די אמעריקאנע עבודה זרה: דאס געזעץ

[אונטער חכם]

עס איז נישט קיין שום דמיון פון א געזעץ וואס האט צוגענומען בירגערשאפט פון מענטשן על לא דבר, צו א געזעץ וואס פארבאט מענטשן צו טוהן א געוויסע זאך, נישט קיין חילוק וואס די פארבאט איז.

איך זאג נישט אז די צווייטע איז גוט, אבער קיין צושטעל איז עס נישט.

[קורקלענד]

זעהט דא. איך מיין אז ער איז גאנץ קלאר. ווען אייערע לינקע וואלטן עס געמיינט אמת'דיג וואלט עס שוין פון לאנג געווען מסודר. זיי מיינען דאך אבער נישט די אומגליקליכע פיצעלע קינדער, זיי מיינען סטריקטלי פאליטיק.

איך האב געזען. ער זאגט אז וויבאלד מ'דארף טוישען די געזעץ, דארפען די קינדער ליידען ביז מ'טוט עס. און טאמער מ'טוישט עס נישט, שולדיג בלייבן די וואס טוישן נישט.

עס איז א פלא אז מענטשן וואס האבען געלערנט חומש אין חדר קענען נאכברענגען אזעלכע סארט טענות. איך גיי טוהן שלעכטס ביז דו גיבסט מיר וואס איך וויל, ממילא ביסטו שולדיג פאר מיין שלעכטס!

וואס קען ער טוהן? ער איז דאך נישט קיין דיקטאטור!

[קומזיץ]

איינער פון די זאכען וואס באדייט די רעכטע לאגער, איז ממש די היסח הדעת וואס מיר זעען דא.

עס האט נאך קיין איינער פון די רעגירונג באאמטע געזאגט אז די סיבה פאר'ן אוועקנעמען קינדער איז צוליב זייער וואוילזיין. קיינער נישט! דאס אריין ברענגען פרעמדע ענינים איז געווארפען זאמד, אומוויכטיגע רייד.

די רעגירונג האט געהאט אן אויסוואל, אדער לאזען עלטערן האלדזן די קינדער אדער נישט. אדער צוטיילען די עלטערען פון זייער קינדער, אדער נישט.

באשולדיגן די עלטערן איז נישט איינער פון די ברירות, ווייל עס מאכט נישט אויס פאר די וואוילזיין פון די קינדער. אז מ'האט גענומען די צד פון אוועקנעמען די קינדער ווייל 'מ'רעדט פון פארברעכערס' און 'אזוי זאגט די געזעץ' איז א הימל געשריי און א סכנה פאר אונז אידן.

איך גיי להדיא נישט אריין אין די עצם אנרופען די עלטערן 'פארברעכערס' און זיי באשייגעצן, ווייל עס קומט דא נישט אריין. נאר צו דערמאנען אז אין 1938 זענען מיר אונז פוילישע אידען אין דייטשלאנד, מיינע זיידעס און באבעס, אויסגעשטאנען די זעלבע מצב. די געזעץ האט זיי צוגענומען די בירגערשאפט, און וואס קען מען טוהן מיט פארברעכערס?

אסאך רעגירונג באאמטע האבן ארויפגעברענגט די נקודה אז קרימינאלן נעמען פרעמדע קינדער און זאגן אז ס'איז זייערע קינדער און ס'איז א פראבלעם פאר אמעריקא און א פראבלעם פאר די קינדער,
אזוי ווי אנדערע האבן שוין געשריבן איז נאצי דייטשלאנד נישט קיין פארגלייך, קיינער נעמט נישט צו בירגערשאפט פון אן אמעריקאנער בירגער,
סך הכל וואס מען טוט איז אז עס הערשט א קריזיס סיי פאר אמעריקא אז יעדע קרימינאל קען אריינקומען אימגעשטערט און סיי די וועגן ווי אזוי מען ברענגט אריין די קינדער איז א שוידער און מען מוז עס אפשטעלן,
און וועגן דעם אינפארסירט מען די געזעץ פון א גרעניץ וואס איז דא ביי א יעדע נארמאלע מדינה,
די עלטערן טוען א פאברעכען מיט'ן זיך אריינ'גנב'ענען אין פרעמדע לאנד, און נאך מער, וועגן זיי זענען מפקיר די קינדער.

