הלכה למשה מסני

[שערי יושר]

אין אונזער לעבן, א לעבן וואס ווערט געפירט דורך די תורה הקדושה, א גאנצע טאג פונעם ערשטן מינוט וואס מען עפנט די פארקלעבטע אויגן ביזן סאמען לעצטן מינוט ווען מען מאכט צי די מידע אויגן, ווערן מיר געפירט דורך די געזעצן פון די תורה די געזעצן וואס אונז האבן און די פארעם פונעם שלחן ערוך וואס איז הערליך אויסגעשטעלט און ארפגעשריבן אויף יעדע ריר וויאזוי מען דארף זיך פירן וואס מען דארף טוהן וואס מען מעג און וואס מען טאר נישט. אבער די מקור און היסטאריע פון די אלע הלכות זענען פארשידנארטיג, צוויי זענען געזאגט געווארן דורך גאט אליין און געהערט געווארן דורך זעקס הינדרעט טויזנט מענטשן מיט זייער ווייבער און קינדער די איבעריגע אכט פון די עשרת הדברות זענען גאזאגט געווארן דורך משה עבד השם די גרעסטע פון אלע נבואים במעמד הר סיני מיט קולות וברקים ובענן אש, נאכדעם זענען דא די תרי"ג מצוות וואס זענען אראפגעשריבן דורך משה אין די חמשה חומשי תורה דאס זענען די קלארסטע און שטערקסטע הלכות וואס קיינער דינגטס זיך נישט דאס איז וואס מיר רופן א דאורייתא, און פון די תורה האבן חז"ל ארויסגעלערנט אדער וואו אונזער מלמדים פלעגן זאגן ארויסגעדרינגען טויזענטער הלכות דורך לימודים קל וחומר היקש גזירה שוה אדג דערנאך זענען דא די גדרים וסיגים דאס זענען הלכות וואס זענען געמאכט געווארן דורך חז"ל דורך זייער חכמה און סברה און די לעצטע האבן זיך קיינמאל נישט פארמינערט נאר גדולי הדור אין אלע דורות האבן ציגעלייגט געוויסע הלכות לויט ווי עס האט זיך אויסגעפעלט פארן דור און פאר די דורות הבאים אזוי אין לויף פון אלע יארן האבן זיך אנגעזאמלט אהיבש ביסל הלכות וואס אונז זענען מחויב צי פאלגן און אונז פירן זיך טאקע מיט דעם

אבער צווישן אלע הלכות איז דא א מיסטריעזע הלכה דאס איז הלכה למשה מסיני דאס זענען הלכות וואס גאט האב איבערגעגעבן פאר משה אין סיני און פאר עפעס א סיבה האט משה עס נישט אראפגעשריבן אין די תורה נאר עס איבערגעגעבן דורכן מויל און אזוי איז עס אריבער געגאנגען מפה לפה פון רבי צי תלמיד, דער רמב"ם זאגט(יעצט, ווייל כל האומר דבר מפיו שפתותיב דובבות בקבר) "כל דבר שאין לו רמז במקרא ואינו נקשר בו ואי אפשר להוציאו בדרך מדרכי הסברה עליו לבדו נאמר הלחה למשה מסיני"

נו וואונדערט זיך מיר וואס איז די סיבה פארוואס משה האט עס נישט ארפגעשריבן אז ער האט עס געהערט פון גאט אליין? און ווען האט מען די ערשטע מאל געהערט פון דעם? און צי קען מען עס אנעמען אז עס איז טאקע געזאגט געווארן דורך גאט אדער אזוי וואו סקוקט אויס פונעם רמב"ם אז יעדע הלכה וואס מען האט נישט געקענט עס ציקלעבן צי די תורה האט מען עס באטיטלט אלס הלכה למשה מסיני? און אויב איינער איז ח"ו עובר איז עס ווי ער איז עובר אויף א דאורייתא אדער אלס רבנן?

איך ווענד מיך צי אייך תלמידי חכמים חברי השטיבל מיט א שאלה: וואס איז דאס הלכה למשה מסיני?

Sent from my SM-G996U1 using Tapatalk