נייעס אין די וועלט פון וויסנשאפט

[זר זהב]

מענער דארפן באמת עכטע ליבשאפט

[זר זהב]

א נייער סייענטס באריכט רעדט איבער די שטערקערע ריסק'ס צו איבערגעבן אויטיזם, סקיצאפריעניע
און דאון סינדראם צו קינדער וואס מ'האט אויף דער עלטער.

[לאדיך אפ]

30 פראצענט פון אוטיזם קעיסעס קומט פון האבן די קינד אויף די עלטער! Wow!

[זר זהב]

און זענען נישט רוב דאון סינדראם קינדער עפ"ר אויף די עלטער?

[זר זהב]

http://www.latimes.com/news/science/la- ... 7722.story

[ידען]

מע האט געמאכט א גורל ווער פון די דריי וועט די ערשטע אראפטרעטען אויף די לבנה?

[דולה ומשקה]

ניעל ארמסטראנג דער סאמע ערשטע מענטש אין דער וועלטס היסטוריה וואס האט אראפ געלייגט זיין פוס און געטרויטען ערגעץ אנדערש ווי אויף אונזער וועלט איז ניעל אלדרין ארמסטראנג, וואס האט געלייגט דער ערשטע פוס טרי אויף דער לבנה יולי 20, 1969. מ'קען איהם אפשר נאך מאכען, אדרבה נאך איהם זענען געוועהן נאף צוועלעף מענטשען וואס האבען געטרויטען אויף דער לבנה, אבער קיין ערשטע זענען זיין שוין נישט געוועהן.

עס קען קומען א ערשטע צו טרעטן אויף מארס, אבער נאך אלץ, דער ערשטע צו טרעטען אויף עפעס וואס איז נישט אונזער ערד קוגעל איז ניעל ארמסטראנג.

דעם פארגאנגענעם שבת קודש פרשת כי תצא שנת תשע"ב איז ער געשטארבען נאך א רייע פון קראנקהייטען. דורך אויס זיין לעבען האט ער געבען ממש היינט געציילטע אינטערוויאוס. קאנספיראציא ליב-האבער האבען דאס אויס גענוצט אלץ צייכען אס עפעס באהאלט ער דארט, און האט מורא ער וועט זיך צורעדען אויב מ'וועט צופיל פרעגן, לשיטתם האט מען צום לבנה קיינמאל נישט געפלויגען.

[הציץ ונפגע]

אור-אלטע אויסגעשניצטע חיות אפגעפונען אין ישראל
די ישראל'ישע אנטיקען אויטאריטעט האט היינט געמאלדן אז ארכעאלאגען האבן אנטדעקט צוויי אור-אלטע געטשקעלעך פון די נעאליטישע עפאכע אין אויסגראבונגען גראד נעבן ירושלים. די גראבונגען קומען פאר אין בעפארציג צו די אויסברייטערונג פון כביש אחד וואס פארבינדט ירושלים מיט תל אביב.
איין פסל איז א באַראַן (איל) פון ליימשטיין מיט פונקטליכע אויסגעשניצטע הערנער. די צווייטע - אביסל מער אבסטראקט - איז א ווילדע רינד (בקר-בר) פון דאָלאָמיט. די צוויי פסלים זענען ביידע בערך 5 אינטשעס אין די לענג און וואו דערמאנט זענען ביידע פון די נעאליטישע תקופה, בערך 9,500 יאר צוריק, לויט די שאצונגען פון די ארכעאלאגען.
די ארכעאלאגן גלויבן אז די אביעקטן האבן געטראגן א רעליעגעזע חשיבות פאר די מענטשן וואס האבן זיי אויסגעשניצט. מען האט די פסלים געטראפן נעבן א אלטע קיילעכיגע געביידע וואס גייט צוריק צו אן עפאכע ווען מענטש זענען איבערגאנגען פון א יעגער/קלויבער לעבנסטיל צו א פארמער לעבנסטיל ווען מען האט זיך אנגעהויבן באזעצן אין דערפעלעך.
"די ארכעאלאגישע עדות פון דעם עפאכע, הויפטזעכטליך די קונסטלערישע אביעקטען אזויווי די פסלונים וואס מען האט אנטדעקט אין תל מוצא, לערנען אונז איבער די רעליעגעזע לעבן, די וועגן וויאזוי מען האט געדינט און די גלויבונגען פון די נעאליטישע מענטשן", זאגט דר. חאַמודי חַאלאיילאַ, איינער פון די ארכעאלאגען מטעם די אנטיקען אויטאריטעט. לויט דאקטער חאַלאיילאַ, האבן די פסלונים מעגליך געדינט אלס געטשקעלעך אז די יעגעריי זאל מצליח זיין. א צווייטע ארכעאלאג ענאַ אייריך ברענגט אויף א סברא אז די געטשקעלעך זענען מעגליך פארבינדען מיט די אקטיוויטעטן צו היימאזירן די ווילדע חיות. וואו באקאנט איז אין די נעאליטישע עפאכע פארגעקומען א היימאזיראציע פון ווילדע חיות אזוי ווי ווילדע-רינדער און באַראַנען אויף א גרויסן פארנעם, און דאס איז די באזיס פאר דאקטער אייריך'ס סברא.

