ווערטער געפעכט צווישן סאטמאר רז"ל און רבי מענדל בן מהר"א

[[NAMELESS]]

היינט ביי א מיטינג וועגן די גזירות החינוך האט הגה"צ ר' מענדעל טייטלבוים מסאטמאר וויליאמסבורג זיך בארימט מיט די צוגאנג פון זיין טאטע מהר"א מסאטמאר צו זאגן פאר די רעגירונג אז אונז גיימער זיך גארנישט רירן וועגן עדיוקעישן.

נאכדעם וואס ער האט גערעדט א שטיק צייט האט רז''ל מסאטמאר זיך אנגערופן אז יעצט קען מען נישט זאגן אז מ'גייט גארנישט טוהן ווען די עיקר פראבלעם איז יעצט די פעלדער געזעץ וואס מהר''א האט דעמאלטס איינגעפירט.

מהרז''ל האט אויך די ערשטע מאל אויפגעדעקט אז שוין דעמאלטס איז ער געוועהן קעגן די פעלדער געזעץ נאר ער האט זיך נישט געוואלט אנרופן ווייל מ'וואלט געזאגט אז ער מיינט פאליטיק.

[יין שרף]

שמעתי אז עפעס יום טוב איז געווען דארט מיט ר' חיים פלאהר. עני אפדעיטס?

[גראף]

געבטס ארויס. איז געווען מער ווי איין מיטינג אדער זענען ביידע סאטמערס מיט באבוב'ס געזעצן ביים טיש אינאיינעם?

Sent from my SM-G950U using Tapatalk

[yn.NY]

JDN האט ארומגעשיקט א "א קלארקייט אינעם צוגאנג וואס מ'האט גענומען אויפ'ן גזירת החינוך"
אינטערעסאנט צו וויסן ווער ס'שטייט דערונטער.

[מה בכך]

געבטס ארויס. איז געווען מער ווי איין מיטינג אדער זענען ביידע סאטמערס מיט באבוב'ס געזעצן ביים טיש אינאיינעם?

Sent from my SM-G950U using Tapatalk

סאיז געווען צוויי מיטונגס . קוק די נעקסטע באריכט

[מה בכך]

שמעתי אז עפעס יום טוב איז געווען דארט מיט ר' חיים פלאהר. עני אפדעיטס?

לוסטיג און לעבעדיג , עפעס א קאלטע קריג האט זיך אנגעווערשאפט דא ..

[מה בכך]

ְדא האסטו די צד הזאלונים

נוֹעֲדוּ אֵלֶיךָ הַנְּשִׂיאִים רָאשֵׁי אַלְפֵי יִשְׂרָאֵל

ביי די אסיפה בבית האדמו"ר מוויזניץ שליט"א אין וויליאמסבורג האבן זיך באטייליגט האדמורי"ם מסאטמאר, פאפא, וויען, צעהלים, וויזניץ וויליאמסבורג, וויזניץ בארא פארק, באבוב-45, קאשוי שליט"א, הגאון ר' חיים פלאהר, הגה"צ אב"ד סאטמאר ירושלים, הגה"צ אב"ד סיגוט, בני האדמו"ר מבאבוב און מונקאטש זענען געקומען בשליחות אביהם האדמורי"ם שליט"א, הרה"ג רבי מיכל שטיינמעץ בשליחות האדמו"ר מסקווירא, אזוי אויך זענען די דייני קהלות קדושות קלויזענבורג, בעלז, גור, און הרה"ג משה קעסלער דומ"ץ וויזניץ מאנסי.



צום אלעם ערשטנס ברויך מען אפגעבן א דאנק פאר השי"ת אז די אסיפה איז בכלל צושטאנד געקומען און נאך מיט א שטארקייט טראצדעם וואס געוויסע אנשי בליעל (צווישן זיי די באוואוסטע "אני אמלוך'ניקעס") האבן גאר שווער געארבעט עס צו צושטערן.



די אסיפה איז פארגעקומען צוליב דעם וואס די מוסדות דארפן יעצט צוריקשיקן זייער ענטפער פאר די "באורד אוו רידזשענס" איבער וואס זייער שטעלונג איז לגבי די חינוך פון אונזערע קינדערלעך האבן די עסקנים ווי אלעמאל געברענגט די נושא פאר די רבנים צו הערן דעם דעת תורה מאת מאורי ישראל מנהיגי הקהלות שליט"א.



