פנחסבןאלעזר האט געשריבן:אבער עס זעט בכלל נישט אויס אז ס'נאך דא מיט וועמען צו רעדן דא. דיין רעפוטאציע פון א נארמאלן ניק וואס זיכט צו פירן א נארמאלן דוסקוסיע און צוקומען מיט א אפנקייט צו א מסקנה, האסטו שוין פארלוירן. ס'איז א שאד צו שטיין אין ווארט מיט דיר.
איך וואלט אפשר גענומען צייט צו שרייבען א קלארע בירור, דו סטראשעסט אבער מיט שריפטשטעלער רעכטען, איז פארוואס דער ידיעה?
איך האב קיינמאל נישט געזאגט אויף דיר קיין דברי זלזול, אבער דו הערסט נישט אויף צו ניצען דער אלטע טאקטיק פין קאראקטער אסאסינעישען, און אין דער פאל, ניק אסאסינעישען.
האסט גוט געוויזן וואס פאר א סארט ניק דו ביסט, פירסט נישט קיין דיסקוסיעס, די שעלסט און שטויסט ווי א מועד. פארוואס טאקע?
און וואס איז אזוי שלעכט צו ברענגען א ראי' פין גפ"ט אז דער טעם פין אסרן א פאון אין שבת איז אויך וועגן מנוחה? שרייבסט אויף דעם און נאר מיט דברי זלזול וגנאי.
ר' שמן'דל, לא זו הדרך, ווילסט איינער זאל דיר נעמען ערענסט (חוץ דיינע שלל פין ניקס), ענטפער אפ מיט דברים של טעם. נישט מיט דברי זלזול וגנאי.
עס איז ביד כל אחד ואחד צוריקצוגיין און קוקן וויאזוי אונזער דוסקוסיע איז צוגעגאנגען, און ווער עס האט אנגעפאנגען מיט די דברי זלזול וגנאי.
מיר קען שוין דער עולם זייער פיין דא, אז איינער רעדט צום זאך און מיט א נארמאלן רוספעקט דאן אינטערעקט איך מיט אים אויף דעם זעלבן וועג. אויב אבער רעדט איינער פון אחור ארויס, און נאכדערצו מיט א פרעכקייט און זלזול, דאן האלט איך מיך נישט צוריק פונעם מקיים זיין דער פסוק 'עם עקש תתפתל'.
דריי נישט קיין קאפ אז דו ווילסט נישט שרייבן קיין געהעריגן בירור ווייל איך האב געסטראשעט מיט שריפטשטעלער רעכטן. וועמען ווילסטו פארדרייען א קאפ דא?? לאמיך דא אראפברענגען דיין תגובה לעין כל אז יעדער זאל זען אויף וועלכע מעסעדזש מיין סטראשע איז ארויפגעגאנגען:
פנחסבןאלעזר האט געשריבן:
גיב ארויס דיינע קאלירען, באהאלט גארנישט מיין פריינד. א שאד א שאד.
ווען דיין פתיחה וואלט געוועהן אין שמייכעל וואלט עס אפשר אויך געווען גוט אויף שושן פורים. דו מיינסט עס נעבעך נאך ערענסט אויך. רחמנות.
און דאס שטעלסטו צו צו א געהעריגע בירור?? ביסט פאריקט? איך מאך דיר קאראקטער אסאסינעישען?! דו טוסט דיך עס אליינס בידים!! אויב וועט דיין בירור טראגן אזא פנים, דאן קענסטו טאקע בלייבן מיט דיין בירור אין בויך.
[במאמר המוסגר, אויבן שרייבסטו אזוי: "איך האב קיינמאל נישט געזאגט אויף דיר קיין דברי זלזול" עהעם עהעם.. געכאפט ביים ליגנט רויט האנטיג.. אויב הייסט דאס נישט קיין דברי זלזול דאן וואס הייסט ביי דיר יא דברי זלזול? אהה אפשר ריפסטו אן שיינע לאגישע הסברים דברי זלזול? לאמיר באלד אויסגעפינען...
אז מען רעדט שוין, דא האסטע נאך א תגובה ווי דו אטאקירסט מיר מיט דברי זלזול:
פנחסבןאלעזר האט געשריבן:
לדעתי האב איך גוט מסביר געוועהן וואס איך זאג, דיר איז עס א פראבלעם, ווייל דיין סוף פסוק מוז זיין אז א פאון איז אקעי, אזוי אפשר וועט עס קאלט מאכען ביי נאך א איד שבת קודש.
דאס איז אויך נישט קיין דברי זלזול?]
און בנוגע דיין טשעט ג.פ.ט. איך האב דיר שוין געענטפערט דערויף, לאמיר דיר עס בעסער צולייגן. איך זיך צו הערן א הלכה'דיגן בירור פארוואס ס'איז אסור, די פראקטישע חלקים, די מציאות הדברים און די הלכה'דיגע עספעקטן דערפון. איך זיך נישט צו הערן סלאגאנען פון איסורים אבי געווארפן איבער 'פארוואס ארטאדאקסן האלטן זיך צוריק פון ניצן א פאון'. סתם הערן "ס'איז אפשר א שאלה פון בונה" אדער "מעגליך איז עס מכה בפטיש" איז מיר נישט אינטערסאנט. סתם שיסערייען אז "ארטאדאקסן טוען עס נישט ציליב מנוחה" איז מיר נישט גענוג א הלכה'דיגער מחייב. אפילו טשעט ג.פ.ט. באשטעטיגט עס! זייט ווען איז ער א הלכה'דיגן אטאריטעט? אז דו וועסט מיר אויפבויען פון די פוסקים א מהלך פארוואס 'אלעס' וואס שטערט מנוחה איז אסור אום שבת, און דו וועסט אויסבויען א געהעריגע מהלך וואס גייט אריין אינעם גדר פון 'צושטערן מנוחה' און וואס נישט, מיט הלכה'דיגע בעקינג, דאן קען מען רעדן. פארשטאנען? (בערך דאס האב איך אויבן געשריבן נאר מער בקיצור, דאס הייסט אין אידיש, 'געגעבן א הסבר', נישט 'דברי זלזול וגנאי')
