אליינס צווישן מענטשן.

[dan]

א גיטן טייערע יודן,
איך קים דא ארויף שרייבּן פין ווייטאג, דאס ליגט שוין אויף מיין הארץ יארן, אפשר וועט ארויסקומען א טובה, (פאר מיך אדער פאר אנדערע). איז אזוי,
איך בּין זייער א געלונגענע מענטש, איך בּין קליג, איך פארשטיי גוט א עסק, בּרוך השם איך האבּ זייער א גיטע מערידש, א גיטע דשאבּ, וואס ליגט מיך אויפן הארץ איז, איך פיל מיך זייער לאנלי.
דאס הייסט, למשל, איך דאווען שוין אין זעלבּע שול א 6-7 יאר אין איך פיל נאכאלץ אזא ליידיגקייט, פארלוירנקייט,
אין די ארבּעט האט מיך גענומען א גוטע יאר צו ווערן בּאקוועם צווישן מיינע קאווארקערס אין זייער אסאך מאל ווער איך ממש דיפּרעסט פין דעם,
אין איך בּין זייער אנגעוויזן צי סאשילייזן מיט מענטשן, אבּער איך בּין זייער שעמעדיג...
סא וויל איך וויסן צו סדא נאך מענטשן וואס פילן אזוי, אין אויבּ איינער האט עני עצה מיך צי העלפן אין מיין איינזאמקייט צווישן מענשן.
א דאנק.

[גאלד]

איין טיפ. דאווען אין די קלענסטע שוהל וואסי נאר שייך, ממש נאר א מנין מענטשן, איך זאג דיר סהעלפט זייער. גרויסע שולן איז נישט גוט פאר דיר (חוץ אמאל פאר א מנין).

[חתן בחור]

יא, בקצור נמרץ מאוד. די דארפסט פארשטיין אז שעמעדיקייט און סאושעל ענקזייעטי איז דורכאויס פאלש. דהיינו די איינציגסטע זאך פון וואס האסט מורא איז דאס פחד אליינס, ס׳איז גארנישט דא נאכדעם וואס קען פאסירען וואס גייט דיך שלעכטס טוהן, ס׳איז נישט מער ווי א פחד פון פחד. ווייל וואס די האסט נאר מורא פון איז למעשה נישט קיין עכטע שלעכטס, ס׳איז דיר פשוט איינגעבאקן אין קאפ אז ס׳איז עק וועלט טאמער זאגסטו עפעס נישט ריכטיג, אדער מאכסט א טעות אינמיטען רעדן א.ד.ג.

איינמאל די פארשטייסט דאס, און די גלייבסט אין דעם, אין די לעבסט מיט דעם געדאנק, וועט זיך די פחד אפטוהן פון דיר. ס׳וועט צוביסלעך צוגיין. און ס׳איז איינמאל זיכער אז נאכ׳ן פארלירן די פחד וועסטו ניטאמאל ציקומען צו מאכן טעותים אדער קעקעצן וכדומה.

[גאלד]

יא, די אלע מיט סאשעל ענקזייעטי, אלעמאל סעקענד געסן זיי זיך צו וואס זיי האבן געזאגט צו מהאט עפעס נישט גוט געזאגט, דארפסטיך פורק עול זיין פון דעם אין שלאגן כפרות פון די דאגות,

[פאליטיקאנט]

ברענג מער ארויס דיין פראבלעם, דו ביסט א שעמעדיגער, אדער דו ביסט לאנגווייליג אלס רוטין?

[dan]

ברענג מער ארויס דיין פראבלעם, דו ביסט א שעמעדיגער, אדער דו ביסט לאנגווייליג אלס רוטין?

סאיז נישט סתם לאנגווייליג, איך גלייבּ סדארף נישט צו מאכן דיפּרעסט ווען מאיז אבּיסל בּארד פאר א שעה( נישט רוטין), אין יא איך בּין שעמעדיג.

