פארוואס איך שטיי נישט מיט די לגב''ט געמיינדע.

[אלע צוזאמען]

פון די וועלט באשאף ביז היינט איז אייביג געווען קראנקע מענטשן, קרענק פיזיש און גייסטיש, אסאך מאל האט מען עס געכאפט פריער און פילע מאל, ליידער שפעטער, די פיין און ליידן זענען אויך געווען פארשידענארטיג, פון נארישע קאפ ווייען, ביז יסורי איוב וואס אויף קיין שום אידיש קאפ נישט געווינטשען.

די וועג וויאזוי מען האט באהאנדלט מחלות, האט זיך אויך געטוישט פון דור צו דור, פון דאקטאר צו פראפעסאר, ווען דער האט געהייסן לייגן באנקעס, האט דער אנדערער געזאגט צו צומאלן גראז, ווען ווען איינער האט האט געזאגט אפערירן האט דער צווייטער געהאלטן אז ס'נישטא וואס צו טון מער, די צד השווה איז אבער געווען אז יעדער, די פאציענט און אלע דאקטוירים, האבן אלע אנערקענט אז ס'איז פארהאן א מיחוש דא, און מ'מוז פראבירן צו ראטעווען דער קראנקער.

איינע פון די פילע קרענק וואס איז ליידער דא אויף דעם פלאנעט, איז אז געווענליכע מענטשן ווערן געבוירן מיט XY אדער XX קראמאזאנ'ס, איז אבער דא יחידים וואס ווערן געבוירן מיט ביידע סימנים אדער גאר קיין איינ'ס, און במשך די יארן האט מען אלץ געוויסט פון אזא קרענק, מ'האט פרובירט זיי צו העלפן וויאזוי מ'האט געקענט, נאכדעם איז פארהאן נאך א קרענק ל''ע, אז נארמאל ווערט א מאן צוגעצויגן צו א פרוי, און פארקערט, יעדע כלל האט א חוץ, אזוי אויך דא, געוויסע מענער ווערן נתחמם צו אן אנדערע מאן, און געוויסע פרויען גלייכן אנדערע נקבות, ס'איז א קרענק.

און דאס איז פארוואס איך שטיי נישט מיט די לגב''ט געמיינדע, ווייל ס'איז געווארן א ''געמיינדע'', איך שטיי מיט דיר אלץ אן אינדיווידואל, אלץ א יחיד וואס מוטשעט זיך מיט שוועריקייטן, אפשר עפענט מען א 'נישט קיין פיס געמיינדע', וואס איז די משוגעת פון נעמען קראנקע, און זיי זאגן, יא אלעס איז גוט מיט ענק, און וואס איז געשען נאכדעם איז זייער פשוט, אויב ס'איז גוט צו זיין קראנק, זענען געקומען קריפי מענטשן, גרויסע מנוולים און חזרים, א שטייגער ווי 'דזשאן מאני' און איינגעפעדעמט די משוגעת אז מענער קענען ווערן פרויען און מיידלעך קענען ווערן יונגלעך.

אין די היינטיגע סאסייאיטי איז דא גענוג מח קראנקע מענטשן איז עס געווארן א סטייל, ס'א גרינגע וועג צו שנעלע פובליסיטי כבוד, און געלט, איז דעריבער ניין, איך שטיי נישט מיט און שטיץ נישט אזא געמיינדע, אויך נישט די היימישע.

[שמן למאור]

איך וויל פארשטיין אפאר זאכן, קודם כל פארוואס איז דאס א 'קרענק' ווען איינער ציעט צום זעלבן מין?

אויב רוב מענטשן אויפן וועלט האבן נישט ליב קאטעשדזש טשיז מיט באנאנעס, און בלויז א קליינע פראצענט האבן דאס ליב, ווערן זיי יעצט קלאסעפיצירט אלס קראנק? על טעם וריח אין להתווכח, ער האט ליב דאס דו האסט ליב יענץ, פארוואס הייסט דאס קראנק? אפשר זענען דזשינדזשיס 'קראנק'? רוב מענטשן האבן נישט קיין ארענדזשע האר...

ווערן געבוירן געי איז א געהעריגע נאטורליכע ערשיינונג און אין די וועלט פון חיות איז פינקט אזוי דא א פראצענט פון געיז.

