הרב צבי מאיר זילבערבערג שליט"א גייט מקווה דזשאנקי

[יאסל ראקאווער]

אין די נייעס איז באריכטעט וועגן די קיצונישע משפיע הרב צבי מאיר זילבערבערג שליט"א אז ער האט געברענגט א פארטעבל מקווה צו זיין אייניקעלס חתונה וכדלהלן היה עבודתו

עם הגיעו ר' צבי מאיר לבני ברק קידש ידיו ורגליו, ופשט, וירד וטבל, ועלה ונסתפג.

התפללו מעריב ולאחר מכן שוב ירד המשפיע טבל וקידש ידיו ורגליו.

סעודת החתונה נערכה באולם.

לפני המצווה טאנץ שוב קידוש ידיו ורגליו, ופשט, וירד וטבל, עלה ונסתפג.

דא איז די לינק צו די נייעס:
https://www.bhol.co.il/news/1494062

ס'איז גאנץ א מאדערנישע בליק אבער אפשר קען מען פארשטיין אביסל די עבודת כהן גדול דורך די קיצונישע משפיע הרב זילבערבערג שליט"א און בכלל איז עס א גרויסע שמועס וואס מ'דארף האבן דערויף צו פארשטיין די מקוה קולטור. וואסארע שמועס איז באמת א יסוד גדול פון טומאה וטהרה און די מחלוקת צו טומאה איז א סברה בתוך התנהגת בני אדם אדער אן אימפערישע מציאות לפי התורה. סיי אמאל און סיי היינט. ועוד חזון למועד.

נאכן ליינען די נייעס דארף מען זיך צוהערן וואס איז די דבר השם (כביכול פארשטייט זיך, ובסגנון הנביאים).

כה אמר יוסל ראקעווער; ס'וועט קומען א צייט וואס פולע גרויסע הייליגע צדיקים וועלען ארום פארן מיט זייער שווארצע SUV און קעדילעקס און זייער משרתים וועלן זיי נאך פארן מיט פארטעבל מקוואות ( מיט אזוינע טרעילערס ווי מאווי סעטס) און די הייליגע אידן וועלן זיך נישט אויפהערן טובל'ן. יצאת בת קול ואומרת הלואי אותי עזבו ותורתי שמרו, מתוך שהיו מתעסקין בה, המאור שבה היה מחזירן למוטב. ווי לאנג מ'רודפט מענטשען און מ'רייצט די איגענט צו פאברענען סעלפאן געשעפטן און מ'האט נאך די ריזיגע חוצפה צו רופען א יום תהילים'ס פאר די מערדערער, איז נישט דא קיין בריק זיך צונויף צושמויסן מיט די קיצונים.


נ.ב דזשאנקי מיינסט דאס;
a person who gets an unusual amount of pleasure from or has an unusual amount of interest in something. a television news junkie.

[מי אני]

דאס ווייזט טאקע לענ"ד די חילוק בזה צווישן א מיסטישע אויסקוק און א מער ראציאנאלע אוסקוק אין דעם; דעם בריק וואס איז נישטא צווישן די צוויי. והיינו, דער חינוך (מצוה קעג) זאגט על צד הפשט אז די געדאנק פון מצות טבילה במקוה איז סימבאליש אז ער/זי זאל פיהלן כאילו זיי זענען יעצט געווארן א נייע בריה; ארויסגעקומען פון פריש פון פלוּאיד ע"ש. און מצוה קעה לייגט ער צו אז דאס איז אויך לרמז שיטהר וינקה מן החטא כדרך המים לנקות, וואס טומאה האט בדרך כלל א קשר צו טומאה (ער לייגט טאקע צו אז עס איז אויך דא א "העכערע" טעם דערביי) ע"ש. עכ"פ לפי די מהלך איז נישטא עכט קיין סיבה צו סתם האלטן אין איין גיין אין מקוה. משא"כ לפי א מיסטישע אויסקוק.

