אין פארק א מאמע יא א טאטע נישט, פארוואס?

[נולד מאוחר]

מיין ידוד שטעלט מיך אפ מיט א פראגע "בין איך משוגע אדער די פלאץ ווי איך וואוין?"

"דעם זונטוג נעם איך מיין אייניקלעך אין פארק סאיז געווען א וועטער געאייגנט דערפאר.
כ'קום אן זעה איך א מאדנער בילד. דע פארק איז פול , דרייסיג –פיפציג מאמעס, 2-3 טאטעס!"

ער האט גענומען זיינע אייניקליך אין געפארן צי פארט-גרין פארק (אינדרויסן פין וויליאמסבורג)
אין דא איז שוין געווען שווערער צו
באמערקן אז סאיז דא מער מאמעס( נישט אידישע)ווי טאטעס.

כפארשטיי ס'דא וואס ארבעטן זונטאג, ס'דא וואס לערנען ,פארוואס איז נישט דא א שיינער פראצענט
וואס שפילן מיט די קינדער?
כהאב'ם געפרעגט אפשר איז געווען נישט איידלע מענטשן אין פארק?
"ס'איז געווען נאר אידשע פרויען," איז געווען זיין ענטפער.


רוב טאטעס וואלטן זיך געווינטשען צו האבן א שטיקל שפראך מיט זיין טינעזדשער,
ס'וואלט נישט געשאט פין קליינווייז אן צו באלאנסירן די אלע ניין'ס וואס ווארט זיי אפ,
מיט אביסל גליטששערס אין סווינגס.

ווער קען מיר אביסל מסביר זיין וואס די שורש פין די סטיגמה ?

[קול גדול]

אפשר שטאמט עס פון די מאמר חז''ל: אין התורה מתקיימת אלא במי שמשים עצמו אכזרי על בניו ועל בני ביתו.

[נולד מאוחר]

אויב אזוי וואלט געדארפט זיין תלמידי חכם ווי חסידים ביי א כאפצעם.

[געצל]

ווייל עס איז שוין אזוי אז מער מאמעס דרייען זיך אין פארק, ווילן די ערליכע טאטעס נישט גיין און זיין ארומגענומען מיט אזויפיל מאמעס...

דארף מען אריינטראכטן פארוואס ס'האט זיך אנגעהויבן דער מנהג אזוי.

קודם וועלכע טאג ביסטו געווען אין פארק?

[שמואל הלוי]

אפשר איז די סיבה ווייל די טאטעס זענען פארנומען צו שרייבן אין קאווע שטיבל

[נולד מאוחר]

ווייל עס איז שוין אזוי אז מער מאמעס דרייען זיך אין פארק, ווילן די ערליכע טאטעס נישט גיין און זיין ארומגענומען מיט אזויפיל מאמעס...

דארף מען אריינטראכטן פארוואס ס'האט זיך אנגעהויבן דער מנהג אזוי.

קודם וועלכע טאג ביסטו געווען אין פארק?

"דעם זונטוג נעם איך מיין אייניקלעך אין פארק סאיז געווען א וועטער געאייגנט דערפאר.
כ'קום אן זעה איך א מאדנער בילד. דע פארק איז פול , דרייסיג –פיפציג מאמעס, 2-3 טאטעס!"

[חד גדיא]

ס'קען אויך זיין א סיבה, ווייל גוים האבן אלע קינדער נישט קיין סקול זינטיג. סיי די יונגעלך און סיי די מיידלעך. אבער ביי אידן האבן די יונגלעך יא, און די מיידלעך נישט. און די סדר איז אז מאמע'ס שפילן מער מיט די מיידלעך ווי די יונגלעך.

[געצל]

איך וויל נישט זאגן הויעך אבער ס'קען אויך זיין א סיבה אז די חשובע טאטעס האבן זיך שוין אזוי אויסגעלערנט אז די מאמעס זענען די צווייטראנגיגע שלא עשני אשה'דיגער נברא, און מען דארף זיי אנלייגן מיט ווי מער קינדער צו קעיר נעמען און זאלן זיי טאקע אויך זיין פארנומען מיט די קינדער אין פארק.

איך בין געגאנגען אויפן דן לכף חובה'דיגע אופן, און איך האף אז דאס איז נישט דער אמת.

[געפילטע פיש]

מ'קען אפשר זאגן אז אין אונזער סאסייעטי איז קינדערישקייט שטארק אראפ געקוקט ביי ערוואקסענע מענער, אפשר נאך ערגער ווי ליידיגייין, אלזא שעמט זיך דער עולם מטפל צו זיין מיט 'זוטות' נאך דערצו אין פארק.
יעדעס קינד, ווערט קוים דרייצען רייסט מען אוועק פון עים דאס קינדערישקייט ווי עפעס א מחלה.

מ'קען אפשר מאריך זיין אינעם ענין אבער איך טראכט אז קען זיין דאס איז די סיבה.

[געצל]

געפילטע, זייער א גוטע טאפיק די קינדערישקייט, און וואס אפי' פון די קינדער נעמט מען עס אוועק. ווער געדענקט דען נישט די שטרענגע בליקן פונעם מלמד וואס האט מיט זיין געדרייטע שטימע געזאגט, געצל, ביסט דאך שוין א גרויס יונגעל! ווען איך האב פשוט געטון מעשה נערות, און ער האט נישט געהאט געדולד דערצו...

[נולד מאוחר]

מ'קען אפשר זאגן אז אין אונזער סאסייעטי איז קינדערישקייט שטארק אראפ געקוקט ביי ערוואקסענע מענער, אפשר נאך ערגער ווי ליידיגייין, אלזא שעמט זיך דער עולם מטפל צו זיין מיט 'זוטות' נאך דערצו אין פארק.
יעדעס קינד, ווערט קוים דרייצען רייסט מען אוועק פון עים דאס קינדערישקייט ווי עפעס א מחלה.

