שמיני עצרת תשפ"ד בלוט באד אין ארץ ישראל

[[NAMELESS]]

ס'איז דא געניג פלאטפארמעס מיטצוהאלטן די נייעס, אבער מ'קען נישט איגנארירן די שרעקליכע בלוט באד אין א''י דעם שמיני עצרת ווי כאמאס טעראריסטן האבן ליידער אומגעברענגט איבער 700 אידישע קינדער הי''ד און פארכאפט איבער 100. זאך קענערס זאגן אז זייט די האלאקאוסט זענען נישט אומגעקומען אזויפיל אידן אין איין טאג ר''ל.

ה' ישמרנו ויצילנו.

[דערהויבענע איד]

די נייעס וואס קומען ארויס זענען אומגלויבליך.

עיני עיני ירדה מים על שבר בת עמי, ווי נעמט מען די הארצלאזיקייט וואס די אראבער האבן.

זייט 80 יאר צוריק האט מען נישט געהערט אזאנס, ווי נעמט מען די קוראזש צו גיין ווייטער, ווי נעמט די וועלט די רעכט צו שטיין גלייכטגילטיג.

[בעל אחריות]

פלגי מים תרד עיני על שבר בת עמי, די געפילן פון צער און כעס זענען מיר שווער צו דערהייבן, איך בין נאך אין דינייעל און איך פרוביר נישט צו קוקן די נייעס אויף דערווייל.... שנשמע ונתבשר בשורות טובות

[פונדאַמענטאַל]

איך האב קיינמאל בעפאר נישט געשפירט אזא צורך צו אויסשאלטערן די נייעס קוועלער אויס זארג פאר מיין עמאציענאלע וואוילזיין. די בלוט פון מיינע ברידער וואס זענען פארגאסן, און די פיין פון די פארכאפטע. איך וויל זיך נישט מתבונן זיין צופיל אין די געשעענישן וואס זענען פארגעגאנגען. נאכדערצו זעענדיג די וועג וויאזוי חלקים פונעם מידיע טוען באריכטן די געשעענישן ווי א לעגיטימע צוויי זייטיגע קאנפליקט. זאל דער באשעפער געבן כוח פאר אונזערע חיילים צו זיך נוקם זיין אין די דם השפוך - און מעביר זיין אונזערע שונאים מן הארץ.

Sent from my Pixel 6a using Tapatalk

[צוזאמגעדרייט]

איך געדענק נישט אז איך זאל זיין אזוי צעשוידערט אין א לאנגע צייט.

[שעפטאל]

ס'שא שטיל, ס'רעגנט דא אינעם דשונגל, אפי' די הימל'ן וויינען.

די פארלוירענע אויגן פונעם בלאנדען אינגעל וואס פראבירט זיך צו באשיצן פונעם שטעקן, לאזן מיך נישט איינשלאפן!
ווער ווייסט וואס מ'גייט נאך אלס געוואר ווערן?!

כ'גיי ארויס פונעם פּאלאפּא, כ'ציטער פון יעדע שארך, ווי כאילו די פומא'ס דא פלאנען אויכעט ראיאטן.
ווער ווייסט וואס ס'קען נאך חלילה געשעהן פונעם טיימס סקווער.

כ'בין פיינעלי צוריק אינעם פּאלאפּא א רעגן באגאסענער, א דערשראקענער, כ'קוק ארויף ביי די שפאלט צעווישען די ביימער צום שווארצן הימל, מיט דער'שראקענ'ע, פאר'ווינדער'טע, פאר'טרער'טע, פאר'טענה'טע אויגן, נישטא קיין ווערטער וואס קענען שלעפן אין זיך אזא גרויסען געפיהל! שטילערהייט שרייט זיך ארויס מיין שווייגעניש.

?!!!

[ווער רעדט נאך פון די "פרומע" הסברים,
https://www.kaveshtiebel.com/viewtopic. ... 93#p106993 וואס זענען גאר באמבע קשיות.]

אפשר זענען אונז צו קליין פאר עם, ס'גייט עם נישט אהן אשר שלט האדם באדם לעשות לו רעה. פונקט ווי ס'גייט מיך נישט אהן אז א ספיידער שטארבט?!

