[justify]כ'בין געווען אין פלייש געשעפט זונטאג פאר מיין פסח ארדער. ס'געווען א לייף עקספיריענס, אנגעפאקט מיט באקסעס פלייש און פרויען ביזן גאס טיר אזש ס'געווען דוחקא דבישרא... ואין מערבין בשר בבשר. פארוואס אלע פרויען קומען דעמאלדס האב איך נישט קיין גרינעם איינונג.. איי קום מאנטאג ווען ס'ליידיג דער געשעפט? -גיי פארשטיי נקיבות.
דער סטאר ווארנט שוין אן מיט רויטע סטאפ סיין שולדן אז חמץ איז נישט ערלויבט אויף קיין פאל. כ'שטופ זיך קוים אריין אין סטאר, צווישן א ערבוביא פון פרויען, פעקלעך באדעמס, קערידזשעס, און קארבארד באקסעס. וואו א פארפלייצונג, ממש א טייך מיט פרויען... א יאיא חצופה מיטן געשמירטן פרצופה, א באגעבא און א טיכל מיטן לאנגן זומערדיגן אויבערמאנטל, און סתם אן אויפגעדעקטע סינטעטיק שמאטע, צווישן זיי עטליכע קרומע טורבאנס באגלייט מיט ארויסגעבויטע פארטשעס פון אונטן... מייסטענס באשעפענישן אינעם געשעפט זענען מיט די צייגענדע רצועה יוצאת זוים אויף די רגלים ווי צו ווייזן דעם ראה טהור אני..
דריי פרויען שטייען מיט ליידיגע וואגאנען זיך נישט ערלויבענדיג בשו"א אנהייבן אריין לייגן זייער סחורה אינעם וואגן. וואס איז? מען ווארט דער גוי זאל ברענגן פרישע גארביזש בעגס פאר די וואגאנען...
איך ווארט אן אומגעדולדיגער ווי מיט שמאי'ס געדולד.. ענדליך איז ליידיג געווארן א וואגאן. כ'פול אים אן ביז מינוטן מכל הבא ליד, בקר שלמים וגם חטאת אזש די באדעמס און פליגלען פון הונטן קרעכטצן פון גרויס וואג. דערווייל דעי דריי פרויען ווארטן נאך פאר זייערע כשר לפסח גארביזש בעגס...
ביים אהיים גיין כאפ איך מיך ווער ווייסט, אפשר איז מיין פלייש נישט ראי' פאר פסח נישט נוצענדיג די פלאסטישע זעק. "די קערידזשעס ליגן סטריקטלי אין סטארידזש א גאנץ יאר" פארזיכערט מיר דער כולל שנה ראשונה'ניק רעכענער, נאך צולייגענדיג מיט א כאפ ווי מיר צו גענצליך בארואאיגן אז ס'דזשאסט א חומרה ווייל פלעסטיק געבט אפי' נישט ארויס קיין חמץ צו פארפרוירענע פלייש... אז די קערידזשעס זענען נישט די פראבלעם דאן וואס איז יא?
כ'האב בחוסר ברירה געפרעגט פון א פרוי - גראדע קוקט אויס איר מאן איז מער צו די טראמפישע יוקאן זייט ווי אן הכנות עדיקט מיטן ציצית ארויסגעהאנגן איבערן דלת - וואס האט זיך ווי ארום געשלאגן מיט די פלעסטיק בעג וואס האט ווי עקשנות'דיג געהאלטן אין איין מגלה זיין שטיקלעך פונעם קערידזש... פארוואס דארפט איר אזוי נייטיג די בעג אינעם קערידזש?
ס'קען זיין חמץ ביי די פלייש זאגט זי א געניאלן הסבר. פשש... קלעבט ווי בעבלעך צו טשיז קעיק.
אלל רייט, כ'הייב אן זוכן אויף די שעלווס אפשר איז אויסגעגאסן א הויפן שלישקעס, פערפעל צו וואס, חוץ נאסע גלאנציגע שעלווס וואס טריפט שמאלץ איז נישט געווען קיין אטאם חמץ צו טרעפן..
כ'האב געמוזט איינזעצן אז חמץ ביי די פלייש מיינט אז די פלייש אליינס קען האבן חמץ וואס בלייבט בשעת די טשיקנס עסן פארן שחט'ן.
עניוועיס טו מעיק א לאנג סטארי שארט: כ'קום יעצט פונעם דיין, ער האט מיר שיעור געפסלט מיין פלייש ארדער אלץ חמץ, כ'האב מזל זאגט ער מיר אז ס'נאך פאר פסח און ס'העלפט נאך שישים צו בטל'ן די חמץ.
