וואס איז דיין האבי?

[איך הער..]

יעדער מענטש האט איין זאך וואס ווען נישט דער בְּזֵעַת אַפֶּיךָ תֹּאכַל לֶחֶם וואלט ער דאס געטאן אפילו אומזיסט, פשוט ווייל ער גלייכט דאס צי טאן און ס'ברענגט אים פארגעניגן און ס'געט אים א פלאץ זיך אויסציליפטערן.

איך האב שוין קע"ה אנגעטראפען מענטשען מיט כל מיני אינטערעסאנטע האבי'ס, צימאל ווער איך ממש ערשטוינט צי זען ווי א זאך וואס איך וואלט זיך נישט פארגעשטעלט אז עס איז דא אינטער דעם עפעס אינטערעסאנט, איז למעשה דא א וועלט אינטער דעם פון שווערע טויזענטער הייסע נאכפאלגערס און פארום'ס, קאלעקטערס און וואס נישט.

אלזא, עפען איך דער אשכול אז דער עולם פאר ווער ס'וויל זאל קענען מיטיילען וואס זייערע האבי'ס און אינטערעסן זענען, מיין ציל מיט דעם אשכול איז צווייפאכיג, איינס, פשוט ווייל עס איז אינטערעסאנט, אין אפשר וועט מען טרעפען עפעס נייע זאכען וואס לוינט זיך אויסציטשעקן. און צוויי, האפענטליך וועט מען טרעפן איינער וואס גלייכט עפעס ענדליך צי דיר און מען קען ציזאמען עקספלארן און זיך אויסשמיסען איינע די אנדערע.

ס'וואלט געווען כדי אז מ'זאל צילייגען אביסל אינפראמאציע ווי מען קען מער ליינען אדער זען וועגן די נושא, כדי אויב איינער וויל אויסטשעקן די זאך זאל ער האבן ווי אנצופאנגען.

מיין ליסטע קיקט אויס עפעס אזוי..

1) גיטאר, בעיקר Acoustic Fingerstyle, דאס איז ממש א וועלט פאר זיך, אין אויך גאר קאמפלעצירט צי זיין באמת גוט דערין, די גרעסטע לייבן אין דעם זענען Tommy Emmanuel וואס איז ממש נישטא זיינס גלייכן, אויך איז דא richard Smith וואס איז אויך ריזיג.

2) מינעטשערס ( Dioramas/Miniatures), געוויסע מיינען אז דאס איז נאר געמאכט פאר ערב סוכות, אבער ס'דא מענטשען וואס זענען פארנימען דערמיט א גאנצע יאר, די צוויי בעסטע יו טויב טשענעלס פאר דעם איז לענ"ד Luke Towan מ'קען ממש משוגע ווערן וואס דער בחור קען אלס, אויך איז דא laser creation-world וואס איז אויך גארנישט אוועק צימאכן.

3) עוויעשאן (Aviation), דאס איז נישט געמאכט פאר יעדעם, ס'דא גראדע אסאך היימישע פילאט'ס וואס איך קען, אבער משום איזה סיבה שהיא איז די וואס שעמען זיך דערמיט מ'האט מורא אז ס'שאד פאר שידוכים פאר די קינדער! א מעשה מיט א בוידעם. איך האב זיך אנגעהויבן לערנען פאר א שטיק צייט אבער כ'האב עס אפגעלאזט אינדערמיט ווייל ס'קאסט א געוואלד מיט געלט אין צייט, ביידע פון וואס איך האב נישט גענוג, אי"ה איין טאג וועט מען זיך צריקנעמען דערצו, אבער פאר ווער ס'וויל איז דא א גוטע פלייט סקול אין somerset airport און נוי דזשערסי.