עסן מיט א קול- מער שכיח ביי די היימישע ציבור?

[שאלתיאל]

איך בין היבש סענסיטיו צו מענטשליכע קולות פון עסן. ווען כ'זיץ מיט א מענטש, אדער נעבן א מענטש וואס עסט מיט א קול (פארשטייט זיך אויף א הויעכע וואליום) שטערט מיך עס שטארק און ס'מיך פשוט נישט אנגענעם צו רעדן מיט אים אדער אפי' זצן נעבן. אפטמאל קומט דאס באגלייט מיט א ברייט אפענע מויל וואס אנטפלעקט איר אומהיימליכן אינהאלט פארן ברייטן פובליקום.

לעצטנס האב איך באקומען די איינדרוק אז דאס איז מער טרעפבאר און איינגעפירט צווישן די היימישע ציבור ווי ביי די אלגעמיינע גאס. ס'איז א פערזענליכע איינדרוק און ס'איז מסתמא אויך ווייל כ'האב מיך געדרייט מער ביי אונזער ציבור.

האט נאך איינער אזא איינדרוק?

קען א מענטש טוישן אזא אויפירונג?

איז עס א געבוירענע זאך אדער א זאך וואס מען האט זיך נישט אויסגעלערנט אינדערהיים אלץ קינד?

[moody]

מיין רבי פלעגט זאגן אז גוים עסען נישט איידל סא איי געס אז עס מאכט מער ביי גוים. אבער ערענסט גערעדט עס קומט מיר כמעט נישט אויס צו עסן מיט קיין אלגעמיינע עסערס

[לייביששרייבער]

וואס מיינט אלגעמיינע עסערס?

[berlbalaguleh]

איינער האט אמאל געזאגט אז ביי אידן זעהט מען רעדן. און מ'הערט עסן...לאל.

[שאלתיאל]

וואס מיינט אלגעמיינע עסערס?

גויים בלע"ז אדער אפי' מער מאדערנע אידן

[לייביששרייבער]

אהה, איך האב נישט געוואוסט אז אין אלגעמיין עסן נאר די גוים און די מער מאדערנע.

[קהל'ס נער]

ס׳זעהט אויס ווי ס׳איז א נייע טרענד צי קריטיקירן אלעס וואס מיר חרדים טוען, האלאו ס׳דא גענוג און נאך פראבלעימען אויף וואס צי קריטיקירען מען ברויך נישט זוכן פון אונטער די ערד.

[לייביששרייבער]

ס׳זעהט אויס ווי ס׳איז א נייע טרענד צי קריטיקירן אלעס וואס מיר חרדים טוען, האלאו ס׳דא גענוג און נאך פראבלעימען אויף וואס צי קריטיקירען מען ברויך נישט זוכן פון אונטער די ערד.

איך זעה נישט אז די זאלסט זיין אזא קהלס נער. איך שטום אריין מיט דיר א יעדעס ווארט דא.

איז דער שרייבער עפעס מער ווי דער היימישער קאקאש, אז דער סעקט אין חסידים און יענער סעקטע עסט הויך?

איך האב נאך נישט באגעגענט קיין היימישער הויעכע אדער פלאטשיקע היט וואס עסט הויעך, אדער איז היידזשעניקעלי שוואכער פון די שיינע באפוצטע פערפיום שמעקענדע אורחים

[berlbalaguleh]

אהה, איך האב נישט געוואוסט אז אין אלגעמיין עסן נאר די גוים און די מער מאדערנע.

לייביששרייבער: א יעדער (בעל חי) עסט. נאר זיין (שאלתיאל'ס) נקודה איז אז היימישע אידן עסן אויף א (הויכן) קול. מער ווי אנדערע. למשל. צומאלן קרעקערס. וועללן היימישע אידן טון מיט גרויס התמדה. און מיט אן אפן מויל...לאל. ווייז מיר א גוי אדער א מאדערנעם איד וואס רוקט אריין א "לעפל" הערינג מיט דעם גאנצן געשמאק וואס א "היימישער" טוט ביי א קידושא רבה. און ער שווענקט עס נאך אפ מיט א גלעזל בראנפן...!.

