קאסא גראנדע האט געשריבן:ליב צו וויסן האט געשריבן:Nanach האט געשריבן:רביה''ק זי''ע האט געשריבן:איך קען דיר פארענטפערן אלע דיינע קשיות אין אמונה אויב דו ווילסט, די שאלה איז נאר צו דו זוכסט טאקע תירוצים פאר די קשיות אדער דו זוכסט דעם אמת נאר דו מיינסט אז די אמת ליגט אין די תירוצים, אויב דו צווייטע איז וואר איז א שאד די צייט. איך זאג דיר קלאר אז דער אמת ליגט נישט דארט (זאקס און יאזעפאוויטש האלטן אויך אזוי), אבער אז דאס איז וואס דו זוכסט קען איך דיר צושטעלן די תירוצים.
עס איז נישט שייך צו אויפווייזן אז עס איז נישט דא א גאט (לא ראיתי אינו ראיה)
וואס איז זיין תורה, וואס וויל ער פון אונז קען מען זיך דינגען דא איז ווי איך האלט.
אז דו ווילסט קען איך דיר אביסל פארגרייטן וואס דו גייסט הערן (בנוגע אז תורתינו איז די "אמת'ע" ווארט פון גאט).
"נישט נאטורליכע" ראיות.. (אותות ומופתים)
פראבלעם: די זעלבע איז באדמת בני חם.. יעדע רעליגיע האט זיך אירע מופתים צו פארציילן אויף איר זייט..
Bible codes
פראבלעם: סיי וועלכע Book געשריבן אין א שפראך אן קיין Vowels קען מען טרעפן די זעלביגע, והא ראיה אז אפילו מיט די Bible codes זעלבסט וועט פאר יעדע איין Code וואס שטימט זיין מיליאן אנדערע Codes וואס שטימען נישט...
און דאן וועט קומען די באמבע..
אז די עכטע סיבה צו גלייבן אז "אונזער" תורה איז די "אמת'ע" ווארט פון גאט (Whatever he is), איז ווייל 600000 מענטשן האבן עדות געזאגט פאר זייערע קינדער אז זיי האבן "געזעהן און געהערט, פון גאט זעלבסט" אז דאס איז זיין ווארט..
דאס אז 600000 מענטשן זאלן זאגן די זעלבע זאך איז דאך גאר א שטארקע ראיה, און וויבאלד די 600000 מענטשן האבן עס געזאגט פאר זייערע קינדער און זיי פאר זייערע קינדער ביז היינט איז עס ממש א ראיה שאין עליו פירכה...
פראבלעם: אן אריינגיין אין די דעבאטע צו ס'איז שייך צו פאר'נער'ן מענטשן אז זאלן מיינען אז זיי הערן גאט זעלבסט, איז אבער די גאנצע ראיה געבויעט אויף א פאלשע יסוד..
די ראיה איז געבויעט אויף די הנחה אז ס'איז פאראן א דירעקטע מסורה קייט פון "סיני" ביז "Nebach" פון ק"ש, דאס איז אבער א "שקר גס"... ווי געזעהן מערערע מאל אין תנ"ך אז די מסורה איז פאר "הונדערטער" יארן געווען אפגעהאקט.
פאר די ראיות אז תנ"ך איז "נישט" זיין דירעקטע ווארט וועט מען דארפן עפענען א פרישן אשכול... ס'איז פאראן גאר אסאך...
זעה דא און דו ענטפער זיין קשיא. אדרבה אויב קען מען איינרעדן מענטשן אזא זאך דעמאלט איז זיין קשיא פיהל גרעסער פארוואס טאקע ?! הערט און האט הנאה
https://youtu.be/P2kt5wEQYsQ
קודם כל, ער ברענגט אינמיטן פון זיין רעדע א קשיא וואס א סטודענט האט אים אמאל געפרעגט. אז אפשר איז משה געווען גאר א קליגער און האט זיך אויסגעקענט מיט די שפעטערדיגע חכמות און ער (מיט עטליכע צוהעלפערס) האבן געסטעידזשט די מעמד הר סיני, זיי האבן געמאכט רויך, מיט קולות... און דער עולם איז אויך געווען אביסל אנגעטרינקען... בקיצור.. ער האט גוט אנגעשטעלט די מעשה און איינגערעדט דעם עולם?
אויף דעם ענטפערט ער אז אויב זאל דאס זיין די פאל, דאן וואלט משה נישט אריינגעשריבן אין די תורה אז קיין איין אנדערע רעליגיע וועט נישט נאכטון אזא זאך... ווייל ער ווייסט דאך אליין אז מען קען יא... ער האט דאך עס אליין געטון סאו אפשר וועט א צווייטע קינצלער דאס נאכטון. דאס אז די תורה שרייבט אז מעמד הר סיני איז אן איינמאליגע זאך וואס וועט מער קיינמאל נישט פארקומען, דאס איז א ראיה אז ס'איז געווען אן אמת'ע פאסירונג מיט די אנוועזנהייט פון גאט.