נאך א זאך, נניח אז ס'איז יא א קרענק, פארוואס ביסטו קעגן מאכן א געמיינדע פון מענטשן וואס מוטשענען זיך מיט א מחלה? אז מען וועט מאכן א שבת התוועדות פאר די 'יענע מחלה' געמיינדע וועסטו אויך זיין דערקעגן? אז מען וועט מאכן א צאמקום פאר עלטערן וואס ליידן פון פערטילעטי וועסטו דאס נישט שטיצן? אז עס וועט זיך עפענען אן ארגעניזאציע פאר 'נישט קיין פיס געמיינדע' וועסטו זיין דערקעגן? כ'זע נישט פארוואס.

מען רעדט דא פון א געמיינדע וואס ציליב זייער נאטורליכע געבוירענע אריענטאציע, און זייער לעבן אויף א וועג וואס זיי געפעלט, (אדער אויב דו ווילסט, ריף עס מחלה) האט מען זיי פאר יארן לאנג גע'רצח'עט, דיסקרימענירט קעגן זיי, און זיי פארשריגן. יעצט אז די וועלט ריקט זיך פאראויס זע איך נישט פארוואס זיי זאלן נישט מעגן חוגג זיין זייער סטאטוס.

[ביבער]

איך שטיי מיט יעדע געמיינדע אחוץ פון די וואס שטייען אויף מיר אז איך מוז אדער טאר נישט שטיין מיט א געוויסע געמיינדע. דעמאלט שטיי איך אקעגן זייער צוגאנג אבער זיי מיינען אז איך שטיי אקעגן זיי אליינס.

[ביבער]

.

[berlbalaguleh]

יא. אבער וואס זאללן די יחידים טון. די וועלכע זענען באשאפן געווארן מיט אן אנדערע נאטור ווי די רוב וועלט. וואו זאללן זיי זיך ווענדן צופרידן צושטעללן זייערע גייסטיגע און עמאציאנעלע באדערפענישן. און אין די אמאליגע צייטן אויב סאסייעטי האט אויסגעפונען איבער א מענטש (מאן אדער פרוי) אז ער/זי איז געי, האט זיך זיין גאנצער סאציאלער סטאטוס און אנזעהן געענדיגט. מ'האט איהם אפילו אפגעזאגט פון די ארבעט. האבן זיי נישט געהאט קיין ברירה ווי זיך צו ארגאניזירן אלס א גרופ.

נאר אין די היינטיגע צייטן האט זיך דער מצב (ליידער) דערקייקלט אז זיי האבן איבערגעטריבענע מאכט און צומאל טעראריזירן זיי (אליינס) אנדערע מענטשן. יחידים אדער גרופס וועלכע דערוואגן זיך ארויסצוזאגן א ווארט פון קריטיק איבער זייער אויפפאלענדע און מאדנע אויפפיהרונג. וועלכע גייט שוין איבער אלע גרעניצן פון נארמאלקייט און מענטשליכקייט.

[ברוך שפינוזה]

די פוינט איז נישט צו דו שטייסט מיט די דאזיגע געמיינדע צו נישט, די פוינט איז צו דו אנערקענסט אז די אנטי-געי סענטימענט איז א טייל פון די פארגאנגענהייט (הגם ס'גייט לכאורה צוריקקומען ערגעצוואו אינעם עתיד, פונקט ווי ס'איז צוריקגעקומען נאכ'ן גריכישן געי עפאכע, אבער פאר די נעקסטע טויזענט יאר איז דאס די מצב). די שווארצע האסע האבן זיך די Judeo-Christian פונדאמענטאליסן שוין אויסגעלערנט צו האלטן ביי זיך אין בויך, סיידן אז דו ביזט אן אנטיסאושעל KKK אדער נעא-נאצי קוקו דאן זאלסטו טאקע שטיין אין די גאסן און שרייען צוזאמען מיט סאנדיק און די נטורי קרתא און די Westboro Baptist Church, אדערווייז לערן זיך אויס אז סייג לחכמה שתיקה, ווילאנג דו עפנסט זיך נישט אויף דאס פיסקל וועט מען כאטש מיינען אז דו ביזט א חכם...

[שמעקעדיג]

נעבעך, וואס טוען די מענטשן אין ביהמ"ד? זיי זענען כסדר עובר אויף ולא תתורו?

איך פרעג ווייל איך ווייס נישט.

[שמן למאור]

נעבעך, וואס טוען די מענטשן אין ביהמ"ד? זיי זענען כסדר עובר אויף ולא תתורו?

איך פרעג ווייל איך ווייס נישט.

זיי דארפן גיין מיט די אויגן אראפ אין ביהמ"ד אויך... זיי מוזן אלעמאל ארומגיין מיט שמירת עינים גלעזער... אדער אפשר גאר מיט א טלית איבערן קאפ...

