אדמורו"ת קאנסאלטינג .Inc

[פארוואס?]

שוין עטליכע יאהרן פון גרויס הצלחה וואס מיר טוען אין דעם ליין בהצנע לכת אהן קיין שום אדווערטייזמענטס, קומען מיר יעצט ארויס צום ברייטן ציבור, מיט א פרייליכע בשורה: אייער חלום קען מעגליך פארווירקליכט ווערן!!! איהר דארפט נאר וויסן די ריכטיגע זאכן וואס צו טוהן, און וואס נישט צו טוהן, און איהר זענט א גליקליכער געהאלפענער! 

מיר רעדן צו די וועלכע ארבעטן שווער פון די יוגנט צו ארויפקריכן אויפן לייטער, זיי שרייען: מתי יגיעו מעשי למעשי אבותי? זיי לייענען יעדע וואך די פארשידענע אדמורי"ם בילדער מאגאזינען, און די קנאת סופרים ברענט אין זייערע הערצער.
זיי האבן פראבירט שוין לערנען אלע חסידישע ספרים, און אפילו געפראוועט תיקון חצות עטליכע מאל אין ווייבער שול (האפנדיג אז איינער וועט פונקט אריינוואנדערן), געפאסט בה"ב און געזוכט א מנין ויחל, עס האט זיך שוין אפילו עטליכע מאל ארויסגעכאפט פון זייער מויל בטעות אז זיי פארשטייען צו די קליינע אותיות, אבער אהן ערפאלג. 

מיר האבן א לייזונג צו אייערע פראבלעמען. מיר פארשטייען זייער גוט אין דעם ליין, און מיר האבן שוין אוועקגעשטעלט אסאך גדולים און אדמורי"ם אויף די פוס, אונזערע קאנסומערס זענען די מערסטע סוקסעספול, און זייערע פיקטשערס ווערן געקוקט מיט די מערסטע אינטערעסע, אנגעהויבן מיט תמימות'דיגע חדר אינגלעך און ישיבה קטנה בחורים, און געענדיגט ביי עלטערע צייט-שטיפערס אין מושב זקנים. 
מיר ספעציעליזירן זיך פאר אלע סארטן סיטואציעס, מיר קענען נעמען א פשוטער בעלעבאס וואס האט נישט מצליח געווען אין ביזנעס און איהם אויפשטעלן אויף די אייגענע פוס, און מיר העלפן אויך ארויס אזעלכע וואס האבן גע'ירש'נט א פארטיגע חסידות, עס צו קענען מעינטענען אויף א ריכטיגע וועג.
 
אנהייבן פון דאסניי
איינער וואס איז אויפגעשטאנען מיט א בייזע חלום, אז עס איז שוין געקומען די צייט ער זאל נתגלה ווערן, זענען מיר דא צו שטיין צו זיין רעכטע האנט. 

ערשטנס, וועלן מיר צוזאמען אפיהרזוכן אינעם פארצווייגטן יחוס-בוים אויב מען קען אפקלאפן די שטויב פון עפעס אן אלטע שטעטל אין יוראפ, וואס איינע פון די זיידעס האבן דארטן געוואוינט עטליכע יאהר (די וועלט זאגט דאך אז א פשוטער יוד פון די אלטע אמאל, איז חשובער פון אלע היינטיגע צדיקים), און איהם מאכן פאר דער אבי השושלת, וואס פון איהם אין ווייטער האט זיך געצויגן די גאלדענע קייט, ביז צו מורינו ורבינו שליט"א. 
אויב עס איז אומ-מעגליך צו אויפקומען מיט עפעס, קען מען נעמען פון די רעביצין'ס יחוס, און אויב עס איז נישט צום געפינען עפעס א נאמען פון א שטעטעלע אין מזרח אירופא, קען מען בדיעבד נוצן אן אמעריקאנער שטאט, אבער פארשטייט זיך נישט עפעס נאנט צום געגנט. (ביזדערווייל אז אן ארץ-ישראל׳דיגע שטאט נישט אין סטייל, עס הערט זיך נישט גענוג היימיש, מיר פראבירן מיט איבערמידליכע כחות עס צו ארייינברענגען אין די מארקעט, מיר האפן אז עס וועט אונז געלונגען, און מיר וועלן קענען אסאך גרינגער מאכן פאר אחינו בני ישראל). 
ווען עס קומט צו שידוכים, אויב האט איהר געלונגענע קינדער, דאן פארפאסט נישט די געלעגנהייט צו אריינגיין אין די רבי'שע ליסטע. מאכט זיך אפט אז גרויסע רבי'ס האבן קינדער אדער אייניקלעך בעלי מומים בגוף אדער בנפש, און זיי זענען גרייט צו פארקוקן און נעמען קליינע רבי'לעך, דאס איז פאר אייך די בעסטע געלעגנהייט צו זיך אריינרוקן בגזע המלוכה, און עס איז נישט קיין צייט צו קוקן אויף די טובה פון די קינדער. 