[קאצקע ציקער]

האב יעדעם אין בארד

[מי אני]

viewtopic.php?f=24&t=9472

[ליטוואק פון בודאפעסט]

יעדער זאך קען מען נוצן פאר עבודת ה'. טראכט אריין ביים 'איכה ישבה בדד' וויאזוי די שכינה הקדושה לעבט, ווען אלע איר פריינט האבן איר אפגעלאזט, קיינער איז נישט אינטרעסירט אין איר, קיינער וויל איר נישט קענען, יעדער ווייזט איר א רוק. אזוי וועסטון זיין א זוכה ורואה בשמחתה.

[dan]

האב יעדעם אין בארד

נישט בּאד?

[קאצקע ציקער]

האב יעדעם אין בארד

נישט בּאד?

אין בוידעם אין באד ווי אימער . פון א מענטש וואס דו האלטס פאר א וועלטס שוטה שעמסט דיך אויך ? מסתם נישט , אמת? האסטו דיין תירוץ דו קיקסט צופיל ארויף מענשטן און דו האסט מורא פון מענטשן ארבעט אויף דעי צוויי נקידות און דיין לעבן וועט דיר זיס ווערן

און איך וויל אייך פרעגן אן אינטערסאנטע קשיא ביי די הקדמה פון אייער פראבלעם זאגט איר אז איר זענט קליג.... ווי פאר א שווארץ יאר קימט אריין אין אייער פראבלעם אז איר זענט קליג למאי נפקה מינה איר מיינט אז נאר קליגע מענטשן האבן א רעכט צו סאשילייזן ?

דא שטעקט די פראבלעם... שאלות חכם חצי תשובה איר קיקט צופיל אויף וויזוי מענטשן קיקן אויף אייך ווייל איר האט מורא פון מענטשן. שלאגט כפרות מיט דעם און הערט אויף טראכטן וואס מענטשן טראכטן אויף דיר וינעים לך

וויזוי האט דער חכם געזאגט : טראכט נישט וואס יענער טראכט אויף דיר ווייל קיינער טראכט ניט ער איז צו פארנימען וואס דו טראכסט אויף עים!

[ליב צו וויסן]

1-זייער מעגליך אז די "פייטן" מהלך קען דיר העלפן.

נעם א פען און פאפיר און שרייב אראפ א 10 משלים פון זאכן וואס מאכן דיר ענקזייעטי, למשל:
גריסן איינעם
זיך אנרופן ביי א קופקע
צוגיין צום עמוד
וכו וכו

דאן מאך דיר א קביעות איינמאל א טאג "דווקא" צו טוהן איינס פון די זאכן (הייב אן מיט גרינגערע, און צוביסלעך גיי צו שווערערע), זיי נישט יוצא מיט א זאך וואס איז געשעהן אן דיין ווילן, נאר טוה עס מיט א לשם יחוד. און בעפאר דו טוהסט עס זאג ארויס מיט דיין מויל I couldnt care less...

אז דו וועסט עס טוהן מערערע טעג "אין א ציה", איז דא שטארקע טשאנסן ס'זאל דיר גרינגער ווערן אויפן לעבן..

2-נאך א זאך וואס קען העלפן אין אזא מצב, איז זיך אריינלייגן שטארק אין עפעס און דורכדעם בויען סעלף קאנפידענס, למשל,
לערן דיך א פאך דורך און אדורך, און די בענעפיטן זענען נישט נאר פאר די פרנסה מעגליכקייט, נאר דאס אז דו קענסט עפעס וואס די רוב קען נישט און דו קענסט העלפן דערמיט מענטשן קען דיר שטארק בויען.

3-זעלבסט פארשטענדליך אז טעראפי קען שטארק העלפן.

[[NAMELESS]]

ס'גוט צו וויסן וועלעכע טייפ פון די מייערס בריגס סיסטעם און די ענעגרעם מען איז.
עס קען העלפן זיך קענען בעסער און פארשטיין וואס האלט דיך צוריק און וואס געבט דיר חיות. וואס איז דיין פערזענליכע ענקזייעטי און וואס איז די עצה דערצו.

