שניידן די בארד, איז עס טאקע אזוי הארב?

[[NAMELESS]]

"ביטע לייקט מיך נישט, איך וויל קענען זאגן וואס איך האב צו זאגן, אן קיין שוחד, א דאנק פון פאראויס,"

דאס איז די חתימה פון יתרו, אונזער טייערער ידיד
טייערער יתרו, דאס איז א שווערע נסיון, איך האב מורא אז איך וועל דיר מוזן לייקן, די ווערטער זענען ווי "נאס, פארב!" אויף א וואנט וואס מאכט אז יעדער זאל טאפן,
יתרו, פליז! לאז מיר דיר לייקן!

[יתרו]

"ביטע לייקט מיך נישט, איך וויל קענען זאגן וואס איך האב צו זאגן, אן קיין שוחד, א דאנק פון פאראויס,"

דאס איז די חתימה פון יתרו, אונזער טייערער ידיד
טייערער יתרו, דאס איז א שווערע נסיון, איך האב מורא אז איך וועל דיר מוזן לייקן, די ווערטער זענען ווי "נאס, פארב!" אויף א וואנט וואס מאכט אז יעדער זאל טאפן,
יתרו, פליז! לאז מיר דיר לייקן!

אוי קיי, איך געב מיך אונטער, נאך שווערע לחץ און דרוק פונעם עולם דא האב איך באשלאסען צו נידריגען מיין טאון אופ וואויס, און צו ענדערן מיין אונטערשריפט,
אויך האב איך געטוישט מיין פאלאסי פון נישט לייקען קיינעם, און פון היינט מאלאן וועל איך בל"נ לייקן יעדעם וואס עקאמפלישט ארויפצוציען א שמייכל אויף מיין זויערע פנים.

[מיסטער מענטש]

ק/פ פון ליפאס אשכול


פון תיבה פרטי:

איך זעה מען פרעגט וואס איז שלעכט אז מען שניידט אפ די בארד, לויט די הלכה מעג מען דאך.

איך וויל עפעס ארויסברענגען און ווער עס וועט גוט אריינטראכטן וועט זען אז ס'איז זייער אמת.

עס שטייט אין די ספרים הקדושים אז ס'דא 5 דרגא'ס אין די וועלט: 1 דומם - א קלאץ, 2 צומח - וואקסעדיג ווי גראז, 3 חי - א לעבעדיגע זאך ווי א בהמה, 4 מדבר א רעדעדיגער דאס הייסט א מענטש, 5 ישראל - א איד וואס איז העכער ווי אלע

ווען איינער פון די 5 וויל גיין אראפ א דרגא איז די מציאות אז ער וועט פאלן נאך אראפציהר! טראכט אריין. ווען א גראז וועט אויפהערן וואקסן וועט ער ווערד זיין סאך ווייניגער ווי א שטיין א דומם. ווען א בהמה (וואס איז א חי) וועט אויפהערן אטעמען וועט ער נישט ווערן א צומח נאר ער וועט ווערן סאך ווייניגער ווי א גראז ער וועט זיין די ערגסטע פארשטינקענע דומם, און די זעלבע ווען א מדבר (א גוי) וועט וועלן ווערן א בהמה וועט ער שטארבן אינגאנצן.

אזוי אויך ווען א ישראל (א איד) וויל ווערן א גוי חלילה, ווערט ער אסאך ערגער ווי סתם א גוי! דאס מיינט די פסוק "ישראל כשהן יורדין יורדין עד לעפר".

לענינינו.

די זאך גייט ווייטער אויך. יעדער איד האט זיך זיין מסורה וויאזוי ער איז אויפגעוואקסן. א חסידי'שע איד איז אויפגעוואקסן מיט די מסורה אז מען רירט נישט צו די בארד, ווייל אזוי האבן די פריערדיגע צדיקים געזאגט. ווען א ליטווישער איד שניידט זיך די בארד, איז עס כשר וישר ווייל דאס איז זיין מסורה, אבער ווען א חסידישער אינגערמאן באשליסט צו שניידן די בארד, איז לגמרי נישט פשט "ער איז געווארן א ליטאי", "ער איז פונקט אזא הלכה'דיגע איד ווי זיי". ניין! עס איז קלאר אז איינער וואס גייט אראפ פון "זיין דרגא" וואו ער איז געבוירן געווארן, איז דאס ווייל ער איז געפאלן אסאך נידריגער, און ער איז גארנישט קיין "הלכה איד". דאס שניידן די בארד איז א צייכן אז ער איז עובר אויף "הלכה'דיגע" איסורים אויך! 100 פראצענט.

