אפאלאגעטיקע און אידישקייט.

[רביה''ק זי''ע]

זיכער אזוי, ס'קען דאך גארנישט אנדערש זיין!

איך זאג פארקערט, דער רמב"ם האט דאך זיכער געוואוסט אז די תורה לויט ווי ער האט געהאט האט זיך שוין געטוישט צען מאל זייט משה רבינו, ער האט זיכער געמיינט עפעס טיפערס...

What can be asserted without evidence can also be dismissed without evidence

[[NAMELESS]]

געווען א לאנגער ארטיקל אויף אילמלא-אילמלי אין עץ חיים #12 פון באבוב45

[גרעפיקסער]

לייג נישט אריין אינעם רמב"ם נייע אמונה'ס. כאילו "כל התורה המצויה בידינו" מיינט חסירות יתירות אדער עטליכע גירסאות פון פארשידענע כתבי יד.
דאס איז בכלל. און בפרט, מהיכי תיתי אז א "נייע געטראפענע" כתב יד האט מער כובד ווי די אור אלטע אנגענומענע כתב יד? אפשר האט יענער, מדעת עצמו, געטוישט טאקע צוליב דעם ווייל ס'איז אים שווער געווען דעם נוסח "וילך וידבר". איך האב גראדע הנאה פון די סארט שמוסען, אבער נאר ל"אמירן בעלמא", ס'איז אינטערסאנט צו הערן. אבער נישט אויף צו מערר זיין אויף די אמונה אין אונזער תורה.

קאוועלע, דו כאפסט אז דו ביסט דיך סותר מיניה וביה? קודם טענה'סטו אז פילון לייגט אריין אינעם רמב"ם נייע אמונה'ס, דאס הייסט אז לשיטתך איז נישט קיין שום פראבלעם צו זאגן אפילו לויטן רמב"ם אז אונזער נוסח איז לאו דוקא ריכטיג בכל פרטיה ודקדוקיה. אבער גלייך אינעם קומענדיגן פאראגראף טענה'סטו אז דו האסט טאקע הנאה פון די סארט שמועסן, אבער נאר דאמירן בעלמא נישט אויף עכט צו מערר זיין די אמונה - א רגע נאר, וועלכע אמונה רעדסטו פון? האסטו נישט יעצט געענדיגט זאגן אז עס איז בכלל נישט דא קיין פראבלעם צו האלטן אז אונזער נוסח איז נישט בשלימות?

איצטער שטימט שוין, @קאווע טרינקער איז זיך בכלל נישט סותר...

[מי אני]

ומענין לענין באותו ענין איז אינטרעסאנט צוצוצייכענען צו וואס דר. ריטשערד קעריער מאכט א חילוק [55:55-57:15] צווישן מאָסלים און קריסטליכע אפּאלאדזשעטיקס כהיום. ער זאגט אז היינט-צו-טאג זענען איסלאמישע אפּאלאדזשעטיקס שוואך בשעת קריסטליכע אפּאלאדזשעטיקס זענען מער ראפינירט, איז פשוט מכח דעם ווייל קריסטן דארפן זיך ספראווען מיט טענות קעגן זייערע פאזיציעס, וואס מ׳האט, כהיום, די פרייהייט פון זאגן אפען, וממילא האבן זיי זיך מחמת ההכרח אויפגעבויט ״אַן אימיוּניטי״ דערצו מיט מער ראפינירטע ארגומענטן. משא״כ איסלאם קען אין זייערע מדינות אונטערדרוקן די טענות מיט געוואלד אָן דאס צו דעבאטירן, האבן זיי זיך על הכלל כולו נישט געדארפט ספראווען דערמיט און זייערע אינטעלעקטואלע טענות אין די ארענא זענען געבליבן שוואך.

