א באטל אין קאפ אריין, מאה רשעים!

[[NAMELESS]]

איך געפין זיך יעצט אין ארץ ישראל.

נעכטן בין איך נאטורליך געגאנגען אויף די היסטארישע מאה שערים גאס אין ירושלים, איך האב געהערט שוין אינדערפרי אז עס גייען פארקומען אומרוען, אבער נישט זייענדיג עכט באקאנט אין די ענינים האב איך געמיינט אז עס וועט זיין אין ערגסטן פאל אזויווי די קליפס וואס איך זעה כסדר אין די נייעס.

גיי איך זיך אזוי ארויף פון רחוב יואל אויף מאה שערים און איך מאך א רעכטס אין ריכטונג פון ככר השבת, איך האב שוין פונדערווייטנב געקענט זען אפאר הונדערט מענטשן (?) ביי די זייטן פון די פינף ווינקלען אינטערסעקשן אבער טרעפיק איז געפארן געהעריג אוו אלס איז אנגעגאנגען ווי נארמאל.

דערנענטערנדיג זיך מער און מער האבן די פארזאמלטע פלוצלינג אנגעהויבן צו לויפן אין מיין ריכטונג, איך האב געקוקט און געזען צוויי ריטערישע פערד נאכיאגן די מענטשן, הינטער די פערד האב איך אנגעמערקט א שטארקע איינהייט פון פאליציי און א ווייסער טרעקל מיט א גרויסע רער ביים נאז, די שטונק וואסער טראק.

איך האב זיך נישט געזוימט און אריינגעלאפן זוכן שוץ אין א בנין, פילע טשאלמער'ס און ישיבה בחורים האבן פארפלייצט דעם אריינגאנג צום בנין, א אויבער חכם האט אנגעהויבן שרייען ביים טיר לאזונגען אויף די פאליציי און א ליטווישער ישיבה בחור האט אים מיט א מאכטפולער בריקע אין די סענסיטיווע מקומות ארויסגעשטויסן פון דארט.

אבער דאך זייענדיג א שלום פארערער האט מיר געבאדערט זעענדיג די ברוטאליטעט פון די משטרה.

די יס"ם זענען אנגעקומען נענטער צום טיר פון בנין, איך האב נישט געוואוסט וואס זייער פלאן איז, ביז איינער פון זיי האט עס פארהאקט און די משטרה האט נישט געלאזט ארויסגיין פון דארט, זייער פארשטענדליך פון זייער זייט.

אזוי בין איך געווען געשטראנדעט אין א פרעמדער בנין מיט אומבאקאנטע מענטשן, ספרדישע קנאים הפלג מיטגלידער און אמעריקאנע וויליאמסבטרגע בחורים און שוויץ שמעקנדע נטורי קרתא משוגעים פאר איבער א שעה, דאן האבן די פאליציי געעפנט דעם טיר און געבעטן שיין אויף ענגליש אז מען זאל אהיימגיין און נישט פארבלייבן אויף די גאס, איך האב ארויסגעשפאנט אפאטעמנדיג און געגאנגען אויפן וועג אהיים.

ווי נאר איך בין אנגעקומען ביים ווינקל פון יואל זיך פארקירעוונדיג אריין אין געסל האט אנגעהויבן פליען פון די פארטשעס כל מרעין בישין, איך האב פארשנעלערט מיינע טריט ווילנדיג אפטראגן פונעם שלאכטפעלד ווען פלוצלינג-

טראך!

א גלעזערנעם באטל האט אראפגעלאנדעט אויפן קאפ פון א פאליציאנטקע, זי האט מיט א ביטערע געשריי אראפגעטראסקעט אויף דער ערד און פארלוירן דעם באוואוסטזיין, איך בין אינסטינקטיוו צוגעלאפן פרובירנדיג צו שרייען פאר הילף ווען עטליכע ירושלימ'ע לייכטזיניגע בחורים האבן אנגעהויבן אריינהאקן מכות רצח אין איר פארוואנדעטע קערפער.

פארשטייט זיך אז ביז א מינוט זענען אנגעקומען די פאליציי און געטיילט קלעפ אויף אלע זייטן, און אריינגעפירט די האלב טויטע פאליציאנטקע אין שפיטאל מיט א טרעקל פון מד"א.

אבער נאך איין מאל איינער וועט מיר קומען דערציילן אז די פאליציי אין ארץ ישראל האט פיינט חרדים, וועל איך ענטפערן צוויי ווערטער.

איך אויך!!!

[אישתישבי]

עס איז צו באדויערן וואס גייט דארט פאר.

דאס איז די פירות פין אונזערע חינוך.

