם אשכול?