[ליטוואק פון בודאפעסט]

דאס איז גענוג? וויבאלד א חלק זענען נישט די עמטליכע עלטערען, ממילא זאל מען זיי אלע אפשיידען מספק? פארוואס דארף מען אפילו אפענטפערען אזא טענה?

נאצי דייטשלאנד איז נישט קיין פארגלייך, אוודאי. ווייל דארט איז דייטשלאנד און שפעטער האט מען געזען אז מ'האט זיי אויסגעהרג'ט אין גאז קאמערען, און דא האט מען עס ביזדערווייל נישט געזען. אבער אז מ'קוקט אן די סיסטעם פון דעמאלס, וויאזוי עס האט זיך אנטוויקעלט די ענדגילטיגע לעזונג, זעט מען פאראלעלען. עס איז נישט די זעלבע, אבער מ'דארף פון דעמאלס אפלערנען. איינער פון די זאכען וואס מ'האט דעמאלס גענטוהן איז שטעלען א שטייפע הארכזאמעקייט און גלויביגקייט אין די געזעץ, וואס דארף צו זיין העכער מאראלען און העכער מענטשליכקייט. א צווייטע זאך איז דאס אפשטעמפלען מענטשען אלס אומבארעכטיגט פאר סיי וואס זיי דארפען. און היינט אויך. לאמיר זאגען אז די עלטערען האבען געטוהן אומריכטיג מיט'ן ברענגען זייער קינדער אהין, איז וואס? פאר דעם דארף מען נאך וויי טוהן זייער קינדער? פארדעם זענען זייער קינדער אומבארעכטיגט פאר א האלדזונד פון זייער עלטערען? אלס איז שוין פערטיג. מ'דארף זיי שטראפען און מ'דארף זיך אן עצה געבען מיט די קינדער.

און בפרט אין די היינטיגע אומשטענדען, ווען די אומלעגאלע אייגראנטען זענען נישט די גרעסטע פראבלעם וואס שטייט פאר די בירגער פון די מדינה. עס איז דא נאך פיהל זאכען וואס מ'דארף ערשט לעזען, און נאר אדאנק רעטאריק פון פאליטיקאנטען און אנדערע שקרנים, האט מען געלייגט די זאך אויפ'ן מזרח וואנט פון זאכען וואס מ'דארף אויפטוהן. וויאזוי? דאס איז נאך א לעקציע פון די דייטשער אין זייער וועג ארויף ביז צום וועלען אויסמעקען א גאנצע פאלק. מ'טוט עס דורך מאכען א בוגי מאנסטער, שטעלען געוויסע מענטשען אלס די שלעכטע און אלע פראבלעמען ארויף לייגען אויף זיי. אומלעגאלע אימיגרעישען איז א פראבלעם, אבער גאנץ א קליינער. ווען מ'מאכט זיך נישט וויסענדיג פון זייער פארלעצען איין געזעץ פון זיך אריינשווערצען צום לאנד, זענען זיי באופן כללי פאזיטיווע בירגער פאר די לאנד. יעדער וואס זוכט ארבעטארערס קען צו דעם מעיד זיין. אז מ'טראכט נאר פון די וואוילזיין פון די לאנד און נישט פון די געזעצען, וואלט מען געדארפט זיי לאזען בלייבען. נאר דער עולם דארף דאך א בוגי מאנסטער, פאמפט מען אויף יעדער מעשה וואס מ'קען צו מאכען די גאנצע געמיינדע פאר פארברעכערס און גענג מעמבערס. און דאס איז זיכער אז וואס מער מ'מאכט זיי פאר דריטע קלאס מענטשען, וועט עס זיי נאך מער שטופען צו די גענגס.

און דאס איז לאו דוקא א סוף מעשה במחשבה תחלה. מ'דארף נישט אז דאס זאל זיין די ציל פון די רעכטע לאגער, ובפרט די אומוויסענדע נאכשלעפער. אבער אין אזא מצב, שפראצען זיך ארויס די נידריגע עלעמענטען, ווייל די אומשטענדען זענען רייף פאר זייער מאכט, יעצט קענען זיי טוהן וואס זיי ווילען, ווייל די לאנד איז שוין גרייט פאר זיי. און דאס שלעפט די מענטשהייט נאך נידריגער אז מענטשען וואס היינט וואלטען נישט געחלומ'ט פון די סארט שלעכטס, קענען שוין אנהייבען קלערען דערפון, ווייל אן א געזעץ איז נישט דא קיין לאנד.

