וועלכע ניק האט געהאט די מערסטע השפעה אויף אייך?

[יין שרף]

די מאוסט אנדער-רעיטעד ניק איז@א שעפעלע וואך איין וואך אויס לייגט ער ארויס א שיעור אויפן פרשה און קיינער קאמענט נישט, ניטאמאל א לייק באקימט ער, און ער דערשרעקט זיך נישט ער גייט ווייטער או מיט א עקשנות, איך גיי קרעיזי פאר עים.

ער איז א באט

So is מי אני.. און די עולם גייט קרעיזי

[שערי יושר]

ווען מי אני שרייבט אין מער א פשוטע שפראך וואלט די עולם געקענט הנאה האבן

[מי אני]

דא האט @ביבער געהאט געשריבן:

מפני כמה סיבות האב איך שוין לאנג צוריק אפגעמאכט אז @מי אני איז א סאפיטיקירטער AI באט פון גוגל צו וועם. וואס איז זייער ציל? אפשר עקספערמענטירן AI אויף אידיש? אויף אויבער חכמים? ווער ווייסט.

צו וועלכע איך האב גע'ענטפערט:

ערשט קלערט מען אז איך בין מער ווי איין מענשט (און נישט עפ"י סאליפסיזם הנ"ל והמסתעף), און יעצט קלערט מען אז איך בין גאר (וואס מאנכע רעכענען) די נעקסטע שטאפל אין הומען עוואלושען - AI...
נו, ווער איז גרייט צו מאכן דעם טורינג טעסט?...


אזוי ווי איך האב דארט געזאגט נעם איך דאס אן ווי א געוואלדיגע קאמפלימענט. ייש"כ.

דאס זעלבע דא: איך נעם דאס אָן ווי א שבח, וייש"כ!

ולגבי מיין שרייבן איז דאס וואס איך האב זיך מתנצל געווען פאר איינער וואס האט זיך מתרעם געווען דערקעגן:

ייש״כ פאר די דברי חיזוק. (הגם אז מתוך שבחו בא לידי גנותו… )

הגם איך בין מסכים אז סיי איך בין נישט קיין געניטע שרייבער און סיי אז מיין שרייבן קען ווירן אָף טאַפּיק (מיט פּאַרענטעסיִס און קליינע אותיות) וואס פארשווערט דאס ליינען, בין איך אבער פארט נישט זיכער אז די קריטיק דא איז אקוראט לגבי דעם אז דאס איז די עיקר פראבלעם וואס שטערט. לדוגמא, איך גלייב נישט אז די אשכולות איך האב גע׳עפענט איבער דעם בעלזער רב, צי איבער ״היכי דמי חילול ה׳?״, צי איבער ״ולשמחה מה זו עושה?״, האט איינער טענות אז דאס זענען ״נישט קלאר צו ליינען״ וכדומה. און דאס זעלבע איז לכאורה פאר תגובות וואס זענען אין און אויף די סארט סאבּיעקטן (איבער וועלכע איך האב טאקע נישט קיין סאך).

די אומקלארקייט איז, לענ״ד, מער אלס די סאָבּדזשעקט מעטער איבער וואס איך שרייב. לדוגמא, דו האלטסט טאקע אז מ׳קען אסאך קלארער באשרייבן די ריעמאן היפאטעזיע? אדער אריסטו׳ס סקווער פון אפּאזישאן?

איך בין מסכים אז דער ניק @פארוואס? האט טאקע באשריבן די נושאים בעסער ווי איך, ווייניגער טריקן און מיט מער ברייטערע הסברה, אבער פון וואס ער האט מיר געהאט געזאגט האט ער נישט באקומען, אפילו בשעתו, קיין סאך מער רעקאגנישאן דערפאר אויך נישט. (וידוע די אשכול וואס @יואב האט געהאט גע׳עפענט דערוועגן.) והיינו, וועגן די סאָבּדזשעקט מעטער בכלל איז מער ״בּאָרינג״ (דערוועגן האב איך טאקע געשריבן די תגובה). אין אנדערע ווערטער, נאכ׳ן אראפווארפן די גאָנטלעט אז איינער זאל באשרייבן, לדוגמא, די ריעמאן היפאטעזיע קלארער, גלייב איך נישט אז אפילו טאמער דאס ווערט באוואוזן זאל דאס דאן באקומען מער רעקאגנישאן.

[שאלתיאל]

ווען מי אני שרייבט אין מער א פשוטע שפראך וואלט די עולם געקענט הנאה האבן

דו רעפרעזענטירסט ''די עולם'' בחינם אדער באצאלט?

[תרמב]

איך קען נישט זאגן וועלכע ניק האט געהאט די מערסטע השפעה אויף מיר, אבער דאס יא, די חברה דא האבן געהאט אויף מיר א געוואלדיגע השפעה, איך האב נישט געוואלט אז ס'זאל געשעהן אבער דאס האט פאסירט, איינער האט מיר געפרעגט ווען איך בין נאך געווען ניי דא, צו דו האלסט נישט אז דאס וועט משפיע זיין אויף דיר, איך האב אים געענטפערט אז איך בין זייער שטארק און איך גיי סתם לייענען פאר נייגער אבער איך טויש זיך נישט.