ארויפקריכן אויפן לייטער
דער וואס איז שוין אינעווייניג עטליכע יאהר, קענען מיר העלפן זיך ארויפארבעטן, צו אנקומען אסאך העכער ווי ער האט נאר אמאל גע'חלומ'ט. 
די ערשטע זאך מוזט איהר אויפנעמען א משב"ק (עס לוינט זיך די אינוועסמענט, אהן קיין שום צווייפל), דער משב"ק וועט מאכן זיכער אז דער נומער טעלעפאן פון רבי'ן שטייט אין די ריכטיגע פלעצער. 
אויב באקומט דער משב"ק א טעלעפאן וואס זעהט אויס א גוטע פישל (געווענליך עפעס א צובראכענע נשמה), דארף ער ענטפערן אז דער רבי איז לעצטנס זייער פארנומען איבער'ן קאפ, און מען וועט מוזן שפעטער צוריק-רופן, און אזוי מאכן זיכער אז ביז צוויי וואכן קען מען נישט צוקומען צום רבי'ן. 

זייער אסאך פרעגן מיר צו עס איז ראטזאם צו גיין צו שמחות אדער נישט, איז אזוי: עס איז זייער שווער צו ענטפערן א כללית'דיגע ענטפער, אבער וואס איז איינמאל זיכער, אז החכם עיניו בראשו, און מען דארף נעמען אין באטראכט עטליכע זאכן.
א שמחה וואס עס וועט לכאורה זיין א שיינע אויבן-אן און א פאטאגראפירער, טאר מען נישט פארפאסן, אפילו אויפ'ן חשבון פון א נאנטער חבר'ס שמחה, (דער חבר וועט לכאורה פארשטיין אז דער רבי איז א פארנומענער מענטש, און ער האט נישט קיין צייט צו קיין שמחות), עס איז אויך ראטזאם צו צוגיין צום פאטאגראפירער און איהם זאגן בפה רך בזה הלשון: איך גיי אייך נישט הייסן וואס צו טוהן, אבער איהר זאלט וויסן אז איהר טוהט מיר פערזענליך וויי, ווען איהר לייגט אריין בילדער פון מיר אין די מאגאזינען, איך קען נישט פארנעמען פירסום. 
פארשטייט זיך אז נאך די שמחה דארף מען זיכער מאכן מיטן משב"ק, ער זאל דאגה'ן אז די בילד זאל אנקומען צו די ריכטיגע פלאץ. 
בכלל איז זייער וויכטיג צו מאכן זיכער אז אייער בילד ווערט געזעהן פון צייט צו צייט אין די ריכטיגע פלעצער, עס איז איינע פון די וויכטיגסטע יסודות אין דעם ליניע. 

נאך א וויכטיגע זאך, איז צו זיין אינגאנצן אויסשטאפירט מכף רגל ועד ראש, מיט אלע שמונה בגדים, און קאלירפולע בעקיטשעס. מ'דארף האלטן אן אויג און קוקן וואס טראגט מען היינטיגע צייטן אויפן אויבן-אן, און זיך צושטעלן דערצו, ("חדש אסור מן התורה" לאזט מען איבער פארן אונטן-אן). 
פאר די ארומיגע דארפט איהר ערקלערן, אז דער משב"ק און די רעביצין האבן ארויפגעצווינגען צו אנטוהן די מלבושים, און איהר האט בלית-ברירה מסכים געווען. 