דער בארדיטשעווער פרובירט עפעס איינקעשן פון די פלעסטיק בעגס אבער דערווייל אן ערפאלג.
#זבל_קודש[/justify]
אילוסטראציע
מיינע געראטעוועטע טשיקן באדעמס
-
[NAMELESS]
מיינע געראטעוועטע טשיקן באדעמס
רעדאגירט געווארן צום לעצט דורך 1 אום [NAMELESS], רעדאגירט געווארן איין מאל בסך הכל.
-
גר ותושב
- וְאֶת־הָאֶ֜לֶף
- הודעות: 1650
- זיך רעגיסטרירט: דאנערשטאג יולי 02, 2015 1:23 pm
- האט שוין געלייקט: 1407 מאל
- האט שוין באקומען לייקס: 1048 מאל
Re: מיינע געראטעוועטע טשיקן באדעמס
דער געוואגטער יונגעל האט געשריבן:פארוואס אלע פרויען קומען דעמאלדס האב איך נישט קיין גרינעם איינונג
ווי זענען אלס די פרויען אנגעקומען אין איין זונטאג שלום שטיסל טענהט דאך זיי זענען געוועין אין שיך געשעפט.
-
[NAMELESS]
-
קלוגע יודל
- ידיד ותיק
- הודעות: 610
- זיך רעגיסטרירט: מאנטאג דעצעמבער 21, 2015 12:40 am
- האט שוין געלייקט: 141 מאל
- האט שוין באקומען לייקס: 329 מאל
Re: מיינע געראטעוועטע טשיקן באדעמס
דער געוואגטער יונגעל האט געשריבן:גראדע טענה'ט מיר א ספאנישער ערל אן עמנו הייתם, "דיס וויק סאנדעי אין מאטצארעללא מאטשא מאטשא דזשואיש לעידיס, ווערי ה** לעידיס...
איי געסס די פרויען לאגער האט גענוג דעוויזיעס צו באלאגערן צענדליגער באזעס אויפאמאל.
וואס מײנט מאטצארעללא?
-
איסר האטלקי
- חבר ותיק
- הודעות: 2265
- זיך רעגיסטרירט: מאנטאג מאי 23, 2016 2:00 am
- געפינט זיך: צווישן קאסוב אין וויזניץ
- האט שוין געלייקט: 955 מאל
- האט שוין באקומען לייקס: 1361 מאל
קלוגע יודל האט געשריבן:דער געוואגטער יונגעל האט געשריבן:גראדע טענה'ט מיר א ספאנישער ערל אן עמנו הייתם, "דיס וויק סאנדעי אין מאטצארעללא מאטשא מאטשא דזשואיש לעידיס, ווערי ה** לעידיס...
איי געסס די פרויען לאגער האט גענוג דעוויזיעס צו באלאגערן צענדליגער באזעס אויפאמאל.
וואס מײנט מאטצארעללא?
וואס מיינט ה** ?
-
יודישע שרייבער
- ידיד השטיבל
- הודעות: 187
- זיך רעגיסטרירט: דינסטאג סעפטעמבער 08, 2015 4:48 am
- האט שוין געלייקט: 87 מאל
- האט שוין באקומען לייקס: 194 מאל
mevakesh האט געשריבן:געוואגטע, הומאר איז גוט אבער פרויען זענען מענטשן נישט נקיבות
וואס דען זענען זיי, זכרים?
We buy things we don't need
with money we don't have
to impress people we don't like
(קרעדיט: @טייערע ברודער)
with money we don't have
to impress people we don't like
(קרעדיט: @טייערע ברודער)
-
יודישע שרייבער
- ידיד השטיבל
- הודעות: 187
- זיך רעגיסטרירט: דינסטאג סעפטעמבער 08, 2015 4:48 am
- האט שוין געלייקט: 87 מאל
- האט שוין באקומען לייקס: 194 מאל
מעניני דיומא...
[tag]דער געוואגטער יונגעל[/tag] האט א שפראך... איך בין ממש שפראכלאז...
[tag]דער געוואגטער יונגעל[/tag] האט א שפראך... איך בין ממש שפראכלאז...
We buy things we don't need
with money we don't have
to impress people we don't like
(קרעדיט: @טייערע ברודער)
with money we don't have
to impress people we don't like
(קרעדיט: @טייערע ברודער)