[בְּתוֹךְ עַמִּי]

די סענסעטיוועטי איז א קאנדישאן וואס ווערט באריכטעט אלץ עפעס וואס קען היפש באדערן און נערווירען א מענטש און האלט אים צוריק פון סאשעלייזען וכו׳ ויקרא שמו בעולם הרפואה: Misophonia

[berlbalaguleh]

בתוך עמי: דו ביסט גערעכט. ביי א קידוש האקט מען אויף ביידע באקן. קיינער קוקט נישט אין יענעמ'ס מויל. וויאזוי און וואס ער עסט. ספעציעל נאך א לאנגן, פארצויגענעם מוסף און שחרית וואו דער בעל תפילה גארגלט זיך. און האט ליעב צו הערן זיין אייגן קול.

[צקון לחש]

מענין לענין, ס'דא מענטשן וואס ביים דאווענען אטעמען זיי הויעך, מיט אזא ש' סאונד איך האלט אז דאס קומט פון רעליגיעזע OCD צו אניאגן ווערטער מער ווי מ'קען אזש מען פארלירט דאס לעצטע ביסל סעלף עווערנערס, נאך איינער איז מיט מיר?

[לייביששרייבער]

אהה, איך האב נישט געוואוסט אז אין אלגעמיין עסן נאר די גוים און די מער מאדערנע.

לייביששרייבער: א יעדער (בעל חי) עסט. נאר זיין (שאלתיאל'ס) נקודה איז אז היימישע אידן עסן אויף א (הויכן) קול. מער ווי אנדערע. למשל. צומאלן קרעקערס. וועללן היימישע אידן טון מיט גרויס התמדה. און מיט אן אפן מויל...לאל. ווייז מיר א גוי אדער א מאדערנעם איד וואס רוקט אריין א "לעפל" הערינג מיט דעם גאנצן געשמאק וואס א "היימישער" טוט ביי א קידושא רבה. און ער שווענקט עס נאך אפ מיט א גלעזל בראנפן...!.

איך דענק נישט אז הערינג מיט קרעקערס זאל מאכן עפעס אן העכערע קול ווי סיי וואספארא טאקא מיט פולד ביך דערינען, אן אפענער מויל, לאמיר כאפן א שפאציר אין סיי וואספארא רעסטראן די אלגעמיינער עסער עסט און ער זיצט דערט מיט חברתו הטהורה און האט א גוד טיים צו עס איז אנדערשט

[שאלתיאל]

ס׳זעהט אויס ווי ס׳איז א נייע טרענד צי קריטיקירן אלעס וואס מיר חרדים טוען, האלאו ס׳דא גענוג און נאך פראבלעימען אויף וואס צי קריטיקירען מען ברויך נישט זוכן פון אונטער די ערד.

ס'טאקע קאווע שטיבל ווייב דא אבער נישט יעדער זאך איז דייקא צו קריטיקירן חרדים. גלייב מיר אז כ'האב נישט געזוכט דא צו קריטיקרן סתם, ס'איז סתם א זאך וואס שטערט מיך פערזענליך האב איך עס מיטגעטיילט

[שאלתיאל]

אהה, איך האב נישט געוואוסט אז אין אלגעמיין עסן נאר די גוים און די מער מאדערנע.

כ'האב געמיינט 'אלגעמיין' אין קאנטראסט צו אונזערע ציבור. נישט אז אין אלגעמיין עסן נאר די גויים מיט די מאדערנע

[טראפעלע]

[שאלתיאל]

די סענסעטיוועטי איז א קאנדישאן וואס ווערט באריכטעט אלץ עפעס וואס קען היפש באדערן און נערווירען א מענטש און האלט אים צוריק פון סאשעלייזען וכו׳ ויקרא שמו בעולם הרפואה: Misophonia

אינטערסאנט. כ'האב נישט געוויסט פון דעם

[דער גאלדענער אדלער]