אנקומען העכער
איינער וואס איז שוין אינעווייניג, ער האט שוין אדורכגעבראכן די וועג צום מזרח-וואנט, איז נאך נישט פטור פון צו טוהן השתדלות, צו בלייבן א קדוש וטהור, און נישט חלילה נחמץ ווערן. 
איינע פון די עצות וואס מיר זאגן געווענליך פאר אזעלכע קאסטומערס, איז צו עפענען א ישיבה-קטנה, ווייל א בחור אין ישיבה קטנה איז א צייט וואס זיין נפש איז זייער גוט צו ווערן אנגעוויזן אין א מורה-דרך און א סופארטער.
כדי צו קענען כאפן פישלעך, דארף מען זיין וואכטזיניג, האלטן אפן די אויגן כסדר, און מען מוז נוצן די קאפ. מען דארף פארשטיין ווער קען זיין א פאטענציאלער מאמין באמונת חכמים, און ווער נישט. 
עס איז זייער שווער צו געבן פונקטליכע כללים, אבער אזוי פיל, אז איהר זעהט א בחור וואס האט סיפוק פון לערנען גמרא תוספות, שטייט אוועק פון איהם, ער קען אייך נאך אנמאכן אסאך פראבלעמען. איהר דארפט ציהלן אויף תמימות'דיגע פשוטע בחורים, אדער מבקשים און עובדים. 
אין אנפאנג ווען איהר זעהט איינער קלעבט זיך אן אין אייך, זאלט איהר איהם געבן אסאך אוטענשן און ליבשאפט, ביז איהר פיהלט זיכער מיט איהם, און פון דעמאלס און ווייטער זאלט איהר אנהאלטן א שטיקל דיסטענס צווישן אייך, אלס סעלף רעספעקט, און פשוט אזוי וועט איהר גורם זיין אז דער חסיד זאל האבן א תשוקה צו עפעס. (דאס איז זייער א וויכטיגע נקודה וואס אסאך זענען שוין אדורכגעפאלן אינדעם).
פון אונזער עקספיריענס האבן מיר געזעהן, אז מאנכע פארשטייען גוט צו זייער פאך, בשעת ווען אנדערע מאכן פאטאלע טעותים. 

בלייבן אויף די העדליינס
עס איז זייער וויכטיג מזמן לזמן צו זיך אנשטויסן מיט אנדערע רבי'ס און אדמורי"ם, לכתחילה זאל עס זיין א ברודער, און בדיעבד קען עס זיין מכל הבא ליד. דער עיקר אז די פאליטיקאנטן זאלן האבן וואס צו פארקויפן, און די בעלי לשון-הרע וועלן אויפשטיין און זיך לייגן מיט אייער נאמען. און מזמן לזמן וועט מען רעדן פון שלום מאכן, און עס וועט זיך טוהן פארהאנדלונגען, אריינמישן אלע עסקנים און וויכטיג-מאכערס, און צום סוף וועט איהר ארויסגיין א אוהב שלום ורודף שלום. 
קיינמאל איז נישט ראטזאם צו אויפגעבן אויף די אייגענע רעכטן, עס קען זייער דעמעדזשן אייער נאמען און אייער כבוד, א פלאץ אויפן אויבן-אן טאר קיינמאל נישט דערווישט ווערן, אלעס פארשטייט זיך נאר למען כבוד בית אבא. 

נאך א וויכטיגע נקודה, איז צו האבן עפעס א תחום וואס אין דעם ארבעט מען זייער שטארק, איהר דארפט אויס וועלן עפעס אן ענין (עבודת התפלה, ענווה, שבת-קודש, השכמת-הבוקר, שמירת-עיניים, וכדומה) וואס איהר זאלט כסדר מעורר זיין איבער דעם. (פארשטייט זיך אז עס דארף זיין א זאך וואס איהר זענט גוט אין דעם). 
דער אויפטוה איז, אז אייערע חסידים זאלן פיהלן עפעס א שייכות צו אייך דורך דעם. 