[דיכטער]

איך וויל פרעגן רשות פארצולייגן מיינע איינס-אהאלב סענט, בבחינת טעיק איט אר ליוו איט.
קודם וויל איך מקדים זיין אז איך גיי רעדן עטוואס ברמיזה, ודי לחכימא בהדין.

פון קינדווייז אן, זענען מיר געוואוינט אז דער וועלט איז הערליך צעטיילט. דער מאנליכן פון איין זייט און דער ווייבליכן פון דער אנדערע זייט. דער מאנליכן קומט מיט א פונקטליכע, פאראויס-באשטימטע כאראקטער און נאטור, אן אייגענארטיגע ביין געבוי און קלארע נייגונג אנבאלאנגט געשלעכט, אלעס איז קלאר און מסודר. פון א מענטש מיט אזא און אזא אויסערליכע ביין געבוי איז צו ערווארטן אזא און אזא כאראקטער און נייגונג. אזוי זענען מיר געוואוינט צו לעבן. עס איז פיל לייכטער זיך אומצוגיין אזוי צווישן מענטשן און פירן א געזעלשאפט מיט אזא גלויבונג.

אין אלגעמיין פארט אלעס אויסערליך, א מחיה. עס ווירבלט א לעבן, מען וואקסט אונטער, פארהייראט, טרעפט ליבע, בויעט זיך א נעסטל און עס איז פרידן אויף דער וועלט.

אבער וואס איז טאמער איר הערט אז איר קענט פארגעסן פון אלעס וואס איר האט געלערענט און זיך אזוי אריינגעבאקן, איבער געשלעכט און מין? אפשר איז צייט אנצוהייבן פון פריש, אנקוקן דער זאך מיט א ניכטערע בליק.

אין מערסטע פעלער קען מען צעטיילן די מענטשהייט אין צוויי גרופעס. איין איז דער וואס דער אויסערליכע, קערפערליכע אייגנשאפטן זענען איין סארט וועג און דער צווייטע איז אן אנדערע סארט וועג.

אין דער געזעלשאפט זענען מענער און פרויען צעטיילט, מענער האבן זיך זייערע אייגנארטיגע נאטורן, זיי זענען שטארק-געבויט, גלייכן ספארטס, קעמפפן און געוועלטיגן. פרויען פון דער אנדערע זייט, זענען מער געפיליש, זיי האבן א ווייכערע סארט כאראקטער און ארבעטן נישט אזוי פול, פיזיש.

ווען עס ווערט געבוירן א קינד, וועט מען איהם זאפארט אידענטיפיצירן אלץ מאנליכן אדער ווייבליכן, געוואנדן אין זיין קערפערליכע אויסשטעל, און פון דאן און ווייטער וועט מען אטאמאטיש ערווארטן פון איהם א געוויסע סעט פון נאטורן, געוואנדן אין דער אנגעגעבענע אידענטיטעט.

אבער נישט אלעמאל איז דאס ריכטיג. פארהאן אזעלכע וואס האבן ביים געבורט באקומען דער מאנליכע אידענטיפיקאציע צוליב זייערע פיזישע אויסערליכע קערפער, אבער אין פאקט אידענטיפיצירן זיי זיך נישט דערמיט. דאס שאפט זיי שווערע גייסטישע פראבלעמען און אין פיל פעלער וועלן זיי פראבירן און בייטן זייערע געבוי און אויסשטעל עס זאל בעסער צופאסן צו זייערע אינערליכע אידענטיפיקאציע. דאס איז אנבאלאנגט דער געזעלשאפטליכע אידענטיפיקאציע וועלכע ווערט געגעבן פאר א קינד ביי זיין געבורט.

אויסער דעם, איז פארהאן אן אינערליכע נייגונג אין א מענטש וועלכע וועט אין רוב פעלער ציען, אין געשלעכט, צו זיין קעגענער.

געווענליך וועט אזא איינער וואס איז געבוירן מיט דער סארט קערפער וועלכע געבט איהם ביי זיין געבורט דער מאנליכע אידענטיטעט, פארמאגן א נייגונג צו דער פארקערטע גרופע, און איינע וואס ווערט געבוירן מיט א ווייבליכע קערפער וועט האבן א נייגונג צו איר פארקערטע.

