אונזערע ווייבער זענען הפקר! - קאר סערוויס...

[אבשלום בן מעכה]

אין דעם אנדערן אשכול האט איינער ארויפגעברענגט דעם פראבלעם וואס איז טיילווייז ארומגעשמועסט געווארן אויף אייוועלט, וועגן קאר-סערוויס. די גוי'אישע קאר סערוויס וואס מאכט שוין א לאנגע צייט פראבלעמען אין קדושת ישראל. בשעת וואס די דרייווער פראבירן נאנט צו ווערן מיט די ווייבלעך און מיידלעך, האלטן זייערע טעלעפאן נומערן (וואס זיי האבן בשעת זיי באקומען דעם קאל), פראבירן שרייבן מיט זיי וכו'. טייל פון די דרייווער פארמאגן גרופס, וואו זיי שמועסן צוזאמען און דיסקוסירן די דאזיגע ענינים. בילדער פון פרויען און מיידלעך אין טעקסיס, זענען שוין ארומגעשיקט געווארן און דיסקאסירט געווארן צווישן די בני עם ניכר רח"ל. זיי ווייסן אויך צו וועלכן אדרעס געוויסע ווייבלעך גייען אין געוויסע שעות פארנאכטס, און פאר וועלכן צוועק זיי געפינען זיך דארט... וד"ל. עס איז א מציאות אז צו געוויסע אדרעסן וועלן טעקסיס אנקומען שנעלער וואו צו אנדערע אדרעסן, והחרבן זועק עד לב השמים ואין מי שיכול לעשות דבר.

א חבר האט מיר דעם שבת דערציילט, אז פאר א צייט צוריק האט ער מיטגעהאלטן ביי א שאפינג צענטער, וואו עס איז געווען פארזאמלט פאליציי ארום א טעקסי דרייווער, צוליב אן אינצידענט מיט א אידישע פרוי. אבער דאס איז בלויז א פראצענט פון א פראצענט וואס עס דערקייקלט זיך ביז פאליציי. ליידער כמעט אין אלע פעלער קומט עס נישט אן ביז אהין, וויבאלד מיר רעדן נישט קיין סאך און מיר שעמען זיך. דאס איז טאקע די סיבה פארוואס זיי שפירן אז בנות ישראל הכשרות והצניעות זענען הפקר להביא טרף קל לידם רח"ל היל"ת.

דאס איז בלויז מיט מיידלעך און ווייבלעך. מחנכים און מלמדים ברענגען כסדר ארויף דעם פראבלעם פון קינדער אין די דאזיגע קאר סערוויס. עס איז שוין אסאך ארומגערעדט געווארן און מען האט שוין אנגעזאגט די קינדער און די עלטערן דערוועגן, אבער ווייניג איז געטון געווארן דערוועגן. אויסער דעם וואס עס איז שוין פארגעקומען ערנסטע מעשיות, ווען קינדער זענען געפארן אין טעקסיס אליין, איז אפילו די נישט ערנסטע מעשיות גענוג ערנסט. אז א דרייווער רעדט צו א קינד נישט איידל, אדער אז ער לאזט אים שפילן מיט זיין סמארטפאון, עפענענדיג פאר אים שערי טומאה, מיט א קלארע צוועק, וויסנדיג אז די מעשה וועט נישט אנקומען אין פאליציי (די מעשיות זענען בפועל געשען, ס'איז נישט קיין משל וכו'...). דאס גייט שוין אריין אין הארבע ענינים אפילו על פי חוק, אבער די זאכן געשעהען ליידער, און מיט די קאמפאניס איז נישטא מיט וועמען צו רעדן און קיינער טוט נישט ערנסט צו די זאך. (ווער רעדט נאך ווען עס רעדט זיך פון א בחור'ל, אדער גרויסע בחור, וועלכער מוטשעט זיך אביסל מיט אידישקייט, און הויבט אליין אן צו רעדן מיטן דרייווער, און יענער ארבעט מיט אים... פארוואס זאל מען לאזן אזעלכע לעכער אין אונזער חינוך, אז א בחור מיט נסיונות זאל עס באקומען מיט א שמוץ אריבער, מען קען דאך מונע זיין דעם חסרון...).

פארוואס זאל מען לאזן אזא פראבלעם אין אונזער מחנה, בשעת עס רעדט זיך פון די טייערסטע וואס מיר פארמאגן. מיט דעם דאזיגן ערל טמא וואלסטו נישט געשיקט קיין שאכטל דזשולערי, סא פארוואס זאלט איר שיקן אייער ב"ב, אשת נעוריך, די שענסטע און טייערסטע וואס איר פארמאגט, אין די הענט פון דעם דאזיגן טמא? - אז ער זאל מאכן בילדער פון איר באהאלטענערהייט און איר ארומשיקן צו זיינע טונקעלע חברים? - בשעת איר זענט אייך מתענג בתענוגים ומתעלס באהבים, ווערט אייער ליבלינג אויסגעטון ברבים, דיסקוסירט, אינאיינעם מיט איר אדרעס און איר נומער. פארוואס? - פארוואס דארפן מיר עס צולאזן?

