א כשר׳ע שטיקל חזיר פלייש

[פארוואס?]

יצחק גייט אהיים רואיגערהייט פרייטאג צו נאכטס נאכן פארברענגען מיט זיינע פריינט, ער באקומט א טעקסט-מעסעדזש פון זיין ווייב: "איך האב מיר שוין געלייגט שלאפן, ביטע מאך צו די לייט אין דיינונג רום ווען די קומסט אהיים, און אויב עס באדערט דיר נישט צו אוועק פאקן די איבערגעבליבענע בעיקאן פון די סעודה".

וואס גייט דא פאר? רעדן מיר דא פון אן ארטאדאקסישער איד? טעקסט זיך אין שבת, לעשט אויס לייטס, און עסט בעיקאן פאר די שבת'דיגע סעודה.

דער ענטפער איז: יא. מ׳רעדט דא פון איינער וואס פארלעצט נישט קיין איין הלכה אינעם שולחן-ערוך, און קען ווערן אנגערופן מיטן פולן רעכט אלס אן ארטאדאקסישער ייד.

איז אזוי, פאר די טעקסטעריי נוצט ער אונזער באקאנטע שבת-עפפ, אזוי אז עס איז נישט פארהאן קיין שום חשש חילול שבת. ווידער,פאר די לייט נוצט ער די קאשער-סוויטש, אזוי אז ער איז נישט עובר אויף קיין שום איסור על פי דת תורתינו.

אבער וואס טוהט זיך מיט די בעיקאן? הייתכן?! אן ארטאדאקסישער ייד עסט חזיר פלייש בריש גלי?

נו, לאמיר אייך באקאנט מאכן מיט א סייענטיפישע פארשריט, וואס כאטש עס איז נאכנישט אין פולן אמט היינטיגע צייטן, אבער עס וועט בקרוב זיין אן אמת׳ער מציאות.

לאמיר זיך באקאנט מאכן מיט א ביאלאגישע מושג וואס הייסט cloning, אדער אין עברית הייסט עס "שיבוט", דאס איז א וועג וואס א בעל-חי (אקטועלי, יעדע זאך וואס לעבט) קען געבוירן א צווייטע בעל חי אהן דעם וואס ער זאל נוצן א פרעמדע בעל חי, (אנדערש ווי די געווענליכע נאטורליכע וועג וואס בעלי חיים אין אלגעמיין פרעדוצירן זיך).

דא רעדן מיר פון א געוויסע טעכנאלאגיע וואס מ'קען אין א לעברעטארי, נעמען צעלן פון א בעל חי, און פראדעצירן פון דעם נאך און נאך צעלן. אין טעאריע, איז גענוג איינצעלנע צעלן פון א קוה (מ'דארף איהר ניטאמאל שחט'ן, און מ'קען דערפון סופלייען טאנען פון פלייש פאר אייביג און מ'וועט מער קיינמאל נישט דארפן נוצן נאך בעלי חיים (בדרך אגב, א גוטע בשורה פאר די וועדזשעטעריאנס).

פאר צוויי יאהר צוריק, האבן שוין סייענטיסן פארגעשטעלט פאר עסן-אינספעקטארס, און זיי האבן געטעיסט פון די פלייש, זייער רעאקציע איז געווען, אז עס פיהלט כמעט פונקט ווי ארגינעלע פלייש.

ווי ערווארטעט איז שוין די הלכה'דיגע נושא ארויף על שולחן מלכים, מאן מלכי רבנן. מ׳האט שוין דן געווען דערויף כדת של תורה, זה בונה וזה סותר.


הרב צבי רייזמאן שליט״א פון לאס-אנדזשעלעס (מחבר ספרי רץ כצבי, ועוד), האט מאריך געווען אין דעם נושא, אין סורפרייזינגלי קומט ער ארויס מיט א היתר, וויבאלד עס איז בטל בששים (אדער באלף), און נאך כמה וכמה צירופים. ער שרייבט דארטן אויך אז מ'מעג עס אזעלכע פלייש מיט מילך.

