שריפטשטעלער טיטל

[שערי יושר]

לייביששרייבער?

[לייביששרייבער]

איז אזוי, עהעם, כ'ווייס נישט ווי אזוי מען זאגט דאס, אבער עפעס זעה איך פלוצלינג אז איך בין א (איין-שטערנדיגע) שריפטשטעלער. איינער ווייסט וואס דאס מיינט? אדער איז דאס בלויז א בייזער חלום?

קאנגראטאלאציע !!!

Sent from my SM-S908U using Tapatalk

[לייביששרייבער]

קורקלענד: נחמתני. ס'איז אבער דא א פערספעקטיוו פון יענעם. ווי דער אויסדרוק אין די גמ' ..."ואיהו מאי קא סבר"?...! ס'ליגט מיר אין די לינקע פיאה די גאנצע זאך.אפילו דעם אזוי-גערופענעם טיטל..."חבר הכבוד"...האביך אויך אין בוידעם. וואס האביך דען פון דעם...?! מ'רעאגירט בעסער צו מיינע תגובות...אדער אשכולות?! א נעכטיגן טאג....!

נאר וואס ס'באדערט מיך באמת איז, דער פאקט אז 2 פון די גאר חשוב'ע און אנגעזעהענע שרייבערס דא ווייזן ארויס אראגאנץ. למשל. ווען איך שטעל א פראגע אדער דרוק אויס א מיינונג. האב כאטש בעיסיק מענטשליכקייט צו אנערקענען אז איך האב געזאגט עפעס. דו מוזסט נישט מסכים זיין מיט דעם וואס איך זאג. אבער פאר נישט ארויף אויף מיין תגובה אדער מיינונג ווי גלייך איך האב גארנישט געזאגט. איך בין לופט. זיי האבן עס געטון מער ווי איין מאל. און מער ווי 2 מאל. איך האב אייביג מלמד זכות געווען. אבער ס'טוט מיר באמת וויי...!

עס איז נישטא קיין סאך ליינער וואס קענען לייקען די אזוי וואס רייכע, באלערנדע, און ידיעות'דיגע אשכולות. דער עמך ליינער כאפט ניט אמאל אז דא איז דא א באמבע א חידוש אין דעם שריפט-שטעלעריי. דיינע ארטיקעלן זענען יותר מהשגות פשיטי עם. איז וויפיל לייקס קען מען שוין באקומען פון די וואס פארשטייען יא אין די חומר ?


Sent from my SM-S908U using Tapatalk

[לייביששרייבער]

לייביששרייבער?

אזא אינדארסירונג דאס איז ממש א סורפרייז איך האב זיך אויף דעם נישט געראכטן.
איך טוה עס זייער אפרישיעטן.

[חדשים]

באקומען אין אישי:

כ'וואלט שטארק ממליץ געווען אויף @חדשים; שוין דא גאנץ לאנג און איז פון די מערסט-תוכנ'דיגע ניקס אינעם שטיבל.

ש'כח פאר אייער ארבעט.

מזל טוב @חדשים!

מיט א ציטערדיגע דרוק אויפ’ן נאטיפיקאציע וואס ליינט זיך אז איר זענט געטעגט געווארן דורכ’ן מנהל, קומען ארויף די חדר קאשמארן, די פריערדיגע מאל וואס איך בין געקומען אין בארירונג מיט א מנהל. די מחשבות לויפן צווישן די סקעמערס און די העמק דבר אשכול, ביידע עפעס וואס די מנהל איז לעצטנס שטארק עוסק. איך זיך נישט יעצט זיך צו ספראווענען צו דארפן אויפווייזן מיין אומשולד. איך בין דאך ריין כתינוק בן יומו, בכל יום יהיו בעניך כחדשי”ם.

זיך טרעפענדיג אין די שריפשטעלער אשכול, בין איך פארוואונדערט געווארן. וואס?! הגם חדשים בנביאים?! איך פיל מיך ווי דער עושר וואס האט אפאר מיליאן דאלער אין באנק און מען האט אים פארפרוירן זיין אקאונט, ווי דער שיכור וואס מען האט געגעבן די כוחות צו טיילן ברכות, און ווי דער ינוקא וואס איז געווארן רבי. א מענטש קען אמאל באקומען/האבן עפעס און ער קען עס נישט איינקעשן, ווייסט אפילו נישט וואס ער האט אדער וויאזוי מען נוצט דאס. איך קוק מיך אן ווי א מקבל און נישט ווי קיין משפיע. ווער איז דער ניק וואס קוקט מיר אן אלץ א שריפטשטעלער? וואס וויל ער דערפאר?