די אסיפה האט געעפענט העסקן ר' נפתלי אלימלך ווייס וואס האט אויסגעשמועסט די השתלשלות הגזירה דורכאויס די לעצטע פאר יאר, און אויסגעשמועסט בכלליות די מיטלען וואס די הייליגע "פעירלס" ארגאנאזאציע האט אונטערגענומען עס צו באקעמפן.

דערנאך האט איבערגענומען דאס ווארט העסקן הנמרץ הרה"ח ר' משה דוד ניעדערמאן הי"ו וואס האט זיך צום ערשטנס באדאנקט פאר די רבנים וואס רייסן זיך אראפ פון זייער טייערע צייט, און פאר זייער שטענדיגע הילף און פארן אלעמאל זיין גרייט בעצה ותושי' על אף זייענדיג אזוי טרוד מיט הנהגת הכלל, און אויך פאר די עסקנים פאר זייער איבערמידליכע ארבעט וואס זיי לייגן אריין די לעצטע יארן אין אלע ענינים און איבערהויפטליך אויפן פראנט פארן חינוך, און דאן האט ער פארגעלייגט און צונומען די נושא בעפאר די רבנים, אז מען שטייט יעצט נאכדעם וואס די באורד האט צוריקגעצויגן פון איר ערשט פארגעשלאגענע רייע "גיידליינס" אויפן חינוך - די וואס וואלט ווען געמיינט די ענדע פונעם ריינעם יודישן חינוך המסורה לנו מדור דור רח"ל היל"ת - און אז דאס האט פאסירט אין דירעקטן רעזולטאט פון די איבער 140 טויזנט פעטיציעס וואס דער גאנצער ציבור האט אריינגעשיקט צו די באורד אויפן איניציאטיוו פון די "פערלס" ארגאנאזאציע עס אפציווארפן. איז יעצט נאכדעם וואס די רעגירונג האט שוין געהערט אונזער קלארע אויסדרוקליכע התנגדות צו אלעס וואס זיי האבן ביזדערווייל געוואלט איינשטעלן און האבן טאקע צוריקגעצויגן דערפון, גייען זיי זיך פריש אנהייבן צוזאמזעצן און באטראכטן פרישע גיידליינס און זיי ווילן הערן וואס מיר ווילן יא, דארפן היצט די מוסדות אריינגעבן זייער ענטפער פאר די רעגירונג צו פארשטעלן זייער מיינונג און גאנג אז אונזער חינוך איז א הונדערט פראצענטיגע סוקסעס ב"ה, און אז מיר האלטן אז עס נישטא וואס צו טוישן אדער בעסער מאכן, און אז קוקנדיג אויף אונזערע פירות האבן מיר זיך נישט צו שעמען פאר קיינעם, און נאר דאס פונקט פארקערטע מיר קענען דינען אלס א מוסטער פאר אנדערע וכו'.

און ער האט געבעטן די רבנים הגאונים שליט"א צו באטראכטן אלע מעגליכקייטן און דערנאך מחליט זיין את המעשה אשר יעשון.

און דאן האבן די רבנים טאקע דן געווען איבער די נושא, און נו"נ געווען א לענגערע צייט איבער וויאזוי מען זאל טאקע ענטפערן פאר די רעגירונג, מען האט אויפגעברענגט אסאך אפציעס איבער וואס וואלט געווען די בעסטע מהלך צו ענטפערן, אויך האט מען אויסגעשמועסט וויאזוי עס זאל צוגיין, צי זאל יעדע מוסדות אליין ענטפערן פאר זיך אדער מען זאל ענטפערן אלע מוסדות אינאיינעם, און נאך נקודות בשייכות צו די נושא.



דערנאך האט אויפגעטרעטן פאר די רבנים דער בארימטער לויער פון "פעירלס" מר. אבי שיק וואס האט אין א לענגערע באריכט אראפגעלייגט און מסביר געווען די "לעגאלע שטאנדפונקט" פון די "פעירלס" ארגאנאזאציע און אויך פארגעשטעלט פאר די רבנים הגאונים וואס מ'האט שוין געטוהן אויפן לעגאלן פראנט די לעצטע פאר יאר צו באקעמפן און האפנטליך בעזר ה' ענדגילטיג און גענצליך מבטל זיין די גזירה.