זעלבסט פארשטענדליך, אז די אוסרים בלייבן נישט שולדיג, און זענען מנמק זייערע טעמים לאסור בטוב טעם ודעת.

ווארט-זאגער און עקספערטן וועלן זאגן, אז עס וועט מקויים ווערן פולקאם די באקאנטע מדרש, (יעצט גיי פרעג מיר ווי עס שטייט? איך ווייס נישט, אזויפיהל ווייס איך אז דער אור החיים ברענגט עס אין פרשת שמיני). למה נקרא שמו חזיר? לעתיד לבוא הקב"ה מחזירו להיתר.

תלמידי חכמים ווייסן צו צייכענען די גמרא (חולין דף ק"ט ע"ב), כל דאסר לן רחמנא שרא לן כוותיה, אסר לן דמא - שרא לן כבדא ... חזיר - מוחא דשיבוטא. (ווי אויבן געשריבן, אין עברית ווערט אט די טעכנאלאגיע אנגערופן "שיבוט").

ערליכע אידן בכל מקומות מושבותיהם קוקן ארויס מיט שפאנונג, אז די מאמר חז״ל זאל שוין טאקע מקויים ווערן, און באטראכטן עס אלס איינע פון די סימנים פון די גאולה הקרובה לבוא, בב״א.

[[NAMELESS]]

ווי קען מען זעהן די בירור פון הרב רייזמאן? וואס טוט זיך מיט כל היוצא מן הטמא טמא?

[ישמעאל הכהן]

די תוצאות גיין נאך ווייטער, מוועט נישט קענען מער שרייען איינער אויפן צווייטן 'דו חזיר!'

[קוקה קולה...]

הערשט דעמאלסט וועט מען קענען שרייען דו אנגעפאשעטע חזיר !נאכן פארשטיין די ריכטיגע באדייט!!

[קוקה קולה...]

על זה היום קיווינו.
ב״ה עס איז שוין דא אויף וואס מוחה צו זיין
ווי גייט דער סלאגאן אויפן שבת עפפ.״עס איז נישט שווער צו זיין א איד״
יא יא אונז האב מיר א גוטע טאטע וואס לאזט אונז זיך אביסל אויסלופטערן!!
לא אלמן ישראל!!!

[berlbalaguleh]

פארוואס: ייש"כ פאר ארויסברענגען אט די נקודה. אויך פאר דעם פראוואקאטיוון קעפל..."א כשר'ע שטיקל חזיר פלייש"...!
אויך האב איך געוואלט אנמערקן אז וואס די גמ' זאגט אז דער דג "שיבוטא" האט א טעם ווי חזיר, און איז מותר צו עסן, מיט דעם ווארט "שיבוט" אין מאדערנע עברית צו דעפינירן "קלאונינג" איז אפשר א קא-אינסידענס, א צופאל. אבער יעצט זעה איך אז דאס איז בכוונה אויסגעקליבן געווארן.
נאך א ראיה אז עברית איז א קולטורעלע שפראך און איז באזירט אויף שטארק אריגינעלע מקורות. ס'איז אפשר א טמא'נע שפראך, לפי שיטת רביה"ק מסאטמאר זי"ע הבעל דברי יואל. אבער זיכער נישט קיין דזשאנק שפראך. אזוי ווי א סאך נארישע מענטשן ווילן זאגן...!

[פארוואס?]

ווי קען מען זעהן די בירור פון הרב רייזמאן? וואס טוט זיך מיט כל היוצא מן הטמא טמא?

די מאמר איז געשריבן אין די יערליכע הלכה אויסגאבע תחומין לד, 99. אונטערן קעפל "בשר מתאי גזע".

[פארוואס?]

אויך האב איך געוואלט אנמערקן אז וואס די גמ' זאגט אז דער דג "שיבוטא" האט א טעם ווי חזיר, און איז מותר צו עסן, מיט דעם ווארט "שיבוט" אין מאדערנע עברית צו דעפינירן "קלאונינג" איז אפשר א קא-אינסידענס, א צופאל. אבער יעצט זעה איך אז דאס איז בכוונה אויסגעקליבן געווארן.

דיין געדאנק איז שוין געווארן דערמאנט בפתיחת האשכול, וברוך שכיוונתי.