ווערן א בקי בנגלה ובנסתר
לעצטנס פאדערט די מארקעט זייער שטארק אז די אדמורי"ם זאלן אויך זיין גדולים בתורה, און זיי זאלן זיך נישט דארפן שעמען פון די ראשי ישיבות, זענען מיר אויפגעקומען מיט פארשידענע טאקטיקן, ווי אזוי דאס צו ערלעדיגן. 
איז אזוי, אויב אונזער קאסטומער איז א בר הכי, דהיינו ער קען שפילן אביסל תלמיד חכם'יש, ער קען דרייען מיטן פינגער, דעמאלס ראטן מיר איהם ער זאל זיך צוגרייטן עטליכע סוגיות, מיט איינע פון די לעצטע אחרונים, (עפעס וואס הערט זיך קנאקעדיג, למשל א ר' חיים, אדער א ר' שמעון שקאפ), און ער זאל דאס אויסשמועסן אין א געלעגנהייט פאר ישיבה קטנה בחורים אדער בעלי בתים. 
אבער דא דארף מען זייער אכט געבן עס זאל נישט זיין יצא שכרו בהפסידו, איהר זאלט למען ה' בשום פנים ואופן נישט גיין רעדן פאר א כולל אדער אפילו ישיבה גדולה, דאס קען אייך נאך אנמאכן אסאך צרות. וד"ל. (איך האב שוין געהאט א קאסטומער וואס האט נישט געפאלגט די עצה, ער איז געגאנגען דרש'ענען פאר א ליטווישע כולל אין לעיקוואד, ורבים חללים הפילו).
אבער אויב איהר קענט נישט באווייזן צו עפעס איבערזאגן, דעמאלס דארפט איהר כסדר חזר'ן פאר אייער ארומיגע חסידי'שע ווערטער איבער די הארבקייט פון תורה אהן יראת שמים, און אז לימוד התורה אליינס איז גארנישט ווערד, ווייל עס איז נישט לשמה. 
און אויך פון מאל צו מאל דערמאנען אז עס איז געווען פריערדיגע צדיקים וואס האבן מקפיד געווען נישט צו לערנען ברבים, אדער נישט צו ארויסווייזן זייערע קענטעניסן פאר אנדערע. (נאר עבודת התפלה און עבודת האכילה מעג מען לאזן אנדערע צוזעהן). 

ווערן א בעל מופת
ווען עס איז שוין צייט צו פראווען מופתים, די ערשטע זאך ווענדט זיך עס אין אייערע נאכפאלגער. זיי דארפן פאבריצירן אייערע מופתים, און איהר דארפט עס כסדר אוועקמאכן (ווען איהר מאכט עס אוועק, זאלט איהר נישט אפפרעגן אז עס איז נישט קיין מופת, נאר איהר זאלט זאגן אז עס איז נישט אין אייער זכות, וכדומה). 
איהר דארפט כסדר געבן א פתח פאר מופתים צו געשעהן. דהיינו, איהר דארפט האבן אן אפענע אויער צו נאשן אינפארמאציע איבער אייערע תמימות'דיגע נאכפאלגער, און ווען זיי קומען אריין ביחידות צו אייך, זאלט איהר זיי אריינווארפן כלאחר יד רמזים אז איהר ווייסט. 
איין וויכטיגע נקודה, איהר זאלט קיינמאל נישט זאגן קיין זאכן מיט א שטארקייט און א זיכערקייט, אלעס זאל זיין אזוי כלאחר יד. 
איהר דארפט פון מאל צו מאל זאגן אומ-פארשטענדליכע סטעיטמענטס, מאדנע ברכות, אדער פרעגן שאלות שלא מן הענין. איהר קענט לאזן די ארבעט פארן חסיד, זיין קאפ וועט שוין ארבעטן פיבערהאפטיג, צו ערקלערן וואס איז די באדייט פון דעם רבי'נס רייד. 
אזוי אויך דארפט איהר וויסן אז יעדער בחור האט נסיונות, יעדער בעה"ב קען נוצן א ברכה פאר פרנסה, יעדער פיהלט אז זיין שלום בית קען נוצן א תיקון, און אזוי ווייטער. 

אויב וועט איהר נוצן די ריכטיגע טאקטיקן, אןן אייערע חסידים וועלן טוהן ריכטיג די ארבעט, וועט נישט געדויערן לאנג ביז איהר וועט נתפרסם ווערן אלס א פועל ישועות וואס עס ווארפט זיך מופתים אונטערן ארבל.

