אין סומכין על הציונים, אויסער זיי צו בלעימען

[נח בער]

איך קום יעצט פון א רבי'ס טיש, האט איינער דארט געטומלט אז די רשעים, די ציונים, האבן אפגעשפארט דעם ציון.

איך זאג דעם איד: איך האב פאר דיר נייעס, דער ציון איז יעצט אפן. אבער ביסט גערעכט אז זיי זענען רשעים, זיי זענען רשעים פאר'ן ארויפלאזן אזויפיל מענטשן אויף אזא קליינעם שטח אן קיין שום שכל'דיגער און מענטשליכער סיסטעם, ווי ס'וואלט זיך געפאסט פאר אן אזויגערופענעם פארגעשריטענעם מערב-וועלט לאנד. זיי זענען טיפשים פאר'ן פארמאכן דעם וועג ארויס, כדי אפצוהאלטן נאך מענטשן פון גיין אריין, אבער מער פון אלעם זענען זיי רשעים פאר'ן צולאזן אזא הפקרות.

עס קומען פאר "סטעמפידס" יאר-יערליך אין להבדיל אלף אלפי הבדלות מעקא, און אנדערע ענליכע פלעצער. דארט רעדט מען פון פופציג פגרים קעגן מיליאנען לעבעדיגע מענטשן. זיי מאכן די נויטיגע אראנזשירונגען צו קענען אקאמאדירן אזויפיל מענטשן, אבער ווען אזויפיל מענטשן קומען זיך צוזאם אויף איין ארט איז אוממעגליך צו פארמיידן טראגעדיעס. דא איז געווען די זעלבע צאל הרוגים, רח"ל, קעגן בלויז צען פראצענט פון די מענטשן.

דער איד טענה'ט זיך מיט מיר, "איך פאר שוין קיין מירון צען יאר און אלעמאל זענען דא פונקט אזויפיל מענטשן, אבער קיינמאל זענען נישטא קיין הרוגים. איז דאך א ראי' אז מען דארף נישט מורא האבן."

איך פרעג אים, וואס איז מיט'ן אין סומכין על הנס? ענטפערט ער מיר "כדאי רבי שמעון לסמוך עליו."

יא אמת, איך ווייס אז די גמרא זאגט כדאי רבי שמעון לסמוך עליו, אבער נאר בשעת הדחק, נישט גיין און עס מאכן א לכתחילה, נעמען הונדערטער טויזנטער אידן און זיי אריינשטופן אין א קליינטשיגן שטח, אן קיינע מענטשליכע באדינגונגען.

די ציונים, די רשעים, וואלטן קיינמאל נישט צוגעלאזט אזוינס אין להבדיל זייערע סטאדיומס, אבער ווען ס'רעדט זיך פון חרדי'שע אידן קימערן זיי זיך ווייניג.

מיט אזא מענטאליטעט קען מען ערווארטן אז ביז א חודש-צוויי ארום וועט מען פארגעסן די לעקציע און שרייען "רשעים" אויף די וואס ווילן עפעס אויפטאן, אז מען זאל קענען פראווען די גרויסע הילולא מיט זיכערקייט.

[moneyminded]

דו ביזט וואויל גערעכט, אבער דא איז קלאר אז די משטרה זענען ליידער שולדיג, זיי האבן אפגעשפארט א עקזיט אן קיין חשבון.

[נח בער]

ס'איז גארנישט אזוי קלאר!

[שמעקעדיג]

קענסט זיך סומך זיין....

http://www.ivelt.com/forum/viewtopic.ph ... 9#p2749449

[בונה של טוב]

קענסט זיך סומך זיין....

http://www.ivelt.com/forum/viewtopic.ph ... 9#p2749449

שרעקליך

[טאמבל סאס]

קענסט זיך סומך זיין....

http://www.ivelt.com/forum/viewtopic.ph ... 9#p2749449

איינער קאממענט דארט: "דא זעהט מען קלאר א געיט.."