איך ברענג עס דא ארויף, וויסנדיג אז אויף אייוועלט קען מען נישט רעדן אזוי אפן דערוועגן. אסאך יונגעלייט וואס האבן מעשיות אין דעם פעלד, וועלן נישט שרייבן וואס זיי זענען דורכגעגאנגען, און טאמער יא, וועלן זיי באהאלטן צען מאל מער ווי וואס זיי אנטפלעקן. דא קען מען שרייבן עטוואס מער. איך בין זיכער אז אסאך מיטגלידער האבן זיך שוין אנגעשטויסן אין מעשיות, אדער זענען אליין דורכגעגאנגען מעשיות. אדרבה. זאל דער עולם לאזן הערן זייער מיינונג איבער דעם פראבלעם. אולי יחוס ויעזור, אז מען וועט זיך עטוואס אויפוועקן און טון עפעס זאכליך דערוועגן.


(איך וויל נישט אריינגיין אין היימישע טעקסי דרייווערס, וואס דארט איז אויך דא צומאל א פראבלעם. אבער דארט ווערט עס בעסער באהאנדלט און די פראבלעמען זענען ווייניגער שכיח מטעמים מובנים.)

[בת קול]

פארוואס איז די לעצטע שורה אזוי פיצי?
ווייל עס איז נאך טעבא צו רעדן דערפון?

די פראבלעם איז ריזיג גרויס אויך ביי אונזער ציבור.

[לייבל שטילער]

איז דא דער פראבלעם מיט אובער אויך? (זיי זענען זייער שטרענג, די דרייווער ווייסט אז מיט סיי וועלכע קאמפלעינט פון א פאסאנזשיר קען ער פליען)

[קבצו זקנים]

לדעתי איז די סיבה פין דעם פראבלעם אן אשכול פון אינזערע פרימקייטען אשר לא קבלנו מסיני אז פרויען טאעהן נישט דרייבן, מילא דארפן זיי נעמען קאר סערוויסעס אין פאר אן היימישין אינגער מאן פאסט עז אויך נישט סי זיין א דרייבער, ספיציעל פאר נסיעות פאר נאכט..

[berlbalaguleh]

מ'דארף טאקע זעהן צו נוצן מער די היימישע קאר סערוויסעס. און האפנטליך האבן זיי די מערסטע ערליכע יונגעלייט... וה' יעזור הלאה...!

[berlbalaguleh]

לדעתי איז די סיבה פין דעם פראבלעם אן אשכול פון אינזערע פרימקייטען אשר לא קבלנו מסיני אז פרויען טאעהן נישט דרייבן, מילא דארפן זיי נעמען קאר סערוויסעס אין פאר אן היימישין אינגער מאן פאסט עז אויך נישט סי זיין א דרייבער, ספיציעל פאר נסיעות פאר נאכט..

איין עצה איז צו מאכן א קאמפעני פון פרויען דרייווערס. אפילו נישט אידישע. אין ניו יארק איז דא אזא קאמפעני. וואו מ'קען פארלאנגען א פרוי דרייווער, לעת הצורך, וד"ל...!

[שמן למאור]

אויף אייוועלט האט מען שנעל פארמאכט די אשכול פאר נישט איינגעשריבענע באניצערס, ווייל טייל האבן געניצט זייער שכל און פארגעשלאגן די פשוטע עצה אז פרויען זאלן מאכן לייסנס,

[יאסל ראקאווער]

א פראקטישע עצה איז צו ניצען Uber. ס'איז נישטא קיין קאנטאקט און זיי ווייסען גארנישט און Uber נעמט די קאמפלעינטס (אויב ס'מאכט זיך) זייער ערענסט מילא אז ס'איז דא א משגיח פירט מען זיך אויף אנשטענדיג.

אבער פארשטייט זיך פארדעם דארף מען א סמארטפאון..

[פאר'ן דאווענען]

בנוגע פרויען דרייוון, ר שמואל ניימאן אין איינע פון זיינע Q&A שיעורים, זאגט אז די פראבלעם פון פרויען דרייוון איז נישט אלס צניעות וכדומ', נאר עס נעמט אוועק פון די צורה פון א מערידזש ווי די מאן דארף זיין א משפיע און די פרוי די מקבל, (ער גייט לשיטתו פאר ווער ס'ווייסט), ווייל ווען די פרוי דרייווט איז זי אזויווי די משפיע און די מאן זיצט אין די זייט ווי א מקבל, הגם מען קען זיך דינגען אויף דעם אבער ס'מיר געווען אינטערסאנט אן אנדערע פערספעקטיוו אויף דעם.