אבער דא ווערן זאכן קאמפליצירט. עס זענען פארהאן מענטשן, סיי ביי מענער און סיי ביי פרויען, אן קיין שום נייגונג. אזוי אויך זענען פארהאן מענער וואס נייגן צו מענער און פרויען צו פרויען, אדער מענער צו ביידע און פרויען צו ביידע, און אפילו א מענטש וואס געווענליך וועט ער נייגן צו איין מין, מיינט נאך נישט אז דאס איז אלעמאל דער פאקט. עס קען זיך מאכן אז עס וועט זיך בייטן זיין נייגונג.

כדי צו ווייזן אז דער זאך איז ווייט נישט אזוי איינפאך און קלאהר ווי עס וויל זיך דאכטן פונעם ערשטן בליק:
קען זיין א מענטש וואס ביים געבורט האט ער באקומען דער מאנליכע אידענטיפיקאציע צוליב זיין אויסערליכע קערפער. ער האט עס געביטן נאכדעם וואס עס איז נישט געגאנגען אין איינקלאנג מיט זיין אינערליכע אידענטיפיקאציע און דאן נייגט איר, אלס ווייבליכן, צו דער ווייבליכן צוליב איר נייגונג צו דעם זעלבן מין.

[שמעקעדיג]

נעבעך, וואס טוען די מענטשן אין ביהמ"ד? זיי זענען כסדר עובר אויף ולא תתורו?

איך פרעג ווייל איך ווייס נישט.

זיי דארפן גיין מיט די אויגן אראפ אין ביהמ"ד אויך... זיי מוזן אלעמאל ארומגיין מיט שמירת עינים גלעזער... אדער אפשר גאר מיט א טלית איבערן קאפ...

דו האסט מיר אויפגעשאסן...

[[NAMELESS]]

די פוינט איז נישט צו דו שטייסט מיט די דאזיגע געמיינדע צו נישט, די פוינט איז צו דו אנערקענסט אז די אנטי-געי סענטימענט איז א טייל פון די פארגאנגענהייט (הגם ס'גייט לכאורה צוריקקומען ערגעצוואו אינעם עתיד, פונקט ווי ס'איז צוריקגעקומען נאכ'ן גריכישן געי עפאכע, אבער פאר די נעקסטע טויזענט יאר איז דאס די מצב). די שווארצע האסע האבן זיך די Judeo-Christian פונדאמענטאליסן שוין אויסגעלערנט צו האלטן ביי זיך אין בויך, סיידן אז דו ביזט אן אנטיסאושעל KKK אדער נעא-נאצי קוקו דאן זאלסטו טאקע שטיין אין די גאסן און שרייען צוזאמען מיט סאנדיק און די נטורי קרתא און די Westboro Baptist Church, אדערווייז לערן זיך אויס אז סייג לחכמה שתיקה, ווילאנג דו עפנסט זיך נישט אויף דאס פיסקל וועט מען כאטש מיינען אז דו ביזט א חכם...

איך וויל נישט פארדרייען דעם אשכול, אבער אזעלכע תגובות מאכן מיר זיך וואונדערן וואס גייט פאר אין דיין מח. פארוואס האלטסטו אז דיינע ארגומענטן זענען מאסגעבנד?!

"אנערקען אז דיין מהלך המחשבה איז א פארגאנגענהייט", כ'מיין, וואס האט דאס מיטן אמת אדער מיטן גערעכטיקייט? ער דארף אויסלעשן זיין מח ווייל די לינקע אגענדע האט געוואונען(?) דעם קאלעקטיוו?

דאס שרייען "האסע" (אדער "פאביע") איז א שטרוי-מאן ארגומענט בתפארתה (איך דארף מסביר זיין פארוואס??). און וואס דו שרייבסט דערנאך איז סתם אד-הומינם.

און נאכדעם אין די נאמען פון "חכמה" פארשטילסטו אים... א ודאי "חכמה" איז קאפירייט ביי דיר...

[ברוך שפינוזה]