[berlbalaguleh]

בונה של טוב: ס'איז נישט קיין הוה אמינא אז די איזראעלי פאליס דארפן אדורכגיין אן ..."עטיטוד עדזשאסטמענט"...נאר זיי זענען דאך נישט כולו רע. איך האב געהערט אויף איינס פון די קליפס וואו די פאליס זענען גערופן געווארן צו שטערן א ..."הפגנה"...פון די שמאלציגע טשאלמערס. וואו דער סארדזשענט שרייט צו זיינע פאליסלייט ..."בעדינות"... אז זיי זאללן זיך אומגיין איידל מיט די מענטשן...!

זיכער איז דא אויסגעשפראכענע רשעים און אכזרים צווישן זיי. ספעציעל צווישן די רוסישע אימיגראנטן...! זיי האבן נישט קיין אידיש הארץ ווייל זיי זענען נישט קיין אידן...!

נאר אונזער היימישער עולם איז זיך אויך ווערט דאס געלט. זיי רייצן זיך אפן מיט די פאליס. אפילו דא אין ניו יארק איז נישט כדאי זיך פארטשעפענען מיט די פאליס.

איך האבמיך איינמאל (ב"ה) ארויסגעדרייט פון די פאליס. כ'האב מיך געמאכט משוגע. זאגט איינער צו זיין חבר. קום לאמיר איהם אפלאזן ער איז א צודרייטער...!

אן הוספה: ער האט שוין געהאט גענומען מיין לייסנס און רעגיסטרעישן. ר'האט מיר צוריקגעגעבן די פעיפערס און אוועקגעפארן...!

[berlbalaguleh]

קענסט זיך סומך זיין....

http://www.ivelt.com/forum/viewtopic.ph ... 9#p2749449

שמעקעדיג: אונז דארף מיר זיך אליין קאנטראלירן. אן די הילף פון די איזראעלי פאליציי. די הילף פון די פאליס וועט מען לאזן פאר ווען די סאטמאר'ע רעבעס פארן קיין א"י. און מ'דארף אפשפארן די טרעפיק כדי די עסקעלעידס זאללן קענען פארן גלאטיג...!

לעניינינו. מ'דארף שטעללן סדרנים (און פאלגן וואס זיי הייסן) כדי זיכער צו מאכן אז ס'גייען נישט אריין צו פיהל מענטשן אויפאמאל. אויך. אז אלע עקזיטס זאללן זיין פריי און נישט פארשטעלט. אזוי אז בשעת חירום (אין קעיס אוו עמערדזשענסי) זאלל מען קענען גלייך ארויסגיין אויף א מסודר'דיגן אופן...! וה' ישמור צאתינו ובואינו לחיים ולשלום...!

[קהל'ס נער]

די ציונים זענען רשעים.

דאס איז קלאר, מען דארף נאר זוכן פארוואס אפילו ווען ס'איז זיך סותר.

פאר בערך צען יאר צוריק האט די מדינה געוואלט איבערנעמען די פלאץ, און עס פירן אויף א פראפעסיאנאלע אופן האט מען געשריגן רשעים זיי ווילן אונז בא'גנב'נען, מען האט זיך געשלאגן מיט זיי, ביז זיי האבן אויפגעגעבן.

ביי פרשת גשר דוב האט מען ווידער געשריגן רשעים, זיי ווילן דאך אונז אלע אויס'הרג'נען, היתכן זיי האבן צוגעלאזט אזא הפקירות.

זענען דא ציונים וואס זענען רשעים? ודאי שכן.
זענען דא חרדים וואס זענען רשעים? אוודאי יא.

זאגן אז ציונים זענען רשעים איז פונקט ווי זאגן אז חרדים זענען רשעים.