די ישועה פון די זאכען איז נאר א דאנק די רעוואלוציע וואס שטעלט עס אפ. ב"ה אז דאס אפשיידען קינדער פון עלטערען האט מען אפגעשטעלט, און טאקע צוליעב דעם ווייל ביזדערווייל קען עס די באפעלקערונג נישט פארליידען.

[קורקלענד]

אין אנדערע ווערטער האט איר שטארקע פּאַראַנויע א דאנק געוויסע קאנספיראציעס וואס איר האט אויסגעטראכט אז טראמפּ איז היטלער.

גייט טרעפט א פסיכיאטער וואס זאל אייך אויסהאקן אייער פּאַראַנויע וואס איז בּאזירט אויף פוסטע קאנספיראציעס און פאַנטאַזיעס.

[ליטוואק פון בודאפעסט]

דו מוזט זיך אויסלערנען וויאזוי צו ליינען אידיש.
טראמפ דארף נישט זיין היטלער, אבער אויף די יסודות קען א היטלער קומען צו לויפען. און אפילו ווען נישט, קענען האלבע און פערטעל היטלערס קומען צו לויפען.

[אונטער חכם]

ניין, אויף די יסודות פון באשטראפן פארברעכער אויף א זאך וואס איז נארמאל צו פארבאטן, אפילו עס איז רשעות'דיג און אכזריות'דיג קען מען נישט בויען דאס באשטראפן מענטשן בלויז ווייל זיי געהערן צו א געוויסע ראסע אדער רעליגיע.

[ליטוואק פון בודאפעסט]

איך האב דיר שוין געוויזען די לעכערליכקייט פון די טענה. בקצרה, דאס אליינס אז רשעות איז ערלויבט אין געוויסע אופנים, און בפרט ווען די ריוח איז גארנישט אזוי גרויס, איז די פתח צו גרעסערע פראבלעמען. באשטילען די נויג קעגען רשעות איז א מסוכן'דיגע זאך, ווייל אויף דעם פארלאזען מיר זיך קעגען די עכטע רשעים אין די וועלט.

[קורקלענד]

אנציווייזן די לעכערליכקייט אין א סיסטעם איז נישט קיין גרויסע קונץ, יעדע סיסטעם האט לעכער. אזויווי איך האב שוין פריעד איבערגעוויזן, וועט אן אנדערע סיסטעם מעגליך נישט אפטיילן די קינדער ס'וועט אבער ברענגען אנדערע גרעסערע פראבלעמען, ווי למשל אז מענטשן זאלן מער אַנשטעלן די לעבן פון זייערע, אדער אפי' חלילה יענעם'ס קינדער אא''וו.

פילייכט וואלט בעסער געווען ווען איר קומט מיט א לעזונג וואס וועט פארמיידן די פראבלעם און אלע אנדערע. אז איר האט נישט קיין לעזונג אדער א בעסערע סיסטעם, דאן וואס איז די פוינט פון אונטער האקן א סיסטעם וואס איז דערווייל ס'בּעסטע שייך?

לייכטזיניקייט אנצוריפן 'דאָ פראָצעס' רשעות און אכזריות ווען ס'זעהט סך הכל אויס אזוי, אבער אין אַן אמת'ן מיינט מען די טובה פון די קינדער.,איז אסאך א גרעסערע פראבלעם ווי די גאנצע א.ג. סקאנדאל דא. דאס אז די מידיא ווערט געפירט דורך א קליין הייפעלע עליטע וואס קיינער האט נישט ערוועלט, און זיי פירן די גאנצע נאראטיוו איז ביי מיר אסאך א גרעסערע פראבלעם. ווייל ס'ווערט זייער שווער מבחין צו זיין וואס איז באמת רשעות און וואס ס'איז פאלשערהייט פארגעשטעלט געווארן אלס רשעות.