דערנאך איז האדמו"ר מוויען איבערגעגאנגען מיט אבי שיק אלע פרטים און לעגאלע חלקים, ווי אויך האט דער וויענער רב געבעטן אז וואס אימער מען וועט שיקן פאר די רעגירונג זאל מען עס נישט ארויסגעבן פאר די גאס נאר האלטן צווישן די רבנים און נישט געבן קיין פתחון פה פאר אנשי בליעל בעלי האטליינס צו חרוב מאכן די מערכה.

[מה בכך]

שפעט אריין אינעם אסיפה האט זיך ר' מענדל ט"ב בן מהר''א אנגערופן אז ער וויל עפעס זאגן בשם זיין טאטע, זיין טאטע האט אויך מוסדות און איז נישט גרייט צו גיין מיט דעם מהלך, ער האט געזאגט אז מ'זאל איגנארירן די רעגירונג און זאגן אונז זענען ַגוט און לאז אונז צוריה, אויף דעם האט דער לויער אפגעוואנדן זיין מהלך אז דאס האט נישט קיין שום זין וויבאלד די רעגירונג ווארט אויף א ענטפער פון אונז נאכדעם וואס מיר האבן זיי געזאגט מיט די 140 טויזנט בריוון אז מיר זענען נישט צופרידן פון זייער געזעץ אויף דעם זאגט יעצט די רעגירונג, אדרבה קום די צוריק מיט דיין מהלך לאמיר זעהן וואס דו זאגסט, אלזא איז די מהלך נישט אין פלאץ בכלל. הגה"צ אברהם שלמה בלום שליט"א און אבי שיק האבן ארויסגעברענגט אז דאס איז טאקע וואס מיר האבן געזאגט פאר די רעגירונג די גאנצע צייט אז אונזער חינוך איז ב"ה זייער גוט במילא וואס פונקטליך זאגסטו יעצט דא.


דאן האט ַהאדמו"ר מסאטמאר ארויסגעברענגט אז מיט צוויי יאר צוריק איז געווען א איד ר' י.ע. (דער רבי האט ארויסגעברענגט אז ער האט נישט געמיינט קיין שלעכטס) וואס איז אויפגעקומען מיט א מהלך און ער איז געווען בײ מיר אויך און נאכן עס דורכטון מיט די לעגאלע עקספערטן האט זיך עס ארויסגעשטעלט זייער שלעכט, זענען זיי געגאנגען אליינס און געטוישט די געזעץ וואס איז געווען ביז דאן פאר הונדערטער יארן וואס איז מער ווייניגער געווען א אומקלארע געזעץ וואס מיט דעם האט מען געקענט שטיפן פאר עטליכע יאר און מצליח געווען און זיי האבן דורכגעפירט א געזעץ, גערופן די פעלדער אמענדמענט, אריינגעלייגט דערין אז מען גייט לערנען פיר סובדשעקטס און צולייגן מער שעה ענגליש און דאס האט מען גאר אויסגערופן ברבים אז דאס איז א ''הצלת החינוך'' ווען אין פאקט איז דאס ליידער דער דירעקטער גורם צו די איצטיגע פראבלעמען, אויף דעם האט זיך ר' מענדל פרובירט צו פארענטפערן אז דעי חלק האט מען אריינגעלייגט נאכדעם (אין פאקט האט מען טאקע אריינגעשטופט עפעס נאכדעם אבער נישט דאס, דאס איז לכתחילה געווען אינעם געזעץ און מהר''א האט עס ארויסגעברענגט יענעם חוה''מ)


דערנאך האט ר' חיים פלאהר האט געפרעגט עטליכע קשיות און האדמו''ר מקאשוי האט אלעס שיין אויסגעקלארט, דערנאך האט סאטמארער רבי נאכאמאל ארויסגעברענגט וואו אין די לעצטע זיבן יאר טוט ר' משה דוד נישט רוהען און איז כסדר עוסק וויאזוי צו באקעמפען די גזירה און פרעגט די רבנים אויף טריט און שריט וואס מען זאל טון און טוט גארנישט מדעת עצמו.

נאך וואס מען האט פארענדיגט די אסיפה איז דער קאשוי רבי געזיצן מיט ר'חיים פלאהר פאר א לענגערע צייט און דורכגעגאנגען די פרטי והשתלשלות המערכה.