א. דו פרעגסט וואס האט די פאקט אז דיין געדאנקענגאנג איז א פארגאנגעהייט מיט'ן אמת, איך פרעג פארקערט, וואס האט די פאקט אז דיין געדאנקענגאנג איז אמת (לשיטתך) מיט'ן פאקט אז דיין מיינונג איז טאטאל איררעלעוואנט און אפילו די לאמפ צוקראצט זיך גאנץ ווייניג דערפון? איי דו האלטסט יא אזוי? ביזט הונדערט פראצענט גערעכט! אבער איך פרעג דיר, וואס וואלטסטו געראטן פאר א נאנטן חבר דיינער וואס איז א flatearther אדער האלט אז שווארצע דארפן זיין קנעכט אדער סיי וועלכע צוריקגעשטאנענע שיטה, וואלטסטו דען איהם נישט אויך געראטן זיך צו האלטן דאס מויל פשוט פאר זיין אייגן כבוד? קענסט די מעשה פון יענער וואס איז געפארן אויפ'ן הייוועי wrong way, אינמיטן הערט ער אויסרופן אויפ'ן ראדיו "דער עולם זאל אכט געבן ווייל ס'דא א משוגענער וואס פארט wrong way", גיבט ער א שריי אויס צו זיך "איין משוגענער? איך זעה הונדערטער משוגעים פארן wrong way", והנמשל מובן מאליו. הערסטו? די וועלט איז נישט משוגע, און אויב האלטסטו אז יא פאר דיין אייגן בענעפיט האלט דיינע טעאריעס ביי זיך אין בויך, סיידן אז דו האלטסט אז דו האסט ראיות חותכות צו דיין שיטה נישט סתם פסוקים פון א 2,000 יעריגן בוך, דאס איז נישט די וועג איבערצוצייגן מענטשן.

ב. דו פרעגסט צו דו דארפסט אויסלעשן דיין מוח ווייל דו טראכסט אנדערש פונעם צייטגייסט, איך האלט נישט אזוי, אדרבה, מאך זיכער צו האלטן דיין מוח אנגעצינדן די גאנצע צייט, אויך ווען דו הערסט ארגומענטן וואס זענען פארקערט פון דיין שיטה.

ג. האסע און פאביע איז נישט קיין שטרוימאן, ס'איז א ווארט וואס האט א דעפינישן אינעם ווערטערבוך. און איך וועל דיר זאגן אפן און גראב, איך בין א האמאופאוב, וואס קען איך דען טוהן, אזוי האט מיר גאט באשאפן. ווי אויך בין איך אן Arachnophob, און יא, ווען איך האב אמאל געזעהן א אינגל אין קעמפ זיך שפילן מיט א שפין האב איך געהאט nightmares דערפון פאר אפאר נעכט, איז מיר דען איינגעפאלן פאר איין מינוט איהם צו צוקייען דעם מוח דערוועגן? לאז לעבן, אני בשלי והוא בשלו.

ד. חכמה איז נישט קאפירייט ביי קיינעם, און חכמה מיינט נישט זיין גערעכט, חכמה מיינט זיין קלוג. צו די אנטי-געי פראפאגאנדירער זענען גערעכט צו נישט קען מען נאך דעבאטירן, אבער קלוג זענען זיי נישט, סיידן אז זיי ווערן באצאלט פאר די דעבאטעס.

[berlbalaguleh]

נעבעך, וואס טוען די מענטשן אין ביהמ"ד? זיי זענען כסדר עובר אויף ולא תתורו?

איך פרעג ווייל איך ווייס נישט.

זיי דארפן גיין מיט די אויגן אראפ אין ביהמ"ד אויך... זיי מוזן אלעמאל ארומגיין מיט שמירת עינים גלעזער... אדער אפשר גאר מיט א טלית איבערן קאפ...

דו האסט מיר אויפגעשאסן...

דאס ברענגט מיר צו טראכטן איבער די סופער-הייליגע אידן וועלכע טוען אט די שטיק. אדער טוען זיי עס פאר אטענשן/פובליסיטי אדער ווילן זיי סתם פאפן די מענטשהייט ואין תוכם כברם. כמובא ב'ספר קב הישר ובספר חסידים.

[[NAMELESS]]

נעבעך, וואס טוען די מענטשן אין ביהמ"ד? זיי זענען כסדר עובר אויף ולא תתורו?

איך פרעג ווייל איך ווייס נישט.

%100
ער שפירט אין בית מדרש דאס וואס דו שפירסט ווען דו דרייסט זיך און פארברענגסט מיט פרויען די מקווה איז א גאנצע אפקומעניש אדער אן עדשוינמענט...