[ליטוואק פון בודאפעסט]

וויאזוי 'פירן' זיי די נאראטיוו? דו האסט נישט קיין געהיימע וועג צו וויסן דיין אינפארמאציע? דו האסט עס אויך פון 'די מידיא'. קיינער ווערט נישט געפיהרט, נאר יעדער האלט אז 'יענער' פיהרט עפעס.

[קורקלענד]

איך פרוביר וואס ווייניגער צו שעפן נייעס פון די 'מעין סטריעם מידיא'. מ.ס.מ. איז די טעלעוויזיע, ראדיא, נאציאנאלע צייטונגן און נאציאנאלע וועבזייטלעך. איך האב מיר א ספעציפישע ליסטע פון קוועלער בעיקר פון אייגנארטיגע בלאגס וואס איך לייען וואס זיי שרייבן. פאר יעדע נושא האב איך אפאר אנדערע בלאגס וואו איך קוק זיך אום. בכלליות בין איך א שטארקע חסיד פונעם דראדזש רעפארט.

[שמעקעדיג]

פילייכט וואלט בעסער געווען ווען איר קומט מיט א לעזונג וואס וועט פארמיידן די פראבלעם און אלע אנדערע. אז איר האט נישט קיין לעזונג אדער א בעסערע סיסטעם, דאן וואס איז די פוינט פון אונטער האקן א סיסטעם וואס איז דערווייל ס'בּעסטע שייך?

ווי פריער געשריבן, פארפארט מען פונעם עצם נקודה צו פאליטיק.
נניח אז דו ביסט גערעכט, און דאס איז טאקע די בעסטע סיסטעם דערווייל ווי אזוי צו הענדלען די סיטואציע.
איז ווען מען פרעגט דעם מר. סעשאנס, היתכן די רעגירונג פירט זיך אויף אזוי אוממענטשליך צו די נעבעכדיגע קינדער? און ער זאגט, קוקט אהער, איך פארשטיי ענקער זארג, עס איז טאקע א פראבלעם, נאר דאס איז ליידער די מציאות מיט וואס מיר דארפן זיך ספראווען, מיר האבן דערווייל נישט קיין בעסערע וועג, אדרבה אויב האט איר א לעזונג דערצו לאזט מיר הערן, אא"וו, וואלט מען נאך אלץ געקענט דן זיין און זיך טענה'ן צי ער איז גערעכט צי נישט; אבער לכה"פ האט ער גערעדט ווי א מענטש צווישן מענטשן, ווי א נארמאלער מענטש מיט געפילן, מסתמא האט ער אויך אייגענע קינדער, און ער פארשטייט אז דאס איז נישט קיין לכתחילה, נאר וויבאלד די סיטואציע האט עס גורם געווען, מוז מען בע"כ אזוי האנדלען, און ווי די משל הנ"ל מיט די שאט'ס פונעם דאקטאר, וואס ער איז מסביר פאר ווער עס וויל נאר הערן אז עס קומט מתוך רחמנות לטובת דעם פאציענט.

אבער די פרעכע ענטפער "איך גיי זיך נישט פארענטפערן פאר'ן פאלגן די געזעץ" איז אבסורד.
מען פייניגט מענטשן אין תפיסה אויך ווייל דער געזעץ לאזט.
וואס טוסטו אז מארגן וועט זיין "ויקם מלך חדש אשר לא ידע את יוסף", ס'פעלט ליידער נישט אזעלכע אין אמעריקע, עס יאווען זיך כסדר פאליטישאנס מיט אן אגענדע פון שנאת ישראל, און ער מאכט עפעס א געזעץ אקעגן די אידן, און די אגענטורן גייען בלויז "פאלגן דאס געזעץ" בלינדערהייט?

מענטשליכקייט און מאראל פארלירן גענצליך זייער וועליו ווען עס קומט צו געזעץ?

