טרייעל פון האדמו"ר מלב טהור שליט"א

[חכמת שלמה]

קומענדיגע מיטוואך אי"ה, הויבט זיך אן דער גרויסער טרייעל פון כ"ק אדמו"ר שליט"א תמ"ל דארט אין אמעריקע. קהל חסידיו ומעריציו, אינאיינעם מיט חסידים ואנשי מעשה איבער די גארער וועלט, קוקן ארויס אויף די נייעס מיט גרויס שפאנונג און זענען מעתיר בתפלה ובבקשה לפני רבון העולמים, אז דער אויבערשטער, וואס איז "ברצונו להטיב בלבד" (מיט די באקאנטע תנועה פונעם רבי'ן שליט"א, כידוע), זאל מוציא זיין לצדק דינו לטובה, עס זאל זיין נמשך ווערן בלויז רחמים וחסדים לעמו בני ישראל בכל אתר ואתר, ברחמים גמורים אמן.

עס איז אינטערעסאנט צו באצייכענען, אז קהל חברי חשק שלמה - לב טהור - בבל, האלטן זיך אינמיטן אריבערציען צו אן אנדערע מדינה. טייל משפחות געפינען זיך שוין דארט, אנדערע זענען אויפן וועג. נעכטן האט מען אויפגעהאלטן א קבוצה און זיי נישט געלאזט פארן, עס האט גענומען א וויילע ביז מען האט מסדר געווען די ענינים, אינצווישן האבן זיי פארפאסט די פליגער און געבליבן דאהי אין גואטאמאלא. נאך שבת וועט מען פלאנען וואס מען טוט ווייטער. אויך ר' אוריאל גאלדמאן שליט"א האט מען נישט אריינגעלאזט אהין, וויבאלד ער האט בירגערשאפט פון מדינת-ישראל, מען האט אים צוריקגעשיקט און אצינד האלט ער זיך אויף אין אמעריקע, וואו ער געפינט זיך אין בארא-פארק.

אין צוגאב דערצו איז אינטערעסאנט צוצוגעבן, אז לעצטנס האבן זיך עטליכע זאכן געטוישט אין די קהילה, די לבוש פון די מענער איז געטוישט געווארן, מער צו די מוסלומענער זייט, אזוי ווי אידן זענען געגאנגען אנגעטון בארצות האיסלאם מימי קדם, אינאיינעם מיט די ירושלימ'ער לבוש, די קאפטן וכדו'. אויך איז פארגעקומען עטליכע חתונות אינדערהאלב די קהילה, מען האט שנעל חתונה געמאכט די קינדער וועלכע קענען חתונה האבן געזעצליך, כדאי מען זאל זיי קענען מיטנעמען אויף די נסיעה צוליב פארשידענע פראקטישע סיבות.

דערווייל געפינען זיך פינף פון די חברי לב טהור, דארט אין אמעריקע אין טורמע, ר' אוריאל גאלדמאן געפינט זיך יעצט אין בארא פארק, די דריי וויינגארטן ברידער שמאכטן נעבעך אין טורמע אין גואטאמאלא, בשעת די אנדערע חברי הקהילה זענען רובץ בין המשפתים, אויפן וועג אל המנוחה ואל הנחלה, צו זייער נייער דעסטינאציע, אי"ה.

דא וועט זיין א מקום מיטצוהאלטן, דער עולם קען זיך לאזן הערן, מיטטיילן וואס עס קומט פאר, דעבאטירן און זיך דורכשמועסן איבער די אנטוויקלונגען אי"ה.

דער אויבערשטער זאל העלפן אז מיר זאלן קענען מעלדן בלויז בשורות טובות, אמן.

[חכמת שלמה]

אמן!