[בת קול]

א פראקטישע עצה איז צו ניצען Uber. ס'איז נישטא קיין קאנטאקט און זיי ווייסען גארנישט און Uber נעמט די קאמפלעינטס (אויב ס'מאכט זיך) זייער ערענסט מילא אז ס'איז דא א משגיח פירט מען זיך אויף אנשטענדיג.

אבער פארשטייט זיך פארדעם דארף מען א סמארטפאון..

אובער איז 2-3$ טייערער און עס מאכט א גרויסע חילוק ווען מען נעמט זיי אפאר מאל א טאג. ווי אויך קען זיי נעמען א האלבע שעה אנצוקומען אין מאנסי.
עס איז נישט אזוי גרינג ווי אין שטאט.

[גרויסע מענטשעלע]

א פראקטישע עצה איז צו ניצען Uber. ס'איז נישטא קיין קאנטאקט און זיי ווייסען גארנישט און Uber נעמט די קאמפלעינטס (אויב ס'מאכט זיך) זייער ערענסט מילא אז ס'איז דא א משגיח פירט מען זיך אויף אנשטענדיג.

אבער פארשטייט זיך פארדעם דארף מען א סמארטפאון..

אובער איז 2-3$ טייערער און עס מאכט א גרויסע חילוק ווען מען נעמט זיי אפאר מאל א טאג. ווי אויך קען זיי נעמען א האלבע שעה אנצוקומען אין מאנסי.
עס איז נישט אזוי גרינג ווי אין שטאט.

לאמיר נישט אריינגיין אין די געלד חלק. ווייל נאך וואס עפעס געשעהט גייט יעדער זיין גרייט צו באצאלן די $2-3 מער.


אובער אויב מוועט עס ניצען מער וועט אונהייבן זיין מער קארס אין די געגענט.

[לכבוד שבת קודש]

אייוועלט מאכט א טראסק פון גארנישט, און מיר טאנצן זיי נאך.

מאכט זיך אמאל איינער זאגט א ווארט פאר א פרוי, איז וואס? - דאס געשעט אויך אין וואל-מארט און אין יעדע גוי'אישע פלאץ. איז טאקע ביי טעקסיס דראסטיש מער ווי אנדערע פלעצער? - האט איינער דא שוין געהאט א מעשה? - דא דרייען זיך אסאך היימישע אידן. אדרבה, קומט ארויף און זאגט. וויפיל פראצענט קענען טאקע זאגן אז זיי האבן שוין געהאט אן ערנסטע פראבלעם. איך רעד נישט פון זאגן א ווארט, איך רעד פון עפעס מער..

איך זאג נישט, אויב מען קען זיך צוריקהאלטן פון פארן אין א טעקסי, איז זיכער בעסער. פונקט אזוי ווי ס'איז בעסער צו נישט צו גיין אין א גוי'אישע געשעפט, אבער איבערקערן א שטאט? - פארוואס? - ווייל אפאר מענטשן חלומ'ען הויך אז שווארצע טעקסי דרייווערס ליגן מיט היימישע פרויען? - זאלן זיי גיין אויף טעראפי און אפלאזן דעם עולם.

[כרם זית]

מיר האט דערציילט א בחור אז ער איז געזעצן אין א ספאנישע קאר קאמפאני אין ספרינג וואלי, און ער האט מיטגעהאלטן ווי דער דרייווער פראבירט צו פלירטן מיט א היימיש מיידל ביי א אינטערסעקשן, ה''י.

[היסטאריע]

עס איז דא א היימישער זאך וואס הייסט טרעמפ וואס זיי אובערען א קאר פאר אייך.

[יָדוֹרָש]

וואו זענען די פרויען אין די שמועס? עס איז א פראבלעם פאר זיי און אפעקטירט זיי בעיקר, איז וואו קען מען הערן וואס די פרויען זאגן וועגן די שמועס?

[תוהו ובוהו]

וואו זענען די פרויען אין די שמועס? עס איז א פראבלעם פאר זיי און אפעקטירט זיי בעיקר, איז וואו קען מען הערן וואס די פרויען זאגן וועגן די שמועס?

וואס פאלט דיר ביי?!
ליין דעם קעפל: "אונזערע ווייבער זענען הפקר" ס'איז א מענערישע פראבלעם אז זייערע ווייבער זענען הפקר...

[בת קול]

וואו זענען די פרויען אין די שמועס? עס איז א פראבלעם פאר זיי און אפעקטירט זיי בעיקר, איז וואו קען מען הערן וואס די פרויען זאגן וועגן די שמועס?

