פרייוויליג האט געשריבן:אויב עמיצער איז אינטערסירט צו הערן א גרינטליכע שיעור און אפהאנדלונג פון דעם כוזרי׳ס ארגומענט, לוינט זיך צו הערן הגאון רבי לאורענס קעלעמען - נישטא קיינער וואס האט נאך אזוי גוט ארטיקעלעטעט דעם כוזרי ווי ער.
https://youtu.be/VarUODJ9uPo
כ'האב שוין לאנג צירוק געזען דעם ווידיא,
Future and current theory איז סתם געהאקט אין קאפ אזוי ווי ער אליין זאגט
אבער past theory, איז וואס איך האב טאקע געברענגט פון די זיבעטע שופט, און עס איז יא גאנץ קלאר אז דוראויס די זמן השופטים איז געווען א gap, פון 'לא ידעו את השם'
און הגם @זוכער האט שוין געספינט דערויף מיט דיוקים פון תרגם און מצידות (הגם מ'קען אויך לערנען פארקערט) האט ער דאך אבער שוין מודה געווען אז דאס איז אלעס געזאגט געווען פאר איינער וואס איז שוין א מאמין מתחילה, אבער אויב נעמט מען אהן אז די גאנצע תנ''ך איז א 'גאלדי לאקס באבע מעשה' געשריבן דורך א כריזמאטישע שופט, דאן קען מען גאנץ קלאר פארשטיין אז די פסוקים האט ער געשריבן צו ווייזן אז עס איז נשתכך געווארן (ער האט אפילו געגעבן מקום פאר מפרשים יארן שפעטער צו ספינען און זאגן פשט אז עס איז באמת קיינמאל נישט נשתכח געווארן לגמרי) און די גאנצע היסטאריע פון אים ביז ארויף צו מעמד הר סיני האט ער אויסגעטראכט מיט שיינע קערעקטערס און באבע מעשיות
און די סיבה פארוואס מען ווייסט נישט קלאר ווער ער איז, איז טאקע ווייל ער האט געוואלט אז זיין ליגנט זאל גוט קלעבן, ער האט נישט געוואלט שטארק פאמפן די פאקט אז 'ער און נאר ער' האט 'מחדש' געווען נאך אזוי פיל יארן די 'פארגעסענע תורה' די תורה לייקענער וועלן זיך נאך ארויפכאפן אויף דעם, ממילא האט ער אין די ספרי תנ''ך געבליבן מיט א לאו פראפיל (וועגן דעם האב איך געקליבן די זיבעטע שופט וואס האט געוועלטיגט 23 יאר, און עס איז ס''ה דא אין נ''ך צוויי פסוקים וועגן אים, אבער ס'איז לאו דוקה, עס קען זיין סיי וועליכע אנדערע שופט וואס עס שטייט יא מער וועגן די מלחמות וואס ער האט געפירט וכדו' אבער די פאקט אז ער איז גאר די מחדש פון אידישקייט, דאס האט ער נישט מרחיב געווען ווען ער האט זיך באשריבן אין נ''ך, ער האט נישט געוואלט מען זאל זיך אויף דעם ארויפכאפן, ער האט זיך באגניגט מיטן עס מרמז זיין אין שופטים פרק ב', אז בני דורו זאלן זען אז ער דאקאמענטירט די פאקט אז עס איז ביז זייער דור טאקע נישט געווען אזא זאך ווי אידישקייט, ווייל 'לא ידעו את ה' עס איז פשוט נשתכח געווארן, און אז זיי האבן נישט געוויסט דערפון פריער ביז די שופט האט עס 'אויפגעפרישט')
און זיין לעצטע ראיה איז טאקע שוואך, ווייל ער בלאזט אויף די נאמערן פון פראבעביליטי צו 999999.999999 וכ' אהן קיין סיבה, עס קען זיין פשוט אז עס איז א שווערע זאך צו טון און האט בלויז איינמאל פאסירט,
ס'דא געניג מעשיות פון געוואלדיגע קאאינסעדענטן, וואס האבן פאסירט בלויז איין מאל אין די געשיכטע