[[NAMELESS]]

א. דו פרעגסט וואס האט די פאקט אז דיין געדאנקענגאנג איז א פארגאנגעהייט מיט'ן אמת, איך פרעג פארקערט, וואס האט די פאקט אז דיין געדאנקענגאנג איז אמת (לשיטתך) מיט'ן פאקט אז דיין מיינונג איז טאטאל איררעלעוואנט און אפילו די לאמפ צוקראצט זיך גאנץ ווייניג דערפון? איי דו האלטסט יא אזוי? ביזט הונדערט פראצענט גערעכט! אבער איך פרעג דיר, וואס וואלטסטו געראטן פאר א נאנטן חבר דיינער וואס איז א flatearther אדער האלט אז שווארצע דארפן זיין קנעכט אדער סיי וועלכע צוריקגעשטאנענע שיטה, וואלטסטו דען איהם נישט אויך געראטן זיך צו האלטן דאס מויל פשוט פאר זיין אייגן כבוד? קענסט די מעשה פון יענער וואס איז געפארן אויפ'ן הייוועי wrong way, אינמיטן הערט ער אויסרופן אויפ'ן ראדיו "דער עולם זאל אכט געבן ווייל ס'דא א משוגענער וואס פארט wrong way", גיבט ער א שריי אויס צו זיך "איין משוגענער? איך זעה הונדערטער משוגעים פארן wrong way", והנמשל מובן מאליו. הערסטו? די וועלט איז נישט משוגע, און אויב האלטסטו אז יא פאר דיין אייגן בענעפיט האלט דיינע טעאריעס ביי זיך אין בויך, סיידן אז דו האלטסט אז דו האסט ראיות חותכות צו דיין שיטה נישט סתם פסוקים פון א 2,000 יעריגן בוך, דאס איז נישט די וועג איבערצוצייגן מענטשן.

ב. דו פרעגסט צו דו דארפסט אויסלעשן דיין מוח ווייל דו טראכסט אנדערש פונעם צייטגייסט, איך האלט נישט אזוי, אדרבה, מאך זיכער צו האלטן דיין מוח אנגעצינדן די גאנצע צייט, אויך ווען דו הערסט ארגומענטן וואס זענען פארקערט פון דיין שיטה.

ג. האסע און פאביע איז נישט קיין שטרוימאן, ס'איז א ווארט וואס האט א דעפינישן אינעם ווערטערבוך. און איך וועל דיר זאגן אפן און גראב, איך בין א האמאופאוב, וואס קען איך דען טוהן, אזוי האט מיר גאט באשאפן. ווי אויך בין איך אן Arachnophob, און יא, ווען איך האב אמאל געזעהן א אינגל אין קעמפ זיך שפילן מיט א שפין האב איך געהאט nightmares דערפון פאר אפאר נעכט, איז מיר דען איינגעפאלן פאר איין מינוט איהם צו צוקייען דעם מוח דערוועגן? לאז לעבן, אני בשלי והוא בשלו.

ד. חכמה איז נישט קאפירייט ביי קיינעם, און חכמה מיינט נישט זיין גערעכט, חכמה מיינט זיין קלוג. צו די אנטי-געי פראפאגאנדירער זענען גערעכט צו נישט קען מען נאך דעבאטירן, אבער קלוג זענען זיי נישט, סיידן אז זיי ווערן באצאלט פאר די דעבאטעס.

איך האף אז דו פארשטייסט אז דיין נקודה א' קען ווערן גענוצט צו פארטיידיגן יעדע שטות און רשעות שבעולם, קנעכטשאפט פון שווארצע וואלט זיך קיינמאל נישט אפגעשטעלט ווען מענטשן וואלטן גענוצט די "עצה".

נקודה ג', שטרוימאן ארגומענטן האבן אלע א דעפיניציע אינעם ווערטערבוך, נישט דאס איז די חסרון דערפון. די פראבלעם איז ווען מען לייגט דאס בע"כ אינעם בר פלוגתא'ס ווערטער אינדערצייט וואס ער האט דאס קיינמאל געזאגט. (ווען איך זאג אז איינער איז קראנק מיינט נישט אז איך האב איהם פיינט, און אויב דו קענסט מיר נישט אפפרעגן בויעסטו א שטרוימאן כאילו איך האב איהם פיינט און דעם שטרוימאן קענסטו טאקע געוואונען)

ווען דו וואלט ערליך געהאלטן נקודה ב' וואלסטו נישט געשריבן נקודה ד'.

[ברוך שפינוזה]

איך זאג איין זאך, מילא אז דו ביזט געי און דו ווילסט האבן רעכטן פארשטיי איך פארוואס דו חושסט ארום אין לגבט שטותים, אבער דו ביזט דאך יא מסודר מיט דיינע רעכטן (עכ״פ מה שנוגע איידענטיטי פאליטיקס). וואס ווילסטו פון מענטשן׳ס לעבן האבן? האסטו עפעס דערפון? האסטו שוין אמאל איינעמ׳ס לעבן פארבעסערט מיט דיין איצטיגן כח הטענה? וואס איז פשט פון דעם קאפ אין וואנט פונדאמענטאליזם לשם פונדאמענטאליזם? לאז אפ, תשחרר. האסטו עפעס צו ענטפערן דערויף וועל איך מיך פרייען צו הערן, די אנדערע פוינטס זענען נישט ממש רעלעוואנט צום אישו.