*****

מערקווירדיג, וואס כ'האב פונקט געזען אין א נייעסל.
גיבט א קוק דא
https://www.yahoo.com/news/m/ac9f4607-4 ... as-he.html

Bronx teen denied help as he bled to death inside bodega, disturbing video shows

א שרעקליכע נייעסל, מיט א יונגן בויטשיק וואס האט געבלוטיגט צום טויט און אנשטאט אים העלפן האט מען אים גאר פארשיקט פון א געשעפט וואו ער איז זיך געקומען בעטן פאר הילף.
ווי געווענליך, לייען איך צומאל די קאמענטס. עטליכע שרייבן אז למעשה איז "נישט פאראן א געזעץ" אז מען מוז העלפן א פרעמדע מענטשן וואס בלוטיגט צום טויט.... אנדערע שרייבן נאך מער, אז מען קען דיר גאר סוען טאמער דו פרובירסט צו העלפן און למעשה האסטו נישט מצליח געווען, אפגערעדט אויב עפעס איז ערגער געווארן...

עטליכע קאמענטירער ברויזן געפערליך דערויף.
איינער שרייבט - ממש מיין פוינט:

[רביה''ק זי''ע]

איך בין נישט אזוי זיכער אז סעשאנס איז טאקע אזויווי דו מאכסט איהם, ער איז מן הסתם שוין מיד פון די נאכאנאדע האקן פון די לינקע חברה און האט שוין איינגעזען אז לאגיק רעדט נישט צו זיי, און זיין סטעיטמענט איז אן אנדערע וועג פון זאגן OFF #$@&.

[קורקלענד]

אויך בין איך נאכנישט איבערצייגט אז סעשאנס איז א צדיק, יעדע פראסעקיוטער איז לדעתי זיך ווערט דאס געלט. די סיסטעם איז אזוי אויסגעשטעלט אז זיי האבן צופיל כח מיט זייער ווייניג איבערזיכט און אין צוגאב צו דעם זעהן זיי נאר זייער זייט.

[קומזיץ]

איך מיין אז אזוי רבינו הקדוש והטהור.. האט געזאגט ער האט נישט קיין ברירה און ער טוט עס נישט ווייל די געזעץ הייסט און אפילו עס איז אכזריות גייט עם עס נישט אן,
ער טוט עס ווייל ער דארף עס טוהן און ער ניצט די געזעץ פאר א תירוץ
און באמת וואלט עס געדארפט ארבעטן און אמעריקא אבער די לינקע היינטיגע טעג אינטערסירט נישט קיין געזעץ און נישט די קאנסטיטאציע

[שמעקעדיג]

אין טאראנטא אויכעט?

.

[שמעקעדיג]

א שטאך אריין אין די אמעריקאנער עבודה זרה באלאן:

The Hill: Ridiculous laws are symptom of America's overcriminalization problem | TheHill

https://thehill.com/opinion/criminal-ju ... on-problem

[גראף]

א שטאך אריין אין די אמעריקאנער עבודה זרה באלאן:

The Hill: Ridiculous laws are symptom of America's overcriminalization problem | TheHill

https://thehill.com/opinion/criminal-ju ... on-problem

איך האב אמאל געהערט פון א ראדיאו טאלק שאו האוסט דוכט זיך מארק לעווין וואס ער איז א לאיער און זייער שטארק פארנומען מיט די קאנסטיטושען אז מען דארף איינפירן אז פאר איעדע נייע געזעץ וואס מען מען שטעלט איין דארף מען אויסמעקען צוויי געזעצן. און די זעלבע מיט רולס און רעגולעישען'ס.

[דער גאלדענער אדלער]

ליידער איז עס נישט נאר אין אמעריקע, נאר קאנאדע האט זיך אויך צוגעכאפט צו דעם געזעצליכע ע"ז
קוקט און שטוינט!

https://youtu.be/KkLS6w2bmX8

[berlbalaguleh]

דער גאלדענער אדלער: ייש"כ. ס'האט מיר געברענגט טרערן אין די אויגן. וויאזוי די קינדער וויינען...!

אבער ווען זיי טוען די זעלבע (להבדיל) (אוי.קעי. שבת אחים. ס'איז א טייפא. נישט להבדיל. או.קעי. יעצט ביסטו העפפי...!) פאר רבנים און גבאים פון בתי מדרשים קען מען זיי נישט באשולדיגן אין אנטיסעמיטיזם...!

[שמעקעדיג]

ייש"כ גאלדענע אדלער, עס רייסט די הארץ צוצוקוקן.

קוקנדיג אביסל די קאמענטארן, זעה איך טאקע ממש די זעלבע ווערטער ווי איך האב געשריבן אין די פתיחת האשכול.