גענוי ווי ביי יעדע דבר שבקדושה מאכט זיך אייביג מענטשן וואס קומען מיט די שלייער פון קנאות און פרובירן אלעס צו צוברעכן, האבן דאסמאל די צוויי נארוואס געווארענע פריינט ר' חיים לייבוש ראטענבערג און מהר''א ט''ב געארבעט גאר שווער צו צושטערן די אסיפה, לקיים מה שנאמר עמון ומואב עשו שלום.
ר' חיים לייבוש אנגערופן אדמו"ר מוויזניץ מאנסי און אנגעהויבן דרייען א קאפ אז מ'זאל מבטל זיין די אסיפה, האט אים דער וויזניצער רבי געענפערט אז מיר האבן שוין אויסגעהערט די אנדערע זייט ביי די אסיפה פארלאפענעם זומער מיטן דיין ר' משה קעסלער וואו עס איז געווארן אויסגעשמועסט אלע פרטים און מ'איז געקומען צום החלטה אז ס'איז נישט דא קיין שום פראבלעמען ב"ה, און צום היינטיגן אסיפה האט מען אויך גערופן ר' משה קעסלער.
אזוי אויך האט מהר''א געארבעט מיט איבערמידליכע כוחות צו צוברעכן די אסיפה, נעכטן שפעט ביינאכט נאך וואס ר' משה דוד האט גערופן מענדל צו די אסיפה ( דעמאלט איז זיין טאטע געוואויר געווארן) האט ער שנעל פאררופן א אסיפה ביי זיך אינדערהיים מיט דריי לויערס און ער האט ארומגערופן סקווירא, באבוב 45 און נאך, זאגן אז ער מאכט אויך א אסיפה ביי זיך אינדערהיים די זעלבע צייט אום 2:00, למעשה קיין איין רב נישט אנגעקומען צו, ווי אויך האבן די לויערס אויך אפגעזאגט די לעצטע מינוט, דעריבער איז ער -נישט מער און נישט ווייניגער- געזיצן מיט די לויערס אויף א ''זום'' מיטינג.

אוי לאותה בושה!

[מה בכך]

צד הארונים

היסטארישע זום מיטינג מיט סטעיט עדיוקעישאן דעפארטמענט און כ"ק מרן אדמו"ר מסאטמאר שליט"א, ‎העסקן ר' יעקב סופר שליט"א באגריסט סטעיט פארשלאג פאר דרויסנדיגע אקרעדיטעישאן.

דער מיטינג איז געווען זייער קאלירפול, פארשטעלנדיג א ברייטן ספעקטרום פונעם יהדות החרדית. ביים מיטינג האבן אויך אנטייל גענומען דזשאועל פעטלין, סופעראיטענדענט פון די קרית יואל סקול דיסטריקט, דר. בערני פרישמאן, א לאנגיעריגער עסקן און קאלעדזש פראפעסאר און פירער פון אארט"ס, די ארגאניזאציע וואס סערטיפייד ישיבה גדולה קאלעדזשעס אין אמעעריקע, מו"ה ר' אהרן בנציון ווידער הי"ו, ראקלענד קאונטי לעגיסלאטור, הרב משה שוואב שליט"א און זיין זון, ראש ישיבת דגל התורה, א ליטווישע ישיבה וואס האט א פיל-לענגערע לימודי חול פראגראם ווי חסיד'ישע ישיבות. הרבני הנגיד ר' יעקב סופר הי"ו, וואס ידיו רב לו בהצלת חינוך מיט זיין גמרא קאפ זייענדיג איינע די ארכיטעקטן פונעם פעלדער געזעץ, און אויך איז געווען א פרינציפאל פון בית רחל דקרית יואל.

אריגינעל איז געווען געפלאנט אז דער מיטינג זאל זיין פערזענליך, מיט די עדיוקעישאן באאמטע זאלן אראפקומען צום רבי'ן. למעשה האבן זיי אין די לעצטע מינוט געזאגט אז זיי קענען נישט קומען און ס'איז געטוישט געווארן צו א זום מיטינג.

רבינו שליט"א האט זיך באדאנקט פאר די מס. קאפלאן פאר ארויפקומען אויפ'ן מיטינג, און האט אויסגעדרוקט הנאה פון דעם צזאמטרעף און געזאגט אז דער עכטער באגער איז געווען צו רעדן פנים אל פנים, אבער בדיעבד איז ער יוצא מגדרו און גייט ארויף אויף א זום מיטינג צוליב'ן חובת השעה.