שוין, נסתרים דרכי ה’, כל מה דעבד רחמנא לטב עבד. מיר זענען זיך מכניע און מיר זענען מקיים די כל מה שבעה”ב אומר לך עשה. זאל מקוים ווערן די הבטחה אז די חיצונות איז מעורר די פנימיות. די שריפטשטעלער טיטל זאל נישט פארשעמט ווערן. נישט נאר ביי מיר נאר ביי אלע. נולדה שריפטשטעלער במשפחה נתרפאה כל המשפחה. כידוע, אין בן דוד בא עד שיכלו כל הנשמות שבגוף, מען דארף מקרב זיין די גאולה. די מנהל שטייט גרייט צו פארטיילן אלע איבריגע שריפטשטעלערס. מאכטס פלאץ ווי די ברכה זאל קענען חל זיין, די שריפטשטעלער זאל קענען רוען ביי ענק אין שטוב. ויתקיים בנו די וואכעדיגע ארץ ישראל’דיגע פסוק, ומי יתן כל עם ה’ נביאים כי יתן ה’ את רוחו אליהם, במהרה דידן.

[שמן למאור]

שריפטשטעלערס האבן באקומען א נייע פונקציע: די מעגליכקייט צו עפענען אנקעטעס.

וויאזוי ארבעט עס? איך האב נישט געטראפן די מהלך.

[[NAMELESS]]

לענ״ד איז שוין צייט צו געבן די שריפטשטעלער טיטל פאר ידידינו הנערץ @לייביששרייבער, גאנץ א נייע שרייבער, אבער א קנקן חדש מלא ישן, ער געבט צי א געוואלד צו אונזער באליבטע שטיבל מיט זיינע הערליכע לאנגע תגובות, ווי אויך קומט ער זיך גאר גוט אויס מיט יעדעם, בקיצור דער בחור האט לענ״ד אלע קוואליפאקאציעס פאר אזא טיטל.

[לייביששרייבער]

לענ״ד איז שוין צייט צו געבן די שריפטשטעלער טיטל פאר ידידינו הנערץ @לייביששרייבער, גאנץ א נייע שרייבער, אבער א קנקן חדש מלא ישן, ער געבט צי א געוואלד צו אונזער באליבטע שטיבל מיט זיינע הערליכע לאנגע תגובות, ווי אויך קומט ער זיך גאר גוט אויס מיט יעדעם, בקיצור דער בחור האט לענ״ד אלע קוואליפאקאציעס פאר אזא טיטל.

מען דארף גרויס ס''ד אבער בס''ד וועט זיין אנקידטש השם

[לייביששרייבער]

שאק ענד הא איז א שוואכער אויסדריק אין וואס איך געפון זיך אין די איצטיגע מינוטן. איך קען זיך דער אטעם נישט דערכאפן פון דעם כבוד וואס ווערט דא צוגעטיילט פאר מיינעט וועגן.

איך פארשטיי נישט און איך ווייס נישט על מה ולמה עלה עלי עבדות כזה. לאו שררה אני נוטל כאן אלא עבדות. איך ווייס נישט ווי אזוי אנצופילן אזאנא גרויסע שיך. איך קוק מיך אום אויפן שריפט שטעלער אויבאן און איך זעה רעכטס און לינקס לייבן און וואס פארא לייבן גרוב מען האט מיר דא אריין געפירט.

עס דערמאנט מיך א משל פון ר' יעקב גאלינסקי זצ"ל

עס איז ערשינען אן אנאנס אין די צייטאנג אין א גרינעם דינסטאג. דער גן החיות האט גאר א גוטער פארצאג פאר דעם ריכטיגער קאנדידאט. גאר א גרינגער אנגענעמער ארבייט, פאר אינטערסירטע ביטע קומען זיך לאזן אינטערוויונירן ביים פארוואלטונג זעהן צו דער ארבעט איז פאסענד און די באצאלונגען. והוא היום יענקל גייט צום אינטערוויו מיט דעם פארוואלטונג אפיציר און ער זאגט עים אזוי.