דאס נישט לאזן גיין אין מיליטער פין איין זייט, און דאס געבן געלט פין די צווייטער זייט, ברענגט אסאך ליידיגייער, און די רעזולטאטן זענען וואס די האסט געזען.

טאמער מיינט איינער אז דא אין אמעריקא איז אנדערש, ווארט נאר צו, אין צען יאר געשעהן דא דער זעלבער זאכן.

א פראטעסטַ וועגן דער גזירת החינוך וועט ארויסברענגן אלע ליידיגייער וואס האבן נישט געלערנט די לעצטער צוואנציג יאהר, און מיר וועלען זיין ערגער פין וואס די שווארצער זענען געוועהן פערציג יאר צוריק.

[berlbalaguleh]

איך ווייס פון אן ענליכן פאל וואס א בחור'ל פון 14 יאר האטציך אריינגעדרייט אין פעקל. דער בחור איז געווען טראבל. נאך פאר זיין בר מצוה האט ער אנגעשטעלט פארשידענע שטיקלעך. און ער האט געברענגט בושות פאר זיינע עלטערן. ער פלעגט אויפברעכן פושקעס אין בתי מדרשים. אין זיין אייגענע דירה האט ער אנגעשטעלט א גניבה. ווען מ'האט איהם געלייגט פרעשור האט ער זיך מודה געווען אז ער האט עס אליינס אנגעשטעלט...!

ער איז אנגעקומען צו די בארעלעך אין ירושלים. איין טאג איז ער ארויף אויפ'ן דאך פון בנין הישיבה. ער האט אראפגעווארפן א סינדער בלאק אויפ'ן קאפ פון א פאליציאנט. דער פאליס איז דערהרג'ט געווארן. פארשטייצעך אז מ'האט איהם ארעסטירט און געמאכט א משפט. זיין טאטע איז געקומען צו פארן און מיט גרויס פראטעקציע און א סאך געלט האט מען איהם באפרייט אלס דזשווענייל (יוגנטליכער).אבער ער האט תיכף געמוזט אפפוצן קיין אמעריקע...!

אבער דא איז אויך שייך די מימרא פון די גמרא..."לאו עכברא גנבא אלא חורא גנבא"...! וואו זענען די משגיחים אז א ראצער פן 14 יאר זאלל הרגנ'ען א מענטש...?! נאר אט דאס לערנט מען אין תולדות אהרון און די אנדערע אזעלכע פארדארבענע פלעצער...!

[יהודי פשוט]

ממש א רחמנות אויף די אומ-שולדיגע פאליציי
https://twitter.com/ze_lama/status/1131 ... 45120?s=19

[berlbalaguleh]

אישתישבי: נאר איין ווארט...מחאת מאנסי ביום שבת קודש נגד ה'טעכנאלאגיע יוכיח...!

[רביה''ק זי''ע]

ממש א רחמנות אויף די אומ-שולדיגע פאליציי
https://twitter.com/ze_lama/status/1131 ... 45120?s=19

יענע פאליציי אפיציר איז געווען א מאן אויב דו האסט נישט באמערקט, אפשר איז ער געווארן א טרענס? און דאס איז אנעם אריינגיין אינעם לא תיקום.

[יהודי פשוט]

יענע פאליציי אפיציר איז געווען א מאן אויב דו האסט נישט באמערקט, אפשר איז ער געווארן א טרענס? און דאס איז אנעם אריינגיין אינעם לא תיקום.

מאך זיכער האט דאך ערקלערט אז ער האט פיינט חרדים, ער זאגט נישט ער האט פיינט די חרדים וואס זענען שולדיג אין דער אקט.

זאג איך אויך אז איך האב פיינט אלע פאליציי ווייל אפאר פון זיי האבן געקענט טוהן אזא זאך (און פאר נאך אפאר סיבות)

[רביה''ק זי''ע]

איך מיין אז מאך זיכער האט אויך פיינט די פאליציי, אויך אראבער, לינקע, און נאך אסאך סארט מענטשן, ביטע נישט פארדרייען קיין אשכולות, יישר כח.

[יהודי פשוט]

אינטערעסאנט אז מאך זיכער האט נישט גע'עפנט קיין אשכול דעמאלטס, אויס צושרייען זיין וויי-געשריי קעגן די פאליציי

[רביה''ק זי''ע]

נאכאלץ נישט קיין תירוץ צו פארדרייען אשכולות.