ס'איז נאר דא איין קליינע פראבלעם דערמיט. די תורה שרייבט קיינמאל נישט אז עס 'וועט' נישט זיין אזעלכע זאכן... נאר אז עס איז נאכנישט געווען.
לב כִּי שְׁאַל-נָא לְיָמִים רִאשֹׁנִים אֲשֶׁר-הָיוּ לְפָנֶיךָ, לְמִן-הַיּוֹם אֲשֶׁר בָּרָא אֱלֹקים אָדָם עַל-הָאָרֶץ, וּלְמִקְצֵה הַשָּׁמַיִם, וְעַד-קְצֵה הַשָּׁמָיִם: הֲנִהְיָה, כַּדָּבָר הַגָּדוֹל הַזֶּה, אוֹ, הֲנִשְׁמַע כָּמֹהוּ. לג הֲשָׁמַע עָם קוֹל אֱלֹקים מְדַבֵּר מִתּוֹךְ-הָאֵשׁ, כַּאֲשֶׁר-שָׁמַעְתָּ אַתָּה--וַיֶּחִי. לד אוֹ הֲנִסָּה אֱלֹקים, לָבוֹא לָקַחַת לוֹ גוֹי מִקֶּרֶב גּוֹי, בְּמַסֹּת בְּאֹתֹת וּבְמוֹפְתִים וּבְמִלְחָמָה וּבְיָד חֲזָקָה וּבִזְרוֹעַ נְטוּיָה, וּבְמוֹרָאִים גְּדֹלִים: כְּכֹל אֲשֶׁר-עָשָׂה לָכֶם ה' אֱלֹקיכֶם, בְּמִצְרַיִם--לְעֵינֶיךָ. לה אַתָּה הָרְאֵתָ לָדַעַת, כִּי ה' הוּא הָאֱלֹקים: אֵין עוֹד, מִלְּבַדּוֹ:
קיין ווארט נישט וועגן די עתיד אז קיינער וועט עס נישט נאכמאכן. ער טוט זיך יא אויף אז 'ביז' היינט האט קיינער פון ארום די גאנצע וועלט נאכנישט געטון אזא זאך, אבער קיין ווארט איבער עתידות. דער טוביה דרייט סתם מיט די ביצים כדרכו בקודש.
בנוגע די טענה אז היות קיינער האט עס טאקע נישט נאכגעמאכט איז עס א סימן אז מען קען נישט. און נאר אויב ס'איז טאקע אמת'דיג געשען וואלט מען געקענט מאכן מענטשן דאס גלייבן. די טענה איז אויך נישט אזא שטארקע, ווייל דער אמת איז אז ס'איז טאקע גאנץ א שווערע זאך צו איינרעדן מענטשן אז זייערע זיידעס האבן עפעס געזען.
אין א גרופע אדער סעקטע ווי עס צורקולירן שוין אזעלכע לעגענדעס און מעשיות מפה לאוזן קען שפעטער קומען א כריזמאטישע פירער און דאס אויך אריינשטעלן אין די געשיכטע... למה לא... די סיבה פארוואס די גרינדער פון אנדערע רעליגיעס האבן נישט געניצט דעם פאקטאר אז 'יעדער' האט געזען, איז פשוט ווייל עס פעלט נישט אויס, מענטשן וועלן פאלן פאר רעליגיעס זייער שיין אן דעם אויך, אזוי ווי מען זעט טאקע למעשה.
און באמת וואלט די גרינדער פון אידישקייט אויך נישט געדארפט אנקומען דערצו אז זיין רעליגיע זאל ארבעטן, נאר פינקט צו זיין מזל האט זיך שוין סייווי ארומגעדרייט לעגענדעס איבער א בארג סיני מיט א קבלת התורה, (צוזאמען מיט נאך לעגענדעס און סיפורים וואס פעלקער בימים ההם זענען געווען געוואוינט צו פארציילן און גלייבן, למשל מעשיות פון שמשון הגיבור, פילגש בגבעה, בלק און בלעם, נח מיט די תיבה, ועוד ועוד) איז געקומען דער כריזמאטישן פירער און צאמגעשטעלט די אלע סיפורים אין א בוך, און געריטן אויף די פאקט אז ס'איז שוין דא פון פריער אזא מעשה פון א מעמד הר סיני, און האט דאס צוגעפיצט און געניצט צו שטיפן זיין רעליגיע. שטעלט זיך פינקט ארויס היינט אז דער באשלוס איז פינקט געווען גאנץ א גוטע, ווייל אלע אפאלאגעטן רייטן דערויף.