גוטע פרייזן און בעסטע רעזולטאטן
אונזערע סערוויסעס זענען שוין ברייט באקרוינט געווארן אינעם אויבן-אן פון כלל ישראל אלס א סוקסעס, און דערצו קומט צו די צוגענגליכע פרייזן. 
מיר נעמען אן קעש, טשעקס, און קרעדיט קארטלעך. געווענליך טשארדשזן מיר אויפן שעה, אבער מיר זענען אויך גרייט צו נעמען קאמישן פון די פדיונות. 
איין זאך וואס דארף קלאר אויסגעשמועסט ווערן: מיר נעמען נישט אן קיין ברכות אדער ישועות אלס א פעימענט. מיר האבן שוין נישט איינמאל געהאט אז א קאסטומער איז געווארן אזוי קאנפידענט ביי זיך, אז ער האט געוואלט באצאלן מיט א ברכה, און מיר האבן איהם געדארפט ערקלערן אז זיין ביזנעס פאנגט זיך אן נאר איינמאל ער טרעט ארויס די שוועל פון אונזער אפיס. 
די רעזולטאטן איז איבעריג צו אויסשמועסן: שיינע שידוכים, אויסגעצאלטע וואקאציעס, א באקוועמע לעבנס שטייגער, און עס ווארט אייך א גאלדענע גן-עדן. 

און צום לעצטנס: מיר זענען שטרענג קאנפידענשל. 

[קאווע טרינקער]

געוואלדיג!

[רויטע וואנצעס]

איך מיט מיין ברודער ווילן קומען פאר קאנסאלטינג, מ'זאגט אונז אויב מ'האט א צוקריגטע רבי ברודער בלייבט מען לענגער אין די העדליינס. דיסקאונט פאר צוויי?

[פישלע העררינג]

זייער קיוט...

[גראף]

די האסט מיר ג׳עפענט א נייע װעלט. איך האב עס געלײנט בערך אזוי װי איך האב געלײנט די ערשטע מאל
די ספר ״בית נאמן בישראל״.

[berlbalaguleh]

איך מיט מיין ברודער ווילן קומען פאר קאנסאלטינג, מ'זאגט אונז אויב מ'האט א צוקריגטע רבי ברודער בלייבט מען לענגער אין די העדליינס. דיסקאונט פאר צוויי?

די מחלוקת איז איבער איין שטעיטעלע, אד'ער איבער אדמורו"ת, בכלל?...

[קאווע טרינקער]

viewtopic.php?p=62925#p62925
נישט לאנג צוריק געווען די יארצייט פון אזא רבי, זי"ע.

[פישלע העררינג]

http://www.kaveshtiebel.com/viewtopic.php?p=62925#p62925
נישט לאנג צוריק געווען די יארצייט פון אזא רבי, זי"ע.

האסט מיך געמאכט א ל"ג שמח!... געב א שאקל ביים ארבעל און לאז נאך סחורה ארויספאלן...

[טיטאניק]

דאס איז אזוי גיט אז איך הייב אן ציבאטראכטען ערנסטע פלענער
ווער ווייסט אפשר קען איך אויך פראוווענען מופתים?

[berlbalaguleh]

דאס איז אזוי גיט אז איך הייב אן ציבאטראכטען ערנסטע פלענער
ווער ווייסט אפשר קען איך אויך פראוווענען מופתים?

דו דארפסט נאר זעהן אז א פאר משוגעים זאלן דיר נאכלויפן. איין עצה איז 1) באשטעלן ביי בארא פארק סיינס (אדער ביי גערמאן) א גרויסן סיין מיט'ן נאמען פון שטעטעלע אין פוילן אדער רוסלאנד וואו דער זיידע האט געחלומ'ט אז ר'איז אדורכגעפארן: 2) די רעבעצין שתליט"א זאל אפבאקן צוויי קוגלען. איינס א קארטאפל און איינס א לאקשן: 3) קויף א א גרויסן פלאש וואדקא און לייג ארויף אויפ'ן טיש.: והנה. דו ביסט אין ביזנעס. ביז א האלב יאר וועט מען אנהייבן פארציילן מופתים פונ'ם הייליגן ביאלא צערקוו'ער רבין שליט"א...

