מען רעדט נישט דא פין איינשפארען על סמך זה.שאלתיאל האט געשריבן:דער פראגע ''צו זאל מען געבן פאר קרישעבסקי נהנה צו זיין פון דעם ספק בשעת וואס ער געבט עס נישט אונז'' קוקט מיר אויס מאדנע. ס'טייטש די פארשטייסט אז עס קען זיין אז ער איז אומשולדיג, די פארשטייסט אז ס'קען מעגליך זיין ער איז געפאלן א קרבן צו א טעות אדער גאר א אויסעגרעכנטע בלבול נאר די זאגסט 'לאמיר זיך נישט וויסענדיג מאכן פון דעם נאר אויסנוצן דעם פאקט אז ער האט זיך פארפלאנטערט כדי אים צו באצאלען פאר זיינע מעשים'.
דאס קען מעגליך בארואיגן א צייטווייליגן נקמה רייץ וואס פלאטערט אין געוויסע אבער איגנארירט דעם הארבערן פראגע: וואס טוט מען ווען עס קומט ארויס ערשטע אויבערפלעכליכע באשולדיגונגען אויף א מענטש? צו קויפט מען עס באלד אפ און מען לאזט זיך ארויס אויף א קרייץ ציג קעגן דעם מענטש און מען הענגט אים אין צענטער פון שטאט אדער געבט מען אים דאס מינימום שבמינומום און מען ווארט ביז פאליציי און די אינסטאנצן וועלן אויספארשן די זאך. און דאס איז נוגע יעדן פון אונז וויבאלד ס'קען געשען צו יעדן איינעם ווי מען זעט צענדליגע אזעלכע געשענישן. היינט איז עס דער פארפיינטעטע קרישעבסקי און מארגן ביסטו עס.
איך האב שוין כמה פעמים געזאגט אז איך בין נישט זיכער בנוגע זיין שולד, און גענוג אנדערע וואס האלטען זיך גאר שטארק מחולק מיט מיר עד כדי בזיון וכו', האבען אויך געשריבן אז זיי זענען נישט זיכער בנוגע זיין אומשולד. די שאלה איז נאר, אין קאפ, וואס נעמט מען אהן, יא אמת אדער נישט אמת? דאס איז עס, נישט קיין גרויסע נפק"מ למעשה, אוודאי טאמער מען זאל אים דארפען לייגען אין תפיסה פארדעם וואלט איך אפילו געשתדל'ט לטובתו.
אבער למעשה, היות ער איז א פ..., וואס לעבט אויף אונזער בלוט, און מען קען נאך מאריך זיין אין דעם, און א שטארקע ספק איז דאך דא, איז קומט אים נישט קיין סאך בעסער ווי אננעמען אז א שטארקע ספק איז דא.
פונקט ווי די לינקע נייעס האט געהאלטען אז יעדע עוולה פין טראמפ איז אמת לאמיתו, און מען דארף אויספארשען, און אזוי פארקערט בנוגע האנטער ביידען, אוודאי דארף מען וויסען דער אמת, אבער וואס האלט מען פארדעם, איז דא אויף וואס נאך צוגיין?
לדעתי יא, דער מענטש איז א בלוט דארשטיגער ועוד מדות מגונות, ממילא פארדינט ער נישט מער ווי ווען טאמער איז דא א קלאגע זאל ער מוזען אדורך גיין שבעה מדורי גיהנם און דארפען אפענטפערען יעדעס ראיה וואס איז דא כנגדו.