נעם מיין ווארט אז פרויען ווילן דרייוון.

[כרם זית]

און די מענער אויך. עס איז סאך מער פראקטיש אז זי קען אליינ'ס גיין שאפינג ביינאכט אדער זונטאג.

[יָדוֹרָש]

וואו זענען די פרויען אין די שמועס? עס איז א פראבלעם פאר זיי און אפעקטירט זיי בעיקר, איז וואו קען מען הערן וואס די פרויען זאגן וועגן די שמועס?

נעם מיין ווארט אז פרויען ווילן דרייוון.

דאס איז פארבינדן מיט די קאר סערוויס שמועס, אדער סתם אזוי?

[זופ מיט מאנדלען]

אויף אייוועלט האט מען שנעל פארמאכט די אשכול פאר נישט איינגעשריבענע באניצערס, ווייל טייל האבן געניצט זייער שכל און פארגעשלאגן די פשוטע עצה אז פרויען זאלן מאכן לייסנס,

מילתא דעבידא לגלויי לא משקרי, נישטא אזא אפציע בכלל אויף אייוועלט. אדער איז עס פארמעקט אדער קען עס יעדער זעהן. אט איז די לינק.



https://www.ivelt.com/forum/viewtopic.p ... ead#unread

[שמן למאור]

אויף אייוועלט האט מען שנעל פארמאכט די אשכול פאר נישט איינגעשריבענע באניצערס, ווייל טייל האבן געניצט זייער שכל און פארגעשלאגן די פשוטע עצה אז פרויען זאלן מאכן לייסנס,

מילתא דעבידא לגלויי לא משקרי, נישטא אזא אפציע בכלל אויף אייוועלט. אדער איז עס פארמעקט אדער קען עס יעדער זעהן. אט איז די לינק.



https://www.ivelt.com/forum/viewtopic.p ... ead#unread

זיי האבן עס צוריק גע'עפנט,
פון פרייטאג בערך 3:00 ביז היינט איז עס געווען אויף דעם אנשטעל
איך האב פראבירט אריינצילאגן און דאס איז ארויפגעקומען

[ברוינשטיין]

ס'איז אינטערעסאנט אָנצומערקן אז אין די מוסלעמענישע וועלט איז אויך אָנגענומען אז פרויען דרייוון נישט, לויט ווי איך פארשטיי קומט די מהלך החיים פון א שטאַנדפונקט אז פרויען זאָלן נישט זיין קיין אייגענע מענטשן פאַר זיך אליינס, נאר זיי זאָלן מוזן זיין אָנגעוואָנדן אין זייערע מענער אָדער עלטערן וכדומה. לדוגמא אין איראַן (אזוי מיין איך) טאָר א פרוי נישט ארויסגיין אַליינס אָן איר מאַן.

מיין מיינונג: עס קומט פון אַן אינערליכע שרעק וואָס געוויסע מענער האָבן, ספעציעל קאָנטראָל פריקס אָדער קולט פירער, זיי פאָרכטן אַז פרויען זאָלן ווערן עפעס ווערד, וויבאַלד לויט זייערע אידיאָלאגיעס זענען פרויען אום טויגליך אָדער אום קאָמפּיטענט, ממילא צוליב דעם אינטערדריקען זיי אלע פרוי פּערזאָנען אזוי אַז זיי בלייבן גערעכט...

איזה בושה!

[[NAMELESS]]

נאך א זאך וואס איז גורם די שרעקליכע מעשיות אז אונזערע פרויען קענען נישט רופען אָבער uber. וואס אוודאי געשעהט אויך מעשיות ביי אָבער, אבער ס'איז שטארק רעגעלעיטעד, רוב מאל האבן זיי קעמרעס אין קאר, און מ'קען זעהן פינקטליך ווי זיי זענען געפארן, און מ'קען תיכף רעיטן אנאנימעסלי יעדע דרייווער. דאס איז אסאך אסאך מער סעיף ווי קאר סערוויסעס וואס די היימישע עולם ניצט ווי ס'איז נישט דא קיין שום דין וחשבון.

נאך מער, וויבאלד ביי אָבער איז דא א קאנטראל אויף די דרייווער'ס פאלן ארויס די שלעכטע דרייווער'ס וואס באקומען שלעכטע רעיטינג'ס, און ווי מיינט עטץ גייען זיי ארבייטן? ביי די פשוט'ע קאר סערוויסעס וואס אונזערע פרויען נעמען!!


____
אה, יעצט זעה איך אז [tag]יאסל ראקאווער[/tag] האט שוין געשריבן מעין זה. אבער כ'האב מוסיף געוועהן א וויכטיגע נקודה