[שרגא]

די אמעריקאנע פאפולאציע איז היינט נאכמיטאג 2:29 ניו יארקער זייגער אנגעקומען צו 314,159,265 מאל 100 מיליאן מענטשן. די נומער 314,159,265 איז נישט סתם א נומער נאר איז א ספעציעלע "אומראציאנאלע נומער", מיטן נאמען פי - Pi, און מיטן ספעציעלן סימבאל π.

האסט ארויסגעלאזט (מסתמא בטעות) א י'. עס לייענט זיך "פּיי".
און אגב, יידל, א באזונדערן דאנק פאר די אינטערעסאנטע וויסנשאפטליכע נייעס וואס דו ברענגסט. (אפילו איך האלט אז עטליכע וואלטן געמעגט ארויסגעלאזט ווערן. פארוואס אריינפיטערן זאכן פאר מענטשן וואס זענען נישט אינטערעסירט און ווילן דאס ענדערש נישט זען [טראץ די דיסקלעימערס...]?)

[געפילטע פיש]

ניעל ארמסטראנג דער סאמע ערשטע מענטש אין דער וועלטס היסטוריה וואס האט אראפ געלייגט זיין פוס און געטרויטען ערגעץ אנדערש ווי אויף אונזער וועלט איז ניעל אלדרין ארמסטראנג

זיין מיטעלסטע נאמען איז אלדין, אלדרין האסטו מ'סתם גע'גנב'ט פון באזז אלדרין זיין קאלעגע, דער צווייטער מענטש אויפן לבנה.

[זר זהב]

http://www.latimes.com/health/boostersh ... 5105.story

[איך אויך]

איך זעה ביסט טאקע נפגע געווארן אז דו האלסט אז די וועלט שטייט שוין מער ווי 9500 יאר.

[געפילטע פיש]

ער שרייבט דאך "לויט די שאצונגען פון די ארכעאלאגען".
חוץ מזה וואס ס'דא גענוג ערליכע אידן וואס האלטן אויך אז די וועלט איז נישט דוקא 5772 יאר אלט, און ס'נישט קיין סתירה מיט בראשית ברא.

[יידל]

און אגב, יידל, א באזונדערן דאנק פאר די אינטערעסאנטע וויסנשאפטליכע נייעס וואס דו ברענגסט. (אפילו איך האלט אז עטליכע וואלטן געמעגט ארויסגעלאזט ווערן. פארוואס אריינפיטערן זאכן פאר מענטשן וואס זענען נישט אינטערעסירט און ווילן דאס ענדערש נישט זען [טראץ די דיסקלעימערס...]?)

