privacy policy, מדיניות פרטיות = פריוואטקייט פאליטיק?

[יידל]

איך זע אז די הנהלה האט זיך גענומען צו די עבודה פון איבערטייטשן די סייט אויף א ריינעם אידיש. פון "נושא חדש" איז געווארן "נייע אשכול", פון "שלח תגובה" איז געווארן "רעאגיר", און אזוי ווייטער. קודם וויל איך באדאנקען פאר די הנהלה פאר זייער געטריישאפט און איבערגעגעבענע ארבייט צו מאכן דעם סייט בא'טעמ'ט און באקוועם פאר אידיש רעדנדע.

איך האב נאר איין שאלה. די אמת איז אז איך בין נישט זיכער צו דיזען אשכול באלאנגט אינעם פראגרעס באריכט אשכול, אדער אינעם גראמאטיק פארום, און אז די גבאים ווילן, קענען זיי עס אריבעררוקן. מיין שאלה איז אזוי: ביים זיך איינשרייבן, קען יעדער זען אז פון אונטערן איינשרייבען פארום שטייט די פאלגענדע ווערטער: "כדי זיך צו קענען איינשרייבען, מיזט איר זיך קודם רעגעסטרירן. זיך צו רעגיסטרירן נעמט נאר אפאר מינוט, און עס געט אייך פילע מעגליכקייטן, אזוי ווי עפענען נייע אשכולות, שרייבן הודעות, געבן לייקס און נאך. פאר איר רעגיסטרירט זיך, ביטע מאכט זיכער אז איר האט דורכגעליינט די באניצען טערמינען און די פריוואטקייט פאליטיק און אז איר גייט איין אויף זיי."

איך ליין און איך וואונדער זיך. פריוואטקייט פאליטיק? עפעס א נייע פאליטיק וואס קאווע שטיבל פירט און איך ווייס נישט דערפון? איך לויף שנעל אריבער צו אייוועלט און איך זע אז דאס איז פשוט איבערגעזעצט פון "מדיניות הפרטיות" - privacy policy בלע"ז. הכלל. איז מיין פראגע ווי פאלגנד: וויאזוי זאגט מען פאליסי אין אידיש? ואת"ל פאליטיק - דאס איז דאך שוין מוקדש פאר politic?

[שמואל הלוי]

זעהט אויס אז די מנהלים האבן גענוצט גוגל טרענסעלעיט.

גוגל טייטשט גענוי אזוי: פּריוואַטקייט פּאָליטיק.

[יידל]

לפום ריהטא וואלט איך געזאגט אז פרינציפן איז א גוטער ווארט, אבער עס איז ווייט פון צו זיין די פונקטליכע איבערזעצונג פון policy. איך וואלט אפשר געטראכט איבערצוזעצן "פאליטיע" (פונקט ווי democracy איז דעמאקראטיע). איך זע אז אין dutch הייסט אויך פאליסי - פאליטיק.

[ידען]

אין אידיש נוצט מען פאליסי.

ווי זאגסטו אינשורענס פאליסי?

ווילסט באשאפן א נייע ווארט? געזונטערהייט. היינט וועט אבער שוואך אויפגעכאפט ווערן , אויסער אויב ביסט א שרייבער אין שטערן...

[יידל]

וויינרייך ניצט אויך פאליטיק. אפשר האט עס די הנהלה דערשנאפט ביי וויינרייכ'ן.

[ידען]

טעל מי איף איים ראנג.

אינשורענס פאליסי- פארזיכערונג פאליטיק

[ישובניק]

פאליסי איז אויף אידיש פאליטיק (אינערן-פאליטיק, אויסערן-פאליטיק), אבער נישט אייביג. אויך פרינציפן (אויך "פאליטישע פרינציפן"), און פאר אינשורענס איז אפשר ריכטיג - פלאן.

עס זענען אויך דא א שלל ווערטער וואס מ'קען ניצן אין פארשידענע פאלן, צום ביישפיל, גרונט-געזעצן, פארשריפטן, ריכטליניעס, וכדומה.

[הניק שלי]

פריוואטקייט שטעלונגען

[ישובניק]

פרינציפן איז אפשר פאסיגער, ווייל שטעלונג באדייט א דעה, פאזיציע, בליק.