מיין (אומסוקסעספולער) קארעספאנדענס מיט אייכמאן

[ונבנתה העיר]

כ'האב א גריס פאר אייך, ליבע פריינט. א גריס אייך פון אייכמאן.

נישט נאר שיקט ער אייך א גריס, נאר ער שיקט זיינע בעסטע וואונטשען פאר די חסידישע געמיינדע (סארי, ליטוואק.)

אבער לאמיר נישט כאפן די געילה פאר די צייט.

----------

אייכמאן. אדאלף אייכמאן. לשמו ולזכרו חרדת נפש.

אדאלף אייכמאן, אדער איישמאן, מיט א סענסעטיווע געמיש צווישן א שין שמאלית וימנית, ווי עס פאסט פאר אזא הויכראנגיקער נאצי.

אדאלף אייכמאן. דער ארכיטעקט פון דער האלאוקאסט. דער מאן וואס האט געזאגט אין 1945: איך וועל אריינטאנצען אין מיין קבר לאכענדיג, ווייל דער געפיל אז איך האב פינף מיליאן מענטשן אויף מיין געוויסן, איז פאר מיר א מקור פון אויסערגעווענליכע צעפרידענהייט.

880px-WannseeList.jpg

מיר קענען אים אלע. מיט'ן שיעפן דאשיק אויפן קאפ, לאוקינג סמארט. גראדע ווען די מוסד האט אים שפעטער ערלעדיגט א באזוך אין ארץ ישראל, זעט ער אויס ווי סתם אן אפגעפליקטער יעקע, גארנישט דאס אויסדערוועלטע ראסע.

די חכמים הראשונים האבן שוין געזאגט: דער אויסדערוועלטער אריער איז בלאנד ווי היטלער, דאר ווי גערינג, און הויך ווי גאבעלס...

----------

דער סיפור אין קורצן:

נאכ'ן קריג איז אייכמאן אנטלאפן קיין ארגענטינע, א זיכערער ארט פאר שווערע טויזענטער נאציס. יזכר להם לדראון עולם.

ער האט זיך אנגענומען דעם נאמען ריקארדא קלעמענס, געטראפן א דזשאב ביי א מערצעדעס בענז פאבריק, און געוואוינט מיט זיין ארגינעלע פאמיליע אין אן אפגעזונדערטער הויז.

ווען די מוסד האט זיך דערוואוסט וואו ער געפונט זיך, האבן זיי אראפגעשיקט א גרופע אגענטן. אויפן וועג אהיים פון די ארבעט האט מען אים פארכאפט, געהאלטן אין א סעיף-האוז פאר ניין טעג, און ארויפגעשמוגעלט אויף אן אל-על פליגער פארשטעלט ווי איינער פון די מאנשאפט.

5665498-6321785-image-a-51_1541096187089.jpg

אין ארץ ישראל איז ער געשטעלט געווארן פאר א משפט. דער גאנצער פראצעס איז געוויזן געווארן אויף טעלעוויזיע, און איז עוועיליבעל אויף יו-טוב. ער איז געהאנגען געווארן, און זיין אש איז אויסגעשפרייט געווארן אויפן ים.

אן אינטערעסאנטער, אומבאקאנטער פאקט איז, אז אייכמאן האט שוין אמאל געהאט באזוכט אין ארץ ישראל. אין 1937 איז ער געקומען פארשטעלט אלס א דייטשער דזשורנאליסט, צו שפיאנירען אויפן אידישן ישוב, און מאכ'ן קאנטאקט מיט'ן מוסלעמענער מופתי ימ"ש.

1.jpg

------------

דער פראצעס האט געזען פילע דראמאטישע מאמענטן, און האט געברענגט דעם שואה, אירע איבערלעבער און להבדיל פארברעכער, צום אויבערפלאך פונעם וועלט'ס ארדענונג.

יחיאל דינור (פיינער), א תלמיד פון ישיבת חכמי לובלין, האט געגעבן א גאר רירענדער עדות'שאפט איבער "פלאנעט" אוישוויץ. אינמיטן האט ער אוועקגע'חלש'ט, און איז געבליבן אין שפיטאל פאר זעקס חדשים.

