טאמבל סאס האט געשריבן:איך האב א קוק געטוהן אויף זיין טעלעגראם טעשענעל און כ'האב מיך אביסל פארעקלט. ער מישט אריין גאנץ כלל ישראל אין זיין פריוואטע מחלוקת ווי כאילו אין צוגאב צו מיינע דאגות ווי אזוי איך לייג ברויט אין פוטער יעדע וואך אויף די טעיבּל, דארף איך נאך דאגה'ן אז עמיצער ריינער האט אים אויסגעשפיהלט פון זיין אוועל אפיס און קאלירטע ביכעלעך וועלכער ער פלעגט האבן די לוקזשערי צו קאטשקען יעדע וואך און נאך קריגן באצאלט דערפאר. ער וויינט אז ער מוז נעבעך ארומפארן מיט זיין זוהן (אנשטאט זיין אין ישיבה - האלוי אפשר טוט ער מער אויף מיט'ן עקשולי ארבעטן פאר א פיאסטער) דעסטריביוטן אליינס די ביכלעך. גלייב מיר הונדערטע אינגעלייט וואלטן זיך מחיה געווען צו קענען קאטשקען, מאלן און קאלירן אגאנצע וואך אין א פיין אויסשטאפירט אפיס (האט קאָפס און א באנטש מיט אלטע קינדליין סטאק
) און נאך באקומען באצאלט דערפאר. און וויפיל האבן נישט געהאט, אדער געמוזט אוועקגעבן, די לעצטע פרוטה צו קויפן זיינע אויסגעזויגענע ****** מעשיות איבער סיפורי מופתים, בלוט בילבולים, האולעקאוסט, אינגעלע משומד און נאכאמאל האולעקאוסט -- ווען זיי וואלטן דאס געקענט אויסנוצן פאר נאך א רעפטל ברויט אדער כאטש פאר עפעס זאכליך צו פיטערן די קינדער און נישט סתם פוסטע מעשיות אנצוברענגען די צייט און העלפן זיי פארשטאפן די מוחות. אין אנדערע ווערטער, ביסט א ביזנעס [געווען] ווי אלע אנדערע ביזנעסער און קום באקלייד נישט דער עסק אין א מין הומאניטערישע טראגעדיע אדער קאנפליקט. ער איז נעבעך פשוט דא צו פארפילן אידישע קינדער'ס דארשט צו קאמיקס און דער שטן אליינס שטעלט זיך אין די לענג און די ברייט דאס צושטערן.. איין ציהל און תפקיד האט ער אין לעבן.. אז דו זוכסט א געהויבענע טאהט און עררייכונג, זיי מנדב א ניר פאר א סטאַרט.
אבער נאכאלס קומט אים קרעדיט און ער נוצט דא א גוטער שטעקן פאר'ן ארויסלייגן די ***** אויפ'ן טיש און נישט איינמאכן פאר בושה אדער סטראשונקעס. איך האב שוקל געווען אויב כ'זאל עס לאזן מיין זוהן לייענען און כ'האב מחליט געווען אז יא מתוך התחשבות אז אויב האבן זיי געלייענט ווי מען מאכט גרויס דעם עגל זאלן זיי לייענען אויך ווי די עגלים צעפראסקענען זיך...
פון אוועל אפיס ביזן עגל, פון הומאניטערישע טראגעדיע ביז מנדב זיין א ניר, פון א רעפטל ברויט ביזן האלאקאסט, מישטו צאם גאר א גרויסע זויערע לאקשן קיגל,
צו מענדל הערש'נס דיפענס, ער איז געווען א פשוטע מלמד אין חדר, וואס האט געזוכט אויסצוניצן זיינע טאלאנטן, און געוואלט גרינדן א שיינע מאגאזין ליהנות בהם בני אדם,
ווי א תמים וואס גלייבן אין מענטשן און אינעם סיסטעם, האט ער זיך גענומען א שותף וואס האט אים אויסגעלייגט די געלט, און געשטעלט די שטרות אויף א אופן אז ער וועט קענען אויסנוצן פאנעט ביז צו א מעקס, אז עס זאל אים ממש גארנישט בלייבן, און ער זאל זיין די שליט מוחלט אויף זיין לעבן.
