באריכט:
קהל'ס איז א איזי גאואינג פרייליכע פיגור. ליידער פיצט ער די בארד ל"ע.. גייט מיט א טישורט אנגעקאטשקעט מיט א מאחורי סלענג.. (בילדער פון נשים זענען אויסדריקלעך נישט ערלויבט אויף זיין טישורט, אבער די רעקל פארדעקט עס ממילא) רחמנא לשיזבן. געט נישט קיין דעקל פאר קיינעם. א פאלנער לץ ר"ל.. אבער דאך ער טוהט נישט אויס דעם שטאפן היטל פאר קיין רגע. ס'הייסט, כ'בין דאך קהל'ס נער..
צוזאמגעדרייט איז דער גראבע הענדסאם, שיין און קלין, מיט זיין קאטען ציצית'ל איבערן טישורט. א וואוילער, א צוגעלאזענער. רואיג און שטיל. יא ער שרייבט שארף מיט שיטות, אבער איז א וואוילער און טויגליכער. אויפן נאז קוקט אויס ווי ער האט א פיינעם שלום בית.
(כמו שידוע על @רביה"ק זי"ע, ו@ברוך שפינוזה, זיי שרייבן אמאל זייער שארף, אבער זיי זענען גאלדענע האומבעל מענטשן, פארדעם זענען זיי בעסטע פריינט..)
שמעקעדיג'ס משפחה ווייסט ניטאמאל אז ער שרייבט דא. ער איז געהעריג אינעם סיסטעם, א גרויסע גרויע בארד מיט פּעך שווארצע שורות, צעפליקט פון אזויפיהל קנאבל קניפן. [קענסט עס שוין אראפלאזן, זאג איך אים... חלילה! כ'בין דאך דער ראש הקהל...]
געקניפטע פאות, מיט א גרויסע שמייכל. איין שטיק גוטס'קייט, ישרות, שמחה, עקסעפטענס, ועין טוב. שטייצעך מ'האט אים געגעבן די אויבן אהן, אבער ער האט ניטאמאל באמערקט אז מ'מיינט אים, ער זעצט זיך צום זייט ביים וואנט.
פיינעלי קומט אריין א שטארקע ענערגיע אינעם צימער, וואלווי. מיט זיין שמחה, און גרויסע חן. וואלווי איז נאר טועם אביסל פון זיין טייערע פארציע, בשעת שעפטי גנב'ט ארויס פון זיין טעלער פרענטש פרייס יעדע 2 מינוט.. וואלווי ליינט אפ דיין פנים, אין א רגע ווייסט ער וואס דו פיהלסט, ווילסט, וכו'. [מ'מעסט זיך די בייכל ווער איז גרעבער וואלווי צו שעפטי.. כ'געב נישט ארויס די רעזולטאטן..
]נאכן סעודה'ניו, גיימער צום פּאָל, פיינעלי דער גאלדענער איז שוין אנגעקומען. דער שלאנקע הויכע שטילער פערזאן, מיטן הויכן ביבער הוט [וואס זוכט א ביבער הוט אין סאטמאר?! אתמהה. ווי אויך נאך אזויפיהל ליינען און שרייבן האסטו נאכאלס נישט קיין גלעזער?!]
מיט זיין איבער'געקלוגטן שמייכל אבער נאבעלע מדות.
מיט זיין ברייטע אויסגעשפרייטע ברוינע גרויע בארד, אבער יונגע צורה.
מיט זיין שטארקייט, אבער האמבילעטי און וואנערבולעטי.
--
עטץ ווילטס אוודאי וויסן וואס מ'האט גערעדט... טשולדיגט, מ'קען נישט זאגן. מאחורי, חדר גבאים, חדר ישן, דעם טונקעלען פארדעמפּט'ן קעלער פון פארשפארטע אשכולות. מעקן, אויסשפארן, מנהלים. א חלום פון א פארום פון העלטה?
נעה, מ'קען יא זאגן.. (אביסל..)
פותחין בכבוד אכסניא, אונזער היינטיגער @מנהל איז ארויפגעברענגט געווארן לשבח. "ער האט אפגעשטעלט דעם מושג פון בוליאינג"!
ער שרייבט אמאל שארף. ווען איינער האט געשריבן: א שאנדע אז אזא אשכול קען בכלל בלייבן אפן. האט די מנהל געענטפערט: "א שאנדע אז דו האסט געזעהן דעם אשכול און נישט געלאזט וויסן די הנהלה דערוועגן.."
ער שרייבט אמאל מיט הומער, ווי: אופס... יישר כח פאר'ן מיר דערמאנען אז כ'דארף אויך פארשפארן דיין טראמפ 28' ניק..
תש"ח לו פאר אלע כוחות וואס ער לייגט אריין צו האלטן דעם שטיבל אלס א רואיגע ווינקל צו שמועסן און פארברענגען!! יישר כח!!