[youtube]http://www.youtube.com/watch?v=rfpDN0JNDTg[/youtube]

אן אינטערעסאנטער פאקט דערציילט אייכמאן אליין, ווי ער האט פרובירט זיך אויסצולערנען לשון הקודש, און בארימט זיך אז ער האט געוואלט דינגען א רב פאר דריי מארק א שעה, אנשטאט אים פשוט איינזעצן און צווינגען דערצו.

זיינע אויבערהארן האבן אפגעווארפן דעם פלאן, מורא האבענדיג אז דער רב זאל חלילה קיין השפעה האבן אויף אים.

-----------

אבער וואס איז געווארן מיט אייכמאנ'ס קינדער? צי לעבט נאך איינער? וואס טוט ער, וואס האלט ער?

כאפט אייך גוט אן אין בענקל: אדאלף אייכמאנ'ס יונגסטער זון לעבט, און איז געזונט און פריש. כי בן מות הוא, א זון פונעם טויט אליין.

ער הייסט ריקארדא (אייכמאנ'ס ערשטע נאמען אין ארגענטינע) אייכמאן, ער וואוינט אין דייטשלאנד, און איז א פראפעסאר אויף ארכעאלאגיע...

ריקארדא אייכמאן איז געווען פינף יאר אלט ווען דער מוסד האט פארכאפט זיין טאט'ן ריקארדא קלעמענט/אדאלף אייכמאן, און צופיל זכרונות האט ער נישט פונעם טאט'ן.

yIlOXUIuShkwdewfjWgMi3h6nFpbzhZ7ber1iJZVel8.jpg

-----------

איין איינציגער פסוק פון די תורה ווערט קוואטירט אין נ"ך, ככתבו וכלשונו: וְאֶת־בְּנֵ֥י הַמַּכִּ֖ים לֹ֣א הֵמִ֑ית כַּכָּת֣וּב בְּסֵֽפֶר־תּֽוֹרַת־מֹ֠שֶׁ֠ה אֲשֶׁר־צִוָּ֨ה ה' לֵאמֹ֗ר לֹא־יוּמְת֨וּ אָב֤וֹת עַל־בָּנִים֙ וּבָנִים֙ לֹא־יוּמְת֣וּ עַל־אָב֔וֹת כִּ֛י אִם־אִ֥ישׁ בְּחֶטְא֖וֹ יוּמָֽת.

כ'בין צוגעגאנגען דערצו מיט אן אפענעם בליק, לאמיר זען ווער איז דער מענטש און וואס זאגט ער.

וכך הוי. ער רעדט פון זיין טאטע ווי 'אדאלף אייכמאן', עפעס אן היסטארישער מאנסטער וואס האט נישט מיט אים. ער האט זיך געטראפן מיט דער פירער פון די מוסד גרופע וואס האט פארכאפט זיין טאטע. ער האט דערקלערט אז דער אויסגעדראשענער נאצי-תירוץ פון אויספאלגען באפעלן, איז לופט.

07aschheim-superJumbo.jpg

אין זיין יוגענט איז ער אריין אין דער דייטשער מיליטער, ווען מען האט זיך טרענירט אויף א גאז-קאסטן און דער עולם האט עס גערופען אן 'אייכמאן האבי שאפ', האט ער רעזיגנירט פון גרויס בושה.

ארום 1995 האט ער צום ערשטן מאל זיך געעפענט צו עטליכע דזשורנאליסטן, "זיי זענען מיינע פסיכאלאגן" האט ער געזאגט.

איך האב זיך פארבינדען מיט אים, אין האפענונג צו כאפן א שמועס מיט אים און עס ברענגען צום היימישען ציבור, אבער אייכמאן איז צוריק אריין אין זיין שעל, אדער בין איך פשוט א בטלן.