אויב זענען אונז גענוג חשוב ביי עם אז וויל תרי"ג און שס"ה, דאן גייט עם זיכער אהן אונזער לעבן.

?!!!

כ'פארשטיי נישט, כ'קען נישט פארשטיין! כ'ווייס נישט, כ'קען נישט וויסן!

פליצלינג הערט זיך א גערויש פון נישט ווייט פונעם פאלאפא, דאן הערט זיך א הארציגע געוויין פון א חיה וואס ווערט פארציקט, א געוויין פון דעם זעלבען אומ'פאר'ענטפערט'ן שאלה, האסט מיך באשאפן צו שטארבן מיט א מיתה משונה?! הזאת נעמי?!! די געוויין ווערט שוואכער און שוואכער. נישט ווייל איינער קומט זי העלפן, נאר ווייל זי גייט נעבעך אויס!!

קשיא בלייבט קשיא! אבער גאט בלייבט ווייטער גוט!

רבוש"ע האב שוין רחמנות אויף דיינע קינדערלעך!!!
מער זאלסטו נישט איינשלאפן ביים וואַך, שומר ישראל!!!

[פאלאצ'ינטא]

עס איז דא א ווידיאו קליפ פון נעכטען ביינאכט מוצאי יו"ט און נאך מיט די שמונה בגדים די שבת'דיגע מלבושים ווי די מחריבי קרתא טרינקערס פון אידיש בלוט אין מאנהעטען פראטעסטירן אנטקעגען ארץ ישראל. עס איז צו גרויס צו צולייגען צו ק"ש

גענוג איז גענוג רשעות האט אויך א שיעור ווילאנג וועלען מיר לאזען די נאציס פארשטעלט ווי אידן זיך ארום דרייען פראנק און פריי ואין פוצה פה ומצפצף? עס איז שוין העכטס צייט זיי אינגאנצען אויסצושליסען פון כלל ישראל די גאסען פון ארץ ישראל איז רויט מיט בלוט די בלוט קאכע נאך און די ????? העלפען אונזערע שונאים.

מען מעג זיי אפי נישט רופען נאציס וויי זיי פארשעמען די נאציס

דוד בן גוריון האט אמאהל געזאגט אז ער האט פיינט די אראבער ווייל זיי דערמאנען איהם פון די ספרדים. דא קען מען זאגען אז אונז האבען פיינט די אראבער ווייל זיי דערמאנען אונז פון די אראבער און די נאציס

פאר מען פאנגט אן שרייען ציונים. מען האט אמאהל געפרעגט שלמה קארליבך ווי אזוי ער קען ליעב איעדען איד אפי די פרייע האט ער גע-ענטפערט

אז ער איז גענוג איד אז די נאציס זאהל איהם פיינט האבען איז ער גענוג איד אז איך זאהל איהם ליעב האבען.

[היט שבת]

וואסערע פארזאמלונג איז געווען ביי די סטעדיום ווי די טעראריסטען האבן אויסגעהארגעט צענדליגע מענטשן? איך זעה אויף אייועלט וויל מען נישט שרייבען וואס....

[דער גאלדענער אדלער]

וואסערע פארזאמלונג איז געווען ביי די סטעדיום ווי די טעראריסטען האבן אויסגעהארגעט צענדליגע מענטשן? איך זעה אויף אייועלט וויל מען נישט שרייבען וואס....

א פשוטע מוזיק פעסטיוואל ווי אסאך אויסלענדישע האבן זיך אויך באטייליגט

Sent from my SM-S911U using Tapatalk

[היט שבת]

וואסערע פארזאמלונג איז געווען ביי די סטעדיום ווי די טעראריסטען האבן אויסגעהארגעט צענדליגע מענטשן? איך זעה אויף אייועלט וויל מען נישט שרייבען וואס....

א פשוטע מוזיק פעסטיוואל ווי אסאך אויסלענדישע האבן זיך אויך באטייליגט

Sent from my SM-S911U using Tapatalk

ביזט זיכער? לויט ווי איך פארשטיי איז עס געווען עפעס אנדערש..

