אזוי ווי קיינער האט נישט געענטפערט אויף מיין שאלה דא, עפן איך די אשכול.
א אשכול איבער אלעס ארום אגודת קדושת ציון
איך אליין בין נישט אזוי אויסגעקאכט אין דעם, אבער איך האב שוין געהערט פון דעם א שיינע שטיק צייט צוריק, און איך מיין אז אזא ארגאניזאציע דארף ווערן ברייט באהאנדלט דא אין אונזער שטיבל
איך בין זיכער אז א גרויס חלק עולם דא האט שוין געהערט פון דעם, און די וואס נישט וועליך בקיצור אויסשמועסן, לויט ווי איך האב פארשטאנען.
איך וועל מקדים זיין וואס די וויקיפעדיע שרייבט אויף דעם
"אגודת קדושת ציון - התאחדות החרדים לדרישת ציון על טהרת הקודש"
היא אגודה חרדית השואפת לקדם אהבת ארץ ישראל, מצוות כיבוש ארץ ישראל וכינון מדינה יהודית על פי התורה.
לויט ווי איך פארשטיי איז עס אזעלכע קנאים וואס זענען נישט צופרידן ווי אזוי ס'איז יעצט (איך ווייס נישט צי דעס איז די טייטש פון קנאות, אבער אזוי קוק איך עס אהן, וואו דו וועסט זעהן קנאים וועט עס זיין מענטשן וואס זענען נישט צופרידן ווי אזוי א זאך פירט זיך און קומען ארויס אקעגן דעם מיט סיי וואספארא מיטל, אזוי ווי נ''ק אדער די וואס קומען ארויס אקעגן קאמען קאור וכדו'), זיי זענען נישט צופרידן אז ארץ ישראל ווערט געפירט דורך פורקי עול, אזעלכע אידן וואס זענען ליידער נישט קיין שומרי תורה ומצוות, די געזעצן זענען נישט די חוקי התורה, בקיצור די אידישע לאנד פירט זיך נישט אידיש,
זיי ווילן דאס איבערדרייען, מאכן א שטורעם, אז א אידישע לאנד דארף זיך פירן ע''פ תורה, אז די אייבערשטער האט זיך מרחם געווען און האט צוריקגעגעבן פאר אונזער דור ארץ ישראל דארפן מיר זיך אויפפירן ווי ס'פאסט און זיך פירן ע''פ תורה.
אזוי אויך ווילן זיי אויפווייזן אז די גדולי ישראל וואס האבן זיך ארויסגעשטעלט אקעגן די ציונים במשך הדורות, איז געווען צוליב וואס די פירער זענען געווען פריי, און האבן געוואלט אויפשטעלן א פרייע ממשלה, אזוי ווי זיי האבן ליידער געטוהן, און אלע האבן פארשטאנען אז אזא זאך טאר מען נישט צולאזן, נאר מ'דארף עס איבערדרייען און אוועקשטעלן ע''פ תורה,
איך האב מקצר געווען וויבאלד איך בין נישט אזוי אויסגעקאכט אין דעם און אפשר צוזאמען וועט מען קלארער ווערן.
איך בעט אויב מעגליך זיך צו האלטן ביי די נושא און נישט אוועקפארן, אזוי אויך זיך צו באציען נארמאל ווען מ'רעדט אויף אנדערע, אפילו דו האלסט נישט פונקט אזוי.