בין איך דען דא צו פיטערן מענטשן מיט סיי וואס? איך גלייך סייענס, און איך ענדזשוי שרייבן איבער עס און ליינען די נייעס דערוועגן, זה הכל. איך האלט נישט אז איך דארף מיך זעלבסט צענזורירן בלויז ווייל געוויסע וועלן דאס ענדערש נישט זען. הגע בעצמך, עס זענען דאך פאראן כל מיני מענטשן, עס זענען דא אזוינע וואס ווילן נישט זען איבער לבנה-לאנדונגען אדער וואקסינען. ובכן, זאל איך איבער די נושאים אויך נישט שרייבן?
אבער די אמת איז אז כ'האב מיך טאקע צוריקגעהאלטן פון שרייבן איבער דעם, אבער אז א צווייטער האט שוין סיי ווי געשריבן , פארוואס זאל עס שוין נישט זיין געשריבן כדבעי' מיט אלע דעטאלן?

[זר זהב]

8 ליגערענישע ווערטער/פראזן

http://shine.yahoo.com/love-sex/8-words ... 00115.html

[שרגא]

און אגב, יידל, א באזונדערן דאנק פאר די אינטערעסאנטע וויסנשאפטליכע נייעס וואס דו ברענגסט. (אפילו איך האלט אז עטליכע וואלטן געמעגט ארויסגעלאזט ווערן. פארוואס אריינפיטערן זאכן פאר מענטשן וואס זענען נישט אינטערעסירט און ווילן דאס ענדערש נישט זען [טראץ די דיסקלעימערס...]?)

בין איך דען דא צו פיטערן מענטשן מיט סיי וואס? איך גלייך סייענס, און איך ענדזשוי שרייבן איבער עס און ליינען די נייעס דערוועגן, זה הכל. איך האלט נישט אז איך דארף מיך זעלבסט צענזורירן בלויז ווייל געוויסע וועלן דאס ענדערש נישט זען. הגע בעצמך, עס זענען דאך פאראן כל מיני מענטשן, עס זענען דא אזוינע וואס ווילן נישט זען איבער לבנה-לאנדונגען אדער וואקסינען. ובכן, זאל איך איבער די נושאים אויך נישט שרייבן?
אבער די אמת איז אז כ'האב מיך טאקע צוריקגעהאלטן פון שרייבן איבער דעם, אבער אז א צווייטער האט שוין סיי ווי געשריבן , פארוואס זאל עס שוין נישט זיין געשריבן כדבעי' מיט אלע דעטאלן?

יידל, דו קענסט דאך זיכער אליין ענטפערן דעם ריזיגן חילוק פון לבנה-לאנדונגען ביז דעם. לבנה לאנדונגען וכדומה איז עפעס וואס עס זענען אפשר פאראן אזעלכע וואס "זענען נישט אינטערעסירט צו ליינען דערוועגן", ווידער ביי די מפוקפקדיגע ענינים זענען דא אזעלכע וואס "זענען אינטערעסירט נישט צו ליינען דערוועגן". דאס הייסט אויב זאלסטו מאכן אן אנקעטע וועט נישט זיין קיין איינער וואס וועט זאגן "איך וויל נישט מען זאל שרייבן וועגן לבנה לאנדונגען" אבער אויף די צווייטע וועלן זיכער זיין א שיינע פראצענט וואס וועלן זאגן "איך וויל נישט מען זאל שרייבן דערוועגן", פאר סיי וועלכע סיבה. נארסייווי זאגסטו דאך אליין אז דו האסט זיך קודם איינגעהאלטן, נו דאנק דיר דערויף.

[טאמבל סאס]

ומי אני להכניס ראשי בין ההרים הגדולים, אבער פארט איז אינטערעסאנט צו זען ווי די גרויסע לייבן שלאגן זיך. (פארגלייכן זיך)

[יידל]

און אגב, יידל, א באזונדערן דאנק פאר די אינטערעסאנטע וויסנשאפטליכע נייעס וואס דו ברענגסט. (אפילו איך האלט אז עטליכע וואלטן געמעגט ארויסגעלאזט ווערן. פארוואס אריינפיטערן זאכן פאר מענטשן וואס זענען נישט אינטערעסירט און ווילן דאס ענדערש נישט זען [טראץ די דיסקלעימערס...]?)