ווי איז עס געווען? נאמען פון סטעדיום?

[קל וחומר]

ס'געווען א פעסטיוול וואס האט צעלעברירט פרייע ליבע, וואס באדייט יחסי מין וואס איז אפהענגיק פון סיי וועלכע דרויסענדיגע פאקטארן (ווי חתונה האבן אדער זיין אין א רילעישענשיפ).

[היט שבת]

ס'געווען א פעסטיוול וואס האט צעלעברירט פרייע ליבע, וואס באדייט יחסי מין וואס איז אפהענגיק פון סיי וועלכע דרויסענדיגע פאקטארן (ווי חתונה האבן אדער זיין אין א רילעישענשיפ).

שכח. ווייסט איר אפשר די נאמען פון די סטעדיום?

[קל וחומר]

נישט געווען קיין סטאדיום.
עס איז געווען אין מדבר הארט נעבן קיבוץ רעים.
The Supernova festival.

[שאלתיאל]

https://www.eventer.co.il/events/novaparalello

Sent from my SM-A546E using Tapatalk

[רביה''ק זי''ע]

שוין דא א וויקיפעדיע בלאט https://en.wikipedia.org/wiki/Re%27im_m ... l_massacre

[פאלאצ'ינטא]

עס איז דא א ווידיאו קליפ פון נעכטען ביינאכט מוצאי יו"ט און נאך מיט די שמונה בגדים די שבת'דיגע מלבושים ווי די מחריבי קרתא טרינקערס פון אידיש בלוט אין מאנהעטען פראטעסטירן אנטקעגען ארץ ישראל. עס איז צו גרויס צו צולייגען צו ק"ש

גענוג איז גענוג רשעות האט אויך א שיעור ווילאנג וועלען מיר לאזען די נאציס פארשטעלט ווי אידן זיך ארום דרייען פראנק און פריי ואין פוצה פה ומצפצף? עס איז שוין העכטס צייט זיי אינגאנצען אויסצושליסען פון כלל ישראל די גאסען פון ארץ ישראל איז רויט מיט בלוט די בלוט קאכע נאך און די ????? העלפען אונזערע שונאים.

מען מעג זיי אפי נישט רופען נאציס וויי זיי פארשעמען די נאציס

דוד בן גוריון האט אמאהל געזאגט אז ער האט פיינט די אראבער ווייל זיי דערמאנען איהם פון די ספרדים. דא קען מען זאגען אז אונז האבען פיינט די אראבער ווייל זיי דערמאנען אונז פון די אראבער און די נאציס

פאר מען פאנגט אן שרייען ציונים. מען האט אמאהל געפרעגט שלמה קארליבך ווי אזוי ער קען ליעב איעדען איד אפי די פרייע האט ער גע-ענטפערט

אז ער איז גענוג איד אז די נאציס זאהל איהם פיינט האבען איז ער גענוג איד אז איך זאהל איהם ליעב האבען.

קודם עס איז שוין דא מערערע קליפס פון די נאציס מיט בערד יעצט אין לאנדען.

איך האב אויך געפרעגט אן עלטערער רב וועגן דעם האט ער מיר געזאגט בפה מלא...

מען דארף זיי נישט אויסשליסען ווייל זיי זענען בכלל נישט קיין אידן

[פנחסבןאלעזר]

וָאָבִ֤יא אֶתְכֶם֙ אֶל⁠־אֶ֣רֶץ הַכַּרְמֶ֔ל לֶאֱכֹ֥ל פִּרְיָ֖הּ וְטוּבָ֑הּ וַתָּבֹ֙אוּ֙ וַתְּטַמְּא֣וּ אֶת⁠־אַרְצִ֔י וְנַחֲלָתִ֥י שַׂמְתֶּ֖ם לְתוֹעֵבָֽה

גַּם⁠־בְּנֵי⁠־נֹ֖ף [וְתַחְפַּנְחֵ֑ס] (ותחפנס) יִרְע֖וּךְ קׇדְקֹֽד

[תרמב]

איך האב געהאט א שטיקל ויכוח מיט איינעם אויף אייוועלט וועגן די טויט פון די ציונים, איך האב פרובירט צו וואטשן וואס איך שרייב אז ס'זאל שטימען מיט זייער סטאנדארטן, אבער ס'איז נאך אלס פארמעקט געווארן. אין די קורצע צייט וואס ס'איז דארט געווען האט מיינע תגובות באקומען אסאך לייקס, איך האב באוויזן צו סעיווען די שמועס, און איך גיי עס ארויפשטעלן דא.