[קהל'ס נער]

נישט נאר זיינע חסידים , נאר אויך גאנץ כלל ישראל איז מתפלל אז אז די פסק זאל זיין אינגאנצען מיט צדק און משפט

קענסט מסתמא די מעשה וואס די רבי האט געוואונטשן אז די אמת זאל ארויס קימען, אין די חתן האט געשריגען "רבי נאר נישט דאס"

[פערינא]

ברענג א בילד פון די לבוש

[יחזקאל גארליצער]

ברענג א בילד פון די לבוש

IMG_20211007_204824_357.jpg

[פאליטיקאנט]

כ'בין זיכער די קירכע האט שוין ארויסגעלייגט אן הבהרה אז די רשעות'דיגע כת וועלכע האט זיך לעצטנס פארשטעלט ווי גלחים האט נישט מיט קריסטנטום.

[בת קול]

אין צוגאב דערצו איז אינטערעסאנט צוצוגעבן, אז לעצטנס האבן זיך עטליכע זאכן געטוישט אין די קהילה, די לבוש פון די מענער איז געטוישט געווארן, מער צו די מוסלומענער זייט, אזוי ווי אידן זענען געגאנגען אנגעטון בארצות האיסלאם מימי קדם, אינאיינעם מיט די ירושלימ'ער לבוש, די קאפטן וכדו'. אויך איז פארגעקומען עטליכע חתונות אינדערהאלב די קהילה, מען האט שנעל חתונה געמאכט די קינדער וועלכע קענען חתונה האבן געזעצליך, כדאי מען זאל זיי קענען מיטנעמען אויף די נסיעה צוליב פארשידענע פראקטישע סיבות.

אן קיין שום בושה- מען האט שנעל חתונה געמאכט די קינדער...

איבער די לבוש- זעהט אויס לב טהור גייט צוריק אין צייט צו גלות בבל, און ווילן פארלענגערן זייער גלות נאך לענגער.
סיי מיט די לבוש, און סיי מיט די לאקאציע.

נעבעך אויף די אלע וואס זענען פארכאפט אינטער זייער נעגל.
זאל הקב"ה זיי אויסלייזן בקרוב.

[[NAMELESS]]

די לבוש פון די מענער איז געטוישט געווארן, מער צו די מוסלומענער זייט

מען האט שנעל חתונה געמאכט די קינדער

אוי ווי פאררוקט איר זענט! איך בין דיר אבער דן לכף טראלל וואס האט הנאה פון אונטערציפן די מענטשהייט...

[berlbalaguleh]

מאך זיכער: אויף זיי האביך באמת נישט קיין רחמנות. זיי זענען א באנדע פאררוקטע מענטשן. אן אמת'ע קולט. וואס די אנפיהרערס זענען בייזוויליגע רשעים.

אין אנהייב פרק במה אשה יוצאת אין מס' שבת רעדט די משנה איבער דעם (פרי-מוסולמענער) לבוש, אז א פרוי מעג ארויסגיין מיט דעם אום שבת. כאטש די אידן זענען נישט געגאנגען אזוי אנגעטון. זעהמיר פון דעם אז אידן זענען נישט געגאנגען אנגעטון ווי בהמות און משוגעים. ווייל די תורה פארלאנגט דאס נישט. די תורה פארלאנגט אז מ'זאלל גיין בצניעות. דער פאררוקטער וועג פון אנטון זיך איז זיכער נישט א אידישער וועג...!

[שמעקעדיג]

רבותי, אויב איך מעג האבן די דרייסטקייט צו בעטן, יעדער ווייסט שוין אז 99% פונעם עולם דא איז אנגעווייטאגט און ברוגז אויף לב טהור, עס פעלט נישט אויס אנצעפירקלען נאך אן אשכול. לאמיר דאס נאר לאזן פאר די נייעס פונעם געריכט און די נסיעות וכדו'.

מען קען זיך טענה'ן און דעבאטירן אין די נייעס, אבער לאמיר נישט ווידער פרעגן בכלליות וועגן די עצם קהלה מיט זייערע פירער, און ביטע אן קיין קללות וכדו'.

איך בעט נאר. מען מוז נישט פאלגן.....

[מפיל קינד]

אויף אייוועלט שמועסט מען אז יצחק שלמה דרעזנער האלט אז שלמה העלבראנץ לעבט נאך, און ער געפינט זיך אין איראן.