דער לייב פונעם זא איז ל"ע גאשטארבן און א גן החיות אן קיין לייב איז קיין זא נישט. א לייב איז דאך א פוילער חיה מען דארף נישט זיין פלינק אדער אקטיוו. מיר האבן אראפ גענומען דעם פעל פונעם טויטן לייב מיר ווילן דאס אנטוהן פאר א מענטש און דער מענטש זאל שפילן לייב צום עולם ווי לאנג א נייער לייב וועט קומען פון טונוזיע סאפארי. וואס קומט קוקען אויף דעם לייב א יעדע פאר מינוט דארף מען ארויס לאזן א ברום און שוין. און באצולונג איז כך וכך, והנה הלייב. יענקל טראכט גאנץ א פיינער אנגענעמער דזשאב, די באצאלונגען גאנץ פיין, נישט שווער געגאנגען.

בסדר מארגען אינדערפרי 9:00 אזייגער זאלסטו דא זיין און מען וועט אנהייבן ארבייטן.

יענקל קומט אן מארגען אינדעפרי מען טוהט עים דעם פעלענעם קאסטיום מען לייגט עים אריין אינעם חיות טראק ער קניט ווי א לייב, עס זעהט אויס געוואלדיג מען לייגט ארויף דעם האלדז שטריק . ויסעו, מען קומט אן צום גארטן יענקל קריכט ארויס מין פארוואלטער האלטענגי דעם האלדז שטריק. בראווא קלאטשען אלע צושויער עס איז דא א לייב. יענקל אינעם פעל קאסטיום שפילט זיין ראלע מוארעדיג, ער קריכט אהער און אהין א יעדע פאר מינוט לאזט ער ארויס א ברום, געוואלדיג.

עס גייט נישט אדורך אפאר מינוט און צוויישען די שטיינער זעהט יענקעל א לייבקע ארויס שפאצירן אריין און גארטן. יענקל הייבט אן שוויצען נאך א סקונדע גייט ער ווכרן פארציקט פאר א געשמאקער סעודה פונעם לייבקע.

ער הייבט זיך אן צוריק צוען אזוי ווי א לייב וואלט זיך ווען צוריק געצויגען שפילט ווייטער זיין ראלע שוויצענדיג צוטערנדיג וואס וועט אין די נעקסטע פאר סקונדעס פאסירן מיט עים. ער לאזט ארויס א ברום און דאס לייבקע טוהט דאס זעלביגע.

די לייבקע קומט נענטער און נענטער, יענקל האט שוין נישט ווי צו אנטלויפן מער, ווי נאר זי איז שוין ממש נעבן עים געט ער א געשריי "שמע ישראל"

נישט מער נישט ווייניגער ער הערט ווי די לייבקע זאגט עם צוריק. זיי שטיל מען וועט נאך איינערקענען אז דאס איז א דזשויק שוואג מיר וועלן פארלירן דעם דזשאב.

א צושויער וואס האט מיט געהאלטן דעם גאנצער שפיל איז געווארן כעסיג, ער לויפט מיט איין בהלה צום פארוואלטונג מיט קולות וברקים צוריק מיטן געלט מען מאכט דא חוזק פונעם צו שויער היתכן הכזונה יעשה לנו, זענען מיר דיינע נערנים אהער מיטן געלט.

דער פארוואלטער קוקט עים אן מיט א ראוגקייט און ענטפערט איך פארשטיי אייך אינגאנצען נישט. דער לייב האט געברומט און געשפילט לייב פאר שעות און אלעס איז גוט געוועזן איין מאל ער האט גערעדט א מורמעל פאר א סקונדע איז עס אויס לייב, וואס פארפירסטו אזוי ?

דאס איז קיין לייב נישט. א לייב וואס רעדט נאר פאר איין סקונדע איז קיין לייב נישט געווען און וועט קיין לייב נישט זיין.

רבותי איך האב גפרעפעלט מיט מיין קי באורד אביסעל ווער איך שוין א שרופט שטעלער? די לייבן ארום מיר וועלן מיר פארציקען מיט זייערער פעדער, זיי זענען די ריכטיגע שריפט שטעלער לייבן און וועלן מיר פארציקען. זיי זענען ריכטיגע לייבן און זיי וועלן נישט ענטפערן זיי שטיל מיר זענען נישט קיין לייבן.