[לעיקוואד]

מדריך הכתבים החילונים לכתבות אדמורי"ם
http://www.bhol.co.il/forums/topic.asp? ... rum_id=771
עשה לך רב- מדריך חיים לוינסון ועקיבא נוביק לעיתונות חרדית.
חג מתן תורה הוא הזדמנות נוספת לעיתונות החרדית להעלות על נס את לומדי התורה, דרך שלל כתבות על גדולי הדור. שלא במפתיע, הן היו דומות להפליא לכתבות שפורסמו בפסח, סוכות, חנוכה, ויום הנישואין. השמאלץ אותו שמאלץ, המעשיות אותן מעשיות והתורה אותה תורה, רק השמות מתחלפים. לטובת צעירי הדור, הצאן הפועה, חיברנו מדריך קצר, 15 נקודות בדרך לכתבת ביוגרפיה מקיפה. מתאים לכל אדמו"ר, מחסידות גדולה עד חסידות לא קיימת.
א – ימי הבחרות.
מוטיבים: הרב התגלה עוד בבחרותו כשקדן שעלה על מוריו ואביו. עילוי מופלג שכתב את דרשת הבר מצווה בעצמו, דרשה שהיממה והכתה את כל שומעיה עד למרחקים. עלה לישיבה גדולה כבר בגיל 14. היה שקוע בלימוד ולא התעניין בעולם הזה.
משפט לדוגמה: "בגיל 4 כבר נזף במשרתת הגויה ששתתה מה'מים שלנו' בערב פסח". "בגיל 15 נרדם על סטנדר קודשו בעודו שקוע כל כולו בנועם מתיקותה של תורה. לעובד הניקיון שהעיר אותו אמר – אלך לישון בשואה או בעולם הבא.