מ'קען אפשר מאריך זיין אינעם ענין אבער איך טראכט אז קען זיין דאס איז די סיבה.

זייער אמת, און קטלא קניא האט דאס שטארק ארויסגעברענגט אין אן ארטיקל פארגאנגענעם זומער. עיי״ש היטב. און לאמיך דא ציטירן צוויי פאראגראפן:

די ביטערע אמת איז אַז אַ גרויסער חלק פון אונזערע פאַרלוירנקייט שטאַמט פון דעם וואָס אונזער גאַנצער צוגאַנג צו קינדער איז אַ פאַרמישטער. מיר זען ווי די וועלט מאַכט אַן עסק איבער קינדער, פייערט זייערע אומשולדיקייט אין פּאָפּולאַרער קולטור און שאַצט די אידיאַליזם און ענערגיע פון יוגנט און מיר האָבן נישט דערצו אַן אייגענער נוסח. מיר ווילן טאַקע אַז אונזערע קינדער זאָלן זיין צופרידן אָבער מיר ווילן זיי אויך ערציען צו זיין ערלעכע יידן און ווען עס איז אַ סתירה איז יידישקייט תמיד דער זיגער. כאָטש אויף אַ יחידישן אופן געפונען עלטערן און משפּחות חן אין זייערע פּיצלעך האָט עס אָבער נישט אַן אויסשפּרעך אין אונזער מסורה. ביי אַ בר־מצוה זאָגט מען פאַר אַ בחור אַז ער ווערט געבוירן מיט אַ יצר הרע שנאמר לפתח חטאת רובץ און דער יצר טוב קומט הערשט ביי די דרייצן. הייסט עס אַז וואָס דער וועלט רופט קיוט און זיס, די בערעלעך און בהמהלעך פון אַ בייבי, מיקי מייזעלעך און באָב דער בילדער, פישר פּרייס און פּליימאָביל זענען אַלע מעשה יצר און דער תכלית איז בלויז תורה צוה און אביו מלמדו תורה.

אונזערע קינדער שפּילן זיך טאַקע מיט די אַלע זאַכן אָבער עס איז ווי אַ הוראת יחיד און עס איז נישט איינגעגעסן אַלץ אַ קאָלעקטיוון היתר. אַז אונזערע קהלות ווילן מאַכן טאַטעס זאָלן מער פאַרברענגן מיט די קינדער אָרגאַניזירט מען נישט אַ באַל שפּיל אין אַ פּאַרק נאָר מען מאַכט אַ פּראָגראַם פון אבות ובנים זיי זאָלן לערנען צוזאַמען כּאילו קינדער פאַרברענגן נישט גענוג ביים גמרא. קינדער פאַרשטעלן זיך אויף פּורים ווי 'טאַטעס' און 'מאַמעס' מיט אַ שטריימל און שייטל און נישט ווי כאַראַקטערס פון זייערע שפּילערייען. טאַקע פּורים ווען מיר לאָזן זיך ווויל גיין איין מאָל אַ יאָר מאַכט מען עס קאַליע מיט ישיבת מרדכי הצדיק. פאַרוויילונג אפילו פאַר קינדער איז צום בעסטן אַ בדיעבד און  אויף לכתחילה איז עס אַ ספק מעשה יצר. און ווי קענען טאַטעס זיך פאַרבינדן מיט קינדער אַז זיי זענען זיך מחיה מיט יו־טיוב און דער עקס פאַקטאָר אָבער זייערע קינדער קענען זיי נאָר פרעגן ‘וואָס האָסט דו היינט געלערנט אין חדר?’ וויפיל פּשטים מען לערנט נישט אַריין אינעם ברוך שפטרני איז אין מקרא יוצא מידי פּשוטו. אַפילו דאָס וואָס יעדער רופט דעם נפטר ‘לייבי’ הערט זיך עטוואָס מאָדנע אין אַ קהלה וווּ מען רעדט פון קינדער, ‘מיין עלטסטער’, ‘מיין פיפטער’ אָדער ‘מיין יינגסטער.’

דאס ערשטע מאל ווען כ'האב געהערט אז ביי די נישט היימישע איז נארמאל פאר א דרייסיג יעריגער צי שפילן געמס, אין סאיז אפי' דא אפיצעלע שפילן פלעצער פאר עדאלטס,
האב איך מיך זייער געמיטשעט עס צו פארדייען.

[שמואל שלום שלמה]

ווי קענען טאַטעס זיך פאַרבינדן מיט קינדער אַז זיי זענען זיך מחיה מיט יו־טיוב און דער עקס פאַקטאָר אָבער זייערע קינדער קענען זיי נאָר פרעגן ‘וואָס האָסט דו היינט געלערנט אין חדר?’

איך בין מיט קטלא קניא מחולק 99% מאל פון 100%. אבער צו דעם זאץ מוז איך זאגן "יפה דיבר"!

[נולד מאוחר]

ליינענדיג די אפ-עד פין 'ואנ'."Why Is The Internet Asifa At Citifield For Men Only?" כאפ איך ער פרעגט די זעלבע שאלה ווי די אשכול, נאר פארקערט.
איך בין נאר נישט זיכער וואס איז די שייכות?
http://www.vosizneias.com/105348/2012/0 ... -men-only/

[רויטע וואנצעס]

בין איך משוגא אז איך בין די איינציגסטע היימישע טאטע וואס איך האב נאר געזעהן וואס גייט בייקן מיט זיינע קינדער.