שאקירנדע רעזולטאטן זענען היינט ערשינען פון א סורוועי וואס איז אהערגעשטעלט דורך דער "הצלה" ארגאניזאציע, וואס האט געוויזן אז אזויפיל ווי 46% חסידישע אידן פארמאגן אנטי-וואקסינאציע סענטימענטן, אין דער צייט וואס אין אלגעמיין אין אמעריקע איז עס בלויז האלב פון דעם: 23%.
אין דער ישיבה'שער געמיינדע, וואו עדוקעישאן איז בעסער ווי ביי חסידים, זענען די אנטי-וואקסינאציע סענטימענטן גענוי ווי ביי דער אמעריקאנער פאפולאציע: 23%.
ביי די מאדערן ארטאדאקסן, וואו דער עדיוקעישאן איז אין אלגעמיין בעסער ווי ביי דורכשניטליכע אמעריקאנער, זענען די אנטי-וואקסינאציע סענטימענטן בלויז 16%.
עס דארף גענומען ווערן אין באטראכט אז די סורוועי נעמט אריין חב"ד-ליובאוויטש אין דעם כלל פון חסידים, וואס ביי זיי זענען די אנטי-וואקסינאציע סענטימענטן היבש ווייניגער ווי ביי אנדערע חסידים, בלויז 31%. אויב קוקט מען בלויז ביי היימישע נישט-חב"ד חסידים, זענען די רעזולטאטן אומבאגרייפבאר שרעקליך. אין סאטמאר זענען 59% אנטי-וואקסינאציע, אין וויזשניץ 61%.
פון דער אנדערער זייט, אין בעלז, וואו די רבנים אין ארץ-ישראל זענען שטארק ארויסגעקומען לטובת די וואקסינען, זענען נאר 32% אנטי-וואקס - וואס איז היבש ערגער ווי אמעריקאנער אין אלגעמיין, אבער בעסער ווי ביי חסידים אין אלגעמיין. אין באבוב זענען 44% אנטי-וואקס.
די גאנצע סורוועי קען מען לייענען דא.
הצלה סורוועי ווייזט שאקירנדע רעזולטאטן פון חסידיש אנטי-וואקס
- העניך
- שריפטשטעלער
- הודעות: 941
- זיך רעגיסטרירט: מאנטאג יאנואר 25, 2016 5:54 pm
- האט שוין געלייקט: 827 מאל
- האט שוין באקומען לייקס: 2990 מאל
הצלה סורוועי ווייזט שאקירנדע רעזולטאטן פון חסידיש אנטי-וואקס
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
דער אשכול פארמאגט 44 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
איינשרייבן