וויזשניץ גמ"ח באנקראטירט!

[פאליטיקאנט]

"ה' נתן וה' לקח"

פארט ארום א צעטל פון גמ"ח וואס טוט "מיט פיל צער און עגמת נפש" איינמעלדן די מעמבער'ס איבער א "חיסרון כיס" אינעם גמ"ח, וואס האט פאסירט "בעונותינו הרבים".....

תכלית, נאך פיל באראטונגען מיט די דיינים, איז מען צוגעקומען צוריק צו געבן די איבעריגע געלטער פאר די גמ"ח מעמבער'ס, וואס קומט אויס צו..... גאנצע 6% ! יא, ז-ע-ק-ס פראצענט.


איך ווייס נישט קיין פרטים, אבער שיקן א פשוטע צעטל מיט אזא מודעה, איז אין יעדע פאל אוממענטשליך.


איינער ווייסט וואס דארט איז פארגעגאנגען?

[שמעון וואלף]

איך ווייס נישט קיין פרטים, אבער שיקן א פשוטע צעטל מיט אזא מודעה, איז אין יעדע פאל אוממענטשליך.

די צעטל איז דיר א פראבלעם? די זאך האט באנקראטירט און עטליכע עסקנים פראבירן ראטעווען וואס מ'קען און עס צעטיילן די מערסט יושר'דיגע ווי ס'שייך. די עסקנים זענען גארנישט שולדיג און דארפן זיך פאר קיינעם נישט אנטשולדיגן.

[פאליטיקאנט]

עס זעט דיר אויס ווי איך אטאקיר דא איינעם דירעקט?

איך באשולדיג נישט קיינעם, עס קען זיין אז די ארויסגעבערס זענען טאקע פרישע עסקנים וואס האבן זיך יעצט אריינגעלייגט צו זען וואס מ'קען נאך יעצט טוען, אבער שיקן א בלויזן צעטל צו מעמבער'ס וואס מ'האט זיי אפגעווישט 94% פון זייער געלט וואס זיי האבן אריינגעשטעקט לשם מצוה אין א "פארזיכערטע פלאץ" (נישט אז זיי האבן עפעס גענומען ריזיקעס מיטן אריינלייגן אין עפעס א פאנד און ערווארטעט רווחים), איז לדעתי אוממענטשליך.


מאך א פאון קאל, שיק אראפ איינעם פון די דיינים וואס זענען אריינגעטון, לאז יענעם וויסן וואס גייט פאר און וואס מ'האט אלס פרובירט, לאז יענעם אויסגעבן זיין ווייטאג צו דיר, הער עם אויס (יא ס'איז זייער אומאנגענעם, אבער עס קומט זיך יענעם כאטש דאס)!

די עסקנים זענען גארנישט שולדיג

אקעי, קען זיין.

און דארפן זיך פאר קיינעם נישט אנטשולדיגן.

פארוואס נישט? אז דו מישט זיך אריין צו מסדר דאן אוואדי דארפסטו זיין א נושא בעול, דאס אז די אנפירער פון גמ"ח דארפן זיך פארענטפערן פארשטייסטו יא, איז מיט דעם וואס זיי נעמען איבער פאלט אוועק די אקאונטעביליטי?

[שמעון וואלף]

ווען א קאמפעני גייט באנקראטירט שטעלט די קאורט אריין א טראסטי וואס זאל אבזערווירן די ליקווידעישן פון די קאמפעני. די טראסטי גייט זיך נישט פארענטפערן אדער אנטשולדיגן פאר קיינעם.
עסקנים זענען ווי טראסטי נאר מיט איין חילוק: זיי באקומען נישט באצאלט

[מה בכך]

די פלא איז נאר ווי דער בעה"ב (מ.ל.) דרייט זיך ווייטער אין וויליאמסבורג נאכן קאליע לייגן מיליאנען כאילו גארנישט וואלט פאסירט...קום ארויס אין פאבליק, אנטשולדיג דירכאטש, זיי מסביר וואס סאיז געשען... נאטינג! איינגענומען א שטילקייט ...

[אישתישבי]

וואס הייסט עס איז א פלא? עס איז דא דיינים וואס זענען אינוואלווד!

בדרך אגב, וויפיל געלט איז פארלוירען געגאנגען?

[פאליטיקאנט]

ווען א קאמפעני גייט באנקראטירט שטעלט די קאורט אריין א טראסטי וואס זאל אבזערווירן די ליקווידעישן פון די קאמפעני. די טראסטי גייט זיך נישט פארענטפערן אדער אנטשולדיגן פאר קיינעם.
עסקנים זענען ווי טראסטי נאר מיט איין חילוק: זיי באקומען נישט באצאלט

קאמפאני ≠ גמ"ח

איך זע נישט ווי ס'פאלט דיר איין בכלל צו פארגלייכן.
ווי פריער געשריבן דארף א גמ"ח צו זיין פארזיכערט, עס איז נישט קיין "קאמפאני" אדער פאנד מיט ריזיקעס.
אז עפעס איז געגאנגען אזוי שלעכט ווי פארלירן 94% פראצענט פון די גמ"ח פארלאנגט דאס א קלארע הסבר פון די גמ"ח פירערשאפט, און פולשטענדיגע איבערזיכט.