די סענסעטיוועטי איז א קאנדישאן וואס ווערט באריכטעט אלץ עפעס וואס קען היפש באדערן און נערווירען א מענטש און האלט אים צוריק פון סאשעלייזען וכו׳ ויקרא שמו בעולם הרפואה: Misophonia

יא, כ'קען מענטשן וואס ליידן דערויף גאר נארמאלע מענטשן, קלוגע מענטשן וועלכעס פעהלט זיי גארנישט אין אנדערע חלקים אין לעבן. און ניין, ס'האט גארנישט צוטוהן מיט היימישע אידן אדער גוים, ס'פשוט א גייסטישע קרענק.
און ס'זייער אומאנגענעהם (מילד גערעדט)סיי פאר די וואס ליידן דערויף און סיי פאר די ארומיגע וועלכע עסן. און די וועלכע ליידן אויף מיספאניע מוז נישט דער וואס עסט עסן מיט א ספעציעל הויכע קול פון קייען אדער לעקן הויך, נאר אפילו עסן איידעלרהייט, רואיג און שטיל וועט דאס אויך שטארק שטערן פאר די וואס ליידן דערויף, ממש ביז זיי קענען טאנצן פאר כעס און אפילו אנטלויפן פונעם טיש. ס'זענען פארהאן פעלער ווי מ'קען ממש נישט עסן גארנישט און אפילו נישט סתם רוקן די צינג אין פארענט פון די וועלכע ליידן דערויף, ווער רעדט נאך קייען פאפיטאס אדער עסן מצה אדער אריין בארזשן א פיינעם פאסטראמע סענדוויטש.

ס'איז אבער פארהאן טעראפי דערויף עס גרינגער צו מאכן אדער אפילו אינגאנצן עס אויסצוהיילן עס רופט זיך Tomatis

[קידוש]

איך קען נישט פארליידן ווי מענטשן "טרינקען" די זופ הויך
ווייפפככככ.... ווייפפכככ

ווייס וואס איך מיין... ווען מען שלינגט די טשיקען זופ ביים סעודה און מען ציעט אריין די זופ

[שמעקעדיג]

פאראן פלעצער אין די וועלט ווי דאס "שלינגען" זופ הויך איז גאר א מעלה...

[[NAMELESS]]

זיכער נישט מער שכיח ביי היימישע אידן ווי אין אלגעמיין. איך האלט זיך צוריק פון קוקן סרטים אין וועלכן מען הערט מענטשן קייען, שלינגען זופ, און דאס גלייכן. ס׳נעמט מיר ארויס פון גלייכגעוויכט. איך האב עטליכע נאנטע חברים וואס איך גיי קיינמאל נישט ארויס מיט זיי עסן וויבאלד זיי מאכן גערודער, און כ׳האב שוין אמאל שיעור עמיצן ארויסגעטראסקעט פון מיין קאר אינמיטן א הייוועי ווייל ער האט געגעסן און געטרינקען מיט גערודער.

[berlbalaguleh]

מענין לענין, ס'דא מענטשן וואס ביים דאווענען אטעמען זיי הויעך, מיט אזא ש' סאונד איך האלט אז דאס קומט פון רעליגיעזע OCD צו אניאגן ווערטער מער ווי מ'קען אזש מען פארלירט דאס לעצטע ביסל סעלף עווערנערס, נאך איינער איז מיט מיר?

צקון לחש: נישט זייער. אפשר אנדערע. איך דאוון בניחותא און כ'האב פארפאקט די יאגערס און כיפערערס.

איך האב אמאל געפרעגט פון אן עלטערן איד וואס האט זיך זייער שטארק געיאגט ביי קבלת שבת און מעריב, פארוואס ער האט געסטאפט ביי עלינו. ער האט געקענט ווייטער דאווענען שחרית, מוסף און מנחה אן געענדיגט מיט שבת...!

[[NAMELESS]]

ר' בערל, איר זענט גערעכט. אבער אויב איינער איז איינגעוואוינט צו יאגן דאס דאווענען אין דערוואכן וועגן ארבייט אדער איזה סיבה שתהיה, איז שווער אפצולאזן די געוואוינהייט אפילו ווען עס איז שבת.