דער רבי שליט"א האט ארויסגעברענגט אז מיר האבן א הערליכן חינוך און די קינדער קומען ב"ה ארויס זייער גוט פון די לימודי קודש; די פרינציפאלס און די באאמטע פון סקול דיסטריקט האבן שטארק ארויסגעהויבן דעם ענגליש פראגראם אין די מוסדות; הרב שוואב האט ארומגערעדט פון זיין גאר גוטן ענגליש אין די ישיבת הדגל התורה; הרב ווידער האט אויפגעברענגט ווי שיין ער האט מצליח געווען, זייענדיג א לעגיסלאטור, פון א ישיבה חינוך; אויף די פראגע פון די סטעיט עדיוקעישאן באאמטע ווי אזוי די סטעיט קען פארזיכערן אז די קינדער קענען טאקע און האלטן מיט דעם ענגליש פראגראם, האבן די קרית יואל'ער מחנכים געזאגט אז זיי געבן פארשידענע אנערקענטע טעסטס. וואס איז געווארן אויפגענומען מיט שטארק צופרידנהייט.

מר. ד'אגאטי האט געפרעגט צי מ'וואלט מסכים געווען צו נעמען אן אקרעדיטעישאן אגענטור – ענליכעס צו וואס דר. פרישמאן האט פאר ישיבת גדולות – און די אגענטור וועט באשטעטיגן אז די סקולס קומען נאך דעם געזעץ, האט הרבני הנגיד ר' יעקב סופר שליט"א, דער מגן פונעם חינוך הטהור, געזאגט אז דאס איז א פארשלאג וואס וועט זייער גוט ארבעטן פאר מוסדות התורה.

דער רבי שליט"א האט זיך באדאנקט פאר מס. קאפלין פאר קומען צום מיטינג און אויסגעדרוקט זיין וואונטש אז מ'וועט זיך טרעפן פערזענליך.

ולך עשית ישועה גדולה ופורקן כהיום הזה!

עס איז צו האפן אז אזוי ווי דער רבי האט געהאט די זכיה מציל זיין דעם חינוך פון יהדות ניו יארק מיט דעם פעלדער געזעץ בימים ההם וועט ער יעצט אויך זיין דער מציל ומושיע פון דעם יעצטיגן גזירת החינוך, און ס'איז צו ערווארטן אז דער רבי וועט כדרכו בקודש אויסמשועסן באריכות אלע פרטים און ווערט שטארק אפלאדירן זיינע פעולות לטובה אין זיינע דברות קודש ביום הצלה כ"א כסליו הבעל"ט.

שמעו ותחי נפשכם!

[מה בכך]

צד הארונים

עס איז צו האפן אז אזוי ווי דער רבי האט געהאט די זכיה מציל זיין דעם חינוך פון יהדות ניו יארק מיט דעם פעלדער געזעץ בימים ההם וועט ער יעצט אויך זיין דער מציל ומושיע פון דעם יעצטיגן גזירת החינוך, און ס'איז צו ערווארטן אז דער רבי וועט כדרכו בקודש אויסמשועסן באריכות אלע פרטים און ווערט שטארק אפלאדירן זיינע פעולות לטובה אין זיינע דברות קודש ביום הצלה כ"א כסליו הבעל"ט.

שמעו ותחי נפשכם!

דעם מוצש"ק וועט מהר"א זיך נישט אויפהערן צי רימען פאר זיינע חסידים אין די זעלבע צייט פארשטייט זיך אראפרייסן אלע ערליכע מוסדות.. שמעו ותחו נפשכם

[מפיל קינד]

מהרז''ל האט אויך די ערשטע מאל אויפגעדעקט אז שוין דעמאלטס איז ער געוועהן קעגן די פעלדער געזעץ נאר ער האט זיך נישט געוואלט אנרופן ווייל מ'וואלט געזאגט אז ער מיינט פאליטיק.

דאס איז נישט ריכטיג, דער איד האט שוין א לאנגע צייט געשריבן דערקעגן, יעדער זאלי ווייסט שוין פון לאנג גענוי פארוואס ס'איז א פראבלעמאטישע געזעץ...