די בושה קען קומען פון פארשידענע (פאלשע) דעת קדמונים אז
-איך בין א מעשוגענער
-איך בין דיפעקטיוו
-איך בין נישט גענוג קלוג געלונגען שיין שטארק וכו
-איך האב נישט וואס צוצוגעבן
-וואס איך וויל זאגן האט שוין א צווייטער געזאגט
-מען גייט לאכן פון מיר
אדער סיי וואס.

די עצה איז קודם צו זיין עוועיר וואס די דעוועל איז און נאכדעם קען מען עס בעסער פייטן.

[לולקע באנוצער]

אט איז א מהלך: פאר דו גייסט אריין אין ביהמ"ד טראכט צו דיר, "איך בין אנגעוויזן אויף וואס מענטשן האלטן פון מיר, און אויב זיי קוקן מיר אראפ בין איך גארנישט ווערד." טראכט דאס איבער עטליכע מאל, ביז דו הייבסט זיך אן צו שעמען פון דיר אליין פארן האבן אזא גלויבונג. דאן גיי אריין אין ביהמ"ד.

[וואלווי]

ס'נישט דא קיין תירוץ, און דאס אליינס איז די בעסטע תירוץ. כ'קען מיך נישט אויס מיט פרטי מיני אנושיות, אבער אויווען אויף, אויב זענט איר אן introvert, אזוי ווי ס'איז אביסל במשמע, דעמאלטס איז די בעסטע מהלך צו איינדערקענען דיין אייגענארטיגע נאטור, און גיין דערמיט. ס'מוז נישט זיין אז מ'דארף עפעס פארעכטן בכלל, די שטערקסטע זאך איז בלויז זיך צו פארשטיין.

וחילופיהן ביי אן extrovert, וואס פונקט אזוי קען ער זיך טרעפען מיט אן introvert, און אמאל דארף ער זיך אויך בעסער פארשטיין צו גיין ווייטער. בקיצור, ס'מוז נישט זיין אז ס'דא א גאנצע מערכה ווי אזוי זיך צו טוישן. אזוי ווי ביי אסאך שטערונגען, איז דאס זיך אליינס אפלערנען און געבען פלאץ איינע פון די בעסטע מיטלען.

[berlbalaguleh]

וואלווי: דו ביסט 100% גערעכט אז מ'דארף נישט ארבעטן אויף משנה זיין א נאטור פון א מענטש. נאר געבן פלאטץ פאר זיין מהות.

אני הקטן. בין איך א סאך מאל (רוב) אין אן עקסטראווערטאלע מאאד. איך ווילל אויסדרוקן מיין מיינונג. און הערן א צווייטנ'ס מיינונג. מיט אלע פרטים און פיטשעווקעס.

אן אנדערע טייל מאל, האלט איך ביי גארנישט זאגן. אדער הערן א צווייטנ'ס מיינונג. ווען יענער רעדט, אינטרעסירט מיך אינגאנצן נישט וואס ער זאגט.איך וואונדער מיך וואס ער האקט א טשייניק. ביניך אויך מסכים מיט אלעס וואס יענער זאגט. אפילו ער זאגט אז די קוען זענען געווען גרין אדער בלוי. איז די זעלבע זאך ביי מיר...!

[הקטן]

אט איז א מהלך: פאר דו גייסט אריין אין ביהמ"ד טראכט צו דיר, "איך בין אנגעוויזן אויף וואס מענטשן האלטן פון מיר, און אויב זיי קוקן מיר אראפ בין איך גארנישט ווערד." טראכט דאס איבער עטליכע מאל, ביז דו הייבסט זיך אן צו שעמען פון דיר אליין פארן האבן אזא גלויבונג. דאן גיי אריין אין ביהמ"ד.

[tag]לולקע באנוצער[/tag], פין וואו קימט צי דיר דער מהלך
אייגען עקספעריענס, סברה, סעלף העלפ, ביסט עוסק בתורת הנפש אלס פראפעשען?