למעשה האט עס מיר געטוישט מוראדיג שטארק, מיין גאנצע מהלך המחשבה האט מיר געטוישט, יעצט איז די שאלה ווער איז דער וואס האט געמאכט דעם טויש, ווען איינער שרייבט א גוטע ארטיקל מאכט עס נישט קיין טויש אויפן מענטש, ס'איז מער אינטערטעימענט וואס מ'אינזשויט און מ'גייט זיך ווייטער, ס'איז בעיקר די וואס שרייבן איבער די לעבן רעליגיע און די סיסטעם, איז עס לכאורה די ניקס וואס האבן געשריבן אסאך איבער דעם וואס האבן געמאכט א טויש, ס'איז רביה"ק, סאנטיאגא, אבטולמוס, צווישן אסאך אנדערע, אבער איך געדענק נישט קיין נעמען אזוי גוט, איז מיר שווער זיך צו דערמאנען ווער ס'האט געשריבן וואס. נישט אז איך האב די זעלבע מיינונגען ווי זיי, נאר פון אזויפיל לייענען פון זיי האט עס אנגעהויבן משפיע זיין, ביודעים ובלא יודעים.

איינער דא האט געשריבן איבער שמעקעדיג, איך שפיר די זעלבע ווי יענעם לגבי שמעקעדיג, ער איז מיין ראול מאדעל איבער שרייבן אויף בלאגס, ער שרייבט אויף א וועג נישט אויפצורעגן אנדערע, אבער קען איידעלערהייט געבן א ציפ אויב ס'פעלט זיך אויס, געבן א לייק פאר איינעם וואס שרייבט פארקערט פון דיר אפילו יענער רייסט דיר אונטער, נישט נעמען זאכן פערזענליך, און נישט זיין עקסטרעם אויף קיין שום שיטה.

נאכדעם איז די אסאך ניקס וואס איך האב זיך אויסגעלערנט אז אזוי ווי זיי זאל איך נישט שרייבן און זיך נישט אויפפירן, כדרך שלא תמות כדרך שמת פלוני, ס'איז אסאך מאל שווער צו אפהיטן פון שרייבן שטותים, אבער ווען מ'זעהט אנדערע שרייבן שלעכט, זעהט מען זיך אפצוהיטן...

[ברוך שפינוזה]

דו זאגסט אז קאוועשטיבל האט דיך אומווילענדיג געטוישט, האסטו חרטה אויף די טויש אדער בדיעבד איז עס לכתחילה גוט?

[תרמב]

איך האב נישט קיין חרטה

אבער ווען איך קוק אויף צוריק, ווען איך זע ווען דעמאלטס וויאזוי מיין קאפ ארבעט מיר יעצט וואלט איך לכאורה פארשפארט קאווע שטיבל באצייטנס...

[לייביששרייבער]

איך האב נישט קיין חרטה

אבער ווען איך קוק אויף צוריק, ווען איך זע ווען דעמאלטס וויאזוי מיין קאפ ארבעט מיר יעצט וואלט איך לכאורה פארשפארט קאווע שטיבל באצייטנס...

פארוואס פארשפארט? דארפסט דאנקען גאט ב׳׳ה אז ער האט דיך אהער געשיקט. געמאכט קאווע שטיבעל זיין די ריכטיגע שליח צו שטעלן דיין געדאנקען גאנג אין דיין אייגענער פרעספעקטיוו . נישט וואס אנדערע ווילן די זעלבע טראכטן.

אמאל איז געווען א סיין ביי פלאשינג עקזיט אריין קיין וויליאמסבורג, און ווי אויך צו די אריינגענג קיין מאנרא טראכטן פארבאטן !!! קאווע שטיבעל האט ב׳׳ה א חלק אין אראפ פליקען די סיינס.

Sent from my SM-S908U using Tapatalk

[הקטן]

איך האב נישט קיין חרטה

אבער ווען איך קוק אויף צוריק, ווען איך זע ווען דעמאלטס וויאזוי מיין קאפ ארבעט מיר יעצט וואלט איך לכאורה פארשפארט קאווע שטיבל באצייטנס...

פארוואס פארשפארט? דארפסט דאנקען גאט ב׳׳ה אז ער האט דיך אהער געשיקט. געמאכט קאווע שטיבעל זיין די ריכטיגע שליח צו שטעלן דיין געדאנקען גאנג אין דיין אייגענער פרעספעקטיוו . נישט וואס אנדערע ווילן די זעלבע טראכטן.

קען זיין דאס ער האט נישט געהאט קיין אייגענע פרעספעקטיוו און יעצט יא - קען אויך זיין דאס אמאל איז זיין פרעספעקטיוו געווען נשפע פין זיינע אלטע חברים אין היינט איז זיין פרעספעקטיוו נשפע פין זיינע נייע חברים

קען אויך זיין דאס אמאל האט ער נישט געהאט קיין אייגען פרעספעקטיוו און היינט שוין יא, וואס דאס איז א גיטע זאך אבער לעבן איז אסך מער וואו דאס און ס'איז דא נאך אסך מאווינג פארטס
כדי צו וויסען אויב ער גייט ארויס מיט נעט געין אדער א נעט לאס מיזען מיר קודם זיין קלאר מה חובתו בעולמו וכו' וכו'


מיר קיקט אויס דאס אסך דא, ביודעים ובלא יודעים, נעמען פשוט נייע בעלי בתים וועם זיי זיכען צי געפעלן מיט זייער נייער וועג פין טראכטן


די ציקערלעך פין די ק"ש סיסטעם איז א לייק און נאך א לייק, אדער זיין פארט פין די IN חברה, אן איידענטעטי וכו'