[מה בכך]

באריכט פון JBL איבער די
היסטארישער אסיפת רבני מאנסי
https://mailchi.mp/daedb335ab8e/picture ... e58502ffb0

[מה בכך]

דברי פי קדשו ...

[מה בכך]

[quote="מה בכך"]צד הארונים

זאליס ביי די ארבעט....


סוף דבר לאמיר אלע געדענקען אז....

גיין מיט פערלס, חלילה זיי זענען אגודה..

גיין א עצרת תפילה מיט אגודה,( ניטאמאל געלאזט ריפען א מוחאה ווייל אגודה מיט מוחאה אויפן מדינה?!?) דעמאלטס מיינט עס מקדש שם שמים...


שתדלן ביים רעגירונג, חלילה דאס איז פשרות...

די פעלדער געזעץ, ( וואס האט געפענט די טיר פארן רעגירונג ) דאס איז הצלת החינוך...


כינוס הרבבות, דאס איז א מעסער בחומת הדת ווייל סאיז געווען סקרינס...

זיצען אויף זו״ם ( ווי א לאוזער אליינס.) דאס איז דרך המערכה במסירות נפש...


נישט גיין אין לשכת הגיוס,( ביי א מדינת שמד) אין זאגען איני מכיר איך ווייס נישט ווער די ביסט, דאס איז אסור ווייל עס צוברעכט די מערכה...

אין אמעריקא זאגען פארן רעגירונג כווייס נישט ווער די ביסט, דאס איז די עכטע דרך מלחמה...

תם ולא נשלם... לייגט אליינס צו די היפעקריטיע פין דעים אני ראשון ואני אחרון ( עפ״ל)

[א חסיד פון ווילנא]

איך זעה איין אז רז"ל האט מער און בעסערע פארטרעטערשאפט דא ווי ר"א
אפילו די צד מהר"א זעט אויך אויס געשריבן דורך צד רז"ל
אשאד מאריך צו זיין דא און פירן וויכוחים, לאמיר זאגן גראד, וואס ר"א זאגט/טוט איז פאלש און היפאקראסי, און רז"ל איז אייביג גערעכט און קלוג
איך הער אז רז"ל האט זיך זייער געבייזערט נעכטן אזש ער האט זיך שוין נישט געקענט איינהאלטן נאך צוויי יאר שווייגן, איך מיין ער איז זייער אויסגעמוטשעט, צייט ער זאל פארן נאכאמאל אויף אפרוה/מנוחת הנפש, (שוין געווען 1 מאל זייט שמח"ת)
אגוט שבת

Sent from my LM-X210CM using Tapatalk

[אישתישבי]

בקיצור א באנטש פין בעיביס.

עס גייט זיי אלע אהן דער "צרה" ווי א לאך אין קאפ, דער עיקר וואס גייט זיי אלע אהן איז אני ואפסי.

[אישתישבי]

זאל מען עס נישט ארויסגעבן פאר די גאס נאר האלטן צווישן די רבנים און נישט געבן קיין פתחון פה פאר אנשי בליעל בעלי האטליינס צו חרוב מאכן די מערכה

איינער ווייסט וואס ער מיינט?

[[NAMELESS]]

איך זעה איין אז רז"ל האט מער און בעסערע פארטרעטערשאפט דא ווי ר"א
אפילו די צד מהר"א זעט אויך אויס געשריבן דורך צד רז"ל
אשאד מאריך צו זיין דא און פירן וויכוחים, לאמיר זאגן גראד, וואס ר"א זאגט/טוט איז פאלש און היפאקראסי, און רז"ל איז אייביג גערעכט און קלוג
איך הער אז רז"ל האט זיך זייער געבייזערט נעכטן אזש ער האט זיך שוין נישט געקענט איינהאלטן נאך צוויי יאר שווייגן, איך מיין ער איז זייער אויסגעמוטשעט, צייט ער זאל פארן נאכאמאל אויף אפרוה/מנוחת הנפש, (שוין געווען 1 מאל זייט שמח"ת)
אגוט שבת

Sent from my LM-X210CM using Tapatalk

אדרבה ברענג צד מהר"א

[מפיל קינד]

אויף די מינוט קוק איך עס אן אזוי:

איך האלט אז מהר"א איז גערעכט אויף די מינוט אז מ'דארף גיין שארפער און נישט זוכן אויפצוקומען מיט לעזונגען און פשרות.