(וידוע אז די אריגינעלע געדאנק דערפון איז געווען אלס פשוט'ע ריטואלע נקיות, וכעין א באד/shower - און צוביסלעך האט מען דאס אלס מער געוואלט "ריטוּעלייזן" און אפזונדערן פון א "געהעריגע" באד (ועיין בשבת יד.). זעה אויך דעם ארטיקל פון @אדנירם איבער נדה בוועקער 5, ועיין בתוס' ביומא עח. ובחינוך מצוה קסו, מצוה קפב, ומצוה רז. ועיין ג"כ במו"נ ח"ג פמ"ז.)

[רביה''ק זי''ע]

דאס ווייזט טאקע לענ"ד די חילוק בזה צווישן א מיסטישע אויסקוק און א מער ראציאנאלע אוסקוק אין דעם

דו מאכסט מיר אן אפעטיט זיך ארומצו'טענה'ן
איך קען גענוג מענטשן וואס האבן א מיסטישע אויסקוק אויף מקווה און האבן נישט קיין אבסעסיע דערמיט, העק דער אריז"ל - דער טאטע פון אלע מיסטיקער - ווען ער האט געוואוינט אין צפת איז ער נישט געגאנגען אין מקווה גאנץ ווינטער ווייל ס'געווען צו קאלט. ווען מ'ווייסט פארוואס מ'גייט אין מקוה און מ'פילט ווען מ'דארף עס און ווען נישט, און ווען ס'דא זאכן וואס זענען וויכטיגער, קומט מען נישט צו קיין OCD, די גאנצע פראבלעם פאנגט זיך אן ווען די סיבה פארוואס מ'גייט לכתחילה אין מקווה איז נאר צו פיטערן דעם OCD פשוט מקיים צו זיין וואס שטייט אין די טעקסט ווי א בריסקער בהמה מיט'ן קאפ אין וואנט. משל למה הדבר דומה, איינער וואס קושט זיין ווייב און קינדער פשוט ווייל ס'שטייט אין די בוק אז מ'דארף אזוי טוהן, אויב כאפט זיך די OCD אן אויף די געקושאכטס... דו לאכסט? יא, אזוי קוקט עס נעבעך אויס.

און אויף א זייטיגע נאטיץ, איך ווייס נישט אויף וועם פונטליך דער תלוש מן המציאות איז משפיע, אבער אך און וויי פאר מענטשן וואס ווערן נשפע פון אזא איינעם, מ'דארף שטיין ווייט פון אזעלכע מענטשן ווי ווייט מ'קען נאר.

[מי אני]

מיין היפאטעזיע איז געווען כזה:
לויפט מען אין מקוה כסדר ← מיסטישע אויסקוק דערין

וממילא אטאמאטיש איר קאַנטרעפּאזיטיוו:
~מיסטישע אויסקוק דערין ← ~לויפט מען אין מקוה כסדר

איך האב אבער קיינמאל נישט גע׳טענה׳ט איר קאַנווערס:
מיסטישע אויסקוק דערין ← לויפט מען אין מקוה כסדר

און אויך נישט איר אינווערס:
~לויפט מען אין מקוה כסדר ← ~מיסטישע אויסקוק דערין

[רביה''ק זי''ע]

הייסט עס אז דו זאגסט סתם א שיינע אבזערוואציע אבער נישט אז דאס איז ממש די גורם.

[מתבודד]

@ראקאווער, שיינסט מיר צו זיין ווי די ניו יארקע באהערדע וואס זענען ביזי מיט פאום קאפס און פלעסטיק זעקלעך, בשעת מענטשן ווערן געשאסן אין די גאסן און געשעפטן ווערן באראבעוועט אויף א טעגליכע פארנעם.

סיריעסלי, דיין גרעסטע דאגה מיט די התנהגות פון מנהיגים איז דאס רצ''מ'ס זיך טובל'ען דריי מאל ביי א חתונה?? פארוואס ביסטו בארעכטיגט צו האבו דיינע משוגעת'ן אבער ער מעג נישט האבן זיינע?! צו דען הייסט ער זיינע נאכפאלגער טון אזוי? טוען עס בכלל זיינע גרעסטע שוואנצונים נאך? אפשר א פערטל פראצענט. אפשר.

