ידען האט געשריבן:די נייע תשרי בליץ איז דא און זעהט אויס זייער אינטערעסאנט מיט א פאר היימישע לאכעדיגע פניםער אויפען דעקל. כאב עס שוין אינדערהיים (צוזאמען מיט די שפאקטיוו) און וועל שפעטער לייגען וועגען די תוכן.
דער דעקל האט מיך אויך געצויגן, זעענדיג נעמען וואס איך האב נאכנישט געהערט פון זיי. אבער כ'קען זאגן אז נאכ'ן ליינען ווייס איך כמעט אזוי סאך ווי נאכ'ן אפליינען דעם דעקל... כ'האב ערווארטעט א באשרייבונג מיט אלע מפרשים, דעטאלן פון אלע זייטן, וויאזוי אנגעקומען דארט, וואס פארקויפט ער, זיינע חידושים, וועלכע "גרויסע קאמפאניס", און אזוי ביי די אנדערע פיגורן, אבער איך בין געבליבן נייגעריג ווי פריער (עלמיר מוזן גיין צו גוגל'ען, אבער כ'זע ער העלפט נישט צופיל אויף יענע היימישע "סעלעברעטיס".)
אגב, זעענדיג דא אן אנדערע אשכול פון הלל צייטלין, דענק איך אז ער האט א שטיק צייט אנגעפירט מיט א צייטונג גערופן: "דער בליץ". ער וואלט זיכער געביסן די ערד ארום זיין קבר פאר גרויס צער אויב וואלט ער געזען די ארעמע צושטאנד צו וועלכן "דער בליץ", אדער דאס געשריבן אידיש ווארט בכלל, האט זיך דערקייקלט.