מהרז"ל האט געענטפערט זייער נאריש און קינדיש איבער די פעלדער געזעץ. ס'איז מעגליך אז ער איז גערעכט, אבער אויף די פראגע פון ר' מענדל האט ער נישט געענטפערט, און מ'רעדט נישט אזוי שארף צו א רב ברבים אויף אן אלטע מעשה וואס האט פאסירט 2 יאר צוריק.

זיין שארפקייט איז לכאורה געווען צו ווייזן פאר די רבנים אז ער פארשטייט יא אן עסק און איז אויך גוט אויסגעקאכט אין די ענינים פונקט ווי מענדל, אבער ס'איז נאכאלץ נישט געווען אין פלאץ.

ווי ס'קוקט אויס זענען אבער רוב גרויסע רבנים מיט פעירלס, און ס'וועט קיין סאך נישט העלפן פאר מהר"א. פאפא און באבוב זוכן נישט צו גיין אזוי שארף און מהרז"ל וועט בלייבן מיט די מעין סטריעם קהילות ביזן סוף פון די מערכה.

[אוהב ספרים]

שמעתי אז עפעס יום טוב איז געווען דארט מיט ר' חיים פלאהר. עני אפדעיטס?

שקר

[ביבער]

מהרז"ל האט געענטפערט זייער נאריש און קינדיש איבער די פעלדער געזעץ. ס'איז מעגליך אז ער איז גערעכט, אבער אויף די פראגע פון ר' מענדל האט ער נישט געענטפערט, און מ'רעדט נישט אזוי שארף צו א רב ברבים אויף אן אלטע מעשה וואס האט פאסירט 2 יאר צוריק.

פארוואס האלט רז"ל אז אן די פעלדער געזעץ וואלט געווען אנדערש? ער האלט אז די גאווערמענט וואלט פלעין געזאגט אקעי עטץ ווילטץ נישט איז נישט?
איך פארשטיי אז דעס איז באמת וואס מהר"א זאגט יעצט אבער איך פרעג וואס מהרזל האלט

[א חסיד פון ווילנא]

מהרז"ל האט געענטפערט זייער נאריש און קינדיש איבער די פעלדער געזעץ. ס'איז מעגליך אז ער איז גערעכט, אבער אויף די פראגע פון ר' מענדל האט ער נישט געענטפערט, און מ'רעדט נישט אזוי שארף צו א רב ברבים אויף אן אלטע מעשה וואס האט פאסירט 2 יאר צוריק.

פארוואס האלט רז"ל אז אן די פעלדער געזעץ וואלט געווען אנדערש? ער האלט אז די גאווערמענט וואלט פלעין געזאגט אקעי עטץ ווילטץ נישט איז נישט?
איך פארשטיי אז דעס איז באמת וואס מהר"א זאגט יעצט אבער איך פרעג וואס מהרזל האלט

ווי איז אריינגעקומען די פעדלער געזעץ אלס ענטפער פאר ר׳ מענדל?
די נדון איז געווען וואס מ׳ זאל זאגן פאר די רעגירונג, האט ר׳ מענדל בשליחות אביו געזאגט זיין מיינונג אז מ׳ זאל בכלל נישט ענטפערן (גערעכט צו נישט) האט ער אים באפאלן וועגין די פעדלער געזעץ אז ער האט חרוב געמאכט, באשר ע"כ זאל ער גארנישט טון/זאגן יעצט?
קען זיין ער האט דאס געמיינט צו זאגן, אויב יא איז ער טאקע א נועם המדות
איך פארשטיי פארוואס ער האט עס געטון (די ערשטע מאל) אבער נישט דא איז די פלאץ אויסשמועסן

ד"א געהערט די רעקארדינג, ר"מ רעדט זייער רוהיג, רז"ל רעדט מיט אזא כעס און האס, א חלק פונעם נאבעלקייט

Sent from my LM-X210CM using Tapatalk

[ביבער]

עפעס פעלט מיר דא אינעם פאזל. פאליטיקס אסייד. ווי איך פארשטיי האלט מהרזל אז די פעלדער געזעץ האט צוגעברענגט צו ווי מ'איז יעצט. קען מיר איינער מסביר זיין וואס ער האלט וואלט געווען אן דעם געזעץ? וואלט גאווערמענט זיך פלעין נישט וואוסענדיג געמאכט? און אויב יא, אויף וואס איז געבעיסד זיין השערה?