די שמועס האט זיך אנגעהויבן וועגן וואס מ'זאגט פאר די קינדער אין ליכט פון די טראגעדיע, האט איינער געשריבן אזוי, איך מאך יענעם'ס ווערטער אין א אנדערע פאנט

מיר האבן געמאלדן די נייעס פאר די קינדער אז סאך ציונים זענען גע'הרג'ט געווארן, רופט זיך אן מיין אינגל אז משיח קומט שוין...
איצט קען מען צולייגן אז מען דארף מתפלל פאר אחינו בני ישראל אז ס'זאל זיי נישט שאטן וכו'

דו ביסט מסודר אויף אייביג... דו וועסט קיין טראומא קיינמאל נישט האבן אין דיין לעבן... ווייל נאר ציונים שטארבן, און אז סמאכט זיך אמאל אז א פרומע איד שטארבט, וועט מען זאגן אז ער איז א שטיקל ציוני געווען אין הארץ און זיין טויט גייט מיר נישט אן און פערטיג...

די גרינגסטע וועג ארויס...

דער טויט פון א ציוניסט דארף דערפרייען יעדע אידישע נפש (וואס דען האסטו אינזין שבת ביים עסען טשולענט?...)
כידוע האט פאר רבינו הק' וויי געטון דאס וואס ניקסאן האט געשיקט הילף פאר די מדינה בשעת די יו"כ מלחמה, ווען נישט אמעריקאנער הילף וואלט די מדינה אינטערגעגאנגען.

סגייט דא ווערן א דעבאטע צו די רבי האט דאס געזאגט אדער יענס געזאגט, איך קען מיך אין דעם נישט אריינמישן, ווייל איך ווייס נישט וואס די רבי האט געהאלטן, איך בין נאך נישט געווען יענע צייטן.

אבער איך קען דיר זאגן אז איך האלט נישט ווי דיר!

איך פארשטיי דיין געפיל אז איינער אין דיין שטאט אדער דיין קהילה שטארבט זאל דיר מער וויי טון ווי איינער פונדערווייטנס, איינער וואס איז נישט די זעלבע לעוול פרום ווי דיר, איך פארשטיי עס, רבי ר' אלימלך האט אמאל תשובה געטון פארוואס סהאט אים מער וויי געטון זיין זונס צער מער ווי א צווייטנס, אבער נישט יעדער איז אין די מדריגה.

אבער זיך פרייען, דאס איז שוין א מדריגה אין שלעכטע מידות, איך וואלט געזאגט אז מטאר זיך נישט פרייען ווען אראבישע ציווילע שטארבן, דא וועסטו שוין מסכים זיין מיט מיר מסתם...

ווער מיר נישט איצט פויל און זיי יא מברר וואס די רבי האט געזאגט און געהאלטן, דאס וואס איך זאג קומט נישט פןן די עקסטרעמע לאגער
-----
האהא אן אראבער גייט מיר גראדע בכלל נישט אן, אין אלעמן אמת, איך פריי מיך בעיקר אז די ציוניסטישע כוחי ועוצם ידי האט געכאפט א פעסטן שנעלקע
אז ציונים שטארבן טוט מיר נישט וויי (און שששש רוב אוהב ישראל ניקס דא טוט בעיקר וויי אז די ציוניסטישע כח האט געכאפט א ריק והא ראי' זיי וועלן זיך פרייען ווען זיי זעהן ווי מדנ"י באמבאדירט צוריק )
-------
עת צרה היא ליעקב! מען דארף מתפלל זיין פאר אחינו בארץ ישראל וואס זענען אינטער אטאקע פון די אראבערס (יא די ציונים זענען די צינדערס, אבער איצט הרג'נען די אראבערס)

איך בין נישט פויל

איך וויל נישט געוואויער ווערן אז די רבי האט געהאלטן אז מזאל זיך פרייען ווען ציונים שטארבן, ווייל איך האלט נישט אז דאס איז די וועג פאר א ציווילע מענטש צו טראכטן

און איך האב נישט קיין שמחה ווען א ציווילער אומשולדיגער אראבער שטארבט, ער איז א מענטש און סקומט אים נישט קיין טויט ווייל דו האסט נישט ליב זיינע ארומיגע.