בין איך דען דא צו פיטערן מענטשן מיט סיי וואס? איך גלייך סייענס, און איך ענדזשוי שרייבן איבער עס און ליינען די נייעס דערוועגן, זה הכל. איך האלט נישט אז איך דארף מיך זעלבסט צענזורירן בלויז ווייל געוויסע וועלן דאס ענדערש נישט זען. הגע בעצמך, עס זענען דאך פאראן כל מיני מענטשן, עס זענען דא אזוינע וואס ווילן נישט זען איבער לבנה-לאנדונגען אדער וואקסינען. ובכן, זאל איך איבער די נושאים אויך נישט שרייבן?
אבער די אמת איז אז כ'האב מיך טאקע צוריקגעהאלטן פון שרייבן איבער דעם, אבער אז א צווייטער האט שוין סיי ווי געשריבן , פארוואס זאל עס שוין נישט זיין געשריבן כדבעי' מיט אלע דעטאלן?

יידל, דו קענסט דאך זיכער אליין ענטפערן דעם ריזיגן חילוק פון לבנה-לאנדונגען ביז דעם. לבנה לאנדונגען וכדומה איז עפעס וואס עס זענען אפשר פאראן אזעלכע וואס "זענען נישט אינטערעסירט צו ליינען דערוועגן", ווידער ביי די מפוקפקדיגע ענינים זענען דא אזעלכע וואס "זענען אינטערעסירט נישט צו ליינען דערוועגן". דאס הייסט אויב זאלסטו מאכן אן אנקעטע וועט נישט זיין קיין איינער וואס וועט זאגן "איך וויל נישט מען זאל שרייבן וועגן לבנה לאנדונגען" אבער אויף די צווייטע וועלן זיכער זיין א שיינע פראצענט וואס וועלן זאגן "איך וויל נישט מען זאל שרייבן דערוועגן", פאר סיי וועלכע סיבה. נארסייווי זאגסטו דאך אליין אז דו האסט זיך קודם איינגעהאלטן, נו דאנק דיר דערויף.

כ'קען מיך בעצם קריגן מיט דיר און טענה'ן אז ווען מ'מאכט ווען אן אנקעטע צי מ'זאל מעגן שרייבן איבער וואקסינען און ווי זיי טוען אויף וואלט פראפעסאר שפירא געשטימט אז מ'זאל נישט טארן שרייבן דערוועגן. אבער איך גיי מיך נישט קריגן מיט דיר ווייל נאך קאנצעפט'ס אשכול שפיר איך זיך שוין וואו א גאנצער מיסיאנער פארן שטן...

[זר זהב]

איז ארגאניק פוד געזונטער? נישט אזוי זיכער!

[זר זהב]

Postpartum depression may lead to shorter kids: study

http://abcnews.go.com/Health/Depression ... E4q47L8sp8

[יידל]

א יאפאנעזער מאטעמאטיקער שיניטשי מאטשיזוקי האט אפגעשריבן א פאפיר פון 500 זייטן, לויט וואו ער טענה'ט איז דאס א הוכחה צו די עי בי סי קאנדזשעקטשור. אויב איז דאס אמת, וועט דאס זיין די גרעסטע דורכברוך אין מאטעמאטיק אין די לעצטע 100 יאר. דא איז די מקור, אויב איינער קען מסביר זיין וואס די שמחה איז, וועלן מיר אים מכיר טובה זיין.

[ונבנתה העיר]

אין 1977 האט נאסא ארויסגעשיקט אין ספעיס וואויעדשער וואן, זיין ציהל איז נישט אנצוקומען צו און שטודירן א ספעציפישן פלאנעט, נאר ער פארט אין א גראדע ליניע - מיט א שנעלקייט פון בערך 38,592 מפ"ש, א ביליאן מייל יעדע דריי יאהר - ארויס פון אונזער סאלער סיסטעם.

מען האט מיטגעשיקט מיט איהם א גאלדענע רעקארד און בילדער פון דער ערד, אויב וועט ער זיך אמאל באגעגענען מיט אינטעליגענטע ברואים [קארל'ס קארל סעיגן איז אויך געווען אויפן טיעם פון די מיסיע], פארשידענע סייענטיפישע אינפארמאציע, באגריסונגען פון פארשידענע מענטשען ובתוכם דער פרעזידענט, פארשידענע ערד קולות, ים וואלן, א בעבי וויינען וכו', און שטיקלעך מוזיק פון מאזארט וכדומה.

