ווי אזוי צו זיין א סוקסעספולע גרוש

[שעפטאל]

ביי וועם ביסטו א איידעם?
ביסט א גרוש? אוי!
האסט קינדער? [אה, ב"ה! קינדער איז די ארגסטע. אדער. אוי וויי! מ'לאזט דיך זיי זעהן?]
[מיט א פריינטליכע שמייכל] פארוואס האסטו זיך ג'גט? וואסי געוועהן די מעשה?
--

א איידעלער אינגערמאן האט זיך גע'גט 3 חדשים נאכן חתונה. גיי פארשטיי די צער פון א אכצן יעהריגער בלום וואס זיין גאנצע לעבן האט זיך אפגעשטעלט. ער האט געכאפט א היטש. וכך היה השמועס. בערך.
דרייווער: ביי וועם ביסטו א איידעם?
גרוש: [נאכן רויט ווערן, ער האלט קוים אפאר וואכן נאכן גט] עהם, ס'נישט נוגע.
דרייווער: נאַ, כ'בין סתם נייגעריג. ווער איז דיין שווער?
גרוש: לאמיר רעדן פון עפעס אנדערש
דרייווער: ס'גייט דיך אהן אויב איך ווייס? כ'גיי עם גארנישט זאגן וועגן דיך. דשאסט זאג מיך, ביי וועם ביסטו א איידעם?
גרוש: כ'וויל נישט רעדן דערפון. סאו פליז..
דרייווער: דו קוק'סט אויס ווי א פיינער יונגערמאן, קאם אן, ביי וועם ביסטו א איידעם?
גרוש: [נאכן אזוי פיהל פגר'ן, מעג ער שוין פיהלן גילטי. זאל ער זיך כאטש לערנען א לעסען] כ'בין ג'גט. פארדעם האב איך נישט געוואלט ענטפערען.
דרייווער: אויב אזוי, ביי וועם ביסטו געוועהן א איידעם?
[כאן צריכים לצחוק?]

נאך דעי אלע ט'עיפשים [וואס מ'האט זיי נישט מחנך געוועהן אז מ'פרעגט נישט.] ענדיגען רעדן.


מ'קען זיין א סוקסעספול גרוש, (ובחור)! ווי אזוי?

יעדער וואס האט א נאנטע קרוב א גרוש וואלט מודה געוועהן ס'וואלט נישט געוועהן קיין שלעכטע פלאן צו מאכן א קאורס: ווי אזוי צו זיין א סוקסעספול גרוש.

לאמיר צונעמען די געווענדליכע פלאגענישן פון א סינגל.

דאוט'ס. [ס'געוועהן מיין שולד כ'וואלט נישט געדארפט טוהן-זאגן כך וכך. זי אפלאזן. חתונה האבן מיט איר. וכו' [און וואס כ'האב יא געדארפט טוהן]
בושה [די בליק וואס א גרוש האט אויף זיך אליין]
איינזאם'קייט
קאורט - דין תורות
צעבראכנקייט
סטראגל'ס אין טרעפן די לפי מעשיו 'דיגע
ועוד הרבה.
---
ק"ש איז א בית וועד לחכמים. אסאך דא ווייסען פון סוקסעספולע סינגל'ס און קענען ברענגען זייערע עצות. ס'קען טוישן אסאך זאכן פאר דעי וואס ליידן.

ביטע נישט אריינפאלן אין לאנגע טענה'רייען. קומט מיט עצות.

בעיקר. ס'נישט נוגע פאר מיך נאר פאר מיינע חברים. מיט דעם האב איך מוצא געוועהן אלע מגיבים. ענק אלע שרייבן נאר בשם א חבר, א קרוב, וכדו'. אדער אנאנים. [כ'מיין נישט צו רייטן חלילה, נאר לויזער צו מאכן דעם הייקעלן נושא]