וואס זאגסטו דערצו [tag]חכמת שלמה[/tag]

[ליב צו וויסן]

וואס הייסט "יצחק שלמה האלט"? ווער איז ער צו האלטן?

[מפיל קינד]

ער איז א דזשורנאליסט, גרעסטער היימישער אינטערוויואירער, ער האט עקסעס צו גאר אסאך מענטשן, און ווייסט א געוואלד.

איך גלייב ער האט דאס געהערט פון לב טהור מיטגלידער אדער אנטלאפענע וואס ווילן נישט געבן קיין אינטערוויוס, אבער אזויפיל האט ער ארויסגעקוועטשט פון זיי.

[והאיש משה]

ערש"ק ביי מעביר סדרה זיין נאכ'ן ליינען דא, אז זיי האלטן זיך אינמיטן אריבערציען, דאס שטימט גאר גוט מיט'ן נאמען בבל ועל זה נאמר:
על כן קרא שמה בבל כי שם בלל ה' שפת כל הארץ ומשם הפיצם ה' על פני כל הארץ

[חכמת שלמה]

די נייע לבוש וואס אנשי שלומינו האבן זיך אונטערגענומען אי"ה.

[חכמת שלמה]

נאך א בילד.

[אינגערמאנטשיקל]

די אלע בילדער זענען בילדער וואס זענען ארומגעפארן, קענסט אפשר צוברענגן אומבאקאנטע בילדער אויך וואס צייגן אויף די נייע לבוש? וואלט געווען גאר אינטערעסאנט.

[סעגאל]

אויב דעיס זענען די מענער וויאזוי גייען שוין די פרויען?

[berlbalaguleh]

ערש"ק ביי מעביר סדרה זיין נאכ'ן ליינען דא, אז זיי האלטן זיך אינמיטן אריבערציען, דאס שטימט גאר גוט מיט'ן נאמען בבל ועל זה נאמר:
על כן קרא שמה בבל כי שם בלל ה' שפת כל הארץ ומשם הפיצם ה' על פני כל הארץ

והאיש משה: די פראבלעים איז אז נישט נאר זייער שפראך איז פארדרייט. זייער גאנצער קאפ איז פארדרייט. און זיי מאכן משוגע אנדערע, אומשולדיגע מענטשן. איך ווייס נישט אויב ס'איז שוין געווען אזא פארדרייטע כת זייט אידן זענען א פאלק...?! ווען זיי וואלטן נישט געווען שעדליך וואלט זייער גאנצע געשיכטע געווען גוט פאר א פורים שפיעל...!

[berlbalaguleh]

אויב דעיס זענען די מענער וויאזוי גייען שוין די פרויען?

סעגאל: אזוי ווי גייענדיגע גארבידזש בעגס. די גרויסע, קאנטראקטארס בעגס...! לאל.
זיכער נישט ווי אידן..!

[מפיל קינד]

איך מיין אז די בעגס זענען שוין גע'אסר'ט געווארן, ווייל מ'קען דערקענען די אויסשטעל און פארעם פון די פרויען, און אויך ווייל ס'איז שוין ארויסגעקומען מכשולות וד"ל.

די פרויען גייען היינט מיט הארטע גארבעדזש קענס, די אייזערנע גרויסע, אזוי קען מען נישט זען און נישט שפירן וואו גארנישט געפינט זיך.

[שמעון וואלף]

די נייע לבוש וואס אנשי שלומינו האבן זיך אונטערגענומען אי"ה.

עירפארט רח חשוון2.jpg

ווער איז די מאן און ווער איז די פרוי? מ'דארף וויסן אויף וועלכע פון די צוויי נישט צו קוקן.

[berlbalaguleh]

בשורה טובה: ס'איז שוין דא צו באקומען (אין אלע היימישע געשעפטן) די מלבושים וועלכע זענען באשטעטיגט געווארן דורך די הייליגע ארגאניזאציע לב טהור. סיי פאר אנשים. און סיי להבדיל פאר נשים (רח"ל). איהר דארפט שוין נישט פארן ביז אטלאנטיק עוו. אין די גוי'אישע (מוסולמענישע) געשעפטן...!