[מצטמק ויפה]

באשריבן אמאל אין מאחורי א לאנגע באריכט וויאזוי דער קלוינינג ארבייט.
סייענטיפשע חידוש: קינד אן א טאטע

[שמעון וואלף]

טעקסטן, אויסלעשן א לייט, חזיר דאס אלעס קען איך נאך דערהייבן. אבער וויאזוי טראגט ער ארום דעם סעלפאון, ווילסט מיר זאגן אז ער האט אפירגעקראצט א היתר אויפ'ן עירוב אויכעט?

[berlbalaguleh]

שמעון וואלף: דו האסט גוט ארויסגעברענגט די נקודה. אויף ענגליש ווייס איך דאס ווארט:...Juxtaposed...
אויף אידיש ווייס איך נישט קיין ענליך ווארט צו דעם. אפשר ווי ס'שטייט אין חומש..."פרעו אהרן לשמצה בקמיהם"...!
אזא פנים האט מען ווען מ'האלט אידישקייט מיט פאליטיק און אגענדעס... די קליינע קינדער אין א געוויסע "הייליגע" אידישע געגנט קענען שרייען...דער טמא'נער עירוב....! און אין די זעלבע צייט גייען בחורים און ציפן די מח--- ביי פרויען וועלכע גייען שבת מיט א קערידזש אויפ'ן גאס...!

[מי אני]

אז מ׳רעדט שוין פון קלוינינג, איז די קליפ ברענגט גוט ארויס פארוואס קלוינינג אין פיזיקס (וואס מיינט עפעס אנדערש און מער פונקטליך ווי קלוינינג אין ביאלגיע, פון וואס די אשכול רעדט) איז אומעגליך.

[איציקל]

Lab grown meat approved by USDA

https://apnews.com/article/cultivated-m ... 1cdbf6b39a

[פאלאצ'ינטא]

ביים מלבים איז געוועהן אמאהל אז א אידישער פרוי איז קראנק געווארען און די דוקטורים האבען איהר געזאגט אז עס איז נאר דא איין רפואה, אז זי עסט חזיר.

האט זי נישט געוואלט מען האט איהר פראבירט צורעדען אז עס איז סכנת נפשות און מען מעג.

האט זי מסכים געוועהן אויף איין תנאי. מען דארף שחטן דעם חזיר כהלכה.

האט מען גענומען א שוחט און מעשה שטן הצליח ביים בודק זיין די לונגען האט זיך געמאכט א שאלה. איז מען געקומען צום מלבים.

האט ער דאס בודק געוועהן און געזאגט...

ביי א כשר'ה בהמה וואלט דאס געוועהן כשר אבער ווי קען מען זאגען אויף א חזיר אז עס איז כשר

[berlbalaguleh]

פאלאצ'ינטא: ייש"כ. בנוסח אחר שמעתי. אז ס'געוען א איד זייער א פרומער.די מעשה מיט די דאקטוירים איז די זעלבע. האט דער איד געזאגט אז ער גייט נאר עסן חזיר בתנאי אז מ'וועט עס שעכטן כהלכה. ווען מ'איז געקומען פרעגן דעם רב וואו (אויפ'ן האלז) מ'דארף שעכטן דעם חזיר. האט זיך דער רב אנגערופן...אז מ'עסט חזיר דארף מען נישט שעכטן...וד"ל וק"ל ואכמ"ל וכו' וכו'

[לייביששרייבער]

פארוואס: ייש"כ פאר ארויסברענגען אט די נקודה. אויך פאר דעם פראוואקאטיוון קעפל..."א כשר'ע שטיקל חזיר פלייש"...!
אויך האב איך געוואלט אנמערקן אז וואס די גמ' זאגט אז דער דג "שיבוטא" האט א טעם ווי חזיר, און איז מותר צו עסן, מיט דעם ווארט "שיבוט" אין מאדערנע עברית צו דעפינירן "קלאונינג" איז אפשר א קא-אינסידענס, א צופאל. אבער יעצט זעה איך אז דאס איז בכוונה אויסגעקליבן געווארן.
נאך א ראיה אז עברית איז א קולטורעלע שפראך און איז באזירט אויף שטארק אריגינעלע מקורות. ס'איז אפשר א טמא'נע שפראך, לפי שיטת רביה"ק מסאטמאר זי"ע הבעל דברי יואל. אבער זיכער נישט קיין דזשאנק שפראך. אזוי ווי א סאך נארישע מענטשן ווילן זאגן...!