און אונזער בעל דין איז א סעמפל.

איך פארשטיי אז די ליינער דארט וועלן עס נישט צו גרינג מקבל זיין, אבער ווער עס וועט אריינטראכטן גוט וועט זעהן אז דאס איז זייער זייער אמת.

[טאמבל סאס]

שוין, האבן מיר א קלארע פסק, פון א אויסגעהאלטענע מקור
דער בעל מחבר פון דעם 'תיבה פרטי' זצ"ל.
ס'איז אלץ שיינע דרשה'לעך צו קנעטלען און קנאבלען דערין, אבער אינדער אשכול קאכט מען זיך ע"פ הלכה.
אין ביי די וועי, איך לייק נישט קיין תגובה צוויי מאל.

[א שוויצער]

מ'ברויך דאנקען דעם מחבר ה'סידי פאר אזא באלערנדער שמועס

[מיסטער מענטש]

עפ"י הלכה ווייסט יעדער אז מען מעג נישטא וואס צו קאכן

עפ"י חסידות ווייסט יעדער אז מען טאר נישט און מיינע ווערטער לייגן בלויז צו אמתדיגע נקודות אויף די וואס מיינען זיי זענען קלוג

[טאמבל סאס]

אפשר דארף מען מיך דאנקען פאר'ן געבן דעם מחבר אזא וויכטיגע נושא פון וואס צו מאכן א ניגון? דאס פאלט דיר נישט ביי הא? ווער איז קודם?
בארד וואו איז דיין איד? אדער איד וואו איז דיין בארד?

לעצטנס בין איך שוין אינגאנצן צעמישט, ווען איך הער מ'זינגט "איד בארד וואו איז דיין בארד איד?"

[מי אני]

שו"ת חת"ס.

אין קובץ וילקט יוסף (פון פארן קריג) חלק ו (בכרך ג) אין סימנים צט, קלב, קלח, קמח, און קעב טוט זיך לעבעדיג בנוגע די נידון בכלל און די תשובה אין חת״ס בפרט.


Sent from my iPhone using Tapatalk

[מי אני]

viewtopic.php?f=4&t=9488

[נעגעל וואסער]

טור, הלכות ראש השנה.

ווען איך בין אמאל אריין צו ר' חיים קניבסקי האט אים איינער געפרעגט וואסי פשט אז אסאך פירן זיך נישט צו שערן דאס בארד לכבוד יו"ט אזוי ווי די טור שרייבט, האט ער געזאגט אז אין זיינע צייטן האט מען געוויסט פונקטליך ווי די 5 ערטער וואס מען טאר זיך נישט גאלן זענען, דערפאר האבן זיי זיך געמעגט שערן, אבער אונז ליידער ווייסן שוין נישט ממילא טאר מען נישט...

איך פרוביר מיך נאר פארצושטעלן לשיטתו וויאזוי מען האט אויסגעזען ווען מען איז געווען אפגעשוירן, אבער עס האט זיך ארויסגעשטרעקט אזאנע לאנגע האר פון די פינעף פלעצער. גאט זאל אפהיטן.

[מי אני]

אין סימן צט פונ׳ם פריערדערמאנטן וילקט יוסף טענה׳ט הרב אברהם חיים דאנצינגערקראן מווארשא אז די גירסא אין ירושלמי, אויף וואס דער טור איז געבויט, איז א טעות און עס דארף שטיין מגלחין ״שערן״ און נישט ״זקנם״ ע״ש באריכות. הרב מרדכי צבי שווארץ מסירטה אין סימן קלב דארט זאגט אז עס פעהלט דאך נישט אויס מגיה זיין ווייל ס׳דאך מותר מדינא. און ער שרייבט ווייטער אז ווען הרב אברהם חיים דאנצינגערקראן וואלט ווען געוואוסט דערפון אז לייטי רבנן למאן דמגיה בספרים מסברא בוודאי לא היה מגיה כאן כלום ע״ש.