אבער אידן גיין זיך נישט אבי. ואת יהודה שלח לפניו. מ'באדארף צום ערשט פעסטשטעלן מיט וועמען מ'גיימער דא צום טיש. מ'וויל דאך חלילה נישט אריינפאלן מיט א שכן רע אדער פגע רע.
איז וועמען זאל מען פרעגן, וועמען. וואס הייסט וועמען. די נשים צדקניות. זיי זענען דאך די עקרות הבית. און ס'דאך א משנה. הוא אומר לצאת והיא אומרת שלא לצאת, כופין אותו.
פאלגענד איז אן אנקעטע וואס זאל ווארפן א שיין וואסערע סארט משפחות עיסות גרייטן זיך צו נעמען די וואנדערשטעקן אין האנט, און אויב די פיס וועלן נישט זיין קיין מידע, זיך אריבערזידלען קיין פלארידע.
האר
- מיין מאן גייט די פיאות געווייערט איבער די אויער אחוץ ביי שמו"ע.
מיין מאן גייט די פיאות אונטער די ברילן
מיין מאן גייט א קנאבל בארד
מיין מאן גייט געהאקטע וואנצן
מיין מאן גייט אפענע האר אין די נאז
מיין מאן גייט א בארד אין די אויער
- מיין מאן גייט א ביבער הוט
מיין מאן גייט א קריעת ימסוף היטל
מיין מאן גייט א וועסטל מיט טאשן זייגער
מיין מאן גייט סלים הויזן
מיין מאן גייט שלייקעס און רעדט הויך אין גראסערי
מיין מאן גייט א וואלענע טלית קטן מיט פראנזן
מיין מאן גייט א דריי-פערטל רעקל מיט די ציצית פארשטעקט אין הויזן טאש
מיין מאן גייט א כאלאט אין א תענית
- מיין מאן גייט א זיידענע בעקישע צו שלש"ס
מיין מאן גייט א כאלאט בעקישע צו קבלת שבת
מיין מאן גייט ווייסע זאקן מיט סניקערס
מיין מאן גייט א לעדער טלית בייטל מיט סקריפט אותיות
מיין מאן גייט א שפיגל עטרה
מיין מאן גייט תכלית מיט מגן דוד'לעך אויפן עטרה
