שבת אחים האט געשריבן:כהאב היינט באזוכט מיינע עלטערן אין וויליאמסבורג. כהאב געפארקט די קאר. און גערעדט אויפן טעלעפאון . און איך באמערק ווי א יונגע פארפאלק שפאצירט אויפן גאס. די מאן מיט א ברייטע הוט, בעיקטשע מיט א גארטל. קוקט אויס מעגליך פון א רבישע משפחה. די פרוי מיט א שפיצל. און זיי גייען אפגערוקט איינע פונעם צווייטן מיט אפאר פוס. און שפאצירן ח”ו נישט אינאיינעם.
אסאך מאל קען מען זעהן א פארפאלק שפאצירן אינאיינעם און זיי רעדן, שמועסן, און לאכן צווישן זיך- און מ’דערקענט אז זיי זענען ביידע אויף א גוטע פלאץ, זענען ביידע העפי, גליקלעך און צופרידן. אבער דא האט עס אויסגעקוקט פונקט פארקערט. די פרוי האט אויסגעזעהן צוזיין זייער פארזויערט און אנגעזעצט.
איך בין ליבעראל. איך לאז יעדען פירן זייער אייגענע לעבן. און יעדער קען טוהן וואס ער וויל און זיין מעהר פרום ווי גאט, און איך וועל אייביג האלטן אז יעדער האט אלע רעכטן צו זיין פרום און טוהן כל מה שלבו חפץ ווילאנג ער באדראעט נישט קיין אנדערע.
אבער פונקט ווי יעדער האט א רעכט צוטוהן וואס ער וויל. האב איך אויך א רעכט צוזאגן וואס איך וויל. און איך זאג אפילו איך געב אים די רעכטן דאס צוטוהן. און איך פארשטיי אז ער מיינט נאר גוטס. איז דאס א מוראדיגע טפשות און א פשוטע משוגעת. סהאט גארנישט מיט אידשקייט, סהאט נישט קיין שום מקור. סהעלפט נישט קיינעם. און סקען נישט זיין אז דאס איז די ווילן פון דער מלך מלכי המלכים.
פארקערט, דער אייבישטער וויל א מענטש זאל לעבן מיט זיין ווייב ווי א נארמאלע מענטש. ווען ער גייט מיט איר שפאצירן אויף די גאס זאל ער רעדן מיט איר, און פארברענגן מיט איר מיט געשמאקייט. א מענטש דארף זיין נאנט צוזיין ווייב, און נישט אוועקלויפן פון איר און זי זאל אים דארפן נאכלויפן אפאר טריט אינטער אים!
ווען איך זעה דאס, און די זעלבע די מוסלימענער פרויען וואס גייען צוגעדעקט אינגאנצן מיט די צוויי קליינע לעכער פאר די אויגן האב איך פשוט רחמנות אויף די מענטשען...
קיינער פון די אידישע רבנים און פון די אלע גרויסע מענטשען אין היסטאריע פון די אידישע רעליגיע האט זיך אזוי אויפגעפירט!
נישט רבי יוחנן בן זכאי. נישט הלל הזקן, נישט אביי ורבא. נישט רש”י, נישט די רמב”ם, נישט די בעש”ט, נישט די ווילנער גאון. קיינער נישט!
דאס איז נישט קיין פרומקייטן! דאס איז פשוטע משוגעתן און אבסעסיעס. סקומט נישט פון קיין געזונטע פלאץ. און ס׳מאכט אויסקוקן די רעליגיע ווי א קולט, זייער נעגעטיוו, זייער נעריש, זייער צוריקגעשטאנען. און האט נישט קיין שום פשט! גארנישט!
קודם א שיינע זאך פון דיר אז די לאזט יעדן האבן זיינע משוגעתן. און די גיבסט יעדן די רעכט צו טוהן וויאזוי ער פארשטייט. די פילסט זיך אבער באדרויעט אז אויב די גייסט איינעם אוועקמאכן גייסטו כאפן הלמאי די לאזט נישט יעדן טוהן וואס ער וויל?, איז באווארנטסטו זיך אז בעצם ביסטו ליבעראל.
טייערע פריינט איר האט א גרויסע טעות. זיין א ליבעראלער מיינט לאזן יעדן טוהן וויאזוי ער וויל און פארשטיין אז יענער טוט אזוי ווייל עם איז גיט אזוי. אפילו די פארשטייסט עס נישט דאך געבן יענעם זיין ספעיס.! און סנישט קיין סתירה מיטן האלטן אנדערש אדער פרעגן קשיות און ווילן פארשטיין יענעם.
אבער די רייסט עס אראפ כאילו ער איז פרומער פון גאט און כאילו ער איז טויט משוגע פארן זיך אזוי אויפפירן. דאס איז נישט ליבעראל!
אז די פרעגסט שוין וועל איך זאגן מיין מיינונג.
סדא פלעצער/חצירות ווי אזוי האט מען איינגעפירט געווענליך איז עס ביי די רעבישע און ביי זיי ע"פ רוב האלט זיך די מנהגים שטערקער ווי ביי די סתם המון עם ווי יעדער טוט מער מה שלבו חפץ דארטן איז דא אסאך א גרעסערע פרעשער צו זיך צושטעלן.
יעצט פארוואס די ענין איז לכתחילה אין פלאץ?. טראכט איך אז סאיז א געוויסע איידלקייט פונעם פאריגן דור נישט ארויסציווייזן נאנטקייט אין פאבליק. קיינער ברויך נישט וויסן how they get along. ווייסעךמיין.
וואס דאס איז פשוט א סתירה מיטן היינטיגן מציאות ווי יעדער איז אויסגעטוהן נאקעט אויפן גאס יעדעמ'ס פריווייטע לעבן איז אויף סטאטוס וכו. מילא איז זייער פארשטענדלעך פארוואס דו פארשטייסט עס נישט. (איך פארשטיי דיר)
גראדע קען איך אזאלכע וואס פירן זיך אזוי און האבן א קנאקעדיגע שלום בית און איך קען אזעלכע בנשק וואס האבן עס מבטל געווען ווייל סהאט נישט געארבעט.
נאך א נקודה. דו פארשטייסט נישט דעם אראבער וואס גייט פארדעקט דאס איז שוין נעקסט לעוול. אונז אידן (נישט קיין חילוק וואזוי די פראזענליך גייסט אנגעטוהן) אונז פירן זיך וויאזוי די באשעפער האט אונז אנגעוויזן נישט קיין חילוק צו סאיז באקוועם אדער יא. איז דער חאסידשן יונגערמאן מיטן שטריימל און בעקיטשע ווען סאיז 100 דעגרי און גאס און דער גוי קוקט דיר אן פון די לבנה אראפ יא ווייל ער רעספעקט נישט עפעס העכערעס און פארשטייט נישט רעליגיע. אבער איך פארשטיי זייער גיט דעם אראבער נישט קיין חילוק ווי פארדעקט ער/זי גייט. דאס איז נישט שווער. דאס איז זיין חיות. זיין קאנאקטעט צו זיין גלויבן. דאס מאכט עם /אונז להבדיל פילן גוט.
כהאף די פארשטייסט מיינע פאר פוינטס וואס כהאב דא ארויסגעברענגט.
Sent from my SM-G960W using Tapatalk