דיין נבואה

כה אמר יוסל ראקעווער; ס'וועט קומען א צייט וואס פולע גרויסע הייליגע צדיקים וועלען ארום פארן מיט זייער שווארצע SUV און קעדילעקס און זייער משרתים וועלן זיי נאך פארן מיט פארטעבל מקוואות ( מיט אזוינע טרעילערס ווי מאווי סעטס) און די הייליגע אידן וועלן זיך נישט אויפהערן טובל'ן. יצאת בת קול ואומרת הלואי אותי עזבו ותורתי שמרו, מתוך שהיו מתעסקין בה, המאור שבה היה מחזירן למוטב.

איז ראנג עז קען בי, אויב רעדסטו פון רצ''מ. דער איד דרייט זיך ארום מיט א טאיאטע קעמרי, און וואלט זיך ענדערשער גע'עקשנט נישט אריינטרעטן אין א קאדילאק ווי איידער אריינגיין דערין ברוב פאר והדר לעיני החסידים והמצלמים, ווי אונזערע רבי'ס האבן אונז געלערנט... בעיני ראיתי ווי נאכן ארויסקומען פון א מעמד איז ער צוגעגאנגן צו א צווייטע קאר בטעות, ער ווייסט ניטאמאל וועלכע קאר איז זיינס. (ליין: זיין גבאי'ס)

דיין גרעסטע טעות איז נאך דערמאנען דעם ''מתוך שהיו מתעסקין בה''. רצ''מ, אנדערש ווי רוב רבי'ס, זיצט און הארעוועט שעות ארוכות ברבים, זיצט און לערנט פון דרייע פירע פארטאגס, בשעת זיין מקוה דויערט קנאפע דריי מינוט. דערצייל אים פון ''מתוך שהיו מתעסקין בה''...

נאכאמאל, ווילסט חוזק מאכן, געזונטערהייט. ס'איז טאקע מאדנע און עקסטרעם. אבער רייס עס נישט אראפ כאי' ער איז נישט ענטייטלד צו טון כרצונו פונקט ווי די ביסט, און לייג עס נישט אראפ ווי דאס איד דער לאך אין אידישקייט ווען ס'איז ס''ה זיין פערזענליכע הנהגה וואס וואלט ווען קיינמאל נישט געדארפט צו געדעקט ווערן בשער בת רבים.

[מי אני]

הייסט עס אז דו זאגסט סתם א שיינע אבזערוואציע אבער נישט אז דאס איז ממש די גורם.

וואס איך היפאטיזיר איז אז אויב האט מען א ראציאנאלע (והיינו, נישט מיסטישע) פּערספּעקטיוו דערין דאן לויפט מען נישט כסדר אין מקוה; מען האט נישט די OCD אין דעם. ווי אויך טוהט די היפאטעזיע אטאמאטיש אימפּלייען איר קאנטרעפּאזיטיוו: אז אויב לויפט מען יא כסדר אין מקוה, מ׳האט יא די OCD דערין, דאן האט מען בהכרח יא א מיסטישע אויסקוק דערין. די צוויי פאזיציעס זענען מתחלף עפ״י כללי הגיון און זענען בעצם איינס-און-דאס-זעלבע.

דאס באדייט אבער טאקע נישט אז אויב האט מען יא א מיסטישע אויסקוק דערין, דאן לויפט מען יא כסדר אין מקוה. דאס איז וואס דו האסט ארויסגענומען פון מיינע ווערטער. דאס איז אבער די קאַנווערס פון מיין פאזיציע, און איז נישט קיין השלכה דערפון.

[ודברת בם]

די מורא איז אז די פארטעבל מקווה וועט ווערן פארהייליגט ווי די רימניצע עבודה מיט די מקווה

[יאסל ראקאווער]

@מתבודד זאגט צוויי זאכן:
1. הרב זילבערבערג איז א אויסטערלישע קיצונישע לערנער "אויך". נישט נאר מיט קדושת הגוף וקדושת הסעלפאון.