פאנעט טענה'ט אז אין די "גוטע" צייטן פון קינדליין האט ער געמאכט 1500 דאלער א וואך, (אלעס ווייס, אויף די בוקס פארשטייט זיך) און ער האט זיך פשוט געמוטשעט צו דעקן די חודש, ער האט געמוזט אננעמען זייטיגע דזשאבס און פירן שבתים, כדי זיך צו קענען דעקן, און דאס איז בנוסף צו דעם אז ער האט געמוזט פירן גאנץ קינדליין, האנדלען מיט די גערעגטע רבנים וואס האבן יא געלאזט שרייבן דאס און נישט געלאזט שרייבן יענס, לויט ווי ער לייגט עס אראפ, האט ער נישט געהאט קיין טאג און נישט קיין נאכט, ער איז אויף געווען גאנצעטע נעכט, ער מיט די בני בית, צו פערטיגן די מאגאזין, און דאס אלעס בשעת ער מוטשעט זיך צו קאווערן די חודש, און דאס אלעס בשעת ער הייסט א שיינע נגיד אויפן גאס וואס איז "די בעל הבית פון קינדליין" די גוט גייענדיגע ביזנעס,
יעצט איך קען דאס אלעס נישט קאנפירמען, אבער פאנעט האט יא פארעפענטליכט א סקרינשאט פון א וואטסאפפ ווי ער זאגט פאר ריינער איבער זיין געדריקטע מצב, און ריינער ריספאנדט קאלטערהייט, אז איך האב אויך גענומען ריזיקעס מיט אינוועסטירן מיין געלט... עס זעט אויס פון די מעסעדזש אז פאנעט האט נישט געלעקט קיין האניג די אלע יארן, זיצענדיג אינעם "אוועל אפיס" בשעת'ן "פירקלען" אויף פאפיר,
דו האסט טענות אז ער האט פארקויפט [שרייב נישט קיין אומאיידעלע ווערטער. מנהל] מעשיות, גערעכט, דאס איז די אידישע מארקעט פון ליין מאטריאל, זאל ער ווען באשרייבן עפעס וואס איז האלבוועגס קאטערווערסיאל, קומט ארויס די נעקסטע טאג צען קול קורא'ס און קינדליין קען זיך פארמאכן די נעקסטע מינוט, ער האט געטון די בעסטע וואס ער האט געקענט, אויף זיינע לייווס שמועסט ער דאס גאנץ פיין אויס ווי שווער עס איז אים אנגעקומען צו טאנצן צווישן די טראפן, ווען פון איין זייט שטייען די רבנים מיט א פארגרעסערונג גלאז און מאכן אים קאפוויי פאר א פשוטע באשרייבונג וועגן די כותל, און פון די אנדערע זייט דארף ער יא גיבן אביסל כשר'ע עדזשיוקעישן פאר די קינדער, אבער ער האט זיך למשל יא אפגעהאלטן פון רעדן קעגן טעכנעלאגיע וכדומה...
יעצט ווען ער האט געזען אז עס איז כלתה אליו הרעה, ער קען מער נישט אזוי אנגיין, איז מען געגאנגען צו א בורר, און ווייטער ווי א תמים האט ער געמיינט אז די רבנים זענען יושר'דיג און ערליך, און מען וועט פשוט זיכן צו פסק'ענען און ענדיגן די דין תורה מיט א שיינע פשרה אדער וואס, ווי שנעלער,
למעשה איז די לאך געווארן אלץ ברייטער און טיפער, עס שלעפט זיך שוין יארן די דין תורה ווען די בורר און די טוענים פילן זיך דערביי אהן די טאשן כנהוג, זיי ווערן באצאלט לויט די שעה און די שעות ווערן אלטס לענגער און לענגער, עס נעמט נישט קיין עק,
פון איין זייט שטייט ריינער מיט א תאוות הנצחון, און מצד שני שטייט פאנעט וואס וויל בלויז פירן ווייטער זיין צייטונג מיט א יושר און גערעכטיגקייט, ער איז שוין גרייט צו גיין דא און דארט, מאכן שלום, נאר לאמיר עס ענדיגן און פארטיג, אבער ניין, ער איז סטאק,
ער עפענט הונדערט, עס הייבט זיך אהן רדיפות און לשון הרע אויפן גאס, פאנעט האט גע'גנב'עט קינדליין, ער האט גע'גנב'עט די אפיס, ריינער וכת דיליה האבן געמאכט קולות וברקים, אבער פאנעט ווי א נער האט זיך געהאלטן די מויל פארמאכט, ער האט געמיינט אז אמת מארץ תצמח געשעט אליינס אהן עס באוואסערן, ער האט געמיינט אז עס איז נאך דא יושר און צדק אויפן וועלט...
נאך יארן פון שווייגן, האט די טעראר און פראפעגאנדע געטון דאס זייניגע און ער האט באנקרארטירט, נישט וועגן א עיקול, פאנעט האט אויך געהאט עיקולים לעיקליהם וואס ווענדט אפ זייער עיקול, נאר וועגן איין סיבה, "טעראר"! מען האט טערארעזירט בעלי כשרות מיט גראסעריס, ביז מען האט אים ארויסגעפירט פון ביזנעס, פשוט פארמאכט די פרנסה פון א איד, און ווען ער האט זיך געכאפט ביים קאפ, איז שוין געווען צו שפעט, עס איז שוין נישט געווען שייך צוריקצודרייען.
האט ער מחליט געווען עד כאן, גענוג געשוויגן, פון יעצט הייב איך אהן צו רעדן, איך וועל אלעס פארציילן, זאל דער עולם וויסן אביסל וואס טוט זיך אויפן וועלט, און נישט אנקוקן די וועלט מיט אזעלכע תמימות'דיגע גלעזער וואס ער האט עס אנגעקוקט, און גלייכצייטיג פראבירט ער אויך צו געווינען די דעת הקהל צו זיין זייט, און זיך אביסל ריינוואשן זיין נאמען פון אלעס וואס מען האט ארויפגעשמירט אויף אים במשך די יארן,
אזוי קוק איך עס אהן.