[[NAMELESS]]

ס'איז נישט קיין נפק"מ צו דו מיינסט צו אטאקירן, פאקטיש טוסטו דאס.

די טענה אז ער איז מסודר איז קיין טענה, די דרום שטאטן האבן דאס גע'טענה'ט אויף די צפון שטאטן לגבי די קנעכטשאפט, און זיי זענען נישט געווען גערעכט. און כמובן זענען די לעבנס פון די שווארצע פארבעסערט געווארן מיט די כח הטענה פון די צפון שטאטן.

"קאפ אין וואנט" "פונדאמעטאליזם לשם פונדאמעטאליזם" זענען ווייטער שטרוימאן ארגומענטן. דו דרייסט זיך ארויס פון זיך באציהען צו די תוכן פון זיינע ווערטער דורך דיין הנחה קדומה אז זיינע ווערטער האבן נישט קיין תוכן.

[ברוך שפינוזה]

די טענה אז ער איז מסודר איז קיין טענה, די דרום שטאטן האבן דאס גע'טענה'ט אויף די צפון שטאטן לגבי די קנעכטשאפט, און זיי זענען נישט געווען גערעכט. און כמובן זענען די לעבנס פון די שווארצע פארבעסערט געווארן מיט די כח הטענה פון די צפון שטאטן.

זייער שיין, יעצט פיר אויס, וואס האבן די אנטי-געי וויזויהייסטעס (ח"ו נישט פונדאמענטאליסטן ווייל ס'איז א שטרוימאן ארגומענט) ביז היינט פארבעסערט פאר דאס מענטשהייט מיט זייערע דברי חכמה? און וויאזוי פלאנען זיי צו הייבן אונזער לעבנסקוואליטעט אויף ווייטער? אויב אזא פלאן איז נישטא אויפ'ן האריזאנט איז דאס פונדאמענטאליזם ביי דעפינישן (און לשיטתך אויך א שטרוימאן).

מיין הנחה קדומה איז אז כדי א מענטש זאל אוועקגעבן זיין הארץ און/אדער אידענטיטעט פאר א cause מוז ער האבן א וויזיע וואו ער פלאנט אנצוקומען דערמיט, און איך זעה נישט וואו די אנטי-געי נישט-פונדאמענטאליסטן פלאנען אנצוקומען מיט זייערע פראפאגאנדע. און נאכאמאל, איך רעד פון פראפאגאנדע, נישט פון סתם האלטן דעם "אמת" ביי זיך אין בויך, איך רעד פון אקטיוו זיך ארומדרייען און שרייען אין טויבע אויערן אריין נוסח ציממערמאן סתם פאר די סעיק פון פיטערן דעם אידענטיטעט. מילא בען שפירא פארשטיי איך ווייל ער שארט מילליאנען דערפון, אבער די פשוט'ע מענטשן וואס דרייען זיך ארום און ס'שפריצט פון זיי די וויזויהייסטעס (ח"ו נישט פאביע אדער האסע ווייל ס'איז א שטרוימאן) אויף יעדע זאך וואס שמעקט נאר פון די לגבט און איבעראל טרעפן זיי רמזים וואו די דיעפ סטעיט פרובירט זיי צו ברעינוואשן א.א.וו., פארוואס? פארווען? פארוואו?

[שמעקעדיג]

סיידן אז דו האלטסט אז דו האסט ראיות חותכות צו דיין שיטה נישט סתם פסוקים פון א 2,000 יעריגן בוך.

רבש"ע, וואס מיינען די ווערטער???

[קבצו זקנים]

מיין חומש איז געדריקט געווארן אין יאהר 2023

[אבטח ולא אפחד]

די שקר (און רשעות) דא איז ווייל עס איז דא א סקעיל, כלומר נישט איינער וואס האט עפעס אזא געפיהל מיינט שוין אז ער/זי איז לגבט
(האבעך בארואיגט טייל פון אייך?)
און אפילו איינער וואס האט א משיכה צו זיין גענדער, מיינט נישט אז עס איז 100 פראצענטיג, מ'קען ארויף און אראפריקן, ווי אויך במשך דעם לעבן ריקט זיך עס ארויף און אראפ.
איך גלייב אז אין איראן איז באמת דא ווייניגער ווייל מענטשן ווייסן וואס דאס קען קאסטן, פארגייט זיי דער אפעטיט, און אז סנישט דא קיין אפעטיט איז דאך נישט דא קיין אפעטיט (פארשטאנען?)
ביי בחורים אין ישיבה איז פונקט פארקערט, איך רעד נישט פון דאס וואס איז באקאנט אז זיי דרייען זיך צווישן בני מינם ממילא וכו', נאר איך מיין א נייע סברא, וויבאלד טרעפן א נישט בני מינם ברענגט מיט זיך גרויסע ריזיקעס, פארגייט דער אפעטיט, מיילא האט מען ווייניגער אפעטיט.
כ'קעניש דא מסביר זיין מער.