א ציוני באדערט מיר מער ווייל ער איז נענטער צו מיין הארץ ווייל ער איז א איד.

אפגערעדט אז צווישן די אלע געפאלענע איז דא אסאך וואס זענען נישט קיין ציונים, למשל די קליינע קינדער וואס האבן נאך נישט אנגעיאגט צו ווערן ציונים.

און פאר די געפאלענע מעג מען ווייטאגן אפילו אויב דיין מהלך פונעם רעבין איז אמת.

[בעל אחריות]

תרמב, איך קען אביסל פארשטיין דיין בר פלוגתא, פונקט אזוי ווי דיר באדערט נישט ווען א טעראריסט אדער אן אראבער וואס איז סימפאטיש צו טעראריזם שטארבט, ווייל די שפירסט אז ער איז שלעכט און ער פארלירט זיין זכות פאר רחמנות אין א געוויסע זין, אזוי אויך קוקט ער אן די ציונים א דאנק די מח וואשונג וואס ער איז אריבער,

וועסט מיר מוחל זיין אבער איך בין נייגעריג ווי שטארק עס וועלט מיר געבאדערט אויב א נטורי קרתא'ניק וואלט געהרג'ט געווארען... פאר די זעלבע סיבה...

[שאלתיאל]

איך ליין איבער די טעקסט נאכאמאל און נאכאמאל און איך טראכט צו מיך: מה לי ולהם? וואס האב איך איינגעשטויסן מיט די חברה? וואס האב איך צוטוען מיט די סארט פאקרומטע קראנקע סארט השקפה? וועלכע וועליו שעיר איך מיט זיי? רעליגיע? זייער רעליגע איז נישט מיין רעליגע. אינאמת'ן האב איך מיט די סארט אייוועלט אידן און מיט די נטורי קרתא פונקט ווי כ'האב מיט די אינדאנעזער. ניין, נאך ווייניגער, דער אינדאנעזער איז נישט מיין פיינט. זיי זענען מיינע פיינט, זיי האסן מיינע ברידער, זיי זעהן ווי זייער ברידער ליגן אין בלוט און זיי מאכן זיך נישט וויסענדיג, נאכמער זיי פרייען זיך מיט זייער טויט! און דערפאר זענען זיי אין מיינע אויגן אויף איין זייט מיט חאמאס, מיט איראן און מיט מיינע אנדערע פיינט און דאס אז איך געפין אין זעלבע סאושעל גראופ צוזאמען מיט זיי מאכט מיך איבלען.

[רביה''ק זי''ע]

האהא אן אראבער גייט מיר גראדע בכלל נישט אן, אין אלעמן אמת, איך פריי מיך בעיקר אז די ציוניסטישע כוחי ועוצם ידי האט געכאפט א פעסטן שנעלקע
אז ציונים שטארבן טוט מיר נישט וויי (און שששש רוב אוהב ישראל ניקס דא טוט בעיקר וויי אז די ציוניסטישע כח האט געכאפט א ריק והא ראי' זיי וועלן זיך פרייען ווען זיי זעהן ווי מדנ"י באמבאדירט צוריק )