איך ווייס נישט פארוואס איך האב צו דעם זוכה געווען. מיר וועלן זיך מוזן אין האנט נעמען און ארבעטן צו ווערן א לייב און מאכן זיכער אז די ליינער לויפן נישט צום פאוואלטער שרייען דאס איז נישט פארוואס מיר קומען אין ק"ש מיר דארפן א ריכטיגער לייב.

מיר וועלן ענדיגען מיט די ווערטער וואס אסאך גרעסערע פאר מיר האבן שוין געזאגט לאו עבדות וכ"ו און פרובירן בס"ד צו ערייכן מיט רעכט דעם טיטל בשם ה' נעשה ונצליח.

המסיים בברכת שבת שלום ומבורך הק' לייביש

[לייביששרייבער]

לענ״ד איז שוין צייט צו געבן די שריפטשטעלער טיטל פאר ידידינו הנערץ @לייביששרייבער, גאנץ א נייע שרייבער, אבער א קנקן חדש מלא ישן, ער געבט צי א געוואלד צו אונזער באליבטע שטיבל מיט זיינע הערליכע לאנגע תגובות, ווי אויך קומט ער זיך גאר גוט אויס מיט יעדעם, בקיצור דער בחור האט לענ״ד אלע קוואליפאקאציעס פאר אזא טיטל.

מזל טוב @לייביששרייבער

איך בין ממש גערירט ביז טרערן פון די ווארעמע אויפ-נאמע פון די מיט-גליד פון ק"ש. ניטאמאל בין איך דא גאנצע צוויי חדשים און שוין אזאנע אהערע. איך האף מיר וועלן נישט דאדורך צו קומען צו קיין יהרה.

[שעפטאל]

מזל טוב ר' לייביש!!!
ביסט געבוירן דא אלס שריפטשטעלער
דיין אריינטראסקענען דא אזוי איידעל, מענטשליך, מיט אזוי פיהל הערליכע ידיעות. האט אונז אלע גלייך געוויזען אז דו פארדינסט זיך דעם אויבען אהן טיש!

איך בין ממש גערירט ביז טרערן פון די ווארעמע אויפ-נאמע פון די מיט-גליד פון ק"ש. ניטאמאל בין איך דא גאנצע צוויי חדשים און שוין אזאנע אהערע. איך האף מיר וועלן נישט דאדורך צו קומען צו קיין יהרה.

א לב טוב ניצט זיין כבוד און רעספעקט צו געבן מער. א גוט ווארט פון א שריפטשטעלער וועגט אסאך מער.
בטוח אני בלייביש אז דו וועסט קיין בעל גאוה נישט ווערן..

[berlbalaguleh]

שעפטאל: ואני הקטן אומר. און איך בערל בעל עגלה זאג אז דו ר' שעפטאל ביזסט אויך ווערד דעם טיטל פון שריפטשטעלער. פאר די שיינע הערליכע אשכולות וואס דו האסט אויפגעמאכט. און די תוכנ'דיגע שמועסן אין דיינע תגובות. פון וואס (איך בין זיכער) א יעדער בר דעת האט א הנאה. לאמיר האפן אז די נאטשאלסטווא וועט דערהערן מיין קול דממה דקה. און דיר באעהרן מיט דעם טיטל...!

[שמעקעדיג]

שוין, האמיר דא א עכטע ZOO,
ר' לייב-יש אליינס איז מעיד אויף זיך אז ער שפילט לייב, און נאכדעם האבן מיר דעם בער-ל באלעגאלע וואס איז מסכים דערצו, און דער ריזיגער אדלער גיבט נאך א לייק, שרייעט אלע ער גייט ער גייט, גוט שבת!

[שעפטאל]

שעפטאל: ואני הקטן אומר. און איך בערל בעל עגלה זאג אז דו ר' שעפטאל ביזסט אויך ווערד דעם טיטל פון שריפטשטעלער. פאר די שיינע הערליכע אשכולות וואס דו האסט אויפגעמאכט. און די תוכנ'דיגע שמועסן אין דיינע תגובות. פון וואס (איך בין זיכער) א יעדער בר דעת האט א הנאה. לאמיר האפן אז די נאטשאלסטווא וועט דערהערן מיין קול דממה דקה. און דיר באעהרן מיט דעם טיטל...!