ב- שושלת הזהב.
מוטיבים: הרב מגיע משושלת מפוארת שהחלה עוד בעיירה (השלם את החסר), ועברה דרך שורת רבנים ששמם מורכב מפועל ועיירה או משמו של ספרם הנודע. לדוגמא: "המצליף מסעליש", "השודד ממגנצא", "העסקן מרחמסטריווקא".
משפט לדוגמה: "שרשרת הזהב עוברת דרך ה"פרי כפופים", ה"מגרזן מאויסטרליש", ובנו בכורו ה"הפרו תורתך" אצלו למד הרב והיה חביב עליו כבן ממש.
ג. קשיי הנישואין
מוטיבים: קרדיט לרבנית שעמלה טרחה ויגעה כדי שיוכל ללמוד תורה. מעשיה המלמדת על חוסר כישרונו במלאכת הבית, פלוס מעשיה על שבת בה לא אכל כי יגע בתורה.
משפט לדוגמה: בערב שבת קודש פרשת בהעלותך ביקשה ממנו הרבנית להוסיף מלח לחמין המהביל שהתקינה. כעבור שעתיים מצאה אותו בספריה, טרוד בהלכות כיצד מעשרים מלח. החמין היה תפל בשבת, אולם מתיקותה של התורה מילאה את כרסם של בני הבית עוד שבתות רבות
ד. צניעותו המופלגת
מוטיבים: סרבנות לפסיקת הלכה, לומד תורה רק בשביל עצמו, השפיל את עצמו בפניו של גדולים, רק לאחר הפצרות מרובות הסכים לקחת על עצמו תפקיד בכשרות, וגם אז חשש שיכשיל את הרבים
משפט לדוגמה: "עוד מגיל צעיר נהג הרב אלישיב להפנות אליו שאלות וקושיות. שליחים היו מגיעים ושואלים "מי כאן הרב פנחס", והוא היה בדיוק מוריד את הזבל באומרו "מה אני, רק פועל בזבל"
ה. המסע להצלת יהדות התפוצות
מוטיבים: בשלב מסויים עורך הרב את מסעו אל עיירה יהודית נשכחת, ורק בזכות מפעלותיו נמולים תינוקות, נשחטות פרות, נישאים בני זוג כדת משה וישראל ומתגברים המעיינות החוצה
משפט לדוגמה: בחורף תשל"ד החל הרב לשמש כרב משיב בעיירה ניו יורק הנידחת בגלות אמריקה. כשהגיע לשם הקהילה הייתה בשבר רוחני. אבל עוד שיעור תורה, עוד מאור פנים, עוד עבודת השם, והקהילה מונה היום אלפי תלמידים של בית רבן, דור ישרים המעיד כאלף מונים על מעשי הצדקה והחסד".
ו. נדודי שינה
מוטיבים: הרב אף פעם לא הולך לישון. תנומה קלה ותו לא. רק הגמרא הקדושה.
משפט לדוגמה: השעה שלוש לפנות בוקר. ערפילי הוד ומלאך המוות עוטפים את ירושלים. הבתים חשוכים. אור קטן בוקע מקצה המסדרון בביתו של רבי יששכר. בני הבית נמים את שנתם כבר שעה ארוכה, אבל הוא רוצה להספיק עוד תוספות. עוד כמה דקות ויעצום את עיניו לתנומה קלה, בטרם יתחיל בסדר לימוד הבוקר, יטהר עצמו בסילודין במקווה שתחת ביתו ויפצח ב 4 שעות של לימוד לפני ותיקין.
ז. פרוצדורות רפואיות
מוטיבים: הרב היה נדכא בייסורים, ולמכאוביו לא היה מזור מלבד התורה הקדושה. אך דווקא מתוך הרגעים הקשים התגלתה דבקותו בתורה.
משפט לדוגמה: בשנת תרל"ח חלה הרב ואושפז בבית החולים לתקופה ממושכת. כמה היו קשים יסוריו רחוק מהכולל. אך גם שם בלטה דבקותו בתורה. במהלך ניתוח בהרדמה מלאה, נדהמו הרופאים לראות במוניטור פעילות מוחית. כשהתעורר הסביר: נזכרתי בחידוש והייתי חייב לשנן אותו במוח פן אשכח.
ח. חוסר הבנה בטכנולוגיה
מוטיבים: הרב לא הבין דבר בטכנולוגיה. גם שהביאו לו מכשירים חדשים, התקשה להבין מה רוצים מחייו. רצוי לשלב תיאורים על פשטות ביתו והדלות בבית.
משפט לדוגמה: "כשהביאו לו מחשב חדש הביתה, הוא כיסה אותו בריפוד קל וישב עליו. ביני הבית נדהמו. הרב אמר להם, חשבתי שמדובר בכיסא נמוך, לימי אבלות וצום תשעה באב
ט. חומרות
מוטיבים: הרב התיר כל מיני מעשים ותבשילים לקהילות השונות, אבל על עצמו תמיד החמיר. וכך לא בא לפיו מאכל כלשהו מימיו.
משפט לדוגמה: כשהיה רב צעיר במערך הכשרות התיר לבני עדות המזרח להוסיף חלב קוקוס לתבשיליהם, כמנהג יהודי מרוקו. אך הוא עצמו – בביתו פסק שיש להקפיד. כל חייו הקפיד להכניס לפיו רק חלה מעשי ידי אישתו וחרובים מימי חוני, וגם הם בכשרות מהודרת.
י. מופת האוטובוס
מוטיבים: הרב כה דבק בתורה שפעם נסע באוטובוס ולא שם לב מה קורה סביבו. עשוי להיות קשור למי שיושב/ת לידו, לשכחה פתאומית שפקדה אותו או לדרך פלאית בה גאל את נוסעי הרכב.
משפט לדוגמה: "כה שקוע היה במסכת עוקצין עד שלא שם לב לאישה שהתיישבה לידו, ואף כשירד והלכו לאותו בית לא השגיח בה ורק כשעלו על יצועם הרים הרב את מבטו ונוכח שמדובר באשתו". אפשר גם: "מחוג הדלק הגיע לתחתית, אך הרב פסק בלא שהרים ראשו מהגמרא "סע". הנהג הנפחד לחץ על דוושת הגז- וראה זה פלא, כעבור שעתיים הגיע האוטובוס לרכסים וליהודים היתה אורה ושמחה".
יא. הניג'וז שהתגלה כמופת
מוטיבים: הרבי מסרב לעשות פעולה כלשהי. החסידים מסתופפים בחיל ורעדה. רק בדיעבד מתברר כי אחד מגדולי האומה זצוק"ל נכח בחדר, או שהיה קטרוג גדול בשמיים והרב פתר אותו.
משפט לדוגמה: "פעם אחת בליל ראשון של סוכות התיישב על כסאו ולא רצה לקדש על היין. וישב על כסאו בשברון לב גדול ורק כעבור כמה דקות צהלו פניו וקם לקדש בשמחה עצומה. ואח"כ סיפר שלא ראה את אברהם אבינו בסוכה והצטער מאד והחל לפשפש במעשיו והנה לפתע הופיע אברהם ואמר לו לך אכול בשמחה לחמך". (עובד טוב גם עם אליהו הנביא).
יב: המעצר
מוטיבים: הרבי נעצר בעוון לימוד תורה או הלשנה של ליטאי מסריח. דווקא בתאו הטחוב גילה סודות עצומים, או ניגון השגור כיום בפי כל.
משפט לדוגמה: בערב פסח הבבל"ת הושלך רבי חננאל לצינוק טחוב, ועונה בייסורים נוראיים. כמעט ויצתה נשמתו, והושם בתא עם גוי מגודל ואכזר (כושי. ע"ע). באישון ליל האירו לו מן השמיים ניגון על הפסוק "וינתקמו מוסרותימו עבותימו" וסופו של הניגון שהפך לאחת מאבני היסוד של החסידות.
יג: מלחמתו בסמארטפונים
מוטיבים: אל הרב מגיעות עדויות על חללים רבים. הוא נזעק מקירות ליבו ומטיל סנקציות משונות על בעלי סמארטפון. גביר עשיר עם קשר עמום ליהדות מבקש לתרום לחסידות ונדחה כי יש לו סמארטפון. הוא מקבל על עצמו להתחזק בנושא הזה, והרב מסכים לקבל את התרומה בתנאי שתשמש לקניית פטישים לניפוץ אייפונים.
משפט לדוגמה: "הוכח תוכיח את עמיתך!" זעק הרב מנהמת ליבו בעת שערך את שולחנו הט' לסעודה שלישית. "כל מי שמחזיק את הכלי הטמא פסול לעדות! אש בוערת בכרם ישראל!". (המעמד האדיר תועד בגלקסי של הגבאי)
יד: אהבתו היוקדת לכל יהודי באשר הוא.
מוטיבים: לא ויתר על אף נשמה וסופו שהפך חילוני לצדיק.
משפט לדוגמה "פעם בא לפניו אברך חשוב ותינה בפניו שברון לבו על אודות אחיו שסר מדרך הישר. אמר הרבי תביאו אותו להבדלה בשבת. כך היה, וכשהגיע הרב לפסוק "ה' צבקות אשרי אדם בוטח בך" חזר הרבי שוב ושוב על המילים בדבקות עצומה. וראו כל הנוכחים את האח עומד נרגש ועיניו יורדות פלגי מים, וסופו שהיטיב דרכיו והעמיד בית נאמן בישראל
ט"ו: האדמו"ר באפריקה
מוטיבים: כושים הם גדולים שחורים ומפחידים. כל השאר לא חשוב.
משפט לדוגמה: "הרב הלך ברחוב שקוע בתורה ולפתע נתקל בכושי ענק שכמוהו לא ראה מימיו" "במסעו לפילידלפיע נתקל הרב בחבורת כושים אימתנית" "במטוס אפילו הכושים קמו לכבודו. זה כבודה של תורה".