[berlbalaguleh]

קהל'ס נער: איך פארשטיי נישט . דו ווילסט אז דער איד און דער בלאט זאללן נישט האבן קיין סחורה איבער וואס צו שרייבן. זיי קענען נאך ח"ו ארויסגיין פון ביזנעס. אונז דאנק מיר דעם באשעפער אז ער האט באשאפן די ציונים. ווען נישט די ציונים וואלטן מיר געמוזט צוריקגיין צו די גמרא ותוס'. ס'איז א סאך גרינגער צו ציען אן עולם פון הונדערטער מענטשן צו א דעמאנסטראציע אין מאנהעטן אקעגן די ציונים און זייערע פיהרערס שר"י, עפ"ל, ימ"ש ווי צו שלעפן אן עולם צו א דרשה איבער א סוגיא אין א ביהמ"ד...!

[קהל'ס נער]

בערל: אז מען רעדט שוין...
אפשר דערצייל דא די מעשה פון ילדי טהרן, איך קען נאר די מעשה פון אנטי ציונ'סטישע מקורות, וואס כידוע (פאליטיקלי קארעקט חברה: ידוע פאר וועימן?) זענען גרייט צי שרייבן שקרים, וויל די מטרה כשר'ט די אמצעי, במילא גלייב איך נישט קיין איין ווארט וואס זיי זאגן, (כמו שאמר ההוא גברא, ווען זיי זאגן אמת, ווערן זיי בלאס).

ווידער די ציונים לייקענען שטיין אין ביין, ווייטער זיי קען מען אויך נישט גלייבן, ווייל זיי זענען דאך די באשילדיגטע.

מילא האלט איך אז די ביסט די מערסטע נאמן צי דערציילן די מעשה, (אפשר געדעינקסט עס נאך אפילו ) ווייל די ביסט א ציוני און די זעלבע צייט האסטו נישט קיין פראבלעים זיי צי בא'שגצ'ן ווען ס'קומט זיך זיי.

נא בערל גיי הוצאה.

[berlbalaguleh]

קהל'ס נער: איך וויל ערפילן דיין בקשה און שרייבן איבער די ילדי טהרן, הגם דאס איז (אפשר) נישט דער ריכטיגער אשכול פאר דעם, ווייל דאס פאדערט א לענגערע באהאנדלונג. אזוי אויך די פרשה פון די ילדי תימן. נאר גאר בקיצור וועל איך בלי"נ פרובירן באשרייבן ראשי פרקים פון די ילדי טהרן. והנה:

אין יאר 1940, ווען די נאציס ימ"ש זענען אריין קיין פוילן און זיי האבן אנגעהויבן אויסצו'הרג'ענען און סתם פייניגן און מבזה זיין אידן האבן א סאך אידן דערטראכט א פלאן צו אנטלויפן. זיי זענען געגאנגען קיין צפון אין די געגנט פון רוסלאנד. די קאמוניסטן ימ"ש האבן זיי ווייטער געשטופט ביז קיין סיביר, דארט האבן זיי געליטן פון הונגער און קעלט, ווייל די טעמפעראטורן אין סיביר אין ווינטער פלעג אראפגיין ביז העכער (אונטער) 50 דעגריס אונטער זערא.

אין יאר 1941 האטציך מיט די הילף פון די רוסישע רעגירונג ארגאניזירט אן ארמיי פון פוילישע סאלדאטן אונטער די אנפירערשאפט פון גענעראל אנדערס, און זיי האבן זיך גערוקט צו דרום פון רוסלאנד נאנט צו די גרעניץ מיט איראן, אין אוזבעקיסטאן. צוזאמען מיט זיי זענען די "ילדי טהרן" מיטגעגאנגען (זיך מיטגעשלעפט), ביז זיי זענען אנגעקומען קיין טעהראן, די הויפטשאט פון איראן. די גרופע איז באשטאנען די מערסטע פון יתומים (אריבער 700 אין צאל). דארט האט איבערגענומען די "אחריות" אויף זיי די "סוכנות היהודית"... און זיי האבן גע'שתדל'ט ביי די בריטישע מאנדאט רעגירונג אז זיי זאלן זיי געבן ערלויבעניש אריינצוגיין קיין ארץ ישראל. די סוכנות האט גע'טענה'ט אז די דאזיגע יתומים זענען קינדער פון עלטערן וועלכע זענען אומגעקומען דורך די נאציס. האבן די בריטישע בטובם הגדול זיי ערלויבט אריינצוגיין קיין ארץ ישראל. זיי (די ילדי טהרן) מיט עטליכע לעבנגעבליבענע ערוואקסענע מענטשן.