נאך זיין אפזאג, האב איך אים נאכאמאל געשריבן, פרובירענדיג צו קוועטשן אפאר קנעפלעך, דערווייל זעט נישט אויס ווי עס ארבעט...

אט האט איר מיין פינציקער קארעספאנדענס מיט אייכמאן:

Hi professor Eichmann,

My name is ------, and I write for a Jewish magazine in New York, published in the Yiddish language.

Would you please be willing to answer a few questions about your history, and your current life as a respected professor? The Hasidic Jewish community in New York would really appreciate it.

Thank you in advance,
חתימת יד קדשי

וזה לשון תשובתו:

Dear ----------,
Thanks very much for your interest in my history. Please, understand that
I do not give interviews about my private life.
All the best for you and the Hasidic community,
Ricardo Eichmann.

האב איך אים צוריקגעשריבן:

Dear professor Eichmann,

Thanks for your reply.

I'll dare to ask if you would at least be willing to share with me some of your thoughts on humanity in general?

For example; it fascinates and scares me at the same time, what seems to be humanity's endless cycle of evil and repentance.

Right after the Holocaust the world was beside herself. We came together in the UN, we swore never again would primitive hatred threaten an enlightened world, and we proudly supported the new Jewish democracy in Israel.

But a mere 75 years later, it's all the same. The shock and sorrow get slowly forgotten, and we're back to our old days again.

This year I personally marked 75 years from when my great grandparents, an uncle and aunts were gassed in Auschwitz.

I still see the trauma in those around me, as do many in the community.

Many in the Hasidic community don't have access to the internet, or to the world media in general.

It would be a great comfort to us, if a figure like yourself would share some of his thoughts with us.

Knowing your feelings towards the historical figure of Adolf Eichmann, and your pacifist worldview, I deeply hope that you would do us this favor.

Thank you again,
חי"ק

נאך עטליכע טעג האביך פרובירט נאך איין מאל, אן אויסזען ווי א פגע:

Dear Professor Eichmann,

Well, my dear Professor, I've tried...

Whenever you feel that you are willing to share with me and the community, I will deeply appreciate it.

I'll just leave you with a quote from Rabbi Abraham Joshua Heschel, I recently came across: Racism is man's gravest threat to man - the maximum of hatred for a minimum of reason.

Yours truly,
חי"ק

[ונבנתה העיר]

08.jpg

24DED4C400000578-0-image-m-18_1421879157992.jpg

24EBCBBE00000578-0-image-m-6_1421878798986.jpg

95-06-6jnews1105.jpg

689d8105b0ffd205ec3b2e9475d96332.jpg

[ונבנתה העיר]

6385e280cf8e711850aeae8ecbd22470.jpg

5665504-6321785-image-m-9_1541094424546.jpg

b8389b504fc2d562b2b9a191ec1190ef76c66c1c.jpg

e10a3ff766e66c5092e487fd5a5f2fee--israel-history-jewish-history.jpg

eichmann_letter_3.jpg

[ונבנתה העיר]

eichmannlifemag.1t.gif

lF4k9lMaHR0cDovL29jZG4uZXUvaW1hZ2VzL3B1bHNjbXMvTURRN01EQV8vNWZiNDMwNjUyMTFkOGIzNjhiZTQ5ZWI0MzhlYzJmNDIuanBlZ5GTAs0CgACBAAE.jpg

vera_eichmann.jpg

[הדסים]

איך האב זיך פארבינדען מיט אים, אין האפענונג צו כאפן א שמועס מיט אים און עס ברענגען צום היימישען ציבור, אבער אייכמאן איז צוריק אריין אין זיין שעל, אדער בין איך פשוט א בטלן.

נאך זיין אפזאג, האב איך אים נאכאמאל געשריבן, פרובירענדיג צו קוועטשן אפאר קנעפלעך, דערווייל זעט נישט אויס ווי עס ארבעט...

ער איז נישט אין קיין שעל, און דו ביסט נישט קיין בטלן. ער וויל פשוט פירן א פריוואטע לעבן, אזויווי ער שרייבט. איך מיין רוב מענטשן וואלטן נישט גערעדט אין אזא מצב.