[גדליה]

סאיז א גרויסע ווייטאג
סאיז שווער צו פארשטיין בכלל וואס דא גייט פאר מיט די אלע הפגנות
וואס איז דער ציל? האט מען שוין אמאל אויפגעטון עפעס זאכליך מיט אזוינע ווילדע אומלעגאלע הפגנות?
קעגן וואס פראטעסטירט מען בכלל? ווי לאנג גייט מען נאך פראטעסטירן?
את גווי נתתי למכים! פארוואס? פארווען?
פאליציי ברוטאליטעט איז א פראבלעם אין אלע מקומות
די קשיא איז פארוואס שיקט מען בחורים און יונגעלייט אויף אזעלכע צודרייטע מיסיעס אפצושפארן גאסן און אנצינדן גארבעזש קענס. דאס מאכט א רושם אז דיפראטעסטירער זענען נישט בגדר אנושיים און סאיז שווער צו רחמנות האבען אויף זיי.
אז א שווארצער פארקויפט ציגרעטלעך אין ניו יארק און די פאליציי דערשטיקט אים איז א טענה אויף פאליציי.
אז ישיבה בחורים גייען פראטעסטירן און ווערן אנגעמקלט איז א רחמנות אויף די בחורים. אבער קיין טענות קען מען צו קיינעם האבען אויסער אויף די מענטשן וואס שיקען זיי.

[איסר האטלקי]

איינער קען מיר פארציילן וואו און ווען די מעשה האט פאסירט??

דא רעדט מען נאר פון עפעס א לעבען וואס האט קיינעם נישט געשעדיגט.

[בת קול]

סאיז א גרויסע ווייטאג
סאיז שווער צו פארשטיין בכלל וואס דא גייט פאר מיט די אלע הפגנות
וואס איז דער ציל? האט מען שוין אמאל אויפגעטון עפעס זאכליך מיט אזוינע ווילדע אומלעגאלע הפגנות?
קעגן וואס פראטעסטירט מען בכלל? ווי לאנג גייט מען נאך פראטעסטירן?
.

נאך א שאלה וואס מען קען פרעגן:
איז אידישלעך צו damagen property אדער מענטשן?

נישט קיין חילוק ווער עס שיקט זיי, קען א בחור אליינס פארשטיין אז דאס איז נישט די אידישע וועג.

[איסר האטלקי]

א גלעזערנעם באטל האט אראפגעלאנדעט אויפן קאפ פון א פאליציאנטקע, זי האט מיט א ביטערע געשריי אראפגעטראסקעט אויף דער ערד און פארלוירן דעם באוואוסטזיין, איך בין אינסטינקטיוו צוגעלאפן פרובירנדיג צו שרייען פאר הילף ווען עטליכע ירושלימ'ע לייכטזיניגע בחורים האבן אנגעהויבן אריינהאקן מכות רצח אין איר פארוואנדעטע קערפער.

פארשטייט זיך אז ביז א מינוט זענען אנגעקומען די פאליציי און געטיילט קלעפ אויף אלע זייטן, און אריינגעפירט די האלב טויטע פאליציאנטקע אין שפיטאל מיט א טרעקל פון מד"א.

איינער קען מיר פארציילן וואו און ווען די מעשה האט פאסירט??

דא רעדט מען נאר פון עפעס א לעבען וואס האט קיינעם נישט געשעדיגט.

[לבי ובשרי]

[tag]מאך זיכער[/tag] פיינע מעשה און שיינע ערפארונג וואס האסט מיטגעלעבט.

אבער ביטע האק נישט אין קאפ. אלעס האט א שיעור. עס איז גענוג באקאנט די רציחה'שע מיטלען פון משטרת מדינת ישראל ושוטרותיהם, און ווי דער קליפ וואס [tag]יהודי פשוט[/tag] האט צוגעברענגט איז פארהאן נאך טויזנטער אזעלכע.

כ'זאג נישט אז די אידעלעך זענען גערעכט און נארמאל מיט זייער פירונג. אבער דאס איז נאכאלס נישט קיין ענטפער אויפדעם וואס קעפ ווערן טעגליך צעשפליטערט און בלוט גיסט זיך ווי וואסער דורך די משטרה און זייערע שוטרות.

[רביה''ק זי''ע]

כ'זאג נישט אז די אידעלעך זענען גערעכט און נארמאל מיט זייער פירונג.

וועלכע אידעלעך...

[איסר האטלקי]

ענדליך האב איך געטראפן א מקור צום געשיכטע, וואס שרייבט אינעם קעפל 'שוטרות נפצעה', אבער אן קיין שום פרטים אינעם ארטיקל. אויף א קורצן ווידיאו זעט מען ווי א פרוי פאליציאנטקע שפאצירט אוועק אויף די אייגענע צוויי פיס.