2. ער מיינט עס אמת'דיג און ער איז נישט קיין קעדילעק רבי. מיט די צווייטע הנחה קען @מתבודד רואיג זיין אז מ'גלייבט אים.

לאמיר אבער א מינוט צולייגען די מוחות צו נאמבער 1. אונז זעמיר אלע privy צו די ווידיאוס ווי מ'זעט טאג טעגליך וויאזוי די אנגערייצטע איגענט טוט violence און מערדערישע שטיק קעגן טעכנעלאגישע געשעפטן און טעכנעלאגיע באנוצער. דער משפיע איז די פאן טרעגער פון די רייץ אז טעכנעלאגיע איז בהרג ועל יעבר און אויב נישט פון די שלש חמורות איז עס ממש באותו גדרים און הלכה.

ווי קען מען צומאכן די אויגן ווי א בת הטענה מיט א מענה אז; "אבער ער הייסט נישט טון די וויילענס". איך פארשטיי נישט וואס די זאגסט? ער זאגט אויף די שלש חמורות דארף מען זיך נישט מוסר נפש זיין? ער צייכענט צו די סימנים און שלחן ערוך פון מורידים ולא מעלים און ער מאכט זיך תאמעוואטע אז ער רעדט נאר איבער די חומר העניין אבער ער הייסט נישט אויספירען די פסק הלכה, הלכה למעשה? וואסארע תירוץ איז דאס?

איך בין נישט אויסגעקאכט און די הנהגה פון די איד. די זאגסט אליין "ער לערענט ווי ער מקווה'ט" דאס הייסט; מיט א שטארקע אבסעשען. ווידער דאס אז ער דרשנט ווי א דעמעגאג מיט א ווילדקייט זעע איך. בקיצור מ'רעדט דא פון א קיצוני וואס איז אינו מן היישוב און ער דרייט א קאשע ביי אונז אין נארמאל-לאנד.

יא מיין גרעסטע דאגה (אין אידישקייט) איז די שטארקע עבירה פון העמידו דבריהם על דברי תורה. אויף דאס איז טאקע די בית המקדש חרוב געווארן. הרב זילבערבערג שטעלט אוועק די פאקרימקייט מיט א שטארקייט. טאקע ווייל אזוינע אידן ווי אייך קענען נאך זאגען מיט א בלעכנע פנים ס'איז נישט זיין ווילדע דעמעגאגיע וואס איז שילדיג. להבדיל ווי א אנטעסעמיט וואס גיסט צוזאם פעך און שוועבעל אויף אידן און ווען א אינגע צוצאק פון זיינע חסידים נעמט א גאן און זאל עקטאן אויף די דרשה וואשט ער די הענט פון די זאך.. "איך האב נישט געהייסן שיסען".

[מתבודד]

איין קליינע הערה נאר.
לפי ידיעתי זענען די פארברעכער וואס פארברענען געשעפטן און שפריצן פעפערספרעי, 99% נישט פון זיינע מענטשן. ווי אויך די טעראר פון וועד התקשורת איז ריין גורע חזר'יי און האט גארנישט מיט אים. פעריאד.
ווער ס'קען זיינע מענטשן, ס'איז פשוט נישט זייער מענטאליטעט, זיי פארברענען נישט קיין געשעפטן און זענען נישט דיע וואס זענען ביזי פארעכטן נישט די וועלט.

איך האלט נישט אז זיינע דרשות צינדן אונטער וויעלענס, ווייל די וואס הערן אים אויס צינדן נישט אונטער און די וואס צינדן זענען ווילדע משוגעים וואס האבן גארנישט מיט אים.

ר' יצחק אלעזר מ'שאץ, לדוגמא, איז די אפציעלע רבי פון השומרים. ווען די זאגסט אז הרב מאסקאוויטש איז כלשונך "די פאן טרעגער פון די רייץ אז טעכנעלאגיע איז בהרג ועל יעבר", און איז במילא גורם קינדער זאלן זיין מחוצפים און שטובער זאלן ווערן צובראכן ה''י וכדומה ביסטו 100% גערעכט.
דא ביי רצ''מ איז עס פשוט נישט די קעיס.