שכח ר' בערל פאר די ווארימע המלצה!!
שכח ראש הקהל שמעקעדיג פאר די לייק!!

לעצם הענין
כ'פיהל, ס'נישט פאר מיך, עכ"פ דערווייל. כ'פיהל דוקא קאמפטערביל ווען כ'בין לאו קי. כתלמיד המרצה משנתו בפני רבו.
אסאך גרעסערע פון מיך האבן נישט דעם טיטל.
ווי אויך ווילעך נישט ביליג מאכן אזא חשובע טיטל.

[@מנהל אפשר איז כדי אויפצוהייבן אפאר אלטע שריפטשטעלער'ס צו 2 שטערענדליך וכדו'. ?]

[berlbalaguleh]

שעפטאל: דער לייק איז געווען אז איך בין מסכים. נישט פאר מיר. נאר פאר יענעם...!

[שפילער]

ברצוני לעורר, אז אין אנהייב האט קאוועשטיבל זיך בארימט מיט דער ביטול היש, אז קיינער איז נישט קיין גרעסערע יש ווי א צווייטע. טאמער יעצט האלט מען פאר וויכטיג אז געוויסע זאלן יא באקומן אנערקענונג פאר זייער ארבעט, זאל עס כאטש זיין בצניעות. דער גרויסע גראבע קנעפל 'שריפטשטעלער' לעבן די אוואטאר איז אביסל אומצניעותדיג.

איך וואלט מייעץ געווען א קלענערע צייכן, א שטערעלע לעבן די נאמן, וכדו'. דער שריפטשטעלער פאסטן איז נישט קיין גרויסע פאסטן, א מענטש ווערט נישט אזויפיל שטערקער דערפון. איך וואלט מייעץ געווען אז מ'זאל עס נישט אזוי אויפבלאזן.

הינדערט פערסענט... אין אייוועלט איז דא די גרינע מיט די רויטע חברה...

[שמן למאור]

@מנהל איך געב אריין א פעטיציע פאר @יין שרף און @ביבער

[ביבער]

יישר כח @שמן למאור. די ערשטע מאל וואס איך ליין דעם אשכול. למעשה האב איך זייער זעלטן אליינס געעפנט א אשכול. אפשר מיט דער צייט.

[תרמב]

יישר כח @שמן למאור. די ערשטע מאל וואס איך ליין דעם אשכול. למעשה האב איך זייער זעלטן אליינס געעפנט א אשכול. אפשר מיט דער צייט.

מ’האט נישט געמיינט די פיעטשערס שבו, מ’מיינט די פרעסטיזש וואס ס’קומט דערמיט.

אזוי האב איך עס אנגענומען ווען איך האב עס באקומען..

[חדשים]

לכבוד המנהל שליט”א,

אונטער’ן איינפלוס פון זיין טיפע פעדער, וואלט איך געוואלט רעקאמענדירן צו באצייכענען ידידנו, הידען וחוקר, העילוי הרב אלפא מיט די שריפטשטעלער טיטל.

[שמן למאור]

און אזוי אויך כספי.

[שעפטאל]

זייט די נייע סייט, איז שריפטשטעלער כמעט א טיטל אהן א מיטל.
דעם זילבענעם מעקער קרוין איז צוריק גענימען געווארן.

מ'קען סך הכל מאכן אנקעטע'ס.

כ'מיין אז ער האט די שיקול הדעת פאר מער פון דעם..

[אלפא]

די פראבלעם איז אז שריפטשטעלער זענען בערך 5 פראצענט פון די עולם (- 84 ארויס פון 1674..) אבער אין דאס געשריבנס מאכן זיי אויס איבער האלב (- צייל נאר אין די לעצטע פאר אקטיווע בלעטער).
עס שטעלט זיך ארויס אז חוץ פון געבן א פרעסטידזש איז עס נישט קיין סאך מער (לגבי פיטשורס ווייס איך נישט, און אנקעטעס מאכט קיינער נישט ממילא.)
אפשר איז צייט צו באערן עלטערע שרייבער מיט מער שטערנדלעך? וועט עס כאטש ארויפברענגען די פרעסטידזש צווישן עקסיסטירענדע שריפטשטעלער אליין..