איז @טאמבל סאס די מנהל ביי עני טשענס? אויב נישט, פארוואס שרייבט ער אזוי פיהל ניבולפוי און כפירים?... נעה. זיכער נישט. ער איז בכלל נישט דעם סארט. [אפשר גאר פלוני? נע, אלמוני.. זאלעך שרייבן די נעמען? יא, זיכער. פארוואס נישט..]
מ'האט גערעדט אז ס'איז א שאד @תרמב איז נישט מיט אונז. ער איז דאך א גאלדענער מענטש, פון אלע זיינע תגובות שיינט ארויס ישרות, גוטס'קייט, טראסט, נארמאלקייט און באזעסנקייט.
נו, האופּ'פולי נעקסטיים!
פרנס החודש האט למעשה נישט געקענט קומען, מ'האט עס געשפירט, מ'קען אלעמאל ניצן דיינע שעפערישע געדאנקען, טענה'ן! ועוד, מ'זעהט דיך נישט אין שטיבל, ווי מיס יא!
די עולם האט געפרעגט ווי איז אונזער באליבטער בעל ההתוועדות הרב ר' @לייביששרייבער? א שאד ס'נישט אויסגעקומען (ער איז געוועהן פארנומען העלפן א איד), אונז האבן אבער נאר פארדינט דערפון.. אזוי גייט זיין נאך א התוועדות אויפן שיף!!
--
דער גאלדענער גייט נישט אריין אינעם פּאָל, ער טענה'ט אז ער קען נישט שווימען. זיצט ער אינדרויסן אין דער זייט בשעת אונז פלאטשקען די וואסער פון אינעווייניג, און ער דערציילט אונז: כ'בין נישט קיין גרויסע פיש מענטש, כ'האב נישט אזוי ליב פיש. אבער איינמאל ביי א טייערע רעסטאראנט, ס'געוועהן א מין פיש [כשר?..] אלע געשוויסטער זענען משוגע געווארן דערפאר. די שוועסטער גאלדי האט שטרענג באפוילן פאר גאלדי'נער "דו מוזט אונז מאכן אזא פיש נעקסטיים אונז עסן ביי דיך". גאלדענע פארשטייט דאך צו די אכילה, ער האט עקספיריענס מיט שמעלקא... ווער עס געדענקט.
הקיצור גאלדענער האט מקיים פסק געווען באהבה, און כשהגיע היום האט ער געגרילט א גרויסן פיש, די דיטעיל'ס, וועלכע פיש, די סאוסעס, וועלכע האלץ, ווי אזוי עס האט געברענט, ס'האט גענומען 15 מינוט צו דערציילן.. און ער ענדיגט צו, כ'האב עס געלאזט אויפן גריל, ס'זאל בלייבן ווארעם. מ'האט עס ארויסגענומען צום סעודה. און די רעסט איז היסטאריע..
והעיקר. ער איז בכלל נישט קיין גרויסע פיש מענטש....
גאלדענער האט זיך אויכעט געווערטעלט אויף מיין חשבון: שעפטי האט זיך אנגעריקט אין ק"ש פונקט ווי אן אפרוח שלא נפתחו עיניו וואס שפאצירט אריין אין א קענדי סטאר... [קענעך עס דען לייקענען?
]שטייצעך מ'האט גערעדט פון איצא שגץ [ר' בערל'ן. יאפ. ס'גייט נישט דורך קיין התוועדות אהן זיך דערמאנען פון זיידי!
]מ'האט אויך אנערקענט אז ס'דא אסאך נייע ניקים וואס שרייבן א מחיה. [אויב שרייבסטו איידל מיט רעספעקט, און באקומסט לייק'ס לכאו' ביסטו דערמאנט געווארן לשבח.]
--
כ'דענק נישט אלעס, אבער די געוואלדיגע עקסעפטענ'ס, ליבשאפט, כבוד חברים, געשמאקע פארברענג איז עפעס וואס כ'גיי נישט פארגעסן.
כ'זעה נאכאמאל: ק"ש איז נישט נאר א פלאץ צו שרייבן אנאנים, ווי א גנב. ס'דא אסאך נארמאלע באזעסענע מענטשן דא. מ'קען זיך באקענען מיט חברים וואס טראכטן די זעלבע. מ'קען טרעפן נשמה ברידער'ס.
אשרינו מיר זענען דא!
אונטער יעדע ניק שטייט א ברודערל וואס האט גוטע מינוט'ן און שווערע, הצלחות און אכזבות, שטארקקייטן און שוואכקייטן, פרייד און טרויער, נאנטשאפט און בענקשאפט, קאלטע שכל און הייסע געפיהל, גוטע מדות און ששש.
לאמיר אויפלאזן די מסכי הברזל הסוגרים על לבנו.
לאמיר זיך ווייטער רעספעקטן איינער דעם צווייטן.
ונראה כל אחד מעלת חברינו בעין טוב ובלב טוב.
---
גיימער ענדיגען מיט א גרויסע לאוו יא אלל!!..