דאס איז געווען אין יאר 1943. זייער ערשטע סטאנציע איז געווען אין א מחנה הפליטים אין עתלית. פון דארט האבן זיי די אגענטן פון סוכנות צושיקט אין פארשידענע טיילן פון ארץ ישראל, מערסטנס אין קיבוצים, ווייל די קיבוצים זענען געוען די בעסטע אהערגעשטעלט אויפצונעמען די קינדער. ס'איז נישט געווען קיין אנדערע ארגאניזאציע וועלכע האט געקענט באהאנדלען די 700 קינדער. דער פראבלעם איז געווען אז 99.9% פון די קיבוצים זענען געווען פרייע קיבוצים, אבער נישט סתם פריי אויפ'ן נוסח פון די אמעריקאנער נישט-רעליגיעזע אידן, נאר ממש אפיקורסים. מערסטנס באלשעוויקס. כמו קאמוניסטן, וועלכע האבן עוקר מן השורש געווען א יעדעס ביסל אידישקייט. די מערסטע קינדער זענען ליידער פארפאלן געווארן און געווארן נישט רעליגיעז...!

פון די אלע אינפארמאציע וואס איך האב געקענט צוזאמקראצן האביך נישט געטראפן קיין עווידענס אז די רעגירונג און די סוכנות האבן געהאט אן אקטיוון פראגראם אויסצו'שמד'ן (ח"ו) די קינדער. נאר מ'קען זאגן אז בן גוריון און די אנדערע רעגירונגס פיהרער אין יענע צייט האבן נישט געהאט קיין גרויס הארצווייטאג אז די אידישע קינדער ווערן גויים, ר"ל. דעמאלס איז נאכנישט געווען די ארגאניזאציע פון פעילים/יד לאחים, וואס האט שוין עקזיסטירט ביי די שפעטער'דיגע מאסן אימיגראציעס פון די ילדי תימן ומרוקו, וואו די בחורים און יונגעלייט פון די ארגאניזאציע האבן געטון אלערליי פעולות, מיט מסירות נפש ממש, כדי ארויסצוראטעווען די אידישע קינדער פון באקומען אן ערציאונג פון כפירה און שמד.

די מסקנא איז, אז כאטש ס'איז נישט געווען קיין אפיציעלער פראגראם אדער אגענדע אויסצו'שמד'ן די קינדער, איז אבער נישט געווען קיין שום ארגאניזאציע וואס זאל טון פעולות צו ראטעווען די קינדער (בגשמיות וברוחניות).

אויף וואס מ'קען יא באשולדיגן די ציוני'סטישע פיהרערס פון יענע צייט איז גלייכגילטיגקייט. ס'האט זיי נישט געשטערט אז די קינדער ווערן (ח"ו) אויסגע'שמד'ט (אזוי צו זאגן). ועל זה דוה לבנו...!

די פרשה פון די ילדי תימן איז גאר אנ'אנדערע, געטריבן דורך אנדערע מאטיוון. וואס מיר וועלן אי"ה באשרייבן ביי א צווייטע געלעגנהייט. איך מיין אז ס'איז שוין דא אן אשכול איבער דעם. איך וועל בלי"נ נאכזוכן און צולייגן מיין אייגענע פערספעקטיוו. כיד ה' הטובה עלי...!

[איך אויך]

דער עיקר מקור אויף די פרשה איז דער בוך 'ילדי טהרן מאשימים' (נדפס כמה פעמים, לראשונה גלייך ביי די פרשה אין תש''ג).