אבער א גרויסע דאנק פאר דיין ארבעט.

[כוכב]

Wow
חרדישע דזשוראנליזם בתפארתו.

[ונבנתה העיר]

מיין פעטער און מומע, מיין מאמע'ס האלבע געשוויסטער, וועלכע כ'דערמאן אינעם בריוו.

פארגאזט אין אוישוויץ, שנת תש"ד.

20190905_132334.jpg

[גדליה]

זייער אינטערסאנט, א גרויסען ש׳כח.
ס׳דא קינדער פין געהרינג וואס זענען אויך צומאל אין די נייעס. אפשר קענט איר פראבירן קארעספאנדירן מיט זיי...

[[NAMELESS]]

Amazing.
כ'האף אז די גייסט ווייטער און טרייסט צו קאמוניקעיטען מיט אנדערע קינדער אין אייניקלעך פון נאצי'ס

[דובעלע]

וואס טיט זיך מיט זיינע דריי עלטערע קינדער?


Sent from my iPhone using Tapatalk

[ונבנתה העיר]

די דריי עלטערע זענען געבליבן נאציס - וואס אביסל חינוך קען אויפטון.

די צוויי עלטסטע לעבן שוין נישט. דער דריטער האט נאך געלעבט ביז נישט לאנג, כ'בין כמעט זיכער אז טוענדיג אין די סוגיא האביך געזען אז ער איז שוין אויך טויט.

זייער אינטערסאנט, א גרויסען ש׳כח.
ס׳דא קינדער פין געהרינג וואס זענען אויך צומאל אין די נייעס. אפשר קענט איר פראבירן קארעספאנדירן מיט זיי...

גערינג'ס טאכטער איז געשטארבן עטליכע חדשים צוריק.

[איש חזון]

נו, דארף מען זיי צוריק אראפ\ארויפברענגן

[איש חזון]

אין 1937 איז ער געקומען פארשטעלט אלס א דייטשער דזשורנאליסט, צו שפיאנירען אויפן אידישן ישוב, און מאכ'ן קאנטאקט מיט'ן מוסלעמענער מופתי ימ"ש.

לכאורה טאקע אויסצופאלגן באפעהלן...

[ונבנתה העיר]

אינדרויסען פון געריכט זאל.

gettyimages-530697856-2048x2048-min.jpg

[שבת אחים]

אייכמאן׳ס עלטסטע דריי קינדער זענען געוועהן נאציס ביזן סוף פון זייער לעבן. זיי האבן אנגעפירט א נאצי צעל אין ארגענטינע. נאכן פארכאפן זייער פאטער האבן זיי אטאקירט אידן אין די גאסן פון ארגענטינע.

די צווייטער זוהן האט געזאגט פאר די מידיעא אז זייער פאטער האט זיי געזאגט אז די אידן האבן געהאט א פלאן אריינצולייגן גיפט אין די וואסערן פון אייראפע און זיי האבן לכתחילה געוואלט ארויסטרייבן אלע אידן פון אייראפע. אבער קיין שום לאנד האט זיי נישט געוואלט אריינעמען האבן זיי נישט געהאט קיין ברירה...

זיין יונגעסטע זוהן ריקארדא וואס איז געבוירן אין ארגענטינע איז א סייענטיסט, ער איז נאר געוועהן פינף יאהר אלט ווען מ׳האט געכאפט זיין טאטן. ער איז די איינציגסטער וואס איז געוועהן קעגן זיין פאטער. ער האט געזאגט פאר די מידעא אז זיין פאטער האט ערליך פארדינט זיין שטראף. שפעטערע יאהרן האט ער זיך געטראפן מיט די איזראעלי אגענט וואס האט פארכאפט זיין פאטער.

[אלע צוזאמען]

כ'האב א גריס פאר אייך, ליבע פריינט. א גריס אייך פון אייכמאן.
חי"ק[/size]

גיי אן ווייטער ברענג גריסן פון נאך אינטערסאנטע/היסטארישע מענטשן