אוי שטינקט די סאטמארע וויזויהייסטעס (ח"ו נישט כוחי ועוצם ידי ווייל דאס האבן נאר די ציונים חחח). מילא ווען די "ציונים" פאטשן זיך אין בייכל מיט זייער "כוחי ועוצם ידי" קען איך פארשטיין זייער נסיון ווייל זיי האבן עפעס געטוהן דערפאר, אבער וואס האט דער סאטמארער זיך צו פאטשן אין בייכל? מילא ווען דיין פארטיי האט געוואונען די ארמארי, מילא דיין רבי האט געגעבן א זאפטיגע דרשה וואו ער האט גוט אריינגעפליקט זיין ברודער/שוואגער/נעפיו, מילא ענק האבן באוויזן אנצופילן א סטעדיום און ס'געוועהן א "סוקסעספולע" מעמד וואו מ'האט געוויזן פאר אלע שונאי סאטמאר אז מיר קענען אויך, שוין, א נסיון בלייבט א נסיון, אבער דא האט דיין פארטיי געוואונען אנדעם וואס דו זאלסט אריינשטעקן א פינגער אין קאלט וואסער, דו טאנצטסט הקפות אין ראדני און דיינע פאנטאזירטע שונאים ווערן אויסגע'שחט'ן, ביזט דורכגעפאלן דעם כוחי ועוצם ידי נסיון נאך פאר ס'האט זיך אנגעפאנגען...

[פונדאַמענטאַל]

הונדערטער אומשילדיגע ווייבער און קינדער ליגן אין זייער נארוואס פארגאסענע בלוט, נאך זענען פארכאפט ביי בלוטדארשטיגע מערדער און ווערן גערעיפט געפאניגט און דערנאך געהארגעט. אבער זיין מענטשליכע נאטור פון רחמנות, און זיין ברידערליכע געפיל פאר א צווייטע איד, איז נישט צום געפינען. עס רירט נישט ביי אים קיין האר, עס איז בכלל נישט אונטרעסאנט. וואס איז נוגע איז אז מען קען ווידעראמאל איבער זאגן צו זיך אליינס "די רבי איז גערעכט געווען". און סייווי האט עס גארנישט מיט אונז עס איז דאך נישט קיין "היימישע". דערנאך קומט נאך צו אים א געפיל פון שמחה, אהה א מפלה אין די ציונים. און פארשטייט זיך אז גלייך זאגט אים זיין אינטואיציה אז עפעס איז ווראנג מיט די מחשבה, אבער גלייך גיבט ער זיך א כאפ צוריק מיט די אפיציעלע פארטי ליין - עס איז די כוחי ועוצם ידי וואס האט געכאפט א מפלה, די כוחי ועוצם ידי וואס בלויז די הייפעלע איבערגעבליבענע טרייע אידן וועלכע גייען אין די רבי'ס הייליגע דרך זענען ריין דערפון. מיר נוצען קיינמאל נישט די אייגענע כוח פאווער און קונטרול צו שטיפן אונזערע אגענדעס און צו לוחם זיין און יעדן וואס האט פרעמדע מחשבות. עס איז בלויז דער לוחם אין ארצנו וואס גייט ארויס טוען זיין השתדלות מיט א הייסן תפילה צום בורא, וועמענס ווייב און קינדער מען דארף אויסהארגענען.
נאכן הערן און מיטהאלטן די שרעקליכע אקטן וועלכע די בארבארישע רוצחים האבן דורכגעפירט, האבן פילע אנגעמערקט דאס אז ריינע בארבאריזם וועלכע קומט אלס רעזאלטאט פון עקסטרעמע אידיאלאגיע און קולטור איז נאכאלץ א מציאות. ליידער קומט דא באווייז צו די זעלבע ערשיינונג פונעם צווייטען ריכטונג.
שמחת תורה אין שול האט א געוויסע איד געפרעגט מיינס א חבר אויב ער טראכט אז עס וועט קענען זיין הקפות שניות דאס יאר (גאר הויכע פראיאריטעט פארשטייט זיך). האט ער געענטפערט, די וועלכע האבן נישט געהאט קיין פראבלעם צו טאנצען לג בעומר נאך די שרעקליכע טראגעדיע זיך נישט קומערנדיג מיט די צורך פאר תיקון, דער וועט אויך טאנצען הקפות שניות. וד''ל.

Sent from my Pixel 6a using Tapatalk

[שפילער]

לאמיר ענק פרעגן וואלטס עטס געהאט די זעלבע געפיל אויב חלילה עס געשעהט אין מאה שערים? יא צו ניין?