זייער ווייניג מענטשען קענען די עכטע עיברית. די שפראך וואס די פשיטי עם רעדט דארט רעדן איז דזשאנק.
אבער די עכטע שפראך וואס איז געווארן ריווייבד ביי אליעזר בן יהודא אין די שפעטע 18טער הינדרעט יארן, איז זיכער אנדערש.
דער מחבר פונעם שפראך האט זיכער אויסגעארבעט דעם שפראך מיט זייער שטארקע יסודיתדיגע יסודות.
עס איז שוין דער זמן און איך האב נישט קיין שבת עפפ.
אבער ווי שוין ערווענט אין מיינע פריערדיגע תגובה'ס אז אויסער עובדה דחול איז לכאו' נישטא קיין שום איסור שבת, און דער שבת עפפ נעמט נישט אוועק דעם עובדה דחול.
שבת שלום ומבורך אלע חבירים און ידידי הק''ש ולכל ישראל.

Sent from my SM-S908U using Tapatalk

[berlbalaguleh]

לייביששרייבער: דער המון עם אין מדינת ישראל רעדט זיכער א "דזשאנק "שפראך. זיי נעמען עס פון די (פרייע) צייטונגען ווי ידיעות אחרונות און מעריב. אדער אפשר שרייבן די (נישט רעליגיעזע) צייטונגען אין א "סלענג" אדער גאסן שפראך כדי דער המון עם זאל עס קענען פארשטיין. ווייל צו רעדן א קולטורעלן עברית דארף מען גיין אין א ישיבה און לערנען תנ"ך און משניות וגמ' תוס'. אין די (אנטי רעליגיעזע) פאבליק סקולס לערנט מען די פראסטע שפראך.

איך האב אמאל געפרעגט פון א פרייען איזראעלי. וואס דער פשט איז פון "נדל"ן". ריעל עסטעיט. פון וואו דאס קומט? האט ער מיר געענטפערט...נדל"ן זה נדל"ן...! ער האט נישט געוואוסט אז דאס קומט פון די גמרא...דאס איז די ראשי תבות פון..."נכסי דלא ניידי"...! פון וואו זאל ער דען וויסן. ער איז דאך א תינוק שנשבה...!

[פונדאַמענטאַל]

דשאנק שפראך איז נישט מיוחד צו ישראל. דאס איז די מציאות אין די היינטיגע קולטור ביי אלע שפראכן. די אמעריקאנער רעדן אויך א דשאנק ענגליש וועלכע איז ווייט פון די ענגליש וואס מען האט גערעדט אמאל.

שפראכן evolve'ען און טוישן זיך מיט די צייט. דערפאר איז די טענה פון קנאים קעגן עברית זינלאז, יעדע שפראך איז זיך מתפתח מיט די צייט און טוישט זיך מיט די דורות. עברית האט זיך נישט אנגעהייבן טוישן אין די יארן ארום די גרינדונג פון די מדינה, עס האט זיך געטוישט כל הזמן. לא הרי לשון המשנה כלשון המקרא, ולא הרי לשון האחרונים כלשון הראשונים. דאס איז די טבע פון שפראך.
אלס רעזאלטאט פון דעם, איז די טוישונג אין שפראך שטארק געוואנדען אין די וואס באניצען זיך מיט דעם. אויב די מענטשען וואס רעדן די שפראך זענען געבילדעטע מענטשען וועלן זיי זיך באניצען מיט די שפראך אויף א הויכער קאליבער, ווידעראום אויב זענען די מענטשען וואס רעדן די שפראך דשאנקי וועלן זיי נעמען די שפראך צו א מקום פון דשאנק.

Sent from my M2101K7BG using Tapatalk