עס איז געדרוקט געווארן דורך אגודת ישראל, גארנישט מיט די קנאים. אוודאי האבען די ציונים זיי פראבירט אויסצושמדן וואס איז די שאלה בכלל.

[berlbalaguleh]

איך אויך: איך וועלל מיך דינגען מיט דיר איבער דעם. ס'איז דאך בעצם נישט קיין גרויסער נפקא מינה. די רעזולטאטן זענען די זעלבע. רובא דרובא פון די ילדי טהרן (אויסער א גאר קליינער מיעוט) זענען נעבעך אויסגעוואקסן ווי גויים. אן קיין שמע ישראל און אן אמונה אין באשעפער...!

אבער למען האמת דארף געזאגט ווערן אז ס'איז נישט געווען קיין שום אקטיווער פראגראם מצד די רעגירונג אויסצושמד'ן די קינדער...! כמו שאמרתי. בן גוריון וסייעתו האבן זיך נישט צוריסן די קאפאטע איבער דעם מצב. זיי האבן געטון דאס גרינגסטע און שנעלסטע וואס זיי האבן געקענט לויט דעם מצב. כמובן מאליו. אז מיט א ביסל מענטשליכקייט וואלט מען געקענט א סאך אויפטון...!

[קהל'ס נער]

יישקויעח בערל פאר די פרשנות אויף ילדי טהרן.

האוו עבאוט עפען א אשכול אויף די אלע מעשיות, ילדי תימן, אלטלנה, דהן (דעהאן), ס'איז מיר זייער אינטרעסאנט צי הערן דיין טעיק.

[berlbalaguleh]

קהל'ס נער: בעז"ה. ווען דער אייבישטער וועט געבן כח און מח. און א גוטן רצון. ס'וועט זיין אי"ה דבר דבור על אופניו. ווי רש"י הק'. פלעגט צו זאגן. איך בין נישט דארט געווען. נאר אזוי האביך . געליינט/געלערנט.

איך האב גאר א גרויסן געשמאק צו די אלע היסטארישע פרשיות ווס דו האסט דא אויסגערעכנט...!

[berlbalaguleh]

יישקויעח בערל פאר די פרשנות אויף ילדי טהרן.

האו עבאוט עפען א אשכול אויף די אלע מעשיות, ילדי תימן, אלטלנה, דהן (דעהאן), ס'איז מיר זייער אינטרעסאנט צי הערן דיין טעיק.

קןדם: איבער ר' יעקב ישראל דע-האן ז"ל. איך וועל שרייבן בקיצור נמרץ, אפשר ביי א געלעגנהייט מער באריכות, אי"ה, בל"נ.

והנה, ווען דו זאלסט וויסן זיין אמת'ן בעקגראונד וואלסטו געזעהן אז ער איז גארנישט געווען אזא קדוש ווי ס'איז אנגענומען אין די חסידיש/קנאי'שע וועלט. אמת, ער האט א סאך אויפגעטון, און געהאלטן אינמיטן אויפטון פאר די עדה החרדית יודן. ער איז געווען זייער שטארק געשעצט ביי הרה"צ ר' יוסף חיים זוננפלד זצ"ל. דערפאר זענען די ציוניסטישע פיהרערס געווען זייער שטארק אויפגערעגט אויף איהם. נאר דער וואס האט איהם געשאסן האט דאס געטון על דעת עצמו. ס'איז נישט געווען קיין אפיציעלער פלאן איהם צו שיסן...! ואכמ"ל, אפשר ביי א צווייטע געלעגנהייט, בל"נ...!

[קהל'ס נער]

אינטערסאנט.
איך האלט אז ער איז געוועין א פלעינע מסור, נאך וואס די ציונים זענען נישט געוועין אינטערעסירט אין זיין הילף האט ער מחליט געוועין צי העלפן די עדה, וואס וויזט אז ער האט נישט געמיינט לשם שמים ער האט נאר געזיכט כבוד, מאכט, קרעדיט וכו'

איך האלט אז די ציונים האבן עס יא געטין (לאפוקי א יחיד), אבער איך האלט אז זיי האבן גיט געטין.