כ׳האב געקלערט אז מ׳קען אולי זאגן (עכ״פ אין בּראָד סטרוֺיקס) אַן אינווערס/פארקערטע מהלך לגבי אפּאלאדזשעטיקס ביהדות. והיינו, בימי הביניים וואו מ׳האט נישט געקענט (אזוי ווייט) אונטערדרוקן טענות קעגן יהדות פון אנדערע רעליגיעס און פילאזאפיע האבן די חכמי ישראל אויפגעבויט קעגן דעם מער ראפינירטע טענות ומהלכים. כהיום אבער (עכ״פ ביז׳ן אויפשטייג פונעם אינטערנעט) האט מען אפשר יא מער געקענט אונטערדרוקן פאר די אינסולארע מענטשן צוטריט צו טענות קעגן וממילא איז מען געבליבן מיט א שוואכערע אפּאלאדזשעטיק פארטיידיגונגס מהלך אין איר ראפינירטקייט.

[בעל אחריות]

איך בין נאכנישט דא אויף קאווע שטיבל אזוי לאנג און איך האב שוין באגעגנט איך ווייס נישט וויפיהל תגובות לאנגע און קורצע פון רביה"ק וואס ברענגן ארויס די נקודה, ס'זעהט אויס אז אזוי ווי די רבינו הקדוש הראשון (השני) איז אראפגעקומען אויף די וועלט נאר כדי צו מעורר זיין וועגן ציונות אזוי איז רבינו האחרון געקומען אויף דעם וועלט נאר כדי צו אויסצושרייען פאר די וועלט די נקודה...

די איינציגע סיבה פארוואס אונז האבן נאך די זכיה צו האבן דעם רבי'ן מיט אונז איז ווייל ער שפירט אז מען האט אים נאכנישט אינגאנצען פארשטאנען...

מען בעט דעם עולם ווייטער צו שפילן דעם שפיל... אזוי וועט זיין למען יאריכון ימיך פונעם רבי'ן און למען ייטב לך פון אונז... (א נייע פשט...)

[סקעפטיקער]

קוק אין תוספות מגילה כא ד"ה אלמלא, ווי אויך אין די נוסח פון קידוש לבנה תנא דבי רבי ישמעאל (די ספרדים האבן טאקע אן אנדערן נוסח דארט...).

אבער נישט געזארגט, מיין קשיא איז נאכאלץ נישט שטארק, ס'טאר נישט זיין שטארק, מ'טאר חס ושלום נישט צולאזן אזעלכע פשטים. העכסטנס וועט מען טוישן די גירסא, אנשטאט "אלמלא" וועט מען אריינלייגן "אילמלי" און אלס וועט שטימען. ווי יענער טענה'ט אז ער לערנט מיט'ן דרך הלימוד פונעם גר"א, ווען ס'געפעלט איהם נישט פשט טוישט ער די גירסא...

דאס איז נישט קיין קשיא אויף די גמרא נאר א קשיא אויף תוספות! לאמיתו של דבר די חוקרים האבן אן אנדערע מהלך אויף דעם, עס ווענדט זיך נישט אויב עס ענדיגט זיך מיט א יוד אדער אלף נאר אין אנדערע קאמפליצירטע מהלכים וואס איך האב נאכנישט יורד געווען לסוף דעתם

[רביה''ק זי''ע]

איך בין נאכנישט דא אויף קאווע שטיבל אזוי לאנג און איך האב שוין באגעגנט איך ווייס נישט וויפיהל תגובות לאנגע און קורצע פון רביה"ק וואס ברענגן ארויס די נקודה, ס'זעהט אויס אז אזוי ווי די רבינו הקדוש הראשון (השני) איז אראפגעקומען אויף די וועלט נאר כדי צו מעורר זיין וועגן ציונות אזוי איז רבינו האחרון געקומען אויף דעם וועלט נאר כדי צו אויסצושרייען פאר די וועלט די נקודה...

די איינציגע סיבה פארוואס אונז האבן נאך די זכיה צו האבן דעם רבי'ן מיט אונז איז ווייל ער שפירט אז מען האט אים נאכנישט אינגאנצען פארשטאנען...

מען בעט דעם עולם ווייטער צו שפילן דעם שפיל... אזוי וועט זיין למען יאריכון ימיך פונעם רבי'ן און למען ייטב לך פון אונז... (א נייע פשט...)

נו וואס איז טאקע די נקודה? כ'האב נאכנישט אינגאנצן פארשטאנען