ברוך דיין האמת א טרער אויף די פרישע קברים ל״ע

[ספרא דמרא]

די געפילן רוישן
מען קען זיי נישט פארשטילן
אזוי זיך צו אנטוישן
אנגעהויבן דאס יאר מיט שווארצע ברילן

נארוואס געטון מיינען
אז תכלה שנה
אבער אצינד מיר וויינען
וילך חרנה

נארוואס געבעטן ביים גאט
ער זאל זיך צו אונז נויגן
אבער דער מלך המשפט
האלט אונזערע העלזער אראפגעבויגן

נאך אזא שווערע יאר
מיר האבן שוין געוואלט פארגעסן
אוועקגעריסן נשמות אפאר
אין דעם יום הדין׳ס פראצעסן

מיר באוויינען דעם בראך
דער וואונד איז פיל מיט אייטער
ה׳ נתן וה׳ לקח
ווי שטעלט מען א טריט ווייטער

מיר וועלן ווייטער וויינען ביים תהלים
און פרובירן צורייסן דעם מחיצה אין הימל
אבער עליה השלם כל הקרבנות כולם
און בארואיג שוין דעם טומל

דו ביסט גערעכט און דיין משפט איז גערעכט
אבער טוה אונז אנווארעמען
כאטש אונז האבן זיך געפירט שלעכט
טוה זיך אויף אונז דערבארעמען

[זבולון]

די הארץ רייסט!
איך האב זיי ביידע געקענט.

עד מתי? גאט

[מיינונגזאגער]

אפשר בין איך נישט אויף די וועלט, און איך פרעג דא א נארישע קשיא.
אבער איך פרעג פארט, עס איז נישטא קיין ערגערע קשיא ווי די נישט געפרעגטע:
פון וועם איז די רעדע?

[שמעי']

מוישי הערצאג ע"ה און דוד צבי (המכונה דוטשי) שנעבאלג ע"ה.

[מיינונגזאגער]

ישר כח פאר די אינפארמאציע.
וואס האט ל"ע פאסירט?

[שמעקעדיג]

עפעס א עקסידענט לעבן מאנסי. זייער קאר האט אריינגעקראכט אין א טראק און די קאר האט געכאפט פייער און געמאכט א פירוש חי אויף 'ומי באש' רח"ל.

[מיינונגזאגער]

אוי טאטע.

[כגפן פוריה]

נישט פשוט עפעס וויל מען פין אונז! מוצאי ראש השנה!

Sent from my moto e6 using Tapatalk

[רביה''ק זי''ע]

ווער איז די "מען"? און וואס ווילן זיי?

(שמעקט פון פאליטעאיזם...)

[dan]

ווייסט איינער צו סשוין סקעדשועלד די לויה?

[פארווע חסיד]

.

[רביה''ק זי''ע]

דאס האט עפעס א שייכות מיט די פאלם שטרימפ פעסטיבל?

[[NAMELESS]]

תכלה שנה וקללותיה.
צייט פאר תשפ"ב.

[קוויטעל]

זיי זענען ביידע געווען גרושים, אבער האבן זיי איבערגעלאזט קינדער?

[לך לך]

זיי זענען ביידע געווען גרושים, אבער האבן זיי איבערגעלאזט קינדער?

איינער האט איבערגעלאזט 1 קינד

[דער דארפסמאן]

יואלי לעבעוויטש ביים מספיד זיין דעם נפטר

https://drive.google.com/file/d/1knTrNU ... p=drivesdk

[קוויטעל]

ס'איז א ווייטאג, פארוואס אזוי ווייניג האבן זיך משתתף געווען ביים לויה, דאס צייגט זייער נישט גוט אין הימעל!
די צוויי וואס האבן נישט געהאט קיין גרינגע לעבן, און האבן זיך נאך אוועקגעגעבן פאר אנדערע צו העלפן, און ווייל זיי הייסן נישט הרבני הנגיד וכו' - דארף מען זיי נישט מכבד זיין במותם הטראגי??

[פאליטיקאנט]

הלווית המת איז פון אוכלי פירותיהם העולם הזה והקרן קיימת לעולם הבא.

אבער עס איז נישט קיין שום פראבלעם אז איינער האט א באשיידענע קליינע לוויה "רעלאטיוו" צו אנדערע. איך זע די קטרוג פארקערט, פארוואס האבן אנדערע פשוט'ע מענטשן גרויסע לוויות ווייל זיי הייסן הרבנית הנגיד, פארוואס זיצן נישט די מענטשן און זיי לערנען תלמוד תורה [וואס איז] כנגד כולם?

[[NAMELESS]]

פארוואס זיצן נישט די מענטשן און זיי לערנען תלמוד תורה ?

"מבטלין תורה להוצאת המת"?

[קוויטעל]

כ'האב יעצט געשמועסט מיט חברים מעמבערס. זיי דארפן ערנסט מענטל העלפ. איינס ביי איינס זענען זיי צעשאסן און צערודערט.
א נאנטער מיינער פון חברים זאגט מיר ער קען נישט שלאפן, זייט ער איז געווען פון די ערשטע וואס זענען אנגעקומען צום סצענע, און האט נאך געהערט מוישי שרייען פון די קאר, נעם מיך ארויס איך ווער פארברענט... און ס'נישט געווען מעגליך צוצוגיין און לעשן אין מינוטען, ביז ער איז שטיל געווארן נעבעך...