בין איך נייגעריג, צי ער איז אזוי פארהייליגט ביי אונז נאר ווייל ער איז געוועין אנטי ציוני, צי מען האלט אז ער האט געמיינט לשם שמים?

אזוי צי אזוי קיין קדוש איז ער זיכער נישט געוועין, ער איז געוועין א משכב זכר'ניק

[berlbalaguleh]

קהל'ס נער: נאר דאס?! ווען ער האט געוואוינט אין האלאנד איז ער געווען א שרייבער אין א צייטונג . ער האט געשריבן א פאעמע פול מיט שרעקליכע נבול פה וואס די (גוי'אישע) צייטונג האט נישט געוואלט דרוקן. מפני הכיעור...!

ווען ער איז צוערשט אנגעקומען קיין ארץ ישראל האט ער פארדעים געשיקט א הודעה צו די ציוניסט'ישע פיהרערס אז ער קומט. ער האט געמיינט אז מ'וועט איהם אפווארטן מיט כבוד מלכים. דערווייל איז קיינער נישט געקומען. שפעטער האט ער פרובירט צו האלטן דרשות פאר די ציונים. נאר זיי האבן זיך נישט צוקראצט פון איהם. האט ער געזעהן אז דארט האט ער גארנישט צו זוכן. איז ער געגאנגען צו די ערליכע אידן און ר'האט זיי געאפפערט זיינע סערוויסעס. אמת ער האט געהאט קאנעקשאנס אין די הויכע פענצטער אין ענגלאנד. האט ער דאס אויסגעניצט צו שעדיגן די אינטערעסן פון די ציוניס'טישע פיהרערס אין ארץ ישראל. דערפאר זענען זיי געווען שרעקליך אויפגעברויזט אויף איהם. אין זיין פערזענליכן לעבן אפילו אין ארץ ישראל איז ער בכלל נישט געווען בגדר פון א קדוש...בלשון המעטה...שוין...!

[תוהו ובוהו]

אזוי צי אזוי קיין קדוש איז ער זיכער נישט געוועין, ער האט געשפילט מיט קינדער וכו'

פון וואו נעמסטו דאס?
ער איז געווען א הומוסקסואל אבער נישט קיין פדופיל.

[berlbalaguleh]

איך מיין אז תוהו ובוהו איז גערעכט. מ'דארף מבחין זיין. ער איז געווען א האומאו, (ל"ע). ער האט געהאט אן אראבישן לאווער. אבער אז ער איז געווען א פעדאפייל איז נישט געווען קיין שום משמעות...!

[קהל'ס נער]

אזוי צי אזוי קיין קדוש איז ער זיכער נישט געוועין, ער האט געשפילט מיט קינדער וכו'

פון וואו נעמסטו דאס?
ער איז געווען א הומוסקסואל אבער נישט קיין פדופיל.

איך בעיט דא מחילה ברבים פון הטמא דהן פארן חושד זיין אין אין פדופיליה, להוי ידוע ער איז נאר געוועין א פלעינע משכב זכר'ניק

(אל תשליכיני לעת זקנה)

איך האב עס פארראכטן

[berlbalaguleh]

די פארשאלטענע אינטערנעט. נישט אומזיסט האבן עס די רבנים געאסר'ט. ווען נישט די אינטערנעט וואלטן מיר נישט געוואוסט די אלע זאכן. איך האב אייביג געליינט אין דער איד (דער בלאט איז נאך אפילו נישט געווען אין דייפערס דאמאלס) אז הקדוש ר' יעקב ישראל דע האן זצוק"ל, הי"ד איז געהרג'עט געווארן דורך די ציונים שר"י עפ"ל ימ"ש וכו'. ארויסגייענדיג פון ביהמ"ד פון מעריב...נאר איך האב געליינט די מעשה א ביסל אנדערש...!