אין '79 האט ער געכאפט גאר שיינע בילדער פון דשופיטער און זיינע לבנות פון אזוי נאנט ווי צוויי הונדערט טויזענט מייל, האט מגלה געווען אסאך חידושים, ובתוכם א שיין בילד פון א וואלקעינא אויף איינע פון די לבנות וואס מען האט ביז דעמאלטס נישט געקענט זעהן.

פון דארט איז ער געפארן ווייטער זיך באנוצענדיג מיט די דעמאלטס נייע אויפטוה פון גראוועישענעל אסיסט [דהיינו אז מען באנוצט זיך מיט די גראוויטי פון פלאנעטן וכו' צו געבן א שטופ אויף ווייטער וכדומה], און אין '80 איז ער אנגעקומען קיין סאטורן און געכאפט בילדער פון אזוי נאנט ווי 77 טויזענט מייל.

אין '90 האט ער געכאפט - דאס ערשטע אין היסטאריע - א פאמיליע בילד פונעם סאלאר סיסטעם [די זוהן מיט איהרע פלאנעטן] ווי אזוי זי ווערט געזעהן פון אינדרויסען.

האלטענדיג היינט ביי 11 ביליאן מייל פון די זוהן [די צענטער פונעם סאלער סיסטעם] איז זי די ווייטסטע מענטש-געמאכטע זאך אין ספעיס, און ממילא האלט זי אויך די רעקארד פון שיקן סיגנאלן איבער די לענגסטע שטח, שיקענדיג און באקומענדיג סיגנאלן פונעם דיפ ספעיס נעטווארק.

יעצט - 35 יאהר אריין אין די מיסיע - האלט זי שוין ביים עק פונעם סאלאר סיסטעם, און נאסא האט געמאלדן אז בקרוב וועט זי זיך ארויסזעהן פון די השפעה פון די זוהן און איהרע פלאנעטן, און אריינגיין אין אינטערסטעלאר ספעיס די ליידיגע שטחים אין ספעיס וואו קיין שום סטאר סיסטעם איז נישט בעל הבית, ערשט אין 40,000 יאהר ארום וועט זי זיין 1.5 ליכט יאהר נאנט צו א שטערן וואס פליהט אין דירעקציע פון אונזער סאלער סיסטעם מיט א שנעלקייט פון 270,000 מפ"ש.

אזוי ווי מען רעדט דא פון 1977 טעכנאלאגיע האט זי א הונדערט טויזענסט'ל סיסטעם מעמארי פון א אכט גיג אייפאד נאנאו...

דורך די יאהרן האט מען צוביסלעך אויסגעלאשן פארשידענע חלקים כדי צו פרעזערווירן פאוער, און אין '25 וועט זי פארלירן די גאנצע פאוער.

עס זענען נאך דא גאר אינטערעסאנטע פרטים, אבער דאס וועל איך שוין מוזן איבערלאזן פאר יידל וחבריו.

[נאך א פשט]

יעצט - 35 יאהר אריין אין די מיסיע - האלט זי שוין ביים עק פונעם סאלאר סיסטעם, און נאסא האט געמאלדן אז בקרוב וועט זי זיך ארויסזעהן פון די השפעה פון די זוהן און איהרע פלאנעטן, און אריינגיין אין אינטערסטעלאר ספעיס די ליידיגע שטחים אין ספעיס וואו קיין שום סטאר סיסטעם איז נישט בעל הבית,

א וואך צוריק האבען זיי פריש געמאלדן אז מען האלט נאך נישט ממש ביים עק פונעם סאלער סיסטעם.

מען האט עקספעקטעט אז די פלאזמע פארטיקעלס פון אינטערסטעלער ספעיס וועלן צוריק שטופען די סואלער ווינט פארטיקעלס, אבער לויט די נייע מעזשערמענטס איז עס נאכנישט געשעהן.