[אלע צוזאמען]

@ברוך שפינוזה בארואיג דיך, קיינער אטאקירט נישט דא, קיינער איז נישט דא דיך צו אונטערברענגען.
סיג לחכמה שתיקה גייט אן אויף ביידע וועגן, ס'זעהט מיר נישט אויס ווי די האלטסט דיך צום כלל.
פאר קיינעם היינט צוטאגס שטערט נישט דעם פריוואטן געי אדער לעיסביען, קיינער כהיום שטייט נישט און שרייט אויפן יחיד וואס לעבט זיך זיין לעבן, און שטערט נישט קיינעם, די קאנסערוואטיוון רעגן זיך אבער יא, ווען אינעם נאמען פון טאלעראנץ, צווינגט מען די גאנצע באפעלקערונג צו טאלערירן די משוגעת'ן אין פובליק, זאל עס זיין אויפן גאס, אין פובליק שולעס, אין מאוויס, אדער נאכמער, ווען מ'צווינגט אריין קינדער אין די חזעריי.

די וועלט איז נישט משוגע, גערעכט, און טאקע וועגן דעם איז 'באד-לייט' ביר געפאלן צום ערשטן מאל אין 'אמעריקע', אין היינט איז עס נאר די צווייט מערסט פארקויפטע ביר, אזוי אויך האט 'טארגעט' דערלייגט אזא $15 ביליאן אין צוויי קארגע וואכן, טאקע ווייל די וועלט איז נאכנישט אינגאנצן משוגע.
און ווייל די זעהסט נישט ווי די אנטי געי חברה פלאנען צו אנקומען מיט זייער פראפעגאנדע, מיינט נאך נישט אז זיי האבן נישט קיין cause.

יעצט נאכאמאל צירוק צום אנהייב, מ'רעדט נישט פון די מיעוט שבמיעוט וואס איז געבוירן געווארן מיט פארריקטע נאטורן און/ אדער קראמאזאנ'ס, זיי זענען נעבעך קראנק, פונקט ווי דער מענטש וואס איז ר''ל געבוירן געווארן מיט נאר איין פיס @שמן למאור, אפילו ס'איז א נאטורליכע ערשיינונג איז עס נאך אלץ א קרענק, די ווייטאג און חורבן איז ווען דער רבים מוז זיך צושטעלן צו א פענאמענען מיט וואס זיי זענען נישט מסכים.

[שמן למאור]

זיי זענען נעבעך קראנק, פונקט ווי דער מענטש וואס איז ר''ל געבוירן געווארן מיט נאר איין פיס @שמן למאור, אפילו ס'איז א נאטורליכע ערשיינונג איז עס נאך אלץ א קרענק.

איך האב נאכנישט געהערט קיין הסבר פארוואס דאס הייסט א קרענק. ביי מיר הייסט א קרענק א פעלער אדער א מחלה וואס שטערט א מענטש פון לעבן זיין לעבן וויאזוי ער וואלט געוואלט. אז איינער האט ליב זיין מין און איז צופרידן צו לעבן אזא סארט לעבן, דאן פארוואס הייסט דאס קראנק? ווי שוין געפרעגט ענליך, אז איינער האט ליב א מאנדע עסן און ער איז צופרידן דערמיט הייסט דאס קראנק?

ביסט נישט גערעכט מיט דעם אז די להטבי"ם לעבן זיך זייער לעבן און קיינער שטערט זיי נישט. עס ווערט טאקע בעסער פון טאג צו טאג, אבער געדענק, זיי זענען נאכנישט אנערקענט געווארן אלס לעגאלע קאפלס ביז ממש געציילטע יארן צוריק. אבאמא האט עס געמאכט לעגאל! נישט jfk און נישט ראזעוועלט, נאר 'אבאמא'! און די חברה ווערן נאך דיסקרימענירט רעכטס און לינקס יעדן טאג ובפרט אין די רעכטע שטאטן.