[פאליטיקאנט]

ווען אינגען זענען ארומגעגאנגען צוברעכן נדרים+ מאשינען אפאר חדשים צוריק האט עס אויסדריקליך נאר געהאט מיט עם.

גור און די וועד בלא בלא בלא האבן נישט געהאט (און האבן נאכאלס נישט) קיין שום פראבלעם מיט דעם.

זעט אויס אז זיינע מענטשן זענען יא פון די מענטאליטעט און אז ער טראגט יא אן אחריות אויף די אכזריות וואס קומט פאר.

[יידל]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

[וואלווי]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

א פלאץ ווי ס'איז דא די תשעה קבין שיחה, א בחינה פון רואין את הנשמע...

[שמן למאור]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

העי העי העי! קוקטס ווער ס'איז דא!!!

[טראפעלע]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

וועלקאם בעק

[שמעקעדיג]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

העי העי העי! קוקטס ווער ס'איז דא!!!

מכאן לתחיית המתים מן התורה!!

[תרמב]

איך וועל מיך פרייען ווען ער וועט דא בלייבן, נישט סתם א טובל אין די מקווה זשאנקי און ארויס...

[וואלווי]

דאס הייסט אז מקוה מטלטל מלא וריקן, א פארטאבל מקוה פול מיט וואסער און רקים...

[yesiknow]

גם אני בחלומי, כ'בין א מקוה דזשאנקי. כ'האב נישט די פאנדס פאר א געהעריגע פארטעבל מקוה מיט די גאנצע קלאפערגעצייג, אבער כ'טו תשעה קבין אלע טאג נאך מעריב. אפילו אויף וואקאציע בין איך שטארק מקפיד צו גיין אין א פלאץ וואו כ'וועל קענען האבן מיינע ניין קבין.

א פלאץ ווי ס'איז דא די תשעה קבין שיחה, א בחינה פון רואין את הנשמע...

בדרך אפשר יש לומר שהתשעה קבין מים צריכים נגד התשעה קבין שיחה שרואים ושומעים שם אבל תשעה קאוועס זה מועיל בוודאי בכל מקום ובכל זמן ולכתחילה שזה יהיה ביחד עם סגריה בתוך הבור עם התשעה קבין (מים..)

[וואלווי]

סליחה, אבל סגריה בתוך הבור הולך עם בירה או שמפיין, ולא עם קפה.

[yesiknow]

זה אמיתי אם יש שמה גם התשעה קבין שיחה מעורבת ביחד וכו'

[נאך א שמויגער]

הגה"צ המשפיע רבי צבי מאיר זילבערבערג שליט"א איז היינט פורים דמוקפין אום ניין אזייגער אריינגעקומען צו תפילת שחרית בבית מדרשו נחלת יעקב, דער משפיע האט געדאווענט פארן עמוד באש קודש. די דאווענען וקריאת המגילה האט זיך געצויגען פאר איבער פינף שעה!

ארום א האלבע שעה נאכן דאווענען איז דער משפיע צוריק אריין אין בית מדרש ווי דער עולם איז אריבער געבן משלוח מנות.

דערנאך האט דער משפיע אויפגעטרעטן מיט פחד'דיגע דיבורים זאגענדיג אז ער זעט אויף געוויסע יונגעלייט ווי עס הענגט ממש קליפות פון זיי וועגן זיי האבן פוגם געווען בקדושת העיניים און ער קען זיי נישט קוקען אין פנים. דער משפיע האט אויסגעפירט אז ער קען נישט אריינקומען צום משתה היין ווי לאנג די אלע יונגעלייט טוען נישט תשובה, זאגענדיג עס איז מיר גורם אזא צער זעהענדיג די אלע קליפות.

[פרנס החודש]

דערמאנט פון בערלאנד. נחלת יעקב הייבט אן צייגן סימנים פון א קולט.