[הוגה]

האסט אויסגעלאזט צוויי וויכטיגע נקודות.

1) א רבי מעג נאר עסן (ברבים) רינדיכיגע ספאנדזש קעיק כמנהג הבעש"ט זי"ע.
2) נישטא עפעס בעסער פאר די הצלחה פון א רבי ווי ווערן א נרדף. בדוק ומנוסה!!!

[מי אני]

אייזן! (זייער קיוט ארויסגעברענגט דעם בארנאם עפעקט.)

‏די הגדרה פון בול*שיט לעומת סתם א ליגענט קען זיכער אויך נוגע זיין אהער.

און אפשר איז אין דעם א רמז בדרך צחות אז המלעיג על דברי חכמים נידון בצואה רותחת (עירובין כא: גיטין נז.), לרמז אז מיט סאטייר דעקט מען אויף און מ׳איז דן אויף די "צואה" [בול*שיט] וואס ליגט ליידער אינהערענט אין די "חכמ'ישע/רבי'שע" געפירעכץ.

[שעפטאל]

גם זה מענייני דיומא..

[מרדכי מרדכי]

וויפיל קאסט עס אנצוהייבן ביז מען קען אנהייבן לעבן אויף די פדיונות אדער פון א גביר פון די קהילה?

לגבי א מצווה וואס מען קען רעדן און מען איז אליין זהיר האב איך געטראכט אז עס קען זיין די לבוש פון פרויען, איך אליינס בין זייער נזהר מיין רעבעצין לאוו דווקא.