אינטערעסאנט פארוואס נאר [tag]מאך זיכער[/tag] ווייסט דערפון. מוז זיין ער איז אליינס דארט געווען, און נאר ער איז געווען דארט, דאס מיינט אז מסתמא האט ער גאר געשאסן דעם באטל...

[ליטוואק פון בודאפעסט]

איך פארשטיי נישט די ענין פון בארעדן די פאליציי. זיי זענען פרייע אידען, וואס הארעווען נישט אין אביי ורבא. אוודאי פיהרען זיי זיך אזוי אויף.

אבער מיר ווייסען דאך וואס מיינט תיקון המדות, וואס מיינט הכנעה צום אמת, וואס מיינט זיך פיהרען אידישלעך, אוודאי רעדט מען פון אונזערע! עס איז לייכט צו געבן מוסר אינדערויסען, אבער דער אמת איז מ׳דארף זיך אלינס מוסר׳ן.

כוחי ועוצם ידי איז נישט די אידישע דרך! מ׳שלאגט זיך נישט מיט כח! ידים ידי עשו, נישט יעקב! ווען א מענטש, זאגאר א אידישע מענטש, ווערט פארוואונדעט, איז עס אונזער דאגה, זי איז דאך עצמינו ובשרינו. אז זי היט נישט קיין מצוות טויג נישט. און עפעס וואלט געדארפט געטון ווערן דערוועגן (טאמער מ׳האט אן אויסגעהאלטענעם וועג), אבער דאס נעמט נישט צו אז איהר קערפער דארף נישט געשלאגען ווערן. און אונז רחמנים בני רחמנים, וואס לערנען ב"ק און ווייסען וואס מיינט חבלות, וואס לערנען ארחות צדיקים און ווייסען וואס מיינט איידעלקייט, דארפען זיין די ערשטע דאס אנערצוקענען.

Sent from my LG-K373 using Tapatalk

[קאך_לעפל]

ביי אונז אידן איז אלעמאל געגאנגן שלעק.

אין בית המקדש ווען ינאי המלך האט געגאסן די ניסוך המים וואסער אויף די לאפעס, האבן אים די א.ג. עקסטרעמיסטן באווארפן מיט אתרוגים. ווי אויך ביי די סמיכה סעמוטאכע וואס האט געבושעוועט צווישן די תלמידים פון שמאי און הילל איז געגאנגן ערענסטע מכות אין די עזרה.
אזוי אויך פארציילן די קריסטן אז ווען יעזעס איז אריין אינעם בית המקדש - און געזען די אנגעבליכע קאראפציע וואס ס'האט געהערשט צווישן די בית המקדש איינגעשטעלטע, האט באלד אנגעהויבן טיילן פעטש. די העד ליין אין די צייטונגען איז דאן געווען "יעזעס טיילט מכות אין בית המקדש"...

מה שהיה הוא שיהיה...

[ליטוואק פון בודאפעסט]

לאמיר דיר מסביר זיין וואס איז דא געשען. עס איז געווען שמיני עצרת און א זאלי האט עס געטון.
יעצט פארשטייסטו?

Sent from my LG-K373 using Tapatalk

[[NAMELESS]]

ענדליך האב איך געטראפן א מקור צום געשיכטע, וואס שרייבט אינעם קעפל 'שוטרות נפצעה', אבער אן קיין שום פרטים אינעם ארטיקל. אויף א קורצן ווידיאו זעט מען ווי א פרוי פאליציאנטקע שפאצירט אוועק אויף די אייגענע צוויי פיס.

אינטערעסאנט פארוואס נאר [tag]מאך זיכער[/tag] ווייסט דערפון. מוז זיין ער איז אליינס דארט געווען, און נאר ער איז געווען דארט, דאס מיינט אז מסתמא האט ער גאר געשאסן דעם באטל...

ר' איסר דו האלטסט אז איך בין א בעל דמיון? אויף ככר השבת און בחדרי חברים האט מען נישט געמאלדן אבער אויף קול זקאקא האט מען שוין איינמאל געחאגעט אויף די געשיכטע.

[איסר האטלקי]

הייסט אז קול זעקה איז ביי דיר א מקור מוסמך?

וואס איז זייער נומער?

[קאך_לעפל]

לאמיר דיר מסביר זיין וואס איז דא געשען. עס איז געווען שמיני עצרת און א זאלי האט עס געטון.
יעצט פארשטייסטו?

Sent from my LG-K373 using Tapatalk

פארשטייסטו וואס? וואס איז דא צו פארשטיין? האסט בלויז געוואלט ארויפברענגען די טעמע, צוליב מיין רעליגיע? דאס איז ריינע ראסזים!