יעצט אז עס קומען אריין פרישע 'עסקנים' (וואס די גלייכט זיי צו צו טראסטיס) צו זען וואס מ'קען טוען, מיינט נישט אז זיי האבן יעצט א פרייע האנט [ווייל זיי זענען נייע], די פריערדיגע זענען עקזעמפט [ווייל זיי זענען שוין ניט 'אינוואלווד], און אקאונטעביליטי איז ארויסגעווארפן פון פענסטער. עס פארלאנגט זיך פון זיי צו טוען וואס די פריערדיגע האבן געדארפט (פארשטייט זיך אז זיי דארפן זיך נישט אנטשולדיגן אויף די פריערדיגע מעשים, אבער יא קלארמאכן, און צופרידנשטעלן ווי ווייט מעגליך), אז זיי זענען נישט גרייט דאס צו טוען, נעם נישט איבער! די נישט באקומען באצאלט איז נישט קיין תירוץ אויף נישט צו טוען וואס עס פארלאנגט זיך.
אויף וואס האבן זיי איבערגענומען? אויף צו פארטיידיגן די פריערדיגע?

נאכאמאל, איך ווייס נישט קיין דעטאלן, אבער אזא בריוו איז איבערגעטריבן אוממענטשליך און אן אחריות'דיג. און אז אזא זאך קען פארקומען און די גאס דרייט זיך נישט איבער, שלעפ איך ארויס מיין געלט פון גמ"ח. אדער בעסער געזאגט איך עפן א גמ"ח.....

[אישתישבי]

איך וויל אויך עפענען א גמ"ח, קענען מיר זיין שותפים?

דער דזשאק איז, עס איז גרינגער ווי די מיינסט.

[נאך א מיינונג]

עסקנים אן נעמן, דיינים אן נעמן, אבער אלס איז 'לשם מצוה' און אלס איז כפי די הלכה!
אשרי המאמין!

[קורקלענד]

ממש נישט צו פארשטיין וויאזוי מענטשן ניצן נאך די גמח'ן. מיט יעדע בּאָבּל גייען אפאר פרישע גמח'ן אין דער ערד. די גמח'ן זענען געווענליך פריוואט געפירט אן קיין חשבונות און אן קיין איבערזיכט. און אויב דער וואס זיצט אויף די קאסע פילט אז ביטקוין אדער טעסלא זענען גענוג פארזיכערט איז ער משקיע.... די פראבלעם איז אז ווען ס'איז דא רווחים ווייסט אויך קיינער נישט.

איך ווייס נישט וואס די מעשה איז דא. אבער ווי ס'שיינט האבן די אנאנימע רבנים דא באשלאסן אז והייתם נקיים איז ביי זיי זיכער נישט קיין עסק.

[תרמב]

לכאורה איז קיינער נישט געוואור געווארן פון די אנזעץ פון די צעטיל, יעדער ווייסט שוין דערוועגן, די צעטיל איז פשוט געקומען מודיע זיין אז זעקס פראצענט קען מען צוריקבאקומען און זיי האבן ארויפגעלייגט א פסוק אויבן פונעם צעטיל אז ס’זאל אויסקוקן אפיציעל, במילא איז די צעטיל נישט די פלאץ ווי די אנטשולדיגונג דארף שטיין, עכ’’פ אזוי האב איך פארשטאנען.

[הוגה]

[justify]עס גייט מיר נישט אין קאפ אריין וויאזוי יונגערלייט טראסטן גמ"חן מיט זייערע שווערע אויסגעהארעוועטע געלט. מילא א עושר וואס קען פארטראגן אזא פארלוסט, פארשטיי איך. אבער ליידער זענען א גרויסע פראצענט אקאונטס ביים גמ"ח פון פשוטע ארבייטער וואס האלטן דארט די געלט צו שפארן טעקסעס און אנשטאט שפארן די 20 פראצענט טעקסעס קאסט עס גאר 94 פראצענט. וויאזוי קען מען טראסטן אן ארגעניזאציע וואס האט קיין שום איבערזיכט און אקאונטיביליטי? פאר א סאך יארן צוריק האב איך געהאלטן א באדייטנדע סכום געלט אין גמ"ח ווייל כ'האב געקענט באשטיין אז מיין געלט זאל העלפן אנדערע בשעת איך סעיוו. אין יענע תקופה האבן די איינטומער פון א גרויסע גמ"ח געבויט א ריזיגע דעוועלאפמענט פון אפארדעביל דירות. איך האב זיי נישט חושד געווען (אויף זיכער) אז זיי האבן גענוצט די גמ"ח געלט פאר דער פראיעקט, אבער די פאקט אז זיי האבן זיך ניטאמאל געדארפט פארענטפערן פאר קיינעם האט מיר גענוג אנגעשראקן. זייט דעמאלטס האלט איך קיינמאל מער ווי טויזנט דאלער אין איטליכע גמ"ח.


.[/justify]

[מפיל קינד]

נאכאמאל, איך ווייס נישט קיין דעטאלן, אבער אזא בריוו איז איבערגעטריבן אוממענטשליך און אן אחריות'דיג. און אז אזא זאך קען פארקומען און די גאס דרייט זיך נישט איבער, שלעפ איך ארויס מיין געלט פון גמ"ח. אדער בעסער געזאגט איך עפן א גמ"ח.....

נישט קיין מושג וואס דו ווילסט.

די גמ"ח איז אנגעזעצט. יעדער ווייסט דערפון און נעקסט קעיס. יעצט איז דא אפאר עסקנים וואס פרובירן אז די איבריגע זאל כאטש צוטיילט ווערן יושר'דיג. וואס נאך דארפן זיי טון?! אפשר זאלן זיי אויך ארויסנעמען פון טאש די איבריגע 94 פראצענט? זיי דארפן פארקויפן זייער הויז אויך?...

אז דו ווילססט האקן גיי צום שורש, די גמ"ח פירער, נישט די יעצטיגע עסקנים וואס ווילן ס"ה צוטיילן די 6 פראצענט ווי מענטשן.

[גאנצל]

דאס מיינט אז 94 % פון די געלט איז נישטא ?

[דרויסענדער]

דאס מיינט אז 94 % פון די געלט איז נישטא ?

נישט צום גלייבן ווי גוט דו קענסט רעכענען...

אין קורצן: יאפ. אויב האט איינער געהאט דארט 100,000 באקומט ער יעצט 6,000 צו זיין העפי.

[[NAMELESS]]

די פלא איז נאר ווי דער בעה"ב (מ.ל.) דרייט זיך ווייטער אין וויליאמסבורג נאכן קאליע לייגן מיליאנען כאילו גארנישט וואלט פאסירט...קום ארויס אין פאבליק, אנטשולדיג דירכאטש, זיי מסביר וואס סאיז געשען... נאטינג! איינגענומען א שטילקייט ...

די גמ״ח האט שוין געקראכט מיט איבער א יאר צוריק, ר׳ מ.ל. איז ליידער גארנישט שולדיג, עס איז געווען א צווייטער וואס האט געשפילט מיט די געלט און דעריבער איז עס געגאנגען פייפן.

דער וואס קען ר׳ מ.ל. ווייסט אז ער איז אומשולדיג, בס״ה א איד א בעל חסד.

[אישתישבי]

איינער ווייסט וואס איז געשעהן? מען זאגט געגאנגען קראכען כאילו דאס איז א לחש וואס מיינט אין אתה רשאי להרהר אחריה.

איינער האט עס געגנבעט, האבן נישט די מענטשן וואס האבן פארלוירן דאס געלט לכל הפחות די רעכט צו וויסן ווער דאס איז?

ווי אויך, דאס בעסטע צייט צו גנב'נן איז ווען א זאך "קראכט", זאלען זיי ארויסגעבן די באנק סטעיטמענטס יעדער זאל קענען זעהן ווער און וואס האט גענומען דאס געלט, און נאכדעם וואס עס האט געקראכט, צו איז געוועהן אזעלכע וואס האבן יא צוריק באקומען דאס גאנצע פאר מען האט אפיציעל אריינגעמישט "דיינים". דאס וואלט געמיינט והייתם נקיים, נישט א נישטיגע צעטל וואס עס שטייט אז דאס געלט איז געגאנגען "לטמיון".

[[NAMELESS]]

די וויזשניצע (באטראפענע) אינגעלייט גאַסיפּ׳ן אז עס איז געווען עמיצער וואס האט גענוצט דאס געלט אינוועסטירנדיג אין זיין פריוואטער ביזנעס.

[אישתישבי]

די וויזשניצע (באטראפענע) אינגעלייט גאַסיפּ׳ן אז עס איז געווען עמיצער וואס האט גענוצט דאס געלט אינוועסטירנדיג אין זיין פריוואטער ביזנעס.

און דער בעל חסד האט אים געלאזט?

[[NAMELESS]]

viewtopic.php?f=25&t=12698

[yn.NY]

די וויזשניצע (באטראפענע) אינגעלייט גאַסיפּ׳ן אז עס איז געווען עמיצער וואס האט גענוצט דאס געלט אינוועסטירנדיג אין זיין פריוואטער ביזנעס.

און דער בעל חסד האט אים געלאזט?

אפשר גאר איז די "בעל חסד" דער וואס האט עס אינוועסטירט?...

זייט ווען איז דאס א תירוץ "עימיצער האט געניצט די געלט", די בעל הגמ"ח איז אחראי אויף יעדע דאללער וואס מענטשן לייגן אריין ביי איהם.

[רביה''ק זי''ע]

.

[בן-עולם